رواية احببت ابن عمي الفصل الحادي والثلاثون 31 - بقلم ملك احمد

سيف: كل سنة وأنتِ معايا... بحبك. أميرة بحب: حبيبي ربنا يخليك. سيف: مبسوطة؟ أميرة: آه... مبسوطة جدًا يا سيف. سيف: طب غمضي عينيكي. أميرة: ليه؟ سيف: عشان أديكي هديتك. أميرة: بجد؟ ... غمضت عيوني... وقام قرب وباسني. أميرة بشهقة: أنت قليل الأدب يا سيف على فكرة. وكذاب كمان. سيف: طب خلاص غمضي عينيكي بقى. أميرة: يا سلام عشان تعمل اللي عملته؟ لأ يا أخويا. سيف: غمضي بس. أميرة: ماشي. سيف: فتحي عينيكي.

أميرة: أنا والله مش عارفة إيه جو العشق الممنوع ده. سيف: فتحي بقى يا ولية. أميرة: ماشي... فتحت ولقيته جايب سلسلة مرسوم عليها نص قلب... وجايب اتنين واحدة مكتوب فيها اسمي والتانية اسمه. أميرة: إيه ده؟ سيف: السلسلة دي مش عايزك تسيبها أبدًا... واحدة ليكي والتانية ليا. أميرة: أنا بحبك قوي قوي يا سيف، ربنا يخليك ليا، أنت بجد أحسن إنسان شفته في حياتي وعمري ما هشوف حد شبهك ولا في شهامتك ولا حبك يا سيف.

سيف: لأ لأ أنا كده أضعف وأتغر. قعدت أضحك. سيف: لأ أنا المدام عندي قمر... لأ أنا المدام عندي قمر بقى. أميرة بضحك: يا ابني حرام عليك هتموتني من الضحك. ولقينا الباب بيخبط. سيف: مين قاطع اللحظات السعيدة دي؟ عشق: إحنا يا بابا افتح. سيف: أفندم أشجيني. لقيناهم طلعوا وناموا على السرير. سيف: ده إيه ده بقى إن شاء الله؟ ليل: إحنا هننام هنا. سيف: ده بإمارة إيه؟ عشق: بإمارة إننا بنحب ننام هنا.

ليل: يلا طفوا النور وتعالوا ناموا عشان تعبانين. سيف: هي العيال دي بتربينا من أول وجديد ولا أنا بيتهيأ لي؟ أميرة بضحك: يلا يلا ننام. اليوم التالي كنا عازمين ميادة ومروان ونعمة وعلي وعادل وسلوى. أميرة: أهلًا اتفضلوا. نعمة: وحشتيني قوي يا ميرو. أميرة: حبيبتي وأنتِ كمان وحشتيني. بعد شوية أميرة بضحك: منك لله يا نعمة. نعمة بضحك: وأنا مالي يا لمبي؟ حد قالك تغيري مكان السكر والملح، لأ وكمان نفس البرطمانات...

خليتيني أحط الملح في الشاي، ذنبي بقى؟ سلوى: لأ أبدًا، حد يقول غير كده. أميرة: اسكتي ده سيف كان على آخره ونفسه يديكي بالكباية في وشك. نعمة: دائمًا ظالمني. أميرة: عارفين الحوار ده بيفكرني بإيه؟ ميادة: إيه؟ أميرة: الرز اللي حطيت له سكر بدل الملح... ولا الفراخ المتجبسة. سلوى بضحك: آه أنتِ جبتي من اللي تحت الحوض. آدم: يلا يا شوشو عشان أذاكرلك. عشق: ما تقوليش يا شوشو... عشان مش بحب الاسم ده. آدم: ماشي يا شوشو.

عشق: آدم أنت رخم قوي... آدم: طب خلاص بقى ما تزعليش... أنا آسف... يلا عشان أذاكرلك. عشق: لأ أنا وليل كبرنا وبقى عندنا ١٠ سنين وبنعرف نذاكر لنفسنا كويس. آدم: يا سلام... طب ما أنا عندي ١٥ سنة وماما بتذاكرلي. ليل: اتكلمي عن نفسك يا أختشي أنا آسر هيذاكرلي. آسر: عيون آسر القمر ده... طب يلا بقى عشان عايزك تقفلي في الامتحان بتاع بكرة فاهمة؟ ليل: فاهمة. آدم: يلا بقى يا عشق. عشق: ماشي... يا آدم بس هتجيبلي شوكولاتة.

آدم: بس كده... عيوني.