رواية احببت اخر الفصل السادس 6 - بقلم منة محرم

مصطفي: مرة تانية إن شاء الله. تصبحوا على خير. مراد: كانت سهرة جميلة يا مصطفي. ياريت تبقا تجيب اختك وتيجوا. مصطفي: حاضر. بعد شوية ميلا: الا قولي الجزمة اللي جبتهالها دي جبتها منين يا سوسو؟ مصطفي: من أوضتي. ميلا: لا والله أنا مش فاتحة محل جزم في أوضتي. قصدي جبتها منين؟ العنوان يعني. مصطفي: والله العظيم أوضتك. ده العنوان. ميلا: نهارك أبيض! انت خدت الجزمة بتاعتي؟

وأنا أقول الجزمة شبه بتاعتي بالظبط. حتة اللون. اه يا قلبي، ده أنا لسه ملبستهاش. يا مصطفي منك لله. منال: في إيه يا ولاد؟ كل شوية تصحوني كده بصوتكم. والله الواحد ما محتاج منبه. انتو بتقوموا بالواجب. ميلا: ثانية كده. انتي يا حاجة علشان هفتح دماغ ابنك دلوقتي. مصطفي: هديكي حقها. اهدي كده. ميلا: تديني حقها إيه؟ انت متعرفش تمنها كام. مصطفي: كام ياختي؟ ميلا: 250 جنيه قبل الخصم. مصطفي: وبعد الخصم؟ ميلا: 100 قبل الفصال والزن.

مصطفي: هيحح. وبعد الفصال والزن؟ ميلا: 50 جنيه. مصطفي: اه يا معفنة! بقة عامله الفيلم ده كله علشان 50 جنيه. اوعي يا ميلا واهدي كده. خلينا نفكر هنعمل إيه بكرة. منال: هتعملوا إيه بكرة يعني؟ مصطفي: بكرة خميس يا ميلا. هااا؟ الخميس. ميلا: تاكل طبق خنافيش. مصطفي: يابنتي. ميلا: ما أنا عارفة إنه الخميس. وبعده بكرة الجمعة. انت هتعرفني على أيام الأسبوع؟ مصطفي: يابنتي افهمي. بكرة الخميس مش بيفكرك بحاجة؟ ميلا: اااااه الخميس.

مصطفي: الحمد لله. هنعمل إيه بقى؟ ميلا: هنعمل فيه زي ما بنعمل كل أسبوع. يا بنضرب بعض، يا بنضرب بعض برضه. مصطفي: طب خشّي نامي يا ماما. انتي قاعدة ليه. خشّي خشّي. وانتي يا ميلا تعالي نقعد في البلكونة يا حبيبتي. بعد شوية مصطفي: يابنتي بكرة الخميس. خطوبة آية وحسن. مكنتش عايز أتكلم قصاد أمك. وانتي ماشاء الله غبية. ميلا بتفكير: اممممم. أكيد اليوم ده مش هيعدي على خير. نيهاهاها. مصطفي: جدعة. هنعمل إيه بقى؟ ميلا: هقولك.

بعد شوية مصطفي: كل الخطط دي مش عاجباكِ؟ ميلا: أنا عندي خطة أحلى بكتير. مصطفي: إيه هي يختي؟ تاني يوم ميلا وهي واقفة في البلكونة بتتفرج على الناس وهما بيعلقوا النور: متعلقوش بضمير أوي كده يعني. مصطفي بحزن: إحساس وحش أوي. ميلا: اه فعلاً. إحساس بيخوف برضو. مصطفي: هو إيه اللي بيخوف؟ ميلا: الراجل اللي واقف على السلم وبيعلّق الكشافات ده. مصطفي: انتي هبلة يابنتي؟

أنا بتكلم إننا بنتفرج عليهم وهما بيحضروا الكوشة بتاعت آية وحسن. ميلا: اه صحيح. عااااااام. مصطفي: عاااااام. منال: إيه يا ميلا؟ مش هتنزلي تساعدي البت آية؟ ده انهارده خطوبتها. مصطفي: ما خلاص بقة عرفنا يا ماما إنها خطوبتها. انتي لو قاصدة تضايقيني مش هتعملي كده. منال: وانت هتضايق ليه يا خويا؟ مصطفي: مفيش. مفيش. منال: ماله يابت يا ميلا؟ ميلا: مفيش. مفيش. منال: يارب. إزازة بيبسي بدلهم.

