رواية أحببت اميرة الفصل الرابع 4 - بقلم ملك محمود

جابر خرج من الأوضة بسرعة ومسك إيد عزة وضربها بالقلم بالأيد التانية لدرجة إنها نزفت من بوقها من شدة القلم. عزة بعصبية ودموع: انتي بتضربني يا جابر عشان الزبالة دي. جابر مسكها من شعرها: اخرسي ومسمعكيش تجيبي اسم بنتي على لسانك تاني، فاهمة؟ عزة: خلاص سيب شعري، فاهمة، مش هاجي جمبها تاني. إسراء اللي كانت واقفة خايفة: أميرة بتكدب يا بابا، دي مدوراها أصلاً. جابر ضربها قلمين رايح جاي على وشها،

وصرخت من شدة القلم وقال: بقا هي بردو اللي مدوراها؟ انتي مش هتمسكي تلفونات تاني لحد ما يجيلك نصيبك وتغوري من هنا، وإياكي تتعرضي لأختك تاني، فاهمة يا بت. إسراء ببكاء: فاهمة يا بابا. جابر أخد منها الفون وقال: متتكلموش معايا ولا مع أميرة. أميرة: أنا آسف يا بنتي على اللي حصل، أوعدك إنه مش هيتكرر تاني. أميرة: لا يا بابا متتأسفش، انت أبويا بردو مهما كان، وخلاص أنا مسامحاهم.

جابر: قلبك كبير وطيب يابنتي، ربنا يسعدك. وخرج بره البيت. عزة قامت وقالت لأميرة: صدقيني هدفعك تمن الإهانة دي غالي أوي قريب وهتشوفي. أميرة مردتش عليها ودخلت أوضتها وقفلت على نفسها. وانتِ على حور صحبتها وحكت ليها ما حدث. حور: ههههههه ههههههه مش قادرة، كل ده حصل، كان نفسي أشوفهم أوي، مصورتيش فيديو ليه؟ أميرة: أصور إيه بس، دول صعبوا عليا أوي بصراحة، القلم كان جامد، بس فرحت إن الحقيقة ظهرت.

حور: ميصعبش عليكي غالي يا ختي، المهم بكرة هنتجمع في الكافيه اللي عند بيتنا، هتيجي ولا إيه؟ أميرة: هستأذن من بابا وأجي، بس بشرط، عايزة لب من عند عمو محسن البقال. حور: اشمعنا هو يعني؟ ده راجل بخيل يا ستي. أميرة: يعني هما الشوية اللي هيحطهم زيادة هيطولوا عمرك يا ستي كريمة كريمة؟ حور: خلاص خلاص هجبلك، يلا بقا سلام، صدعتيني. أميرة: ابقي خدي بنادول يا ختي، يلا سلام. وقفلوا.

عند عزة وإسراء. بيتوعدوا لأميرة وبيخططوا حتى يدمروا حياتها. تاني يوم الصبح. أميرة: بابا بعد إذنك، عايزة أخرج مع صحابي، هنروح الكافيه اللي عند بيت حور صاحبتي. جابر: ماشي يا حبيبتي، روحي بس خلي بالك من نفسك ومتتأخريش. وأعطاها فلوس وخرج لشغله. عزة: لازم ننفذ الخطة النهارده. إسراء: طب وبابا؟ عزة: إحنا مالنا، إحنا قاعدين في البيت أهو. أميرة لبست دريس لونه كشمير فاتح وخمار أبيض وكوتش أبيض وخرجت.

كل الشلة وصلوا الكافيه وقعدوا. زينة صاحبة حور وأميرة: بس أي القمر ده يا ميرو انهارده. أميرة: شكراً يا زوزو، انتي اللي قمر والله. حور: أما أنا بقا جبتلكم لب معايا، هتاكلوا صوابعكم وراه، يلا بسم الله. أميرة: ويا ترى خانقتي انهارده تاني عشان اللب ولا إيه؟ حور: لا، كنت طيبة معاه انهارده. وكان هناك من يتابع أميرة في صمت. عند عزة: ها، خلصت ولا لسه؟ مجهول: لسه قاعدين وشكلهم هيقوموا أهو.

عزة: طب خلص ورن عليا، عايزها متقدرش ترفع عينها قدام الناس، فاهم؟ مجهول: دي الليلة عيد دي، البت مزة. وقفلوا. عند أميرة وبتبص في الساعة: يا اختي، أنا اتأخرت، ده أنا أبويا زمانه معلقلي حبل المشنقة، يلا يا جماعة سلام عليكم. وودعوا بعضهم وذهب كل منهم إلى بيتها. أميرة كانت ماشية وفجأة يظهر ووو.