رواية احببت ارملة الفصل الحادي عشر 11 - بقلم حورية مصطفى

صوت رصاصة استقرت في قلب أحدهم. كان الجميع في حالة صدمة. نجمة بصراخ: إلياس.. جاسر: إلياااس! وجرى عليه ليُلحقه قبل أن يقع على الأرض. إلياس بنفس متقطع: أنا آسف يا صاحبي، بس صدقني يا جاسر أنا مليش دعوة بكل ده. أنا كنت معاهم عشان أعرف أحمي عيلة صاحبي اللي اتقتل غدر. وقدرت أجيب تسجيلات بصوتهم فيها كل اعترافاتهم. هتلاقيها في مكتبي. جاسر: اهدى ومتتكلمش. هنتكلم في كل ده بعدين. وبصوت عالي: اطلبوا الإسعاف!

اللواء سليم بعصبية: حد يطلب الإسعاف يا بهايم! بعد ربع ساعة، سيارة الإسعاف وصلت وتم نقل إلياس إلى المستشفى. في المستشفى.. جاسر بزعيق: أنتم يا بهايم اللي هنا! الدكتور بعصبية: احترم نفسك يا أستاذ، أنت في مستشفى محترمة واللي بتعمله ده مينفعش. جاسر بغضب: نعم يا روح أمك، أنت لسه بتتكلم؟ اتفضل اتزفت شوف حالته إيه. وأمسكه من قميصه: وقسماً بالله لو جراله حاجة هتكون روحك هي التمن.

الدكتور بتوتر بعض الشيء: أنت مين عشان تهددني كده؟ جاسر بعصبية: أنا المقدم جاسر وصاحب المخروبة دي. الدكتور بخوف: متقلقش يا باشا هيكون بخير. وأكمل: جهزوا أوضة العمليات بسرعة. وبالفعل تم تجهيز غرفة العمليات ونقل إلياس إليها. وبعد ما يقارب السبع ساعات، كان الجميع يقف أمام غرفة العمليات في حالة توتر وخوف على إلياس. بعد مرور دقائق قليلة، خرج الطبيب المشرف على حالة إلياس من غرفة العمليات. الطبيب بجدية

وخوف من جاسر وعصبيته: العملية نجحت ولازم تمر 24 ساعة على خير. وهو دلوقتي هيتنقل غرفة العناية. اللواء سليم بهدوء: تمام، شكراً يا دكتور. الطبيب بابتسامة: مفيش داعي للشكر يا فندم، ده واجبي. فين نجمة يا جاسر؟ جاسر بصدمة: حورية، أنتِ عرفتي إزاي إننا في المستشفى؟ اللواء سليم بحزن: أنا يا جاسر اللي اتصلت عليها عشان تاخد بالها من نجمة. جاسر بهدوء: تمام يا فندم. حورية بحزن: هي ليه نجمة مش واقفة معاكم؟

اللواء سليم بهدوء: متخافيش يا بنتي، هي كويسة. هي بس بترتاح لأنها تعبت بسبب الحمل. نجمة كانت نايمة ودموعها بتنزل. حورية بخوف: نجمة.. الدكتورة بابتسامة: متقلقيش، هي كويسة يا قمر وحالياً نايمة بسبب المنوم، لأن ضغطها كان واطي. حورية بدموع: طيب الجنين كويس؟ الدكتورة بابتسامة: الجنين ومامته بخير. حورية بحزن: طيب مفعول المنوم هينتهي إمتى؟ الدكتورة بابتسامة: على بكرة الصبح إن شاء الله.

وبعدين قالت: مفيش داعي لوجودك هنا، ممكن تروحي وتيجي الصبح. حورية بابتسامة: لا، أنا هفضل هنا مش هروح وأسيبها. جاسر من وراها: يلا يا حورية عشان هتروحي. حورية بحزن: أنت بتقول إيه يا جاسر؟ مستحيل أمشي وأسيبك. جاسر بهدوء: اسمعي الكلام يا حور. وبعدين عشان خالتي فاطمة وتقى ميقلقوش بسبب خروجك من القصر بسرعة. حورية بخوف: طيب لما أتصل عليك ابقى رد بسرعة عشان مقلقيش. جاسر بحب: حاضر. ✰ــــــــــــــــ✰ في صباح يوم جديد..

♡في قصر الكيلاني..♡ فاطمة بدموع: بجد يا حورية نجمة كويسة ومش فيها حاجة؟ حورية بابتسامة: متقلقيش يا خالتو، هي كويسة. أنا كنت عندها امبارح وهي كانت نايمة بسبب المخدر مش أكتر. تقى بابتسامة حزن: الحمد لله إنها بخير. حورية بابتسامة: طيب يلا اطلعوا اجهزوا. أنا جهزت ليكي يا خالتو حاجة من هدوم ماما الله يرحمها. وأنتي يا تقى هتلبسي من هدومي. فاطمة بدموع: طيب يا بنتي. بعد وقت، كانت فاطمة وتقى خلصوا لبس. وروحوا المستشفى.