ميلا: ابقي اديني بق يا مامي علشان بيجيلي حموضة. منال: امشي من وشي. بعد شوية مصطفي: إيه القمر ده. ميلا: ربنا يخليك يا حبيبي. تسلم. مصطفي: المهم جبتي البومب والصواريخ؟ ميلا: طبعاً. مصطفي: أشطا. أول ما أغنية "يا دبله الخطوبة" تشتغل هتعملي إيه؟ ميلا: هروح أفصل النور عن الحارة كلها يا معلمي. مصطفي: جدعة يابنت يا تهاني. ميلا: إيه؟ انت هتعيش الدور؟ تهاني مين؟ يلا ننزل. مصطفي: يلا. بس كلمة السر إيه؟ ميلا: انتش واجري.

مصطفي: ههههههه. ميلا: يلا. أول ما أقولك "انتش وأجري" تطلع الشقة علشان تقف في البلكونة وترمي الصواريخ. أشطا. مصطفي: أشطا. بعد شوية مصطفي: كويس إنك جيت. عامل إيه؟ مراد: كويس الحمد لله. العرسان لسه مجوش. مصطفي: أيوه. مراد: متزعلش يا مصطفي. ربنا يعوضك خير يا صاحبي. مصطفي: إن شاء الله. مريم: اومال فين ميلا؟ مصطفي: فوق. زمانها نازلة. (لم يكمل كلامه كانت نزلت) مراد في باله: إيه القمر ده. ميلا: ازيكوا يا شباب؟ أخباركو إيه؟

ريم: إيه العسل ده. ميلا: ربنا يخليكي. ازيك يا دكتور مراد؟ مراد: ها؟ ميلا: ها إيه؟ بقولك ازيكم. مراد: بخير الحمد لله. مصطفي: إيه رأيك في حارتنا؟ مراد: حلوة أوي. كفاية الناس الطيبة اللي فيها. ريم: الله. العرسان جم أهم. ميلا: أنا طالعة. مصطفي مسك إيديها بحزن: حاسس بيكي. بس مينفعش تطلعي يا ميلا. ميلا: مش هقدر يا مصطفي. مصطفي: أنا كمان مش قادر. بس خلاص يا ميلا. لازم تتقبلي. ميلا: علشان خاطري سيب إيدي. عايزة أخش الحمام.

مصطفي: احلفي. ميلا: اه والله. يبني ما الخطوبة هتتفشكل انهارده. هزعل ليه بقى؟ مش احنا عاملين خطة؟ مصطفي: اه صحيح. طب يلا اطلعي. بعد شوية ميلا بصوت عالي: انتش واجري. مراد: إيه؟ ميلا: في إيه؟ مراد: تنتشي إيه وتجري فين؟ ميلا بتوتر: ها. لا. أنا كنت بنادي على مصطفي. ومشيت. مراد بشك: أكيد في حاجة. إيه اللي هيخليها متوترة كده؟ ميلا قدام عداد الكهرباء: بسم الله. توكلنا. مراد: انتي بتعملي إيه عندك؟ ميلا: عااااا. عفريت! عفريت!

مراد: شششش. اهدي. أنا مراد. ميلا: انت فين؟ مش شايفة. سامعة صوتك بس. مراد: وليه تعملي كده وتفصلي الكهرباء عن الحارة؟ ميلا: أنا يبني. مراد نور كشاف الموبايل: أيوه. انتي. ميلا باصة في عيونه: بس أنا. أنا معملتش حاجة. مراد: عملتي كده ليه؟ ميلا بتوتر: ها. أنا فجأة كده حسيت إن النور هيقطع. فجيت أسأله. وللأسف قطع وأنا رايحة أقولهم. مراد: على أساس إنه هيرد عليكي وكده. ميلا: عايز إيه يعنى؟ مراد: كنتي بتعملي إيه هنا؟

ميلا بدموع: هكون بعمل إيه؟ ابن الجيران اللي بحبه خطوبته انهارده. عايزني أعمل إيه؟ أقف أتفرج عليه. مراد: حسن؟ ميلا: أيوه. حسن. مراد: هو مش بيحبك. لو بيحبك هيختارك انتي. بس هو مش من نصيبك. ميلا: بس أنا بحبه. مراد: ممكن تقوليلي ذنبها إيه خطيبته؟ وانتي بوظتي أحلى يوم في عمرها كده. ميلا: ما أنا.

