رواية احببت ارملة الفصل الخامس والعشرون 25 - بقلم حورية مصطفى

جاسر قعد وحط رجل فوق الأخرى وقال بغرور: "غير لما تطلب إيد جني مني أنا." إلياس بغيظ: "وده ليه إن شاء الله؟ جاسر بغرور وخبث: "لأني أخو العروسة." جني بابتسامة: "أيوه يا إلياس، المفروض تطلب إيدي من جاسر." إلياس بغيظ: "يا حلاوة يا ولاد، كلكم بقيتوا عليا." الجميع بصوت عالي: "ده إذا كان عاجبك يا أخويا." إلياس بضحك: "عجبني أوووي كمان." جاسر بابتسامة: "كده أفضل ليك." إلياس بغيظ: "طيب، أنا هاجي أتقدم لـ السنيوريتا جني امتى؟

جاسر بخبث: "هشوف معاد مناسب وهقولك." إلياس بغيظ: "نعاااام يا روحمك." جاسر بسخرية: "واخد بالك أنت بتقول حاجات في وقت غلط يا عزيزي." إلياس بابتسامة: "مكنتش أقصد." نجمة بابتسامة: "خلاص بقى يا جاسر، حرام عليك." إلياس بابتسامة: "ينصرك يا غالية." جاسر بابتسامة: "عشان خاطرك بس يا نجمتي." نجمة ابتسمت بخجل. إلياس بابتسامة: "أنا هاجي أطلب إيد جنتي بكرة، يلا سلام." وخرج دون أن يسمع رد منهم.

فاطمة بابتسامة: "ربنا يهديه، هو طيب وابن حلال وشكله بيحبك يا بنتي." جني بابتسامة حب: "وأنا كمان بحبه والله." تقي وحورية بصراخ: "اتقلي يا بنتي وخلي عندك كرامة." جني بهيمان: "الحب ميعرفش كرامة." تقي بسخرية: "وأيه كمان يا دلعدي؟ حورية بغيظ: "ناقص تروحي هي اللي تطلب إيده." جني بابتسامة بلهاء: "ما أنا عملت كده فعلاً." تقي بعدم فهم: "عملتي إيه؟ جني بابتسامة: "طلبت إيده في مكان شغله قدام الموجودين."

حورية وتقي بصدمة: "نعااااام." جني بابتسامة: "آه والله زي ما بقولكم كده." تقي بعصبية: "أنتي عايزة إعادة تهيئة من أول وجديد يا حبيبتي." حورية بتأييد: "أنا بقول كده برضه." نجمة بضحك: "سيبك منهم يا حبيبتي، دول هبل." تقي بغيظ: "لو سمحتي يا نجمة، متغلطيش في شغلنا." جاسر بجدية: "على غرفكم حالا أنتي وهي." حورية بابتسامة: "بس إحنا يا أبيه عايزين نقعد كمان شوية." جاسر بحب: "الوقت اتأخر يا حبيبتي، يلا اسمعي الكلام."

حورية بابتسامة: "حاضر." تقي بغيظ: "من كلمة رجعت لورا في ثانية وبقت عاملة زي الكتكوت المبلول." يعقوب بابتسامة: "حصليها يلا." تقي بعدم فهم: "أنا؟ يعقوب ببرود: "أيوه." تقي بصتله بغيظ وطلعت. جني بابتسامة: "أنا حبيبتكم أوووي." نجمة بحب: "وإحنا كمان يا روحي." جاسر بابتسامة: "إحنا دلوقتي عيلتك يا جني، وزي ما أنا قولتلك أنا أخوكي وسندك ولو احتاجتيني في أي وقت هتلاقيني." جني بابتسامة: "أنا واثقة من كده يا أبيه."

