رواية احببت ارملة الفصل السابع والعشرون 27 - بقلم حورية مصطفى

جاسر بهدوء: انتي واعية للكلام اللي بتقوليه ده يا نجمة؟ انتي للدرجادي بعيدة ومش فارق معاكي؟ نجمة بدموع وعصبية: أنا لأ، بالعكس. انت اللي مش مقدّر ظروفي. ليه فكرت إني عشان لبست الفستان ده، يبقى أنا مش بحبك؟ مع إنك عارف إني مابشتريش فساتين بسبب اللي حصل يومها. جاسر بعصبية: وما طلبتيش مني لييييه؟ انتي عارفة لو كنتي طلبتي مني، عمري ما كنت هتأخر عليكي. نجمة بانهيار، ظلت تبكي ولم تنطق ولو بحرف واحد. جاسر بعصبية: انطقي!

متفضليش ساكتة كده. انتي بعملتك دي حسستيني إني ماليش لازمة في حياتك. نجمة بدموع، اترمت في حضن جاسر وقالت: بالله ما تقول كده. انت متعرفش انت بالنسبة ليا إيه. بقيت اعتبرك أخويا وجوزي وصديقي وأبويا. بقيت محور حياتي كلها. وأكملت بانهيار: أنا بحبك أوي يا جاسر. جاسر بصدمة: انتي بتقولي إيه؟ نجمة بعيون دامعة: بحبك يا جسوري. جاسر بعشق، ضم نجمة لحضنه أكتر: وأنا بموت فيكي يا نجمتي.

نجمة بابتسامة حب: أنا مبسوطة أوي. أتمنى تسامحني لو زعلتك في حاجة. جاسر بحب: مستحيل أزعل منك يا نجمتي. قاطعهم صوت بكاء أدهم. جاسر بضحك: هدم اللحظات. صحي أهو. نجمة بهزار، ضربت أدهم على صدره بخفة وقالت: متقوليش عن ابني كده. نجمة ابتسمت بحب وراحت شالت أدهم عشان تنيمه. جاسر بحب، أخد أدهم من نجمة وقالها بحب: نامي انتي، لأن يومك كان متعب. نجمة بابتسامة: وانت مش هتنام؟

جاسر راح نام على السرير جنب نجمة وأخدها في حضنه، ونايم أدهم على صدره. في صباح يوم جديد. كان الجميع يجتمع على طاولة الطعام، حتى قاطعهم دخول إلياس. إلياس بابتسامة: صباح الأناناس على أحلى ناس. حورية بمرح: صباح الليمون لأحلى عيون. جني بغيرة: اتلمي يا حيوانه! انتي بتعاكسي قُرة عيني المستقبلي قدامي. نجمة بضحك: خلاص اسكتوا، احنا على الأكل. فاطمة بحنان: اقعد يا تفطر. إلياس ابتسم وقعد جمب جني. إلياس بهمس لـ جني: حبيبي الغيور.

جني بغيظ: وأنا أغير ليه يعني؟ كنت مين يا أخويا؟ إلياس بابتسامة غرور: المقدم إلياس. جني بسخرية: تباً لتواضعك يا راجل! شيل التواضع اللي بيقع منك. إلياس بغرور: مبحبش أتكلم عن نفسي كتير. جاسر بجدية: كفاية همس. احنا على الأكل. صمت كل من إلياس وجني. وبعد فترة، انتهوا من تناول طعام الإفطار. في غرفة المعيشة. فاطمة بهدوء: خلصت إجراءات الدفن بتاعة سهير يا جاسر. جاسر بجدية: أيوه يا أمي. ناقص بس نستلم الجثة وننتهي من كل حاجة.

فاطمة بابتسامة: ربنا معاكوا يا حبيبي. جاسر بابتسامة: آمين يا رب العالمين. مر اليوم بدون أحداث تُذكر، غير إن تم دفن سهير. في فيلا السيوفي. كان يجلس كل من يعقوب وتقي أمام التلفاز. تقي بغيظ: يعقوب، ممكن تركز في الفيلم وبطل تبصلي كده. يعقوب بتوهان: مش قادر يا تقي. تقي بتغيير الموضوع: هنسافر امتى يا يعقوبي؟ يعقوب بابتسامة: بليل يا قلب يعقوبك. تقي فاجأة لقت يعقوب شالها وهمس في أذنها: عايز أقولك على حاجة مهمة قبل ما نسافر.

