رواية احببت ارملة الفصل الخامس 5 - بقلم حورية مصطفى

نجمه رفعت وشها من على الأكل وقالت: الذئب. جاسر لمح السلسلة في رقبة نجمه وقال: حلوة السلسلة دي. فاطمة بابتسامة: دي هدية من أدهم، الله يرحمه. الجميع بحزن: اللهم آمين. جاسر بابتسامة: عن إذنك يا أمي، لازم أمشي ضروري. فاطمة بابتسامة: اتفضل يا حبيبي، ويا ريت تبقى تكرر الزيارة تاني. جاسر بابتسامة: بإذن الله. جاسر بابتسامة وهو ماشي قال لنجمة: تشرفت بمعرفتك يا مدام نجمة. نجمة بابتسامة: أنا أكتر يا سيادة المقدم.

تقي بمرح: يعني أنت مش اتشرفت بمعرفتي أنا كمان يا عمو؟ جاسر بضحك: أكيد طبعًا، اتشرفت بمعرفتك يا قمري. تقي بخجل: وأنا كمان اتشرفت بمعرفتك. فاطمة بابتسامة: مبسوطة إني شفتك النهاردة يا جاسر. جاسر بحب: يارب دايماً يا أمي أشوفك مبسوطة. عن إذنك لازم أمشي. فاطمة بحب: اتفضل يا حبيبي. بعد ما جاسر مشي، تقي بمرح قالت: إيه رأيك في جاسر يا نجمة؟ نجمة بعدم فهم: رأيي في إيه؟ مش فاهمة. تقي بابتسامة: في شخصيته.

نجمة بابتسامة: هو باين عليه شخص محترم. تقي بمرح: يابوي على حلاوته وجماله. وبعدين قالت بضحك: استنوني بعد الثانوية العامة عشان قررت أتجوز الحليوة ده. فاطمة بعصبية: ادخلي ذاكري يا فاشلة يا أم ثانوية عامة. نجمة بخبث: استني بس يا ماما. فين يا تقي درجة امتحان الكيميا بتاعت الامتحان اللي فات؟ تقي بتوتر: لسه المستر مش وزع الدرجات. نجمة ببرود: فين الدرجة يا حيو... أنا عارفة إنك خدتيها. تقي بتكشيرة طلعت الورقة

من جيب البنطلون وقالت: خدي اهي. نجمة خدت الورقة منها واتفاجأت بالدرجة وقالت بصدمة: نهارك أسوح، إيه ده؟ تقي بابتسامة: 3 من 20. نجمة بغيظ: ومالك بتقوليها وإنتي فرحانة كده ليه؟ تقي بفخر: عشان أنا أعلى درجة في صحابي. فاطمة بضحك: أبو وردة بيسلم عليكي وحدفته في وشها. تقي بابتسامة لنجمة: عنّفِي أوي فطومة دي. نجمة بصراخ: ادخلي ذاكري يا حيو... تقي باستهزاء: على أساس إني نافعة أوي.

فاطمة بهدوء: كويس إنك عارفة، بس اعملي اللي عليكي. في الجهاز. إلياس بعصبية: يعني إيه ملف القضية يتسحب مني يا سيادة اللوا؟ اللوا سليم ببرود: صوتك يبقى واطي وإنت بتكلمني. والملف هيتسحب منك لأني شايف إنك مستهتر فيها. إلياس بهدوء: أنا آسف يا سيادة اللوا. وبعدين قال: مين اللي هيستلم القضية؟ اللوا سليم ببرود: المقدم جاسر. إلياس بعصبية: تمام. عن إذنك. وأدى التحية العسكرية وخرج. في مكتب المقدم جاسر.

إلياس دخل بهجومية وقال: إنت مفكر اللي بتعمله ده إيه ها؟ إنت عايز تبين للوا إنك أحسن واحد هنا في الجهاز. جاسر ببرود: ما أنا فعلًا أحسن واحد هنا في الجهاز. إلياس بعصبية: صدقني هتندم. وملف القضية هيكون عندك، اشبع بيه. بس مش هتقدر توصل لحاجة برضه بخصوص القضية، ولا للعصابة. جاسر بضحك: إنت أهبل ياض؟ أنا الذئب. وبعدين قال باستهزاء: إذا إنت مش قادر توصل لرئيس العصابة اللي قتل صاحبك، فأنا أقدر. عارف ليه؟

لأني الذئب. اللقب ده مش من فراغ وإنت عارف. إلياس باستهزاء: ذئب؟ والذئب ده كان فين لما اتقتل صاحبه؟ جاسر ببرود: كنت بلعب يالا. واتفضل برا عشان عندي شغل. إلياس خرج بعصبية ورزع الباب وراه. في مكان بعيد عن أنظار الناس. مجهول 1 بغضب: يعني إيه كلامك ده؟ مجهول 2 بهدوء: يعني الذئب رجع ونهايتنا قربت أوي برجوعه. إحنا قدرنا نخلص من القناص، بس مش هنقدر نخلص من الذئب. مجهول 1

بغيظ: في دي معاك حق. إحنا خلصنا من القناص بصعوبة، بس الذئب مش هنقدر عليه لوحدنا. مجهول 2 بتفكير: بس أكيد فيه حل. مجهول 1 بابتسامة خبث: ما فيش غير ضرغام اللي هيقدر يخلص عليه. مجهول 2 ضحك بشر وقال: نهايتك قربت يا ذئب. في صباح يوم جديد. فاطمة بحنان: خليكي إنتي يا حبيبتي، وأنا هنزل أشتري طلبات البيت. نجمة بحب: لا يا ماما ارتاحي إنتي. إنتي رجلك تعباكي. أنا هروح على طول ومش هتأخر. فاطمة بحب: ربنا معاكي يا حبيبتي.

نجمة بابتسامة: آمين يارب. نجمة نزلت واشترت طلبات البيت. وعلى جانب آخر من الطريق في العربية، حيث يوجد شخصان يخططان لقتل نجمة. مجهول 1: نفذ يلا، البت قدامك أهي. واسوق بأعلى سرعة.