رواية عيشه تانيه الفصل السادس عشر 16 - بقلم خديجه احمد

مريم: وهي بقا بتحبك؟ خالد بتفكير: مش عارف مش عارف خالص... مش عارف هل هي بتحبني ومخبيه ولا مش بتحبني ومنفضالي ولا أي بالظبط. مريم فهمت إنه بيتكلم عليها. قربت منه بهدوء. مريم وهي بتبصله في عينه: يمكن هي مش مستعدة دلوقتي، يعني مثلاً عايزة الأول تركز في مستقبلها وتتخرج وبعد كده تفكر في الموضوع. خالد بابتسامة أمل: يعني هي ممكن تفكر فيا بعد ما تتخرج؟ مريم بابتسامة: أكيد.

خالد كان قلبه هيطير من الفرحة. أخيراً عرف ردها. هي آه ما قالتلوش صريحة، لكن هو كان فاهم إنها تقصد كل كلمة قالتها، وهو ممكن يستناها العمر كله، مش بس لما تتخرج. حذيفة بيفرك في عينه وبيصحى. بيبص في الساعة. حذيفة بصدمة: أحيه! أنا كنت مفروض أبقى عند أحمد من الصبح. وبعدين إيه الزهايمر ده! فجأة تليفونه رن. حذيفة: الو يسطا. أحمد بعصبية: أنت يا زفت اتأخرت ليه؟ حذيفة: معلش يسطا، والله راحت عليا نومة.

أحمد: طب انجز عشان إحنا خارجين. حذيفة: أنا شكلي هتأخر، فقولي رايحين فين وهجيلكم على هناك. أحمد: أشطة، إحنا هنروح ملاهي. حذيفة بسخرية: ملاهي؟ أنا حذيفة طول بعرض هروح ملاهي! أحمد: ونبي قطمنا بسكاتك، حبيبة القلب هي اللي اقترحت، وداليدا شبطت برضه، فقولنا نوديهم وخلاص. حذيفة: آه طالما ملوكة هي اللي مختارة يبقى هنروح يعني هنروح. أحمد: يعم اتلهي. داليدا: الله! دي كبيرة أوي! ملك: أيوه، وفيها ألعاب كتير أوي. نبدأ بأي لعبة؟

داليدا وبتشاور على لعبة خطيرة: أي رأيك في دي؟ ملك: حلوة دي، أشطة يلا نركبها. داليدا باستغراب: إيه؟ انتوا مش هتركبوا معانا ولا إيه؟ علي وهو ماسك في إيد أحمد: لا، روحوا انتوا. إحنا هنجيب آيس كريم ونستناكم هنا. آدم وهو بيهمس لعلي في ودنه: أقولها إنك بتخاف من المرتفعات؟ علي: اكتم يلا! لو سكت هجيبلك آيس كريم بتلات أدوار. آدم: وحياة أمك. علي: وحياة أمي، بس متفضحنيش، كارزمتي هتضيع في الأرض.

آدم: خلاص متخافش. المهم تبقى قد كلامك. علي: عيب عليك. حذيفة من وراهم: بتعملوا إيه؟ علي بخضة: يعم خضتني! حذيفة بغمزة: أنا سمعت كل حاجة. علي: أهو ده اللي كان ناقص. حذيفة: بقا كده، ماشي، أنا هروح أقولهم إنك بتخاف من المرتفعات. علي بابتسامة مصطنعة: هه، تعالى بس يا زوز وخليك تلعب مع حبيبة القلب. حذيفة: وحياة طنط نيبو. علي بنفاذ صبر: إيه موضوعكم النهارده؟ كل شوية "وحياة طنط نيبو"، "وحياة طنط نيبو" يا عم!

حذيفة: خلصانة، لما ينزلوا من اللعبة خليها تركب معايا الترامبولين.