رواية اغتصبني واعطيته قلبي الفصل التاسع 9 - بقلم اميرة محمود

انتي لازم تباتي معايا انهارده في الأوضة بتاعتي وهندخل الفيلا وأنا هشيلك لحد السرير. حور: انت اتجننت يا حسام بيه؟ أي اللي بتقوله ده. نور: كمل كمل يا حسام بيه. حسام: شكلك فهمتيني يا نور. راح غمزلها. حور: انتي متفقة معاه على إيه يا نور؟ ده أنا أختك، أخص عليكي هتبيعيني بعد اللي عملتيه معايا.

نور: حسام يا حور هانم، في جواسيس في الفيلا عنده بينقلوا أخباره للبوص الكبير، فهو عايز يعمل كده عشان يعرفهم إنه اتجوزك وحبك، وإن لو نشروا الفيديو بتاعكم مش هيفرق معاكم، وإنكم كده بتحبوا بعض لحد ما يخلص حكاية الصفقة بتاعته، وبعدين ترجعي البيت، ولو هتطلقوا أطلقوا زي ما أنتِ عايزة. حسام: لا ده بجد، أنا عمري ما هسيبك يا نور تمشي من الشركة، إيه الذكاء ده. نور: يعني أخلص كلية وتخليني المحامية بتاعة الشركة بتاعتك.

حسام: طبعاً يا بنتي، لا بجد عجبتيني جداً. حور: يعني هتعب بيا عشان تتم صفقتك. حسام: أنا عمري ما هلعب بحد، حور، أنتِ عندك حرية الاختيار، موافقة تمام، مش موافقة تمام. حور: إيه المقابل؟ حسام: شيك، اكتبي فيه اللي أنتِ عايزاه، وغير كده كمان، الفيديو استحالة هينشروه لأنه بقى ورقة خسرانة بالنسبة ليه. حور: تمام، الشيك بعد إذنك. نور: حور ده بجد. حور: حقي قصاد قهرتي على نفسي وقهرت أمي عليه، كفاية إنها ماتت بسبب اللي حصل.

حسام: حقك يا حور، اتفضلي الشيك. حور: نقول اتنين مليون كويسين. نور: بس ده كتير جداً. حسام: كويس يا حور. وراح ماضي. حور أخدت الشيك وركبت العربية مع نور وحسام وراحوا الفيلا. *** مراد: آآآه، أنا فين. والده: مين اللي عمل فيك كده يا مراد. مراد: طب قول حمدالله على السلامة الأول. والده: بقولك مين اللي عمل فيك كده، ابن عمك قال ميعرفش.

مراد: كنت في بار وبرقص مع الرقاصة، وماشي أنا وهي، بلطجية طلعوا علينا، بلطجية، ثبتوني واخدوا الموبايل والرقاصة، وراحوا ضاربين عليه نار. والده: رقاصة وبار! أنت أييي، أنت مش قد أي مسؤولية خالص، أنت أي يا أخي احترم منصب أبوك. مراد: آآآه، بابا والنبي مش قادر أتكلم، ممكن تسيبني أنام. والده: نام اتخمد. *** وصلوا الفيلا. حسام: احممم، ممكن أشيلك بقى. حور: شيل، مش فارقة. حسام شال حور وداخل الفيلا ونور وراهم بتزغرط.

حور سرحت في عيون حسام، نظرة أول مرة تنظر لها. حسام: مالك. حور اتحرجت: هااا، مفيش. الشغالين اللي في الفيلا كلهم اتجمعوا. نور: ماتزغرطوا يا جماعة، حسام بيه اتجوز. كلهم فضلو يزغرطوا وحسام خدها ودخل غرفته. حسام: احممم، حور، أنا هدخل آخد شاور، ماشي؟ عندك الجناح أهو، اقعدي فيه براحتك. حور: تمام. حسام دخل الحمام وحور افتكرت إن ممعهاش هدوم ليها ولا أختها معاها. حور: ياربي، طب الحل إيه؟ وراحت فتحت الدولاب.

إيه ده كله، رجالي، أعمل إيه بقى ياربي. فضلت قاعدة عالسرير لحد ما راحت في النوم. حسام خرج بص لقاها نايمة وهي قاعدة عالسرير وساندة ضهرها عالسرير. حسام: حور، حور. حور: ها، نعم. حسام: أنتِ هتنامي كده. حور: مانا مفيش معايا هدوم. حسام: أوووف، نسيت. حور: طب الحل إيه. حسام: بصي، نقيلك بيجامة من بتوعي اللي يعجبك البسيه. حور: بس إزاي؟ وغير كده حضرتك ماشاء الله طول بعرض، أنا ميديم.

حسام: هههههه، ماشي، البسي أي حاجة والصبح هبعت أجيب لك اللي عايزاه. حور: أخدت بيجامة ودخلت الحمام، أخدت شاور ولبستها وخرجت. حسام كان ماسك الموبايل وبيلعب فيه وعينيه راحت لحور، بص لقاها لبسة بيجامته كبيرة عليها وهي غطسانة جواها وبتنشف شعرها. حسام: هههههه، هموت. حور: مانا أعمل إيه، والبنطلون اللي كل شوية بيقع ده. حسام: اقلعيه وخليكي باللي فوق، أهي طويلة للركبة، هههههههه، يا أوزعة. حور اضايقت: حسااام بيه لو سمحت.

