رواية أجمل صدفة الفصل الثاني 2 - بقلم نورا محمد

نور في سرها: أنا انتهيت. عبدالرحمن: إنتِ دلوقتي في شركتي، مفيش أنت مالك هنا. نور: هو ينفع حد يقعد مع واحدة ويقولها القمر منين هطلعلي بطاقة؟ عبدالرحمن: افرضي حد حبك من أول نظرة، تصدقي بالحب من أول نظرة؟ نور: ولا من آخر نظرة، مفيش حاجة اسمها حب، كله شيء مؤقت، بالوقت هينتهي.

عبدالرحمن: إحساسك بالحب خطأ، الحب بيزيد مع الوقت مش بيقل، لو قل يبقى ده إعجاب. لما بتحبي حاجة عشان شكلها وتقربي منها بتشوفي عيوبها، ده إعجاب مش حب. الحب إنك تحبي الحد ده بكل ما فيه وتحبي عيوبه كمان. نور: اعتبر إني اترديت، صح؟ عبدالرحمن: مين قال كده؟ أنتِ معانا من بكرة، اسمك إيه؟ نور: اسمي نور. عبدالرحمن: اسمك قمر زيك. نور: نحترم نفسنا شوية بقى. عبدالرحمن: دبش من يومك يا نور، مش لايق عليكي الاسم. نور: شكراً.

عبدالرحمن: لا الشكر لله، على إيه؟ سيبي ورقك، إن شاء الله أعرف أوصلك بغمزة. نور: إن شاء الله، بس عايز توصل ليه؟ عبدالرحمن: بقولك إيه، خدي الباب وإنتِ طالعة، إنتي هتتعبيني معاكي، شكلك القلب وما يريد بقى. نور: بعد إذنك. آية: عملتي إيه؟ نور: طلع أبو غمزة. آية: يبقى خلاص، يعوض عليكي ربنا، مفيش شغل صح؟ نور: لا، فيه شغل من بكرة. آية: وأنا اللي قلت هيتردك برة الشركة بعد "إنت مالك دي". نور: عايزاني أعمل إيه يعني؟

واحد معرفوش، هو علشان حلو يعني وبغمزة وعيونه حلوة أقوله على عنوان بيتنا؟ آية: ما يمكن كان غرضه شريف وناوي يدخل البيت من بابه. نور: من أول نظرة كده ييجي البيت؟ إنتي هبلة، ده أكيد عمل كده مع بنات كتير. آية: أنا معرفش عنه حاجة، بس اللي أعرفه إنه جاد في شغله، مالوش في الغلط. نور: هو باين عليه خربها. آية: يلا دوري، نتكلم بعد المقابلة. آية: السلام عليكم. عبدالرحمن: وعليكم السلام. آية: عبدالرحمن. عبدالرحمن: أزيك يا أيه؟

إنتي لسه فاكراني؟ آية: أه، شكلك متغيرتش كتير من أيام الدراسة. عبدالرحمن: تسلمي، عايز ورقك. آية: أكيد، اتفضل. عبدالرحمن: لسه ساكنين في القرية؟ آية: أيوه، هنروح فين يعني. عبدالرحمن: القرية مش حلوة، المدينة أحلى. آية: معاك حق، بس نصيبنا، ربنا يخرجنا منها على خير. بيتكم مش بتيجو تقعدوا فيه ليه؟ عبدالرحمن: حد يسيب الرفاهية وييجي الريف. آية: والله معاك حق، بس متسبوش البيت كده من غير سكن، الناس بتقول إنه مسكون.

عبدالرحمن: هيا دي بقى عادات الريف، بيخترعوا قصص. آية: طيب ابقى تعالى شوف. عبدالرحمن: قريب إن شاء الله، هاجي، أصحابي وحشوني. آية: ماشي، تنور. عبدالرحمن: ماشي، تقدري تمشي. آية: تمام. نور: عملتي إيه؟ آية: اتوظفت من بكرة. نور: موفق، يلا نروح. آية: ماشي. نور: أشوفك بكرة. آية: اتفقنا. في بيت نور: نور: يا ماما، أنا جيت. الأم: نورتي يا بنتي، أكيد تعبانة، أحضرلك الأكل؟ نور: لا يا ماما، هروح أصلي وأقرأ شوية وأنام.

