تحميل رواية احببت دكتور جامعي بقلم دنيا محمد pdf

دخلت الأم الغرفة بحنان وقالت: قومي ي حبيبتي بقا هتتأخري على جامعتك.

نور بنعاس: سبيني شوية بس ي ماما.

وفاء: يا حبيبتي هتتأخري، النهاردة أول يوم في سنة تالتة.

نور قامت بسرعة وقالت: صح صح.

قامت غسلت وشها، واتوضت، وأدت فرضها، ولبست دريس لونه أسود وطرحة بيضاء وكوتشي أبيض وردي، ولمسات ميكب.

نور: ماما أنا هفطر وأنا رايحة، باي.

وفاء: ماشي ي حبيبتي، ربنا يوفقك.

نور نزلت وركبت تاكسي، ووصلها الجامعة.

نور بنت جميلة جداً، عيونها بني فاتح وشعرها أسود بس محجبة، وبشرتها حليبية وجسدها متناسق وممشوق، عندها ٢١ سنة، تالتة كلية الآثار.

نور وهي بتفتح شنطتها، خبط فيها واحد وقع منها حاجتها.

نور بعصبية: إيه مش تحاسب؟

يزن: سرح فيها وهي بتكلمه، بس بعد كده فاق وقالها: أنا آسف ي آنسة، حصل خير.

نور: وأعمل بيها إيه آسف دي؟

يزن بغيظ: إنتِ بتتكلمي كده ليه؟ إنتِ فين الكارنية بتاعك أصلاً؟

نور: يعني إنت غلطان وبتتبجح؟

يزن بزهق: ما قولتلك آسف، أعمل إيه تاني؟

نور لمّت حاجتها من على الأرض وبصتله بقرف ومشيت.

يزن في نفسه: إيه ده؟ مين دي؟ لسانها أطول منها. ومشى.

نور دخلت تقعد في المدرج، بس اتفاجأت باللي اتخبطت فيه، دخل وقال:

يزن: ازيكم ي شباب، النهاردة هعرفكم بنفسي، وهايكم جزء بسيط من محاضرة حقوق الإنسان.

نور بخوف: نهار فحلِقِي ده، طلع الدكتور، يارب ما ياخد باله مني.

يزن عرف نفسه للطلبة، بس اتفاجأ بنور وقعد مركز معاها من تحت لتحت.

يزن العزايزي رجل طويل وجسمه رياضي، وعيونه سوداء تغلب سواد الليل، وأهله متوفين وعايش لوحده، وشعره أسود وكثيف، عنده عضلات وعنده ٢٥ سنة، متخرج من كلية الآثار وبقى دكتور جامعي.

يزن في نفسه: البت دي جت تحت إيدي، مااشي صبركك.

وبعد ما يزن خلص المحاضرة والطالبات بتخرج، بس وقف نور.

يزن: تعالي على مكتبي.

نور خافت شوية بس راحت على مكتبه.

نور بتوتر: حضرتك طلبتني؟

يزن: اتفضلي اقعدي.

نور قعدت.

يزن: اسمك إيه؟

نور بابتسامة: اسمي نور محمد.

يزن بخبث: وشاطرة بقي على كده؟

نور بفخر: التانية على دفعتي سنة أولى آثار.

يزن بخبث: امم.. إيه رأيك تسقطي في سنة تانية بقا؟

نور بخوف: إيه ده؟ لا والنبي، أنا تعبت عشان أوصل للتانية على دفعتي.

يزن: طيب هسألك خمس أسئلة، لو سؤال معرفتيش تجاوبيه هشيلك مادة.

نور بخوف وقلق: لا إن شاء الله، اتفضل.

ويزن بدأ يسألها الخمس أسئلة وأكتر كمان، ونور عرفت تجاوب على كله لأنها الدحيحة.

يزن بإعجاب منها: شكلك شاطرة، حرام أضيع مستقبلك، بس ياريت متبجحيش في أي حد كده.

نور: لالا، همشي جنب الحيط والله.

يزن: تمام، اتفضلي.

نور خلصت المحاضرات وروحت بيتها، دخلت لقت مامتها واقعة على الأرض تعبانة.

نور بدموع: فيه إيه ي ماما؟

وفاء: متقلقيش ي بنتي، أنا بس الضغط عليّ، فدوخت.