نجمة بابتسامة: "تعالي عشان أوريكي أوضتك عشان ترتاحي يا حبيبتي." جني بابتسامة: "أوكي." *** في جناح جاسر ونجمة. 💜 دخلت نجمة إلى الجناح. جاسر بعبوس: "كنتي فين واتأخرتي كده ليه يا نجمتي؟ نجمة بابتسامة: "كنت عند جني قاعدة معاها شوية، وطلعت بنت لطيفة أوي وحبيتها أوي كمان." جاسر بمشاكسة شد نجمة لحضنه وقال: "وأنا مش عايزك تحبي حد غيري." نجمة بخجل: "ابعد يا جاسر." جاسر بابتسامة: "مش قادر أبعد يا قلب جاسر."

نجمة ابتسمت بخجل وقالت: "طيب يلا ننام." جاسر بحب: "يلا." جاسر أخد نجمة في حضنه وناااام. في صباح اليوم التالي. ♡ نجمة صحت من النوم لقت جاسر لسه نايم. مدت نجمة يديها وظلت تلعب في شعر جاسر. جاسر بابتسامة: "بتعملي إيه يا نجمتي؟ نجمة بتوتر: "ولا حاجة، بس كان فيه حاجة في شعرك كنت بحاول أشيلها." جاسر بخبث: "حاجة إيه دي يا ترى؟ نجمة بتوتر: "يا نهار أبيض، الوقت اتأخر أوووي ولسه هجهز الفطار." نجمة سابت جاسر بيضحك وطلعت تجري.

في المطبخ. نجمة كانت بتجهز الفطار وبتكلم نفسها. نجمة بغيظ: "واحدة غبية، إزاي تعملي كده؟ يا ترى بيقول عليا إيه دلوقتي." "بيقول عاشقة وواقعة في غرامه." نجمة بفزع: "عاااا، خضتيني يا حورية." حورية بضحك: "ألف سلامة عليكي من الخضة يا قلبي." نجمة بسخرية: "صاحية بدري يعني؟ حورية بابتسامة بلهاء: "أطلع أنام تاني عادي." نجمة بغيظ: "تعالي اعملي السلطة يا حيو"انة بلا نام." حورية بابتسامة: "أشطا."

بعد نصف ساعة انتهت نجمة وحورية من تجهيز الفطار. حورية بابتسامة: "محدش لسه صحي ليه؟ "أنا صحيت أهو." نجمة بابتسامة: "نمِتي كويس يا جني؟ جني بابتسامة: "أول مرة من بعد موت أهلي أنام مرتاحة يا نجمة." نجمة بحب: "ربنا يسعدك ويفرح قلبك يا حبيبتي." جني بابتسامة: "آمين يا رب." حورية بمرح: "خلينا نطلع الأكل على السفرة يلا، لآني جوعانة." بعد فترة كان الجميع يجتمع على طاولة الطعام ويسود الجو البهجة والسعادة.

فاطمة بحب لجني: "نمِتي كويس يا حبيبتي." جني بحب: "أيوه الحمدلله وشكراً أوي ليكم." جاسر بابتسامة: "متقوليش كده، أنتي من اللحظة اللي دخلتي فيها البيت ده بقيتي زي تقي وحورية بالنسبالي." جني بابتسامة: "وده يشرفني طبعاً إني أبقى أختك وأبقى من عائلتك. في اليوم اللي قعدته هنا شفت حنان وحب اتحرمت منهم من يوم أهلي ماتوا." وأكملت بحزن: "كنت مفكرة إني هفضل طول حياتي لوحدي."

حورية حضنتها وقالت: "متقوليش كده يا حبيبتي، إحنا كلنا جنبك." وأكملت بابتسامة: "جبتي الفستان بتاعك ولا لسه؟ جني بابتسامة حزن: "لأ لسه." نجمة وحورية: "خلاص نروح النهارده ونشتريه." جاسر بابتسامة: "خلاص اجهزوا على الساعة 2 وأنا هكلم إلياس ويعقوب وهنيجي معاكم." حورية بابتسامة: "أوكي." جاسر بابتسامة: "أستأذن بقى لأني اتأخرت على الشغل." وغادر طاولة الطعام متجه إلى عمله، ولكنه التفت على صوت نجمة. نجمة بهدوء: "جاسر."

