رواية اغتصبني واعطيته قلبي الفصل الحادي عشر 11 - بقلم اميرة محمود

مراد، بتتهربي مني ليه؟ كل ده عشان قولت إني حبيتك؟ أيوه، أنا خرجت من المستشفى عشانك وعارف إن الحراسة اللي كانت هناك مكنتش هتعرفي تدخلي بسببهم. عارف ومتأكد إنك كنتي هتموتي وتشوفي. نور، خلصت؟ ممكن أقفل الباب بقا عشان عايزة أنام. مراد، إنتي إيه؟ مبتحسيش؟ مين اللي قالك تبعدي عني؟ نور، أنا محدش قالي. ممكن أعرف أما تقول لبابا، هيقولك إيه؟ فكر كويس يا مراد بيه. لا الوقت ينفع ولا الزمان. مفيش حاجة هتسمح لنا إننا نكون لبعض.

مراد، محدش ليه دعوة بحياتي. حاسبي كده، وراح زقها وداخل. نور، مراد، أنا لوحدي. لو سمحت أخرج بره عشان كده مش هينفع. مراد، أنا هتجوزك الليلة. نور، أنهي مأذون هيبقى صاحي دي الوقت؟ وبعدين أنا عندي 18 سنة يعني لازم وكيل وأنا مليش حد. مراد، خلاص نتجوز عرفي لحد ما الأمور تهدى حوالينا وأجيب خالك لحد هنا ونكتب الكتاب. نور، لو مطلعتيش بره حالا أقسم بالله هصوت وألم عليك العماره. مراد، خلاص إهدي. طب هنتجوز.

نور، اقسم بالله لو ما خرجت لهقتلك. امشي بقى من قدامي. مراد فتح الباب وجاي يخرج، بردك هنتجوز يا نور. مش هتبقي لحد غيري. وراح سيبها وماشي. نور انهارت وفضلت تعيط. كنت حاسة إن عمره ما هيتجوزني زي ما حور قالت. أنا همشي، هروح شقتنا القديمة ومش هاجي هنا تاني. أنا لازم أبعد عن كل اللي حواليا. لازم أرجع لنور القديمة. وراحت لمت هدومها في شنطتها وقفلت الشقة ونزلت راحت بيتهم القديم. حور، حسام بيه، أنا جهزت كل حاجة في الشنطة.

حسام، تمام، بس إحنا مش اتفقنا بلاش بيه دي. حور، ممكن حضرتك تسيبني براحتي. حسام، تمام، براحتك. يللا بينا. وشال الشنط ونزل. حور، أووف. ده الجو تلج. حسام، إنتي لابسة كل ده ولسة سقعانة إزاي؟ حور، مش سقعانة، أنا متلجة. حسام، دلوقتي هنركب العربية وهتدفي. حور، ماشي، يللا بس بسرعة. حسام، ماشي، يللا اركبي. بعد ما مشوا في نص الطريق، مراد اتصل بحسام. حسام، الو، أيوه يا مراد، في إيه؟

مراد، أنا هروح مكانك الشركة عما تيجي بالسلامة. حسام، مش هتقدر، خليك عشان الجرح. مراد، لا، هروح أنا. بقيت كويس أصلاً. بقولك، عندي خبر ليك ومش عارف هتفرح ولا هتزعل. حسام، خير. مراد، في اتنين جواسيس في بيتك. واحدة بتتجسس والتاني هو اللي بيكلمك وينقل أخبارك للباشا. حسام، واحدة مين؟ مفيش غير أم محمد ودي هي اللي مربياني.

مراد، للأسف، هي بتفضل واقفة تتجسس عليكم في غرفة النوم والكاميرات جايباها وجايباها وهي بتنقل الكلام لحسين البواب. حسام، حسين؟ حسين هو اللي بيكلمني يهددني. مراد، أيوه، للأسف. حسام، ده متربي عندنا من يوم ما اتولد. ليه كده؟ ليه يا مراد؟ مراد، الفلوس يا صاحبي بتخلي الواحد غول. حسام، طب اقفل يا مراد، أنا سايق ومعتش قادر أسمع حاجة. مراد، ماشي، سلام. حور، بجد أم محمد هي من ضمن الجواسيس؟ طب ليه دي ست طيبة جداً؟ أنا مش مصدقة.

