رواية احببت ارملة الفصل السابع 7 - بقلم حورية مصطفى

فاطمة بضحك: ما تاخديش على كلامها، دي واحدة هبلة. جاسر بسرحان: بسم الله ما شاء الله، عيونك حلوة أوي. نجمة ابتسمت بخجل وقالت: شكراً ليك. حورية بابتسامة هبلة: يا بخت اللي في حياتهم نجمة وعيون نجمة. فاطمة بحب: فعلاً والله يا حورية، يا بختنا بنجمة. تقي بمرح: بدون غرور والله يا جماعة، أنا عارفة إنكم مكسوفين تقولها. نجمة بابتسامة: نقول إيه يا تقي؟

تقي بغرور: الحياة من غير وجودي اللطيف ولا حاجة، الحياة من غيري حياة بائسة ومملة... و... نجمة بصدمة: بسسسسس! إيه كل ده؟ إنتي واخدة مقلب في نفسك كده يا روحي؟ حورية بضحك: تباً لتواضعك يا فتاة. تقي بغرور: لا داعي للتصفيق يا شباب. فاطمة بصداع: كفااااية! إيه، راديو اشتغل؟ تقي بغيظ: يعني أنا غلطانة إني بعمل جو فرفوش في العيلة الكئيبة دي؟ الجميع بضحك: أيوه. تقي بابتسامة بلهاء: عارفين الجو ده محتاج إيه يا جماعة؟

نجمة بنفاذ صبر: إيه؟ تقي بابتسامة: محتاج حبيب. فاطمة بصدمة: بتقولي إيه؟ تقي بابتسامة: سحلب. هقوم أعمل سحلب. وطلعت تجري. جاسر طول الوقت كان مركز مع نجمة، والكل لاحظ ده. حورية نغزت جاسر في إيده وقالت بهمس: في إيه يا جاسر؟ إنت مركز مع نجمة أوووي كده ليه؟ خف شوية يا عم، الكل لاحظ. جاسر فاق من سرحانه وقال: إحنا لازم نمشي يا أمي، لأن الوقت اتأخر. فاطمة بابتسامة: ما تخليك شوية يا بني.

جاسر بابتسامة: اعذريني يا أمي، الوقت اتأخر وعشان حور عندها كلية بكرة. حورية بهمس: بس أنا مش عاوزة أروح يا جسوري. جاسر ببرود: اخرسي إنتي. حورية بغيظ: حاضر. فاطمة بحب: اللي تشوفه يا بني، بس يا ريت تبقى تكرر الزيارة. جاسر بحب: حاضر يا أمي. حورية راحت حضنت نجمة وقالت: أنا حبيتك أوي وحبيت عيونك أكتر. نجمة بضحك: وأنا كمان حبيتك يا روحي. جاسر بهدوء: يلا يا حورية. حورية بابتسامة: حاضر. وفعلاً جاسر وحورية مشيوا.

في صباح يوم جديد. في الجهاز. اللواء سليم بفخر: أنا فخور فيك يا جاسر. في وقت قياسي هنقدر نمسك العصابة دي. جاسر بابتسامة: بإذن الله يا فندم. خلال أسبوعين هعرف مين الراس الكبيرة بتاعت العصابة دي. اللواء سليم بحب: ده اللي واثق منه يا بني. جاسر بهدوء: أتمنى أكون قد ثقتك فيا يا فندم. اللواء سليم بهدوء: في مجهول حاول يقتل نجمة وهي بره البيت. جاسر بصدمة: وحضرتك عرفت إزاي؟

اللواء سليم ببرود: لأن نجمة متراقبة مننا. لأن حياتها في خطر بسبب السلسلة اللي معاها. جاسر بهدوء: فعلاً، دي كانت محاولة اغتيال، وأكيد هتتكرر تاني. اللواء سليم بهدوء: لازم السلسلة اللي معاها هتكون معانا في أسرع وقت. ودي مهمتك إنت يا جاسر. جاسر بغيظ: مهمتي إزاي يا فندم؟ اللواء سليم ببرود: إنت زيارتك هناك كتيرة اليومين دول. حاول تجيب السلسلة وإنت هناك.

جاسر بهدوء: هي لابسة السلسلة في رقبتها طول الوقت. لأنها هدية من أدهم الله يرحمه. اللواء سليم بعصبية: اتصرف يا سيادة المقدم. جاسر بغيظ: تمام يا فندم. وادي التحية العسكرية وخرج بعصبية. في منزل نجمة. فاطمة بخوف: يا بنتي اسمعي كلامي وخليني آخدك للدكتور يشوفك. نجمة بتعب: أنا كويسة يا ماما. شوية وهارتاح. فاطمة بهدوء: طيب خدي كلي. أنا عملتلك شوربة الخضار دي عشان تدفي بطنك.

نجمة بارهاق: صدقيني يا ماما مش هقدر آكل حاجة دلوقتي. معدتي مش متقبلة الأكل خااالص. فاطمة بحب: يا بنتي دي حاجات بتحصل لأي واحدة حامل. إنتي لازم تاكلي حاجة عشان اللي في بطنك يا حبيبتي. نجمة بهدوء: حاضر يا ماما. بعد وقت انتهت نجمة من تناول الطعام. نجمة بابتسامة: كويس كده يا ماما؟ فاطمة بضحك: كويس أوووي يا قلب ماما. وبعدين قالت نامي إنتي وارتاحي. وأنا هروح أشوف تقي بتذاكر ولا لأ. نجمة بتعب: طيب. في غرفة تقي.

كانت حاطة الفون في قلب الكتاب وبتقرا رواية عشق الزين. تقي كانت بتكلم نفسها: يا رب واحد زي زين الجارحي أو مراد الألفي، أنا راضية والله بواحد منهم. فاطمة بهدوء: وإيه كمان يا أخرة صبري؟ تقي بابتسامة بلهاء: مش هتصدقيني صح لو قولتلك إني لسه ماسكة الفون حالا يا فطومة، صح؟ فاطمة ببرود: صح أوووي كمان. تقي بابتسامة هبلة: كنت عارفة والله. فاطمة بعصبية: هاتي الفون ده يا حيو*انة. تقي بغيظ: خدي يا فطومة.

وبعدين قالت بهمس: مش مسامحاكي عشان دايماً ظالماني كده. فاطمة بهدوء: بتقولي حاجة يا تقي؟ تقي بابتسامة بلهاء: لا أبداً. فاطمة بهدوء: بحسب. يلا ذاكري. تقي بغيظ: طيب. في مكان بعيد عن أنظار الناس يسوده الحقد والغل. مجهول 1 بغضب: يعني إيه كلامك ده؟ مجهول 2 ببرود: يعني أنا معتش عاوز أكمل في القر*ف ده. مجهول 1 ضحك بشر وقال: القر*ف ده إنت اللي دخلت فيه برجليك، ومحدش كان جابرك عليه. مجهول 2 بهدوء: وأنا بنسحب منه دلوقتي.

مجهول 1 بشر: يبقى على مو*تك يا سيادة المقدم.