رواية احببني دبدوب الفصل الثامن 8 - بقلم لولي احمد

معاز / ده أنا يا أبو الصحاب. اسر / إده معاز زيزو، أهلاً يا أخويا، عامل إيه؟ وتين / إده، انتوا تعرفوا بعض؟ اسر / معاز ده صاحبي من أيام الكلية، وكان من أقرب الناس ليا. معاز / حبيبي يا أخويا، تسلم. دخلوا كلهم البيت، وأسر طلب من وتين تحضر الفطار وراح يغير هدومه. وتين كانت سرحانة، وبدأت تفكر تقول لأسر إزاي، وإن معاز ده شخص مش كويس إنه يدخله بيته. قطع تفكيرها دخول أسر.

اسر احتضنها من الخلف، وبدأ يتغلغل في عنقها لكي يستنشق رائحتها التي تجننه وتفقده صوابه. اسر / قطتي، سرحانة في إيه؟ وتين / اسر، أنا عاوزة أقولك حاجة مهمة. اسر / قولي يا قطتي، سامعك. وتين وقد بدأت تتلعثم في كلامها / ا..ن..ا عا..وز..ه أق..ولك. اسر / وتين حبيبتي، اهدي ومتخافيش، وخذي نفس عميق. وأنا وعد، مش هعملك حاجة. ولسه وتين هتتكلم، فجأة دخل معاز وقال / يا خلق يا هو، أنا جعان، يللا.

طبعاً هو كان قاصدها، لأنه هو مش عاوز وتين تقول حاجة لأسر. وفعلاً فطروا وخلصوا، وأسر نزل راح شغله، ومعاز نزل معاه طبعاً. وتين كل ده بتفكر تعمل إيه. ملقتش غير إنها تتصل بمرات أنس. وتين / إزيك يا حور، عاملة إيه؟ حور / الحمد لله يا توتة، انتي عاملة إيه؟ وتين / محتاجة أتكلم معاكي، ممكن تيجي لو مش هتقل عليكي؟ حور / عيب عليكي يا توتة، أنا آه مش شوفتك غير مرة واحدة بس، انتي تتحبي. مسافة السكة وهكون عندك.

وفعلاً بعد حوالي نص ساعة، كانت حور وصلت عند وتين وقعدوا مع بعض. حور / ها يا ستي، فيه إيه بقي، مالك؟ وتين / أنا فيه مشكلة عندي، وأنا بصراحة متعودتش أحكي لحد، ولا عمري كان عندي صحاب. بس حسيت إنك شخص يؤتمن عليه في الأسرار. حور / يا حبيبتي، وأنا معاكي في أي وقت تحتاجيني فيه، واعتبرينا أخوات. وتين / خلاص حاضر، هقولك... وحكتلها الحوار، ولكن حور لم تستطع إنها تعطي لها حلاً لهذه المشكلة. وبعدها بفترة مشيت من عند وتين.

جه أسر ومعاز. كان أسر نسي يجيب الموبايل بتاعه. اسر / معاز، معلش استناني هنا، أنا نسيت أجيب الموبايل بتاعي من العربية. معاز وهو يبتسم بخبث / أكيد، روح. ولم يستمع لكلام أسر، وطلع الشقة وقفل الباب. وتين / اسر حبيبي، انت جيت؟ معاز / مينفعش معاز هو اللي يبقى حبيبك. وتين / انت إزاي تطلع كده؟ وبعدين إيه اللي انت بتقوله ده؟ اتفضل أطلع بره عقبال ما أسر يجي. معاز / ولو مطلعتش هتعملي إيه؟ وبعدين معقول زيزو حبيبك موحشكيش؟

وتين / هقول لأسر على الحقيقة كلها، وهقوله قد إيه انت شخص واطي وزبالة. معاز / كان نفسي، بس مش هتلحقي يا توتة. ومسك الفائزه وضربها على دماغ وتين لحد ما فقدت الوعي، ولفها في سجادة ونزل بيها على السلم. اسر / انت واخد السجادة دي ورايح على فين يا معاز؟ معاز ....