مراد: عيشي حياتك. هو مش من نصيبك يا ميلا. هو بيحب واحدة تانية. وهي كمان بتحبه. متبقييش أنانية وتبوظي فرحتهم. فكرك لما تبوظي الخطوبة هيبصلك أصلاً؟ مهو هيفضل معاها لأنه مش بيحبك. ميلا: طب أعمل إيه؟ مراد: شغلي النور بس. ميلا: اه والله. انت حولتني بكشاف الموبايل ده. مراد: طب امسكي كده الموبايل. أشغل النور اللي فصلتيه ده. ميلا بصدمة: يالهووووووي. مراد: ااايه؟ ميلا: أنا لازم ألحق مصطفي. مراد: إيه؟ هينتحر؟

ميلا: لا. هيولع صواريخ ويحدفها على الناس. على أساس إن حصل ماس كهربائي والناس تمشي والخطوبة تبوظ. مراد: يخرابي عليكوا. عفاريت. ميلا: يلا بسرعة. عند مصطفي مصطفي لسه هيرمي الصاروخ: النور رجع تاني إزاي؟ اه يا ميلا يا غبية. مراد: مصطفي. مصطفي: احم. مراد. انت دخلت إزاي؟ تعال اتفضل. مراد: انت كنت هتعمل إيه؟ ميلا: مراد قفشني يا مصطفي واعترفتله بكل حاجة. مصطفي: منك لله. بيلبسوا الدبل تحت.

مراد: أنا مكنتش أعرف إنك كده يا مصطفي. بجد أنا مصدوم فيك. ليه؟ ليه تخرب فرحة شخصين بيحبوا بعض؟ ليه؟ مصطفي: أنا بحبها يا أخي. انت مش هتحس بيا. مراد: لو بتحبها تتمنالها السعادة مع الشخص اللي هي اختارته. متبقاش أناني وتبوظ فرحتها. فكرك لما تبوظ فرحتها هتسيبه؟ مصطفي: أنا مش عارف. مش عارف أعمل إيه.

ريم: تنزل تبارك لها وتتمنالها السعادة مع الشخص اللي بتحبه. وتحاول تنساها وتعيش حياتك. وربنا هيرزقك ببنت الحلال اللي تحبك وتخاف عليك. مراد: ريم. كنتي فين؟ ريم: سألت مامت ميلا قالت لي إنكم فوق. جت لكم. المهم ما علينا. انزل يا مصطفي. وانزلي انتي كمان يا ميلا. حرام عليكو. كنتوا هتبوظوا فرحتهم. ميلا: شكراً يا دكتور مراد. وشكراً يا ريم. شكراً إنكم وقفتونا عن البلاوي اللي كنا هنعملها.

مصطفي قام وكان هيدخل أوضته. بس ميلا مسكت إيده. ميلا: فكرك إني هقدر أشوفهم كده يا مصطفي؟ بس إحنا لازم نتقبل الحقيقة يا مصطفي. ولازم نتمنالهم الخير والسعادة. مش نخرب عليهم. انزل اقف جمب صاحبك. وأنا هنزل أقف جمب صحبتي. وإن شاء الله ربنا هيرزقك ببنت الحلال. انزل يا مصطفي. هات إيدك في إيدي وننزل ونبارك لهم. مصطفي بدموع: أنا مش قادر. ميلا بحنية: ممكن متعيطش بقى؟ أنا مش بحب أشوفك كده. علشان خاطر ميلا حبيبتك.

ريم: احم. مراد. تعال ننزل إحنا. مراد: تمام. ميلا: شكراً يا دكتور مراد. مراد: العفو. هستأذن أنا بقى. هبارك للعرسان وهمشي. ونتقابل بكرة يا مصطفي. مصطفي: خليك يا مراد. اقعد. لسه بدري. مراد: لا. علشان سايبين ميار عند صاحبتها والوقت اتأخر. إن شاء الله نتقابل بكرة. عن إذنكم. ريم: سلام يا ميلا. خلي بالك من نفسك. ومتزعليش. ميلا: تمام. بعد شوية ميلا: مبروك يا حسن. حسن: الله يبارك فيكي. عقبالك. ميلا: ربنا يخليك. مبروك يا يويو.

