رواية اضطراب الحب الفصل الثالث 3 - بقلم شهد مصطفي

اياد صرخ باسمها بخوف وشدها ليه. بس هي كانت فقدت وعيها من التعب. اياد شالها وحطها في عربيتة وركب ومشي. في المستشفي. فهد بزعيق وهو ماشي: ازاي تسيبيها تمشي؟ امه زينب: وعايزني اعمل ايه؟ فهد بسخرية: مثلا تمنعيها. واكمل بحدة وجدية: وعلي العموم مراتي هترجع بيتها وعايزك تشيلي بقي من بالك اني ممكن اتجوز نورا، انا مبحبش غير تمارا مراتي وهرجعها. يا امي تمارا هترجع بيتها. فهد مشي بتعب وامه قالت: هنشوف. في فيلا اياد. دخل وهو شايل تمارا وهو بيبصلها. لحد ما رفع راسه علي صوت اخته رنيم. رنيم: مين ديه يا اياد؟ وقربت وقالت بصدمة: تمارا. جدته: ازاي جت معاك يا ابني؟ اياد: هفهمكم بس هطلعها فوق. اياد طلع اوضه ودخل وحط تمارا علي السرير وقال. اياد: الاوضه لسه زي ما هي يا تمارا. اياد اتنهد بحزن وخرج. بينما كانت فيه بنت صغيرة واقفة بتبص. واول ما اياد خرجت قربت من الاوضه. جدته فاطمة: ها يا ابني. اياد: معرفش غير كده بس هي مبقتش تشوف. فاطمة ورنيم بصولوا وقالوا: اياد انت مش هتعمل كده. اياد سكت وقال: مش عارف. فاطمة كانت هتتكلم بس اتصدموا بسبب صوت صريخ. وطلعوا علي فوق واياد وقف مصدوم لما شاف.