حسام فرمل بالعربية مرة واحدة ووقف. حور، في إيه؟ براحة. حسام حط دماغه على الدريكسيون. حور بصت حواليها لقت الدنيا ضلمة ومفيش حد في الشارع. حور بخوف، حسااام، حسسام بيه. حسام، مالك خايفة كده ليه؟ حور، الشارع ضلمة، امشي بسرعة بدل ما يطلع علينا حد. حسام، طب إهدي، مفيش حد هيقدر يأذيكي وأنا معاكي. حور، لو كنت إنت أكتر واحد آذيتني في حياتي. حسام، حوووور، قولت مليون مرة مكنتش في وعيي، افهمي بقى.

حور بدموع، وعيك أو مش وعيك، امشي بقى من هنا قبل ما يطلع علينا حد. حسام ساق العربية ومشى عالطول. حور، هو حضرتك كده مهمتي خلصت؟ عرفتوا الجواسيس اللي في الفيلا وكمان هتمضي على الصفقة صح؟ حسام، أيوه. حور، يعني هتطلقني صح؟ حسام، وبعدين كملي. حور، طب بالنسبة للفيديو اللي عندهم. حسام، يبلوه ويشربوا ميته. مش بدال الصفقة هتبقى ليه؟ وغير كده لو حصل وانتشر الفيديو هنطلع ونكذب كل حاجة وأننا بنحب بعض.

حور، للدرجة دي مش فارق معاك سمعتي قد ما فارق معاك الصفقة؟ حسام، حور، إنتي شفتي الفيديو صح؟ حور، أيوه. حسام، ما أخدتيش بالك إن اللي حصل كان بعيد عن الكاميرات؟ يعني الفيديو عبارة عن صوت بس اللي هو صريخك. حور انهارت أما افتكرت، اسكت بقى، معتش عايزة أسمع كلام. حسام، خلاص، ياريت نقفل على الحوار ده ومنتكلمش كتير فيه. حور، ممكن تفتح على سورة يس؟ قلبي وجعني أوي. حسام، أوك، ماشى. حور اندمجت مع السورة لحد ما نامت. *** وصلوا.

حسام نده على الأمن ياخدوا منه الشنط وراح فاتح باب العربية ناحية حور وشالها وطلع نامها على السرير. وطلع نام جنبها. حسام وهو سرحان في حور وهي نايمة، والله أنا مقصدش أزعلك مني ولا يحصل كل اللي حصل. أنا عارف إنك اتظلمتي كتير بسببي. كفاية إني كنت سبب في موت مامتك. وفضل باصص على ملامحها لحد ما خدها في حضنه ونام. *** بعد ساعتين. حور صحت من النوم لقت حسام واخدها في حضنه ونايم. حور، حسام بيه، حسااام بيه. حسام، امم.

حور، ممكن تشيل إيدك؟ أنا اتخنقت. ابعد شوية. حسام بعد وراح عطيها ضهره. حور، حسام بيه، أنا جعانة أوي. حسام، كلميهم في التليفون يجبولك أكل. حور، أطلبلك أي معايا؟ حسام، هسش، مش عايز حاجة. أنا عايز أنام. اسكتي بقى. حور اتصلت، الو، ممكن بعد إذنك تبعتولنا فطار؟ أوكي يافندم، خمس دقايق وهيكون عند حضرتك. حور، متشكره. وقفل. حور، والله لهوريك يا حسام بيه. وراحت جايبة ريموت التلفزيون وفتحته وعلت الصوت.

حسام قام مخضوض، إيه ده يا حور؟ أنا عايز أنام. حور، طب ما تنام. حسام، أنام إزاي في الدوشة دي؟ حور، الله، ده الفيلم لشاهد. حسام، شاهد مين ده؟ إنتي فتحالي على هندي كمان. حور، أمم. شاهد كابور. أول راجل في حياتي. شوف جماله. حسام، والله؟ طب هاتي الريموت. حور، لا. وراحت معلية الصوت على الآخر. حسام، بقولك هاتيه بالذوق. حور، تؤتؤ. مش هقلب ولا هقفل على شاهد. حسام، طيب. وقام يدور على الريموت في إيدها. حور نامت وحطيته تحتها.

حور، والله ما هتقفل. وراحت نايمة فوق الريموت. حسام، طيب. وراح قاعد على السرير وشادد حور جامد في حضنه عشان يجيب الريموت. راحت ماسكة الريموت بإيدها ورا ضهرها. حسام، سيبيه. حور بصت له، تؤتؤ. وابعد بقى. في اللحظة دي، حسام أخد باله إن حور في حضنه. حسام قام بكل قوته يشد الريموت من إيدها وهي متمسكة بالريموت ورا ضهرها. راحت واقعة نايمة عالسرير وهو فوقها. في اللحظة دي، الاتنين سرحوا في عيون بعض فترة لحد ما الباب خبط.

