رواية أحببت عنيد الفصل الخامس 5 - بقلم سجود بكري

تاني يوم عند عشق. قامت شافت ادهم نايم جمبها. عشق بسرحان: انت طيب ولا شرير؟ انا بقيت مش فاهمه حاجه. شويه اخاف منك وشويه احس انك حنين. انا بقيت مش فاهمك يا ادهم. بس نفسي تبقي سندي وضهري ومتبعدش عني. وقربت منه بستو من خده. ولسه هتقوم. مرة واحدة بقت نايمة على السرير وفوقها ادهم. ادهم بخبث: كنتي بتعملي ايه وانا نايم؟ عشق بتوتر: ها... انا معملتش حاجه. خليني اقوم.

ادهم ببرود: تؤ تؤ تؤ. انسى. مش هتقومي غير لما تقوليلي دلوقتي حالا كنتي بتعملي ايه. عشق لسه هتتكلم، قطعه صوت الباب اللي بيخبط. ادهم بعصبيه: ميييين؟ الخدامه: ادهم باشا. في واحدة تحت اسمها سامية ومعاها بنتها. بيقولوا انهم قرايب عشق هانم. عشق بخوف شديد فضلت تترعش. وادهم لاحظ ده. ادهم ببرود: قوليلهم عشق هانم نازلة. الخدامه نزلت. ادهم لعشق: يلا علشان ننزل. عشق بخوف: لا انا مش هنزل. انزل انت.

ادهم باستغراب: عشق انتي خايفة ليه كده؟ ومين اللي تحت دول؟ عشق برعشة: مرات ابويا وبنتها. ادهم هز راسه: طيب يلا. عشق لسه هتتكلم. ادهم قطعها. ادهم مسك ايدها: انا مش عايز مراتي تخاف طول ما انا جمبها. تمام؟ عشق هزت راسها ونزلت معاه. رنا بحقد وغيره: حبيبتي ياعشق. تصدقي اني زعلت جدا انك مشيتي وسبتيني مرة واحدة كده. سامية بطيبة مصطنعة: وحشتيني ياشوشو. تعالي في حضن ماما ياشوشو. وحضنتها بغل. وعشق اتوجعت.

عشق بوجع: وانتي كمان يامرات ابويا. سامية بزعل مصتنع: اخس عليكي ياعشق. انا مش قولتلك قبل كده قوليلي ياماما؟ ادهم ببرود: اتفضلو اقعدوا. رنا بخبث: اهلا. انت عامل ايه؟ ادهم بجمود: كويس. رنا خافت منه وسكتت. بعد شوية كلهم مشيوا. عشق لادهم: احم... ادهم ممكن طلب؟ ادهم بهدوء: اطلبي. عشق بكسوف: هو انا ممكن اكلم صحبتي من عندك تيجي تقعد معايا شوية؟ ادهم محبش يكسفها وهو شايفها خايفة: ماشي ياعشق. خدي التليفون اهوه.

عشق شكرته واتصلت على سما. سما بعصبيه: الو مين معايا؟ عشق بضحكة: في ايه يابنتي. اهدي. سما بفرحة: عشق عشقي انتي كويسة؟ عشق بحب: اه ياحبيبتي. ممكن تيجي تقعدي معايا شوية؟ سما بحب: بس كده ده ممكن وممكن اوي كمان. قولي العنوان. عشق بهدوء: اهو العنوان... بس متتاخريش. سما بمرحه: خمس دقايق وابقي عندك. وقفلوا. ادهم لعشق: انا هطلع اخد شاور. عشق هزت راسها. ادهم طلع ومراد دخل وشاف عشق. قعد. مراد لعشق: انتي مين وبتعملي ايه هنا؟

عشق اتخضت وسكتت. مراد قرب من عشق: انتي ساكتة لي؟ قولي انتي مين. ادهم نزل وشاف عشق خايفة ومراد قريب منها. اتجنن وراح عندهم. ادهم لمراد ببرود: ايه اللي جابك يامراد؟ مراد: عادي جيت اشوفك. مجتش امبارح لي؟ وكمل باستغراب: مين دي؟ وبيشاور على عشق. ادهم ببرود: دي عشق. مراتي. مراد اتصدم: مين مراتك؟ ازاي يعني؟ ادهم فهم في ايه: هبقي احكيلك في الشركة. مراد فهم وجي يسلم على عشق. ادهم هو اللي سلم عليه.

ادهم بنظرة تخوف: اسمها مدام عشق. وهي للاسف مش بتسلم على راجل. مراد ابتسم بخبث لما شاف صاحبه بيغير: بس ماشاء الله قمر يامدام عشق. عشق بكسوف: احم... شكرا. ادهم ببرود: اعرفك ياعشق. ده مراد صاحبي واخويا. عشق ببراءة: ازيك يا استاذ مراد. مراد بمرح: استاذ ايه بقا. انتي خلاص بقيتي اختي الصغيرة. قوليلي مراد بس. عشق بصت لادهم وخافت منه وسكتت. فجأة دخلت سما وحضنت عشق جامد.

سما بفرحة: عشقي انتي وحشتيني اوي. كده كده تتجوزي من غير ما تقوليلي؟ عشق بهدوء: وانتي كمان وحشتيني اوي ياسما. هبقي احكيلك كل حاجة بس متزعليش مني. سما بمرح: وانا مقدرش ازعل منك ياعشقي. عشق: استني اعرفك على ادهم وصحبة. عشق: ده ادهم. وشاورت عليه. وده مراد. صاحبي. سما لادهم: احم... اهلا يا ادهم بيه. ادهم بهدوء: اسمي ادهم بس. انتي برضو زي اختي. سما لمراد: احم... ازي؟ اتصدمت لما شافت مراد. وقالت بصدمة: انت؟

مراد بصدمة: انتي بتعملي ايه هنا يابت انتي؟ سما بعصبيه: بت مين ياحيوان انت؟ مراد بعصبيه: انتي اتجننتي يابت انتي؟ ازاي بتكلميني كده؟ سما ببرود: انا اتكلم زي ما انا عايزة.