آية: عقبالك يا حبيبتي. مصطفي: مبروك يا صاحبي. حسن: الله يبارك فيك يا حبيبي. عقبالك. مصطفي: مبروك. خلي بالك منه. حسن جدع وابن حلال. حسن: ده صاحبي. يا إسراء اللي بحكيلك عنه أهو. ده عندي بالدنيا كلها. مصطفي في باله: معقول! كنت هخرب فرحتك دي يا صاحبي؟ بسبب غبائي. مفكرتش فيك إزاي؟ إزاي كنت هعمل كده؟ على الكورنيش مصطفي: كنت عارف إني هلاقيكي هنا. ميلا: الخطوبة خلصت. مصطفي: معرفش. أنا سبتها وجيت. ميلا: عرفت إزاي إني هنا؟

مصطفي: أنا أخوكي. وعارف بتفكري في إيه. وعارف بتحكي لمين لما بتكوني مخنوقة. ميلا بابتسامة: برتاح لما باجي أقعد هنا. مصطفي: وانتي صغيرة. لما بتكوني زعلانة من حاجة. كنت أول حاجة بفكر فيها إنك هتكوني هنا. ميلا: مهو لما انت بتضايق بتيجي هنا برضه.

مصطفي: فاكرة لما كنتي بتقولي لي. كل أما أبقى مضايق أجي هنا وأنا هرتاح. كنت بسمع كلامك. وكنت باجي هنا. أفضل أتكلم كتير أوي. أطلع كل اللي جوايا. وكنت برتاح. الحاجة الوحيدة اللي عملتيها صح في حياتك إنك قولتي لي أبقى أجي هنا. ميلا: يسلاااام. دي بس؟ طب قوم يا مصطفي. سيبني لوحدي. مصطفي: يستي بهزر معاكي. متبقاش قافوشة. ميلا: إحنا كنا هنغلط النهارده غلطة كبيرة أوي يا مصطفي.

مصطفي: أنا مفكرتش في فرحة صاحبي. وفكرت في نفسي. مفكرتش في سعادة آية. وفكرت في نفسي. إحنا لازم ننساهم يا ميلا. والحمد لله إن مراد كان معانا. الحمد لله. ربنا يسعدهم. ميلا: يارب. يلا بقى نقوم نمشي. الوقت اتأخر. مصطفي مسك إيديها: يلا. بعد مرور شهر كان مراد ومصطفي وريم وميلا بقوا أصدقاء وعلاقتهم كويسة أوي ببعض. وطول الشهر كان مراد بيحاول يخفف على مصطفي وكان معاه. وكذلك ريم مع ميلا.

ميلا: افرحوا يا بنات يلا وهيصوا. رمضان أهو نور فوانيس. مصطفي: في إيه يابنت؟ افصلي شوية من الصبح وانتي بتغني. ميلا: فرحانة. رمضان خلاص أهو. يا الأربع يا الخميس. (وراحت على ودن مصطفي) ميلا: توووووووووو. مصطفي بخضة: يخربيتككك! تعالي هنا يا بت. ميلا استخبت ورا مامتها: خلاص. آسفة والله. آسفة. منال: في إيه يا ميلا؟ ميلا: تعالي أقولك في ودنك حصل إيه. منال: ها. قولي. ميلا: تووووووووووت.

منال: حسبي الله ونعم الوكيل. أنا مش هقول غير كده. ميلا: أنا نازلة. مصطفي: رايحة فين؟ ميلا: هروح ألم فلوس من الحارة بتاعت الزين. مصطفي: هتاخديها وتهربي؟ هههه. ميلا: يا خفة. يلا باي. مصطفي: استني. جاي معاكي. منال: مش عارفة سبتوا إيه للعيال الصغيرة. بعد شوية يتبع كل سنة وانتو طيبين وبخير وسعادة. وبمناسبة عيد الأم كل سنة وكل أم طيبة.