رواية ابن عمي الفصل التاسع 9 - بقلم اميرة محمود

نور بعد ما سمعت كلام هنا نزلت جرى وخرجت من الفيلا وهي بتجرى مش عارفة هتروح فين. أحمد قال لهنا: "القلم ده هدفعك تمنه." هنا: "عايزني أشوفها في أوضتك وبتبوسها؟ أحمد لبس تيشرت وهو بيجرى يلحق نور. هنا شدته من إيده. هنا: "إيه بتجرى وراها ليها؟ أحمد: "دي مراتي." وشال إيدها وراح ناطرها وجرى ورا نور. هنا بوجع: "مراتك؟ أحمد خرج مش لاقيها. دور في كل مكان، فص ملح وداب. نور قعدت عالكورنيش لحد ما ليل ليل. وبعد ما هدت كلمت جودي.

جودي: "أيوه يا نور، انتي فين؟ نور: "أنا قاعدة عالكورنيش، ممكن تجيلي بس متقوليش لأخوكي أمانة عليكي." جودي: "تمام، أنا جيالك حالا." جودي نازلة عشان تروح لنور. أحمد: "رايحة فين؟ جودي: "رايحة أجيب حاجة." أحمد: "عرفتي مكان نور؟ جودي: "لأ، مكلمتنيش." أحمد: "هتجيبي إيه؟ جودي: "هجيب حاجة من الصيدلية." أحمد: "ماشي." جودي ركبت عربيتها وراحت لنور. نور عينيها ورمة من العياط. جودي: "مشيتي ليه؟ حصل إيه؟ وبتعيطي ليه؟

نور: "عشان كان في حاجة فكرت في دقيقة إنها بتاعتي." أحمد واقف وراهم وقال: "ومين قالك إنها مش بتاعتك؟ نور وجودي واقفين مصدومين. نور: "مش أنا قيلالك متقوليلوش." جودي: "والله ما قولتلها." أحمد: "كنت حاسس إن جودي بتكذب. جودي لو سمحتي روحي دي الوقت." نور: "لو سمحت يا دكتور أحمد روح معاها وسيبوني لوحدي. أنا هكلم بابا وهو هيعرف بطريقته إني أروح له." جودي: "أنا ماشية." وسابتهم يتكلموا مع بعض. أحمد: "بتقولي لبابا إيه؟

هتقوليله إن واحدة دخلت عليه أنا وجوزي وسيبتلها جوزي ونزلت؟ نور: "أنا اتضربت قدامك." أحمد: "مردتيش ليها القلم ليه؟ نور: "عشان فعلاً أنا اللي غلطانة." أحمد: "غلطانة في إيه؟ تسيبي البيت وتجري بالبيجامة في الشارع؟ أنا لو منك كنت رديت ليها القلم." نور: "لو سمحت امشِ." أحمد: "انتي مجنونة؟ أسيب مراتي نص الليل في الشارع وبالبيجامة؟ نور: "متقولش مراتك دي، أنا مش مرات حد." أحمد: "طب يالا نروح، الناس عمالة تتفرج علينا."

نور: "مش ماشية، امشي إنت." أحمد شالها وفتح العربية دخلها فيه. نور: "انت اتجننت رسمي والله." أحمد ركب جنبها وساق العربية. أحمد: "آه اتجننت فعلاً من أول ما شفتك يا أوزعة." نور ابتسمت. نور: "طب سوق يا مجنون." أحمد: "أنا جعان قوي، تيجي نجيب أكل؟ نور: "لأ، عايزة أنام." أحمد: "لأ لازم تاكلي عشان البيبي." نور وشها اتغير. نور: "قولت مش هاكل." أحمد: "انتي قلبتي ليه؟ نور: "عشان ده جاي من اغتصاب وهفضل افتكر كده طول الوقت."

أحمد: "ممكن تحاولي تنسي؟ جايز ربنا عمل كده عشان نكمل مع بعض." نور: "انت بتحب هنا؟ أحمد: "أنا بحبك انتي ونفسي أكمل معاكي انتي ونفسي ولادي يبقوا شبهك انتي." نور: "وده من امتى؟ أحمد: "من أول ما شوفتك يا أوزعة." نور: "طب وهنا؟ أحمد: "كانت مرحلة وعدت. وعشان خاطري حاولي تنسي اللي حصل، أنا نفسي أكمل معاكي ونفسي ما أخسرش ابني اللي كان سبب في إننا نكون مع بعض." نور: "بجد؟ أحمد باسها من جبينها. أحمد: "طبعاً بجد."

