رواية أحببت عنيدتي الفصل التاسع 9 - بقلم ايمي مختار

عائشة : مالك يا أيهم من ساعة ما رجعت وانت شكلك متضايق. أيهم بابتسامة حزن : مفيش يا أمي متشغليش بالك. عائشة وقد أمسكت يده بحنان : مالك! أيهم بحزن : زعقت فيها وزعلتها مع إنها مغلطتش. عائشة : إيه اللي حصل؟ أيهم : هي في طبيعتها دبش وملتزمة وأنا فهمت ألمها ودبشها ده إنه حاجة تانية وشخطت فيها وقولتلها إني مش هجري وراها. عائشة : وهو عشان البنت بتحافظ على نفسها تبقى عايزاك تجري وراها؟ أيهم : أنا عارف إني غلطت بس ده كان في لحظة غضب. عائشة : ساعة الغضب دي بتكون انعكاس للي في قلبك عارف ده معناه إيه؟ إنك مش بتحبها..... اللي بيحب حد بينسى عيوبه مبيستناش وقت العصبية والزعل عشان يعايره بصفاته الوحشة. أيهم : وهل أنا بحبها؟ بس أنا مش عارف قولت كده إزاي يمكن عشان كل ما أحاول أقرب منها مقدرش لأنها بتبعدني عنها وأنا مش مستحمل بعدها. عائشة : ربنا يريح قلبك ويقدم لك اللي فيه الخير يا بني تصبح على خير. أيهم : وإنتي من أهله يا أمي. خرجت عائشة وظل أيهم يفكر بكلام أمه وكلامه مع حبيبة ويأنب نفسه على ما فعله.