حسام بعد عن حور، احمم. وطي الصوت عما أشوف اللي عالباب. حور بإحراج، ماشي. حسام فتح أخد الفطار ودخل. حسام، الفطار وصل. حور، ماشي. حسام، هتسيبيني أنام شوية؟ حور، أوك. بس أتفرج عالفيلم. والله هتفرج في صوت واطي. حسام، ماشي. وراح يكمل نوم. حاول ينام معرفش. حسام قام اتعدل، أمرى لله يا ستي. هتفرج معاكي. حور، ماشي. جات لقطة كارينا وشاهد وهما سرحانين في عيون بعض. نفس المشهد ده حصل مع حور وحسام من شوية. حسام، حلوة البنت دي.

حور، أمم. كارينا قمر. حسام، بس إنتي شبهها على فكرة. حور، كذا حد قالي كده على فكرة. حسام، امم. حور، يعني في أمل أتحب من واحد زي سيف علي خان؟ حسام، وده مين ده؟ حور، جوزها. بس إيه قمررر ده. ده بقا عشقي التاني. الأول شاهد والتاني سيف والتالت شاروخان. حسام، ههههه. وإحنا اللي من بلدك قصرنا معاكي في إيه؟ حور، أنا بحب الهندي وبس. المصري بحس إنهم مش بيقدروا يوصلوا مشاعرهم للجمهور.

حسام، فعلاً. ده على أساس إن الهنود مش مجانين بالنسبة للهبل اللي بيعملوه دول. بيموتوا في الفيلم ويرجعوا يصحوا تاني عادي. حور، أنا بحب نوع معين مش كله. يعني شوف الحضن ده. أنا جسمي كله قشعر منه. في حد يعرف يحضن حضن زي ده في السينما المصرية؟ الواحد بيتمنى لو دقيقة يعيش مع شاهد زي كارينا. حور بصت للتلفزيون لقت شاهد بيقبل كارينا من فمها. حور بصت بصدمة لحسام وطلعت تجري قفلت التليفزيون. حسام، ههههه. متخافيش خلاص.

حور بغضب، أمم. أنا جعانة. هتاكل ولا هتنام؟ حسام، ناكل معاكي. يللا ياقمر عشان كلها ساعتين وننزل لكريستينا. حور، أوك. يللا. *** نور، حضرتك إيه اللي جابك هنا؟ ده مكتب حسام بيه. مراد، أنا هنا مكانه يا آنسة. اتفضلي على شغلك يللا. نور، مش هتدخل مكتبه، انسي. اتفضل اطلع بره أحسن ما أجيبلك الأمن. مراد، إنتي مجنونة؟

نور، تمام، أنا هوريك الجنان اللي على حق. شالت السماعة، طلعولي الأمن بسرعة. في واحد عايز يدخل مكتب حسام بيه في غيابهم. مراد نفخ بضيق، بقولك إيه، شغل الجنان ده مش عليا. نور راحت جري شدت إيده، والله ما هتدخل المكتب، أمّان. مراد بيبص حواليه لقى الموظفين واقفين يتفرجوا. مراد، شيلي إيدك أحسنلك. نور، والله ما هيحصل ولا هتدخل جوه والراجل مش موجود. موظفة بمياصة، نور، مينفعش تعملي كده مع مراد بيه. نور، امشي من هنا يا بت إنتي.

الموظفة، أي ده؟ مراد بيبص لقى نور اتحولت وشها كله غضب وسابته وجرت على الموظفة. مراد، أي ده؟ اهدي يا نور. فجأة لقى الموظفة عالأرض ونور فوقها عمالة تلطش فيها. مراد، سيبها. مينفعش كده. ورايح يحوش نور من فوقها. نور، سيبني. والله ما أنا سيباها. وبتبعد مراد عنها خبطته في العملية. مراد، ااااه. نور بصت له بصدمة لقيته ماسك بطنه ومحني ونزل على ركبته على الأرض.

نور، مراااد. وراحت نازلة على ركبها تشوفه، أنا آسفة والله بس إنت اللي عملت فيها أبو الرجالة وجاي تحوشني. وبتمد إيدها عشان تقومهم. مراد، قومي من قدامي. نور، مراد. مراد، قومي من قدامي. إنتي مبتفهميش؟ قوميييييين. نور اتخضت أول ما زعق فيها وقامت وقفت. الأمن دخل وقومهم. مراد، خلاص بقيت كويس؟ ممكن تنزلوا شغلكم. أنا هنا مكان حسام بيه. الأمن، تمام يا فندم.