نور: "خلاص، ماشية." أحمد: "هتعطيني فرصة أصلح اللي عملته؟ نور: "مش قولت هتجيب أكل؟ أحمد بضحك: "مش قولتي مش جعانة؟ نور: "لأ جعانة، بس هنروح مطعم إزاي بهدومي دي؟ أحمد: "أقولك ع حاجة؟ أي رايك ناكل في المطبخ زي ما كنت باجي أقفشك وأكل معاكي؟ نور: "لأ، جالي عقدة منها." أحمد زعل من نفسه. أحمد: "مش قولنا هننسى؟ نور: "خلاص تمام. أي رايك نجيب رنجة ونروح نعملها وناكلها في المطبخ؟ أصل أنا نفسي فيها قوي." أحمد: "رنجة؟

يوم ما توحمي توحمي ع رنجة؟ نور: "وحم؟ حاسة إني صغيرة قوي عالكلمة دي." أحمد: "ضحكتك حلوة قوي." نور: "ميرسي. المهم هتجيب رنجة؟ أحمد: "ماشي ياستي، مع إن مابحبهاش ولا بحب ريحتها، بس هجيبها عشان خاطرك." أحمد نزل السوبر ماركت وجاب رنجة وجاب ليه تونة وروح. نور دخلت المطبخ وبتعمل الرنجة. أحمد قعد يرجع. نور: "😂😂😂 انت في الكام يا بيض؟ أحمد: "امشي يا مؤرفة انتي ورنجتك، أنا هموت 🤮🤮."

نور: "خلاص، كل ما تيجي عليه هجبلك رنجاية ع المخدة." أحمد: "عشان أعلقك ع باب البيت." نور: "😂😂😂 خلاص، أنا أكلت. أنا هدخل آخد شاور." أحمد: "ده انتي محتاجة مطهر يضيع ريحة الرنجة." نور: "تصدق، نفسي أحضنك." أحمد: "امشي من وشي، أنا مصدقت الترجيع وقف." نور: "🤣🤣🤣 ماشي يا دوك." أحمد: "دوك دوك، بس ادخلي خدي شاور." نور: "تمام، أنا طالعة أوضتي آخد الشاور." أحمد: "هو انتي هتنامي في أوضتك بردك؟ نور: "آه." أحمد: "براحتك."

نور: "تصبح على خير." أحمد: "وانتي من أهله." وطلع كل واحد غرفته. نور لقت رسالة ع الموبايل من أحمد. أحمد: "وحشتيني." نور بعتتله: "ده احنا لسه كنا واقفين مع بعض من 10 دقايق." أحمد: "نفسي آخدك في حضني وأنام، مش هرتاح غير وانتي في حضني." نور فرحت وقعدت تقرأ الرسالة أكتر من مرة، وبعدين بعتتله. نور: "ربنا يسهل." أحمد بعتلها: "يارب ❤️." نور: "❤️" أحمد: "بجد ❤️." نور: "انت ما صدقت، أيوه بحبك." أحمد: "أخيراً."

نور لقت الباب بيخبط، فتحت لقته أحمد. أحمد: "أنا عايز أسمعها بودني." نور: "روح نام عشان جودي متصحاش." أحمد دخل وقفل الباب وقال: "أهو قفلت الباب، محدش هيسمع. قولي بقين." نور: "آآآآآآآآنااااا." أحمد: "إيه؟ أطول لسان في العالم مش عارف يجمع كلمتين؟ نور: "بس يارخم." أحمد: "رخمت، رخمت. قولي بقين." نور: "بحبك من قبل ما أجي البيت، كنت بدخل صفحتك وكنت بقعد أسرح فيك. وجيت هنا عشان أشوفك. وكل ما افتكر إنك خاطب كنت بتخنق."

أحمد حضنها جامد وقالها: "أنا بحبك قوي يا بنت عمي." وقرب وشه لوشها وقالها: "متزعليش مني، والله بعشقك." نور بدأت تنسجم مع عشقه. وفجأة بعدت عنهن. نور: "بلاش بلاش يا أحمد. مش هقدر." وقعدت تترعش وتعيط. أحمد: "أنا آسف، أنا خارج رايح أوضتي أهدي، بس اهدى." نور: "طب أخرج." أحمد خرج وهو زعلان من نفسه عالأزمة اللي عملها لنور بدون ما يقصد. نور قعدت تهدي في نفسها لحد ما جالها رسالة من أحمد. أحمد: "أنا آسف."

نور: "محصلش حاجة تتأسف عليها، أنا اللي آسفة. تصبح على خير." أحمد: "وانتي من أهلين." نور ابتسمت وقالت لنفسها: "أنا بعشقك والله، بس مش هقدر. يارب نسيني اللي كان حصل، يارب." ناموا أبطالنا. باتري إيه اللي هيحصل بكرة؟