رواية اغتصبني واعطيته قلبي الفصل التاسع والعشرون 29 - بقلم اميرة محمود

في إيه يا ست انتي انتي اتجننتي. ام شريف ، أنا اللي اتجننت العيب على اللي جايبالنا رجالة الشقة ومش محترمانا، هو للدرجة دي يا نور؟ يا خسارة تربية أمك فيكي. نور واقفة منهارة وبتعيط. مراد ، لا ده فعلاً اتجننتي. عارفة لو مسكتيش أنا نفسي المسدس ده في راسك ومش هاخد فيكي دقيقتين. عارفة ليه. ام شريف ، ليه. مراد ، لأنها مراتي يا هانم. ام شريف ، اخس عليكي يابت يانور تتجوزي من غير ما تقولي لي ولا تعزمينا حتى.

مراد ، مجاش فرصة. ممكن تطردينا بقى. ام شريف ، اطرده. ما تحترم نفسك يا أخي، انت محسسني إني بكلم ابن رئيس الجمهورية. مراد ، لا وزير الداخلية. ام شريف بصدمة ، إيه. مراد ، زي ما سمعتي. ام شريف ، اااا... إحنا آسفين يا باشا. مراد ، ماشي. مع السلامة. وراح قافل الباب. نور قعدت على الكنبة وحطت إيدها على رأسها وباصة في الأرض وبتعيط. مراد ، مالك يابنتي في إيه بتعيطي ليه. نور رفعت راسها وبصتله وعينيها كلها دموع.

نور ، يعني مش عارف بعيط ليه. أنا اتفضحت يا مراد. عرفت بقى أنا بعيط ليه. مراد ، في إيه يابنتي إيه اتفضحتي دي. أنا جوزك على فكرة والست أول ما عرفت إني جوزك مشت على طول. خلاص بقى اهدي. نور ،. لا أنا مش مراتك يا مراد. أنا مش مرات حد. مراد ، والله على أساس المأذون كان كاتب كتاب مين. نور ، ورق يا مراد. يعني زينا زي أي اتنين مخطوبين. مراد ، نور بطلي مشاكل بقى. أنا تعبت بجد مش قادر.

نور ، ماشي يا مراد. مش تعبت خلاص. نطلق وكل واحد يروح لحاله. مراد ، أديكي قولتيها نطلق أهو. اتأكدتي إني جوزك. نور ، يووووه. أنا تعبت بجد. امشي يا مراد. أنا مش طايقة أشوفك. كل ما بشوفك لازم بيحصلي حاجة وحشة. مراد ، أنا يا نور. نور ، أيوه يا مراد. مراد بصلها بصه طويلة كلها غضب وراح فاتح الباب وخارج. ام شريف كانت واقفة قدام باب الشقة تتجسس عليه. ام شريف ، اهدي يا ابني الأمور مبتتداش كده.

مراد ، بصلها من فوق لتحت وراح نازل راكب عربيته وماشي. ام شريف دخلت لنور. ام شريف ، مالك يا بنتي ليه عملتي كده معاه. نور عمالة تعيط بهيستيريا. ام شريف ، الله ده جايبلك بوكيه ورد وكله شوكولاتة. ده شكله بيحبك أوي يابنتي. الله ده في جواب جوه. وراحت مطلعاه. نور راحت جريت شدت من إيدها الجواب وراحت قرأته.

نور حبيبتي أنا آسف على اللي حصلك بسببي. أوعدك إني مش هتعصب تاني وأسيبك وإنتي زعلانة. أنا بعشقك يا أجمل حاجة في دنيتي. عارفة أنا بحبك من أول ما شفتك حسيت إن الجمال الملائكي ده مش مصري. بس فرحت جداً أما اتعرفت عليكي وفرحان إنك بقيتي مراتي وعلى اسمي. بحبك يا أجمل حاجة في دنيتي. نور انهارت في العياط. ام شريف اخدتها في حضنها.

ام شريف ، معلش يابنتي كلميه وصالحيه. أنا هروح شقتي وإنتي كلميه صالحيه. بصي الشوكولاتة كتير. أنا هاخد واحدة ماشية. نور ابتسمت ، ماشي يا طنط. ام شريف ، أيوه كده اضحكي يا حبيبتي. يلا تصبحي على خير. نور ، وإنتي من أهله يارب. وراقفلت الباب واتصلت بمراد. مراد ، عايزة إيه. نور ، وحشتني. مراد ، والله. نور ،. آه والله. مراد ،. طيب ماشي. عايزة حاجة تانية. أنا مش فايق دلوقتي. نور ، مش فايق ليه.

مراد ، أصل في واحدة مجنونة هتجنني معاها وسببتلي في صداع مش قادر أرفع راسي من الألم. نور ، أنا آسفة بقى خلاص. مراد ، طيب اقفلي عشان سايق. نور ، مراد. مراد ، نعمة. نور ، خلاص سلام يا مراد. مراد قفل السكة على طول. مراد ، والله لهوريكي يا نور. أظاهر انتي مينفعش معاكي الحنية. نور ، ده حتى مقاليش سلام. للدرجة دي يا مراد. ماشي براحتك. والله لهوريك. نور الجديدة فعلاً أنا لازم أتغير. تاني يوم الصبح في المستشفى.

