رواية أحببت اميرة الفصل الثاني 2 - بقلم ملك محمود

شوفت بنتك أميرة عملت إيه من وراك؟ جابر مسح دموعها. عملتلك إيه يا حبيبتي؟ إسراء: لأ، انت مش هتصدقني. وذادت في تمثيلها ودموعها. جابر بحنية: لأ، هصدقك. قولي في إيه. إسراء: كنت معدية قدام أوضتها بالصدفة وسمعتها بتكلم واحد وبتقوله كلام حب وأنهم هيتقابلوا. بابا الحقها. ليضحك عليها. أنا خايفة على أختي أوي. أرجوك. جابر بعصبية جنونية: أميرة! خرجت أميرة وبعدها عزة. أميرة: نعم يا بابا، محتاج حاجة؟ جابر

مسكها من شعرها وقالها: إيه اللي أختك بتقوله ده يا بت. أميرة ببكاء ووجع: قالت إيه يا بابا؟ سيب شعري، بتوجعني كده. جابر: انتي كنتي بتكلمي واحد، مين؟ وبتتفقوا تتقابلوا كمان. أميرة بصدمة ودموع: أنا يا بابا؟ إسراء قالتلك كده وانت صدقت إني ممكن أعمل حاجة زي كده؟ جابر: ومصدقهاش ليه؟ دي بنتي وعندي هي ومراتي أهم حاجة في الدنيا وأهم منك كمان. أميرة بصدمة: طب وأنا إيه؟

جابر بزعل من اللي قاله: انتي بنتي بردو، بس أنا بحبها أكتر منك شوية عشان هي الصغيرة بس. أميرة بزعل: إسراء كذابة يا بابا. ولو مش مصدق خد تليفوني اهو، شوفوا. جابر أخد الفون وشافه وفجأة نزل بو*ش أميرة بالقلم. جابر: وواثقة أوي من نفسك وانتي مكلمة الع*رة ده ساعة سليمة. أميرة بصدمة وعياط: أخدت الفون وشافت فعلاً رقم ومتسجل باسم غرامي. أميرة: بابا أنا والله ما عارفة ده وصل هنا إزاي. أرجوك صدقني. جابر: اخرسي.

وشدها من شعرها ودخلها أوضتها وقفل عليها. وقال: محدش يفتح لها خالص، فاهمين. إسراء وعزة في صوت واحد: فاهمين. وخرج جابر. وعزة وإسراء قعدوا يضحكوا. عزة: عملتي كده إزاي يا بت. إسراء: هقولك يا زوزو، هقولك. فلاش باك. إسراء: الووو. الشخص: إيه يا حبيبتي، عاملة إيه. إسراء: مش وقته دلوقتي، عايزة واحد حوار. الشخص: جاهز لأي حاجة تيجي منك.

إسراء: بص، أنا هكلمك من رقم أختي ساعة وهسجلك باسم غرامي وهقول لبابا إنها بتكلم شاب وهخليه يش*ك فيها ويطر*دها من البيت. ولو احتجتك انت عارف طبعًا هتقول إيه. وضحكت بدلع. الشخص: موافق. بس إيه المقابل؟ إسراء: هقابلك بعد يومين وأقولك. الشخص: تمام، اعتبره حصل. نرجع للحاضر. إسراء: وطبعًا ده كله وهي مشغولة في تنضيف البيت. عزة: بقا انتي يطلع منك كل ده؟ وبعدين هتقا*بلي الزف*ت ده فين؟ إسراء بارتباك: هااا؟

لأ، ده أنا بس بقوله كده. أنا هرميله فلوس وخلصنا، بس كده. إسراء محاولة لتشتيت أمها: بس إيه رأيك؟ عزة: برافو عليكي يا إسراء، ليكي عندي هدية. عند أميرة بتعيط وتليفونها رن وردت. كانت صديقتها المقربة حور. أميرة: أيوه يا حور. حور بقلق: في إيه يا أميرة؟ مالك؟ أميرة: وحكت كل ما حصل. حور: يا لهو*ي! إيه الخ*بث ده بس؟ ولا يهمك. أنا عندي لك خطة هتخرجك من كل المشكلة دي. أميرة بفرحة لأنها مظ*لومة: قالت قولي بسرعة، إيه هي بالله.

حور: اسمعي يا ستي.