ابتسمت تقي بخجل وقالت بهمس: انت قليل الأدب ومش محترم كمان. يعقوب بضحك: ومش متربي كمان. بعد مرور أسبوع. رجع جاسر من عمله وتفاجأ بالجناح مزين، ونجمة لابسة فستان أسود لحد الركبة. جاسر بتوهان: انتي جميلة أوي يا نجمة. نجمة بخجل: انت أجمل. جاسر شغل موسيقى هادية وقال لـ نجمة ترقص. نجمة ابتسمت وهزت دماغها. نجمة وجاسر بدأو يرقصوا مع بعض. جاسر قرب من نجمة وهمس بجانب أذنيها: أنا عايزك تقبلي تكوني مراتي.

نجمة ابتسمت بخجل وقالت: أنا مستعدة أكون زوجتك يا جاسر. جاسر شال نجمة وحطها على السرير، وذهبوا إلى عالمهم الخاص. في صباح يوم جديد. في جناح نجمة وجاسر. تصحو نجمة على قبلات على جميع أنحاء وجهها. جاسر بعشق: صباحية مباركة يا نجمتي. نجمة بخجل وكسوف: الله يبارك فيك. جاسر بحب: قومي جهزي نفسك يا نجمتي، لأن زمانهم بيستنوا تحت من بدري. نجمة بكسل: ليه؟ هي الساعة كام دلوقتي؟ جاسر بضحك: الساعة 10 يا نجمتي.

نجمة بصدمة: انت بتهزر صح؟ أخص عليك يا جاسر! ما صحتنيش ليه؟ هيكونوا بيقولوا عليا إيه دلوقتي. وأكملت بنبرة تدل على البكاء: أنا هتحرج أنزل تحت دلوقتي. جاسر بهدوء قرب ليها وضمها لي حضنه: تتحرجي من إيه يا نجمتي؟ نجمة بتوتر: يا جاسر، أنا... قاطعها جاسر: هشششش. وأكمل: قومي جهزي نفسك عشان هننزل سوا. وتحت، عايزك مش تخافي أو تتحرجي من حاجة يا حبيبتي. انتي معملتيش حاجة غلط. نجمة بهدوء وابتسامة: حاضر.

توالت الأيام والشهور، حتى حان موعد زفاف إلياس وجني. في إحدى قاعات الزفاف. كان الجميع يرقص على نغمات موسيقى هادئة، وكانت سعادتهم ظاهرة على وجوههم. بعد مرور عدة ساعات، انتهى الفرح. في عربية جاسر ونجمة. نجمة بهدوء: جاسر، ده مش طريق البيت. جاسر بابتسامة: عارف يا قلب جاسر. نجمة بحب: طيب، احنا رايحين فين؟ جاسر بابتسامة: مفاجأة يا نجمتي. بعد مرور نصف ساعة من القيادة، وصلوا إلى وجهتهم. نجمة بصدمة وانبهار: ده يخت مين؟

جاسر بابتسامة: بصي فوق كده. نجمة رفعت رأسها، لقت مكتوب على اليخت: نجمة الجاسر. نجمة بدموع وحب، حضنت جاسر. جاسر شال نجمة وطلعوا على متن اليخت. كان جاسر ونجمة يرقصون على صوت موسيقى هادئة. وفجأة، وضعت نجمة يد جاسر على بروز بطنها. جاسر بدون فهم وخوف: مالك يا نجمتي؟ في حاجة بتوجعك؟ نجمة بابتسامة: تؤ تؤ. وأكملت بهمس: بس في ضيف جديد هيشرف قريب. جاسر بدون فهم: تقصدي إيه يا نجمتي بكلامك ده؟ نجمة بابتسامة: أنا حامل يا جسوري.

وفجأة، من دون سبق إنذار، حمل جاسر نجمة وظل يدور بها وسط ضحكات نجمة الصاخبة. جاسر بعشق وصوت عالي: بعشقك يا نجمتي. نجمة بابتسامة وضحك: ونجمتك بتموت فيك.