الأم: ماشي يا بنتي، ربنا يوفقك. نور: يارب يا ماما. في اليوم التالي: نور: إيه الشياكة دي! آية: دي أقل حاجة عندي يا بنتي. نور: وثقة كمان. آية: أجي جنبك فين؟ نور: يا حبيبتي، إنتِ قمر. آية: تسلمي لي. آية: أنا مش عارفة مكتبي فين. نور: ولا أنا. آية: صباح الخير. عبدالرحمن: صباح النور يا أيوش، إنتِ تعرفي نور؟ آية: أيوه طبعًا، إحنا أصدقاء وجيران، بس أنا أكبر منها بـ 4 سنين. عبدالرحمن: ربنا يخليكم لبعض.

عبدالرحمن: مكتبك مع الموظفين، أما نور هتكون سكرتيرتي. نور: كان في سكرتيرة بره. عبدالرحمن: خلاص عينتها عند المحاسب باسل. نور: تمام، فهمني أعمل إيه. عبدالرحمن: هتراجعي وترتبي الفواتير اللي هديهالك. نور: تمام. عبدالرحمن: الملفات اللي على المكتب تتراجع وتكون عندي بعد ساعة. نور: بس أنا لسه مش عارفة أعملهم، ممكن تعرفني الأول وبعدين المرة الجاية هعملهم أنا. عبدالرحمن: مش بتعرفي تشتغلي، بتسعي ورا الشغل ليه؟

نور: أسفة، بس أنا مش محتاجة أشتغل، أنا بس بضيع وقتي، أنا مش محتاجة الفلوس. عبدالرحمن: طيب هعلمك، بس المرة الجاية بخصم. نور: تمام. عبدالرحمن: الملفات دي تتراجع عشان الاجتماع كمان ساعة. نور: مش هعرف أخلص. عبدالرحمن: هتعرفي، بس حاولي، ركزي على الشروط والأرباح، تمام. نور: تمام. عبدالرحمن: أنا في غرفة الاجتماعات، هاتي الملفات وتعالي. نور: حاضر. نور في سرها: أي القمر دي؟ هو في جمال كده ولا أنا بحلم. نور: أيوة، إنتِ مالك؟

نور: أنا آسفة. عبدالرحمن: يلا قومي اشرحي البنود وأي الشروط اللي مفروضة علينا. نور في سرها: ده شكله آخر يوم ليا. عبدالرحمن: برافو يا نور. كريلا: مبارك. عبدالرحمن: الله يبارك فيكِ. نور: أنت حبيت الموضوع ولا إيه؟ عبدالرحمن: بتغيري؟ نور: أحم، وأغير ليه؟ عبدالرحمن: لا ولا حاجة، يلا عشان عازمك على الغدى. نور: مش هينفع. عبدالرحمن: مش هخطفك، وهناخد آيه معانا. نور: تمام، إذا كان كده ماشي.

عبدالرحمن: ربع ساعة وتنزلي، هكون جهزت العربية. نور: تمام. عند آيه: آية: مش تحاسب يا أخ إنت. باسل: أنا آسف، مكنش قصدي والله. آية: ولا يهمك. باسل: إنتِ جديدة هنا؟ آية: أه، محاسبة تحت التدريب. باسل: مين بيدربك؟ آية: لحد دلوقتي لسه، عشان اللي هيدربني مش فاضي وخايفة أدخل أزعجه. باسل: وإسمه إيه؟ آية: إسمه باسل. باسل: ومين قالك إنه مش فاضي؟ آية: عشان السكرتيرة قالتلي كده. باسل: أنا باسل المحاسب. آية: وأنا إيه؟ باسل: تشرفنا.

نور: السلام عليكم. باسل وآيه: وعليكم السلام. نور: ممكن أتكلم معاكِ لوحدنا. باسل: عن إذنكم. آية: إذنك معاك. نور: عبدالرحمن عازمنا على الغدى، يلا عشان ننزل. آية: بمناسبة إيه؟ نور: بمناسبة ربح الصفقة. آية: ماشي، يلا. عند عبدالرحمن في الجراج: عبدالرحمن: عازمك على الغدى، يلا مستنيك. باسل: مش فاضي دلوقتي. عبدالرحمن: يا ابني غير جو، يلا مش كل وقتك شغل. باسل: ماشي، نازل.

عبدالرحمن: أنا عازمكم عشان وشكم حلو عليا، وعشان ماليش أصحاب غيركم.