جاسر بابتسامة حب: "قلب جاسر من جوه." نجمة بكسوف: "خلي بالك من نفسك." جاسر بسعادة: "حاضر." وأكمل: "خلي بالك أنتي من نفسك ومن أدهم." وقبلها قبلة لطيفة على خدها. وغادر. *** في مركز المخابرات المصرية. ♥︎ إلياس بهدوء: "أكيد بتحبك." جاسر بابتسامة حزن: "ياريت يا إلياس." إلياس بابتسامة: "اتجاهلها." جاسر بغيظ: "مستحيل، أنا مقدرش أزعلها، إزاي هتجاهلها يا غبي." إلياس بتفكير: "وجهة نظر برضه."

جاسر بهدوء: "قوم شوف شغلك عشان الساعة 2 هنروح معاهم وهم بيشتروا الفساتين." إلياس بابتسامة: "بجد؟ جاسر بهدوء: "أيوه، ويا ريت تتقل شوية." إلياس بصّله بغيظ وخرج. مر الوقت سريعاً على الجميع. الساعة 2 ظهراً. في أحد المولات الشهيرة. نجمة بحزن: "بس ده حلو ومش ضيق زي باقي الفساتين يا جاسر." وأكملت: "وده خامس فستان مش عاجبك." جاسر بهدوء: "مش حلوين يا نجمة، خلينا نشوف غيره." نجمة بابتسامة: "طيب."

جاسر ونجمة بدأوا يشوفوا فساتين تانية. نجمة بملل: "يوه يا جاسر، سبني أختار أنا اللي هلبس." جاسر بهدوء: "وعشان أنتي اللي هتلبسي لازم أختار معاكي عشان متختاريش حاجة مقرفة." نجمة بصتله بصدمة. جاسر بحزن: "نجمة، أنا مقصدش." نجمة لـ العاملة: "ممكن تاخدي الفساتين دي إيدي لو سمحتي." العاملة بابتسامة: "تحت أمرك يا فندم." نجمة أدّت الفساتين لـ العاملة وراحت قعدت جنب حورية.

نجمة بابتسامة: "هاتي أدهم يـا حور وروحي اختاري فستانك يا حبيبتي." حورية بهدوء: "وأنِتي يا نجمة؟ نجمة بابتسامة حزن: "مفيش حاجة عاجباني، أنا عندي فستانين في البيت ملبستهمش لحد دلوقتي." حورية بابتسامة: "طيب يا نجمة." ذهبت حورية إلى جاسر بعصبية. حورية بعصبية: "أنت زودتها أوووي يا أبيه، مع إن الفساتين اللي نجمة اختارتها كانت متحشمة ومش ضيقة زي ما حضرتك بتقول."

جاسر بحزن: "عارف إني غلطت في حقها يا حورية، بس مكنتش أقصد أزعلها مني." عند يعقوب وتقي. يعقوب بابتسامة: "الحمدلله، في فستان عجبك منهم." تقي بغيظ: "مش فستان فرحي، لازم أختاره بعناااية." يعقوب بابتسامة: "معاكي حق يا حبيبتي." تقي بابتسامة: "خلينا نروح لهم، لأننا اتأخرنا." يعقوب بابتسامة: "يلا." عند جني وإلياس. جني بابتسامة حب: "إيه رأيك في ده يا إلياسي؟ إلياس بحب: "حلو يا حبيبتي." جني بابتسامة: "طيب خلاص، أنا هاخده."