✰ـــــــــــــــــــ✰ في المستشفى.. الدكتور كان بيشوف المؤشرات الحيوية بتاعت إلياس. جاسر بحزن: هو مش المفروض كان يفوق دلوقتي يا دكتور؟ الدكتور بابتسامة حزن: للأسف يا سيادة المقدم، إلياس دخل في غيبوبة والله أعلم هيفوق منها إمتى. جاسر بعصبية وصراخ: أنت بتقول إيه يا حيوان! الدكتور بخوف: صدقني دي حاجة مش بإيدي يا سيادة المقدم. اللواء سليم بحزن: اهدى يا جاسر مش كده. جاسر بعصبية: اهدى إزاي؟

أنت مش سامعه بيقول إيه يا سيادة اللواء. اللواء سليم بحزن: سامع يا ابني، بس مفيش في إيدينا حاجة نعملها. الدكتور بخوف: مفيش في إيديكم غير الدعاء. عن إذنكم. عند نجمة.. كان الكل عندها مستني إنها تفوق. نجمة بتعب: آه.. فاطمة بدموع: حمدلله على سلامتك يا بنتي. نجمة بابتسامة: الله يسلمك يا ماما. حورية بفرح: ألف سلامة عليكي يا نجمة. نجمة بحب: الله يسلمك يا حور. تقى كانت واقفة بعيد عنهم ومش بتتكلم.

نجمة بحب: واقفة بعيد ليه يا تقى؟ مش عايزة تسلمي عليا؟ تقى كانت بتعيط ومش بترد عليها. نجمة بدموع: تعالي يا تقى هنا. تقى راحت لنجمة وقعدت جمبها. نجمة بدموع حضنتها وقالت: آسفة إني خوفتك عليا يا روحي. تقى بدموع: كنت خايفة لأخسرك يا نجمة. أنتِ اللي اهتميتي بيا بعد ما أهلنا اتوفوا. نجمة بدموع حضنتها: ششششش، بطلي عياط بقى. أنا كويسة قدامك أهو وزي القردة. صوت خبط على الباب يليه دخول جاسر واللواء.

جاسر بحزن: حمدلله على سلامتك يا مدام نجمة. نجمة بابتسامة: الله يسلمك يا سيادة المقدم. اللواء سليم بابتسامة: حمدلله على سلامتك يا بنتي. نجمة بابتسامة: الله يسلمك يا سيادة اللواء. نجمة بحزن: المقدم إلياس عامل إيه دلوقتي؟ جاسر بحزن: دخل في غيبوبة. فاطمة بحزن: لا حول ولا قوة إلا بالله العلي العظيم. نجمة بحزن: ربنا يقومه بالسلامة. الجميع أمن على دعائها.

نجمة: لو سمحت يا سيادة المقدم، أنا عايزة أمشي من هنا لأني مبحبش المستشفيات. جاسر بهدوء: تمام، تيجي الدكتورة تطمنا على صحتك وصحة الجنين، وتقدري تمشي. نجمة بهدوء: تمام. وبعد فترة قليلة، الباب خبط. جاسر بهدوء: اتفضل. الدكتورة بابتسامة: إزيك يا مدام نجمة؟ أخبارك إيه النهارده؟ نجمة بابتسامة: الحمد لله يا دكتورة بخير وشكراً ليكي أوي. الدكتورة بابتسامة: على إيه، ده واجبي. وعموماً تقدري تخرجي دلوقتي لو تحبي.

جاسر بهدوء: طب عن إذنكم، هروح أخلص إجراءات الخروج. وخرج من الغرفة. وفعلاً جاسر خلص إجراءات الخروج. بعد مرور 3 شهور.. ♡تقى خلصت الثانوي ودخلت كلية هندسة.. في إحدى كليات الهندسة.. الدكتور بعصبية: أنتِ قومي. تقى بخوف: أنا.. الدكتور باستهزاء: أيوه أنتِ. قولي أنا كنت بقول إيه دلوقتي. تقى بإحراج: آسفة يا دكتور، مأخدتش بالي. الدكتور بغيظ: وأنتِ هتاخدي بالك إزاي وإنتي بتتكلمي مع الشاب اللي جنبك؟

والله أعلم كنتوا بتتكلموا في إيه. تقى بدموع: مسمحلكش تتهم إتهام زي ده يا دكتور. الدكتور بعصبية: اتفضلي بره. تقى بعصبية: بره؟ بره؟ هو أنا خارجة من الجنة؟ ده أنت دكتور بهايم أصلاً. وخرجت بعصبية. الدكتور بعصبية..