الدكتور ، أستاذ حسام يلا حضر نفسك عشان العملية هتبتدي كمان ربع ساعة. حسام ، تمام يا دكتور. حور بدموع عطت ابنها للدكتور وراحت بيسته. حسام ، إن شاء الله هنخرج إحنا الاتنين كويسين. متخافيش. حور ، شكراً يا حسام إنك لحقت ابني من الموت. حسام ، هو مش ابننا احنا الاتنين ولا إيه يا مجنونة. حور ، لا ابني لوحدي. حسام ، ههههه والله أنا قولت مجنونة. نور ،. لا إله إلا الله. حسام ،. محمد رسول الله.

نور ، ربنا معاك انت ومراد يارب وتخرجولنا بالسلامة. حور ،. يارب يارب يخرجوا بالسلامة. أنا مش عايزة حاجة من الدنيا دي غيرهم هما الاتنين. حسام ، يارب يا حبيبي. أومال مراد فين. كنت عايز أشوفه قبل ما أدخل العمليات. نور ، معرفش أتأخر ليه.

حسام ، مراد مبيحبش الوداع. دايماً أما حد بيحصله حاجة كان بيهرب ويروح يقعد لوحده. من يوم ما كنا صغيرين كان عنده ١٣ سنة ومامته كانت بتولد وهو كان قاعد بينتظرهم. فجأة حصلها نزيف وماتت في العمليات هي والجنين. ومن يومها وهو عنده عقدة من انتظار العمليات. كلميه وروحيله يا نور. هو دلوقتي أعصابه تعبانة وفاته منهار عشان بيفتكر. نور ، تمام يا حسام. حسام دخل العمليات هو وابنه وحور قاعدة تنتظر بره هي ونور.

نور اتصلت بمراد مبيردش. فضلت ترن لحد ما رد. مراد ، نعمة. نور ،. حبيبي مبتردش ليه قلقتني عليك. انت فين. مراد ، نور اقفلي دلوقتي أنا مخنوق. نور ، مراد رد عليا انت فين. مراد ، قاعد تحت قدام المستشفى على الكورنيش. نور ، طيب أنا جايلك حالا. حور ،. في إيه يا نور. نور ، مفيش. مراد شكله تعبان شوية. هنزل أشوفه وأجيبه. مش هسيبه كده. وراحت نازلة. مراد قاعد على الكورنيش مربع إيده وباصص للبحر. نور شافته راحتله جرى. مراد.

مراد ، نعم. نور ، للدرجة دي بتحب حسام. مراد ،. أنا مليش حد غيره. حتى أخويا مش قريب ليا زيه. نور ، طب وأنا. مراد ، مش فاهم. نور راحت قعدت جنبه وحاوطته بدراعها ونامت على كتفه. نور ، أنا إيه بالنسبالك. مراد ، انتي مين. نور بصت له ، في إيه يا مراد. مراد ، أصل نور مبتوقعش منها كده. نور دكر شوية. نور ، أنا دكر يا مراد. مراد ، لا مش انتي. أنا بقول نور مراتي ملناش دعوة بيه.

نور ، ههههه. ماشي يا مراد. رد بقى عليا. أنا إيه بالنسبالك. مراد ، عارفة أما كنتي في العمليات أيام الحادثة بتاعتك. نور ، اممم. مراد ، أنا كنت قررت اليوم ده إني انتحر لو مخرجتيش بالسلامة. أنا انهارت جامد بجد. حسيت إن روحي هتروح مني. نور ، يعني أنا روحكم. مراد ، انت روحي وقلبي وعقلي وكل حاجة حلوة في حياتي. أنا بقا إيه بالنسبالك غير اللي قولتي إمبارح. نور ، أنسا بقى يا رورو. ميبقاش قلبك أسود بقى.

مراد ، أي يا بت الدلع ده. يخربيتك. نور ، إيه عجبتك. مراد ، انتي عجباني أصلاً أيام ما كنتي دكر. نور ، بس يا رخم. مراد ، تصدقي أنا نسيت حسام خالص. نور ، أنا ممكن أنسيك نفسك لو عايز. مراد ، وإزاي بقى. نور ، عيب يا قلبي. أما نتجوز أبقى أقولكم. مراد ، طب وقسماً بالله أنا حاسس إنك مش نور. انتي مين يا بت انتي. نور ، بت تصدق قفلتني. يلا نطلع نطمن على صحبك. مراد ، حمد الله على السلامة يا نور. ليكي وحشة يا غالية.

نور ، ههههه. طب قوم بقى نطلع. مراد ، ماشي يا قلبي. وطلعوا وقفوا قدام غرفة العمليات. وبعد كام ساعة الدكتور خرج. مراد ، خير يا دكتور. الدكتور ، ا