وراح البنطلون واقع. حسام بص عليها وفضل يضحك. حور: قلعته خالص، اتفضل بنطلونك أهو، مش عايزاه. حسام: مش قادر أبطل ضحك بصراحة، منظرك مسخرة هههههههه. موبايله رن. حسام: الله، ده مراد، ألو، أيوه يا مراد، فوقت. مراد: عملتها وخلعت، لا وايه وبتضحك، بتضحك على إيه يا ضنا. حسام: بضحك على... وبص لحور وعرف إنه مينفعش يقول، بتفرج على فيلم، عايز إيه دي الوقت.

حور فرحت إنه مقلش لمراد وراحت تسرح شعرها وبصت لنفسها في المرايا بصدمة وفضلت تضحك بصوت عالي. مراد: إيه ده، أنت معاك نس*وان من غيري. حسام: اتلم يا مراد، دي حور، نفذنا الخطة بتاعتنا. مراد: الخطة بتاعتكم برضوا. حسام: اقفل يا مراد، اقفل. وراح قافل في وشه. فضل سرحان في حور وهي عمالة تسرح شعرها. حسام لنفسه: يخربيتك يا مراد، يا يخربيت أفكارك ياربي، إيه الجمال ده، حورية من الجنة ياربي.

حور: حسام بيه، أنا خلصت، ممكن آخد بطانية عشان السقعة عشان هنام عالأرض. حسام: هااا، بتقولي حاجة. حور: عايزة بطانية عشان أنام على الأرض. حسام: لا، مفيش نوم على الأرض. حور: مينفعش أنام جنبك حضرتك، أنا هنام على الأرض. حسام: حور، السرير مترين، يعني مش معقول هنبقى جنب بعض، هتبقي بعيد عني، وحطي مخدة ياستي بيني وبينك. حور بصت عالسرير: تمام، ماشي. حسام: طب ياللا نامي. وراح طافي النور. حور: لاااا.

حسام فتح الأباجورة: في إيه مالك. حور: متقفلش النور عشان أنا بخاف من الضلمة. حسام: وأنا مش بعرف أنام في نور. حور: خلاص، أروح أنام في أوضة تانية. حسام: خلاص، هفتح الأباجورة وأمري لله. حور: هو مينفعش واحدة بس اللي ناحيتك. حسام: لا، الاتنين متواصلين ببعض. حور: طب أنا آسفة، معلش. حسام: لا، عادي، ولا يهمك، أنا هحط المخدة على راسي، نامي أنتِ بس. حور: ماشي. حسام: تصبحي على خير. حور: وأنت من أهله. ***

نور: تسلميلي يا أم محمد، حلوة الجلابية دي أوي. أم محمد: مش كبيرة عليكي شوية يا بنتي. نور: لا حلوة، يا حبيبتي، أهي حاجة تقضي الغرض، تصبحي على خير. أم محمد: وأنتِ من أهله يا رب. نور موبايلها رن. نور: ألو. مراد: عاملة إيه. نور: كويسة، أنت اللي عامل إيه. مراد: الحمد لله، بقيت كويس. نور: شكراً لحضرتك، عشان لولاك كان فاتي ضعت. مراد: ألو، مين معايا. وبص على الرقم، هو الرقم نور، أنتِ نور. نور: أه، في إيه.

مراد: إيه الاحترام ده كله. نور: أصل أنت دفعت عني ولحقتني، لازم أحترمك. مراد: لو أي واحدة تانية كنت عملت كده. نور: ههههه، تصدق، كنت هصدقك، يا بتاع الرقاصات. مراد: حمدالله على السلامة، أيوه كده، أنتِ نور، ههههه. نور: يا سلام، ليه مالها نور. مراد: لسانها إيه ماشاء الله زي الفرق. نور: طب أنت بتتصل عايز إيه. مراد: والله مش عارف، حسيت إني عايز أسمع صوتك. نور: وسمعته، ياللا بقى، تصبحي على خير. مراد: وأنتِ من أهله. وقفل.

نور: والنبي لو شافني بمنظري ده، هيقعد يضحك عليه عشر سنين قدام، ده مجنون بس دمه خفيف. *** صباح تاني يوم. أم محمد خبطت على باب حسام. حسام صحي وقام جري عشان حور متصحاش وفتح. حسام: في إيه. أم محمد: مراد باشا تحت. حسام: تحت، اللي هو إزاي ده، عامل عملية إمبارح. أم محمد: مش عارفة، بس هو تحت. حسام: طب روحي أنتِ، وأنا نازل أهو. وقفل الباب. حسام دخل قعد عالسرير يبص على حور لقاها نايمة وشعرها على وشها، واخده المخدة في حضنها.