مراد، يا بتاعة إنتي، ابعتيلي الإيميل بتاع الشركة الروسية عشان حسام مستنيني أبعتهوله عشان أبعتهوله بسرعة. نور، بتاعة؟ أنا بتاعهم. مراد سابها ودخل المكتب. دخل يضحك إنه غاظها. مراد، والله لهوريكي يا نور. بس كده عشان لسانك الطويل ده. وراح ضاغط على الزرار اللي على المكتب. بقولك يا بتاعة إنتي، عائلي قهوة زيادة بسرعة. نور، أوامرك يا مراد باشا. وراحت قافلة. بعد شوية نور دخلت بالقهوة. نور، القهوة يا فندم. مراد، حطيها عندك.

نور عملت نفسها هتقع وراحت موقعة القهوة على إيده وهدومه. مراد، ااااه. لا ده كده كتير. وراح شاددها من شعرها. والله ما سيبك. بتحرقي نين. نور، إنت هتستعبط؟ ماهيش سخنة أوي. أنا مبرداها. مراد، يعني إنتي قصدة؟ نور، سيب شعري. مراد، ردي عليه. نور، اه. قصده عشان إنت غلط فيا قدام البت الملزقة اللي شتمتني وكمان بتقول عليه بتاع. مراد، والله. نور بصتله، اه والله. سيب شعري بقى. مراد، وبالنسبة للفضايح وطول اللسان دول.

نور، ده أسلوبي. مراد، أسلوبك ده يتغير. مش معايا فاهم. نور، لا مش هغيره. لا معاك ولا مع غيرك. الباب خبط. نور، سيب بقا. مراد سابها، اتفضل. أنا لقيت مفيش سكرتيرة بره قولت أخبط وأدخل. مراد، أهلاً يا علي. نور، حضرتك اتفضل بره وأنا أأذنلك تدخل وإلا متدخلش. المفروض كنت تستناني. علي، ودي إيه إن شاء الله؟ نور، أنا نور السكرتيرة. اتفضل بره يللا. مراد، يخربيتك. ده على أخويا. نور، والله لو كان أبوك. يللا.

علي بص لها وابتسم، ماشي يا قمر. مراد، إيه قمر دي؟ علي، أنا خارج أهو. يللا سيادتك اخرجي عشان أستأذنك. نور، ماشي يللا. مراد واقف متنح على اللي مبيسمعش كلام حد يسمع كلام ده. علي، إنسة نور، ممكن أدخل؟ نور، لأ. علي، طب ليه؟ نور، مزاجي. استنى شوية. علي، بصراحة الواحد نسي هو عايز إيه ساعة أما شافكم. مراد، هو اتأخر ليه؟ لتكون عملت فيه حاجة أما أخرج. علي، إنتي مرتبطة؟ نور، وإنت مالك؟ أصلاً.

علي، أصل لو مش مرتبطة أنا كمان مش مرتبط. لو كده هاتي رقم موبايلك وممكن نبقى أصحاب. مراد، علييي. ادخل الله يهديك. علي، راجع لك تاني. نور بصت له بابتسامة مصطنعة. ده العيلة كلها ماشاء الله. مراد أخد أخوه ودخل. مراد، إيه اللي إنت بتقوله ده للبنت؟ علي، أصلها بجد جامدة أوي. مراد، احترم نفسك يا علي أحسنلك. علي، وإنت محروق أوي كده ليه؟ أومال لو مكنتش معروف إنك بتاع بنات. مراد في سره، ضحك. أنا بتاع رقاصات. ههههه.

علي، إنت بتضحك ليه؟ مراد، وإنت مالك؟ إنت عايز إيه؟ إيه اللي جابك؟ علي، مفيش. سمعت إنك انضربت بالنار فروحت أطمن عليك. لقيتك مشيت. كلمت حسام قالي إنك هنام. مراد، خلاص واطمنت. يللا بالسلامة. علي، ماشي. وقام جري. مراد، ملكش دعوة بنور. علي، ليه؟ مراد، هو كده يا علي. يللا بالسلامة. علي، هي بصراحة تستاهل. مراد، هي مين؟ علي، الصاروخ اللي بتغير عليه. مراد، امشي يللا. علي، قولتلك.

علي، غمزله. ماشي يا مراد. الله يسهله. وراح ماشي. نور عمالة تحضر في الأوراق ومندمجة. علي، سلام يا قمر. نور ابتسمت له، مع السلامة. وقامت أخدت الأوراق ودخلت لمراد.