رواية عيشه تانيه الفصل الرابع والثلاثون 34 - بقلم خديجه احمد

خالد بغضب: مفيش حاجة واحدة تخليه يعمل كدا غير إنه راجل خاين ومش بيملى عينه غير التراب. اوعى تفتكري عشان أبويا أنا هدافع عنه. لا أنا أنا أبويا هو اللي حط راسي في الأرض قدام نفسي لما شكيت مجرد شك إنه بيخون أمي. وأنا ليا كلام تاني معاه. اتفوه على دي أشكال يشيخه. وخرج ورزع الباب وراه. نيهال قعدت وحاولت تهدي نفسها واتصلت بسليم. سليم: الو، في حاجة تاني؟ نيهال: في مصيبة يا سليم، مصيبة. سليم بقلق: إيه اللي حصل؟

نيهال: خالد جالي النهارده. سليم بصدمة: خالد؟ خالد ابني؟ أوصي تكوني قولتي له حاجة. نيهال: لأ مقولتش حاجة، هو جه عارف كل حاجة. سليم بصدمة: يعني إيه؟ نيهال: يعني عرف إننا متجوزين يا سليم. سليم: طب اقفلي، اقفلي. سليم كان مصدوم وكان قلقان أوي. هيواجه ابنه إزاي بغلطته؟ إزاي هيعرف أصلاً يفتح كلام معاه في الموضوع؟ بس لأ مفر من المواجهة قبل ما خالد يقول أي حاجة لإيمان. خرج خالد من عندها واتوجه لعربيته وطلع سيجارة.

كأنه بيطلع كل غله فيها. عدت ساعات كتيرة وهو قاعد نفس القاعدة لحد ما الوقت اتأخر وقرر إنه يروح. دخل البيت لقى الأنوار كلها مطفية، معادة نور خافت كدا من الريسبشن. دخل لقى مريم نايمة على الكنبة. خالد بصوت خافت: مريومة، مريومة. مريم وهي بتفرك في عينها: اتأخرت أوي كدا ليه؟ خالد بابتسامة: كنتي مستنياني؟ مريم بتوتر: يعني عادي، كنت قلقانة شوية بس يعني حمدلله على السلامة. أنا هطلع أنام.

خالد وهو بيمسك إيدها: استني، عايز أتكلم معاكي. مريم بقلق: مالك؟ خالد بابتسامة باهتة: اللي شايله في قلبي مش هقدر أحكيه لحد يا مريم. مش عايز أفضح حد. ربنا قال من ستر مسلم ستره الله. أجي أنا وأفضحه؟ مريم: أنت عارف إنك لو حكيت لي عمري ما هحكي لحد. بالعكس أنا هحاول أساعدك. خالد بحزن: مش عارف. مريم وهي بتطبطب على راسه: ولا يهمك، المهم متزعلش نفسك. كله هيتحل بإذن الله. خالد بابتسامة: آمين. خالد: طب أنا هروح أنام بقى.

مريم: بس أنت مأكلتش. خالد: مليش نفس، تعبان أوي. مريم: طب ك.. ولسه هتكمل. باسها من خدها. وقال: والله مليش نفس، يلا تصبحي على خير. وطلع. مريم بصدمة: إيه العيلة دي؟ عند داليدا. سلمى: ياااه يا بنتي، دا أنتِ بقالك كتير مجتييش. داليدا: يعني كان عندي شوية حاجات في البيت خليتني معرفش أجي. سلمى: ماشي يا ستي، بس اديني حتى رقمك أبقى أكلمك. داليدا: آه أكيد، اكتبي عندك. سلمى: أشطة. علي دخل.