إلياس بهدوء: "طيب، يلا عشان نروح لهم." جني بسعادة: "أوكي، يلا." عند جاسر ونجمة. جاسر بحزن: "نجمة، أنا آسف، مكنتش أقصد." نجمة بهدوء: "ولا يهمك، حصل خير، أنا مزعلتش منك يا جاسر." جاسر بابتسامة: "طيب قومي اختاري الفستان اللي يعجبك." نجمة بهدوء: "لا مش عايزة، مفيش حاجة هنا كويسة." حورية من وراهم: "أنا خلصت يا أبيه." جاسر بحزن: "تمام." حورية بابتسامة: "خلينا نمشي يلا." نجمة بهدوء: "يلا."

خرج الجميع من المول وذهب إلى المنزل. *** بعد مرور أسبوع في أحد الفنادق المطلة على النيل. في جناح العروس. تقي بسعادة: "أنا مبسوطة أووي يا نجمة." نجمة بحب: "ربنا يديم سعادتك على خير يا حبيبتي." تقي بابتسامة: "آمين يا رب." جني بحب: "ادخلي البسي يا نجمة لحد ما تقي تخلص." نجمة بابتسامة: "أوكي، ممكن تخلي أدهم معاكي." جني بمرح: "هو أنا أطول؟ هاتيه." نجمة أدّت أدهم لـ جني ودخلت عشان تلبس، وبعد وقت خرجت.

تقي بابتسامة: "ده الفستان اللي كان أبيه أدهم جايبه في عيد ميلادك يا نجمة." نجمة بابتسامة: "أيوه يا حبيبتي." في نفس اللحظة كان جاسر طالع لـ تقي عشان يسلمها لـ يعقوب، واتصدم من اللي قالته لـ نجمة. جاسر بابتسامة حزن: "جاهزة يا تقي، أصل يعقوب على أخره تحت." تقي بخجل: "جاهزة يا أبيه." جاسر خد تقي ونزل سلمها لـ يعقوب. جاسر بابتسامة: "مش هوصيك على تقي يا يعقوب." يعقوب بابتسامة حب لـ تقي: "متخفيش عليها، دي في قلبي." ****

بعد فترة. كان يعقوب وتقي بيرقصوا سلو، وفجأة انطفت جميع الأنوار وظهر ضوء خافت، ومن بعدها ظهر إلياس. إلياس بحب وصوت عالي: "جنييي... التفت جني إلى إلياس وتفاجأت بالياس راكع على ركبتيه. إلياس بحب: "تقبلي تتجوزيني وتكملي عمرك كله معايا؟ تقبلي تبقي حبيبتي وكل ما أملك؟ تقبلي تبقي أمي وأختي وعائلتي كلها؟ جني بدموع وابتسامة هزت رأسها وجريت عليه حضنته. جني بدموع: "بحبك أوووي يا إلياسي." إلياس

بحب ضمها إلى صدره وقال: "والإلياس بيعشق جنته." بعد مرور عدة ساعات انتهى الفرح. وكان الجميع واقف خارج القاعة من أجل توديع يعقوب وتقي. تقي بدموع: "هتوحشيني أوووي يا نجمة." نجمة بابتسامة: "وإنتي كمان يا حبيبتي." فاطمة بحب: "كفاية دموعك دي يا تقي، أنتي عروسة يا حبيبتي." تقي بدموع حضنت فاطمة وقالت: "هتحوشيني يا فطووم." فاطمة بحب: "وإنتي كمان يا قلب فطووم." جاسر بابتسامة: "اركبى يلا يا تقي عشان تمشوا."

تقي بابتسامة: "حاضر يا أبيه." تقي ركبت مع يعقوب العربية وذهبت إلى منزلها الجديد وحياتها الجديدة. عند حورية. حورية بابتسامة: "ممكن تشيل أدهم شوية يا خالة لو سمحتي، عم أظبط الفستان." هي بخبث: "من عنيا يا حبيبتي." حورية بابتسامة: "شكراً أوي." أخذت أدهم من حورية ووقفت بعيد نسبياً. وقالت بصراخ وضحك وهي مواجهة مسدسها على رأس أدهم: "مفاجأة حلوة مش كده يا نجمة." نجمة بدموع: "سهير."