حسام فضل يبعد خصلات شعرها عن وجهها وفضل سرحان في جمالها. حسام: ملاك نايم، إيه الجمال ده. حس إنها بدأت تفوق راح باعد بسرعة وقام عشان ينزل لمراد. حور: صباح الخير يا حسام بيه. حسام: صباح النور. حور: حضرتك رايح الشركة. حسام: النهاردة الجمعة، إيه نسيتي الأيام. حور: أمم، اومال حضرتك رايح فين. حسام: مراد تحت، نازل أشوفه. حور: ده عامل عملية إمبارح، خرج إزاي ده. حسام: مش عارف، أنا نازل أهو. حور: أمم، ماشي، أما أكمل نومي بقى.

حسام: لا، قومي وبطلي كسل وتعالي نفطر. حور: لا، مليش نفس، عايزة أنام. حسام: تمام، براحتك، بس لازم نكمل الدور، دول اتنين مليون جنيه. حور: خلاص يا حسام بيه، هقوم. أوووف. حسام: إيه اوف دي، استني عندك. وراح شاددها من دراعها: إيه اوف دي. حور: هو كده بقى. حسام فضل باصص في عينيها وراح حاطط إيده على وسطها. حور اترعشت جامد: في إيه يا حسام بيه. حسام: مش عارف.

حور شالت إيده من عليها: ده مش في الاتفاق، ولو سمحت يا تحترم الاتفاق بتاعنا، يا أما همشي، قلت أدب مش عايزة أحسن لك. حسام: إيه أحسن لك دي. حور: هو كده بقى، لم نفسك، فاهم. حسام: خلاص، خلاص، أنا آسف، أنا آسف، خلاص بقا. حور: ماشي. وراحت داخلة التيواليت. حسام: ده إيه العيلة اللي لسانها طويل دي، وراح نازل لمراد. *** نور قامت نزلت عشان تحضر الفطار مع أم محمد. خارجة بالفطار لقت مراد في وشه. نور: مررراد بيه.

مراد: خضتيني، في إيه. نور: أنت خرجت إزاي من المستشفى. مراد: أبويا قرفني، رحت قايم خالع منه، وقولت أجي هنا، حسام حبيبي هيراعيني، حاكم أنا بحبه أوي، عشان كده جيت له هنا، أصل وحشني، وطول الليل بفكر فيه. نور: يع، ابعد. مراد: في إيه. نور: أنت منهم، أنت وحسام، يا خسارة. مراد: من مين. حسام كان نزل وواقف يسمعهم. حسام: أنت جيت ياقلبي، عارف إنك مقدرتش تستغنى عني، وحشتني أوي. مراد: أنت بتتكلم كده ليه. حسام: هشش.

نور: يع، بجد، أنتوا مقرفين، حووووور، يا حوووور، تعالي، هنام. مراد: أوعى يكون فهمت اللي في بالي. حسام حط إيده على صدره: أه يا بيبي. مراد: بيبي! وربنا أنتِ فاهمة غلط. حسام: ههههههه. مراد: امشي ياله، والله يا نور أنا مش كده. نور: اومال إيه، وحشني وطول الليل بفكر فيه، والكلام ده، هو في واحد يقول الكلام ده عن راجل إلا ما يكون كده. حسام: وماله كده، ده حتى إحنا حلوين أوي مع بعض، صح يا دودو.

مراد: وربنا لو مسكت لهجيب الفازة اللي وراك دي والقك بيها. حسام شاور على بقه إنه هيسكت. حور نزلت جري على صوت أخته. نور: ياللا يا حور نمشي من هنا بسرعة. حور: ليه، في إيه. نور: دووول. مراد: أنا أقصدك أنتِ يا نور، أنتِ يا نور، وحشتيني، وطول الليل بفكر فيكي، أنا اتزفت وحبيتك. نور فتحت بقها وبصت لحسام. حسام: هههههه، خليتك تقولها إزاي. نور: يعني الكلام ده مش بجد يا حسام بيه. حسام: بهزر معاكي. حسام: وحشتيني أوي.

نور اتحرجت وجايه تمشي، داست على طرف الجلابية ووقعت على وشها. حسام راح يقومها. مراد: ما تبعد ياعم، الأمور. حسام: إيه الشوال اللي أنتِ لبساه ده يا نور، هههه. مراد: فعلاً، إيه ده، أنتِ كمان يا حور، لابسة إيه، أنت عملت إيه في البنات. حسام: نسيت أوديهم يجيبوا ليهم هدوم يلبسوها. مراد: هههههه، بس شكلهم مسخرة. حسام: طب تعالي اطلع نام فوق في الأوضة عشان ترتاح. مراد: ماشي، اااه، براحة عليه. حسام: وحشتك أوي يا بيبى.

مراد: اتلم ياض، وحشك برص. حسام دخله غرفة وغطاه. حسام: نام يا حبيبي وارتاح، وأنا هروح أكمل نومي، مش مهم أفطر. مراد: اممم، لعبها معاك. حسام: لعبة مين، أنت نسيت الخطة، ياللا نام ياض.