رواية احببت ارملة الفصل التاسع 9 - بقلم حورية مصطفى

جاسر بصدمة: ورحمة أمي ما هرحمك يا إلياس الكلب. في مكتب المقدم إلياس. إلياس كان بيشتغل وجاسر دخل عليه بهجوم ومسكه من هدومه. جاسر بغضب: ليه عملت كده؟ إلياس بعدم فهم: مش فاهم عليك يا جاسر. جاسر بغضب: اسمي المقدم جاسر يا روح أمك. إلياس بعصبية هو الآخر: متغلطش يا سيادة المقدم. أنت فاهم؟ جاسر بعصبية: لأ مش فاهم يالا. إلياس بهدوء: في إيه يا سيادة المقدم؟ جاسر فتح تليفونه على الفيديو وقال: في إنك واحد ندل وخاين يا إلياس.

جاسر بدأ يضرب إلياس بعصبية. والياس كان مستسلم من صدمته. اللواء سليم بعصبية: إيه اللي بيحصل هنا؟ جاسر بعصبية: ولا حاجة يا فندم. اللواء سليم بعصبية، شد تليفون جاسر من إيده وقال بصدمة: أنت يا إلياس تعمل كده؟ إلياس بهدوء: صدقني يا سيادة اللواء الفيديو ده كله كذب. أنا مستحيل أعمل كده في أدهم. اللواء سليم بهدوء: أنت متحول للتحقيق يا سيادة المقدم إلياس. وموقوف من العمل. إلياس بصدمة: صدقني يا سيادة اللواء أنا مظلوم والله.

اللواء سليم مردش على إلياس وخرج. إلياس بحزن: صدقني يا جاسر أنا مستحيل أعمل كده. مستحيل أخون يا صاحبي. جاسر بهدوء: أنا هدور على الحقيقة بنفسي. بس صدقني يا إلياس لو طلع ليك إيد في قتل أدهم. صدقني ما هرحمك. العسكري بمقاطعة: اتفضل معايا يا سيادة المقدم على غرفة التحقيق. إلياس مشي مع العسكري بهدوء وهو في حالة حزن. في منزل نجمة. كانوا في المطبخ بيجهزوا الأكل لحد ما رن جرس الباب. فاطمة بهدوء: روحي يا تقي شوفي مين.

تقي بغيظ: أصل أنا الخدامة الفلبينية بتاعتكم صح؟ فاطمة ببرود: انجزي يا حيوانة. تقي بغيظ: حاضر. نجمة بابتسامة: ارتاحي أنتِ يا ماما وأنا هكمل. فاطمة بحب: معتش غير السلطة. هعملها وخلاص. نجمة بابتسامة: طيب. تقي بصراخ من برا. فاطمة بخوف: إيه فيه يا بنت الهبلة؟ تقي بابتسامة بلهاء: حورية هنا. فاطمة بغيظ قلعت اللي في رجلها وحدفته في وش تقي. تقي بابتسامة بلهاء: بتحبني أوي الولية دي. نجمة بضحك: تستاهلي عشان تخوفيني عليكي أوي.

حورية بابتسامة: إزيك يا أمي. فاطمة بحب: كويسة يا حبيبتي. حورية بحب: عاملة إيه يا نجمة والبيبي عامل إيه؟ نجمة بابتسامة: الحمد لله يا حبيبتي. المهم أنتِ. حورية بابتسامة: الحمد لله بخير. نجمة بحب: ديماً يا رب. فاطمة بحنان: اقعدي يا حبيبتي ارتاحي لحد ما نحط الأكل على السفرة. حورية بابتسامة: لأ أنا حابة أساعدكم. تقي بسعادة: طيب ساعديهم أنتِ يا حور وأنا هرتاح شوية. فاطمة بهدوء: ترتاحي من إيه يا حبيبتي؟

تقي بابتسامة بلهاء: من الراحة يا أمي. فاطمة بصراخ: على المطبخ يا تقي يلا. تقي بابتسامة: بهزر والله. وفعلاً جهزوا الأكل في جو مليان حب وبهجة. بعد فترة انتهوا من تناول الطعام. فاطمة بحب: جاسر عامل إيه يا حور؟ حورية بابتسامة: بخير الحمد لله. فاطمة بحب: يا رب ديماً يا قلبي. حورية بابتسامة: ممكن يا نجمة أشوف السلسلة دي عشان أخلي جاسر يجيب لي واحدة زيها؟ نجمة بابتسامة قلعت السلسلة وقالت: اتفضلي يا حبيبتي.

حورية خدت السلسلة من نجمة وبدون ما حد يلاحظ بدلت السلاسل مع بعض. حورية بابتسامة: شكراً يا نجمة. نجمة بحب: العفو يا قلبي. مر اليوم بدون أحداث تذكر. في صباح يوم جديد. في الجهاز. اللواء سليم بحزن: ما كنتش أتوقع إن إلياس يكون خاين. جاسر بحزن: إلياس مستحيل يعمل كده يا سيادة اللواء. أكيد في حاجة ورا الموضوع ده وأنا لازم أعرفها. اللواء سليم بحزن: يا ريت يطلع كل ده كذب.

جاسر بهدوء: الحقيقة هتظهر يا سيادة اللواء. أنا واثق إن إلياس بريء. اللواء سليم بهدوء: عملت إيه في السلسلة يا سيادة المقدم؟ جاسر بتذكر: أنا نسيت أمر السلسلة بسبب موضوع إلياس. اللواء سليم بعصبية: إحنا محتاجين السلسلة دي ضروري يا سيادة المقدم. هي حل اللغز. أنت فاهم. جاسر بإيماء: فاهم يا فندم. وخد التحية العسكرية وخرج. في قصر الكيلاني. حورية بصدمة: أنت رجعت من الشغل بدري يا جاسر؟ هتتحسد والله.

جاسر بهدوء: أنتِ جبتي السلسلة اللي قولتلك عليها يا حورية؟ حورية بابتسامة: نسيت. جاسر بعصبية: نعاااام؟ حورية بخوف: بهزر والله. وطلعت السلسلة من جيب بنطلونها. جاسر بهدوء أخد السلسلة وقال: يا ريت بلاش هزار من ده تاني يا حورية. حورية بحزن: تمام يا جاسر. جاسر خرج بعصبية من القصر ورجع الجهاز تاني. تقي بابتسامة: بالله عليكي وافقي يا فطومة. فاطمة بهدوء: لأ مفيش خروج.

نجمة بابتسامة: خلينا نخرج يا ماما. إحنا من زمان مش خرجنا. وأنا زهقت من قعدة البيت. فاطمة بحب: طيب ادخلوا البسوا يلا. تقي ونجمة بسعادة: حاضر. بعد وقت نجمة وتقي خلصوا لبس. نجمة بابتسامة: إحنا خلصنا يا ماما. وفعلاً خرجوا واتفسحوا. وهم راجعين جت عربية بسرعة رهيبة شدت نجمة بالقوة ودخلتها العربية واختفت عن الأنظار.