نور بخوف: خدي بالك ي ماما من نفسك، أنا مش هعرف أعيش لوحدي من بعدك، كفاية أبويا مات وسابني.

وفاء: ما يعزّ على اللي خلقه ي حبيبتي، متزعليش بقا، يلا عشان تتعشي.

نور قامت وقوّمتها وراحت تغير هدومها واتعشت. ودخلت تنام.

part 2 رواية احببت دكتور جامعي 💗

في يوم جديد نور صحيت ونزلت الجامعة نور وهي ماشية شافت يزن راحتلة

نور بأسف: انا آسفة علي كلامي معاك اول يوم

يزن: لا خلاص حصل خير

نور ابتسمت وكانت هتمشي بس يزن وقفها

يزن: إديني رقم موبيلك عشان اعرفك بقيت المحاضرات

نور: تمام الرقم......

يزن اخد منها رقمها ونور مشيت تحضر بقيت محضراتها

خصلت وروحت بيتها

(تسريع الاحداث) بليل نور تليفونها رن

نور: الو

يزن: انا يزن الدكتور بتاعك ف كلية الاثار

نور اه ازي حضرتك

يزن: تمام الحمد لله.. وممكن تقوليلي يزن عادي

نور: تمام

يزن باهتمام: في محاضرة بتاعتي هديهالك ولو عايزاني اشرحالك تمام معنديش مشكلة

نور بذوق: لا لا مش عايزة اتعبك معايا

يزن: لا مفيش تعب.. وبدأ يشرحلها المحاصرة

يزن بعد وقت: انا كده خلصت عاوزة حاجة

نور: لا متشكرا جدا ليك وشرحك جميل جدا

يزن: تسلمي ده من زوقك

نور: هحتاج بس محضرات بكره لاني احتمال مجيش

يزن بتسرع: لي بس

نور: اصلي سهرت كتير ف ممكن مقدرش اصحي

يزن: طب اتفضلي نامي ولو عرفتي تقومي تعالي

نور: تمام مع السلامة وقفلت نور المكالمة

وعدت الايام وبقي يزن بيقرب من نور ويفكر فيها كتير وبقي معجب وحابب الوقت معاها

ونور كده برضو بس محبتش تبين بس كان هو بيلمح

(صباح يوم جديد)

قام يزن راح الجامعة

(عند نور)

قامت نور تفطر ولبست سويت شيرت اسود وعليه ميكي وبنطلون جينز بوي فريند وكوتشي اسود في خطوط وردية وطرحة سوداء

راحت جامعتها

نور كانت قعدة في جنينة الكلية بتشرب قهوة

لقت يزن بيقعد قدامها

يزن: عاملة اي ي نور

نور بابتسامة بتسحرو: الحمد لله وإنت

يزن: كويس وكمل بتردد كنت بس عايز اقولك موضوع

نور: اتفضل

يزن بحب: بصراحة انا بحبك

نور بصدمة:؟؟

يتبعع..

بقلمي دنيا محمد 🖊️💗

تفاعل حلو عشان اللي جاي اجمد 💪

يزن بحب: بصراحة أنا بحبك يا نور.

نور بصدمة، شرقت في القهوة وكملت وهي بتقول: بتحبني أنا؟

يزن: بصراحة من أول ما شفتك وأنا بفكر فيكي وحبيتك.

نور بكسوف: احم، هو بس يا يعني بصراحة أنا كمان عجبت بيك.

يزن بضحك: يعني إحنا الاتنين واقعين؟

نور بضحكة: اها.

يزن: طيب أجي أقابل والدك امتى؟

نور بحزن: أنا بابا مت من أربع سنين.

يزن باحراج: آه، الله يرحمه. طب والدتك؟

نور: آه ربنا يخليهالي. هديك رقمها وابقي اتصل بيها واتفقوا على ميعاد.

يزن بحب: تمام.

يزن ونور خلصوا كلامهم.

ويزن وصل نور بيتها.

نور وصلت بيتها ودخلت.

وأول ما دخلت نادت مامتها.

نور بفرحة: ماما يا ماما.

وفاء: حمدًا على سلامتك يا حبيبتي.

نور: عارفة دكتور يزن اللي قولتلك عليه إنه كويس وبيساعدني؟

وفاء: آه عرفاه يا بنتي.

نور: عايز يكلمك عشان يتقدملي.

وفاء بفرحة وهي بتزغرط: لولولولولي! يا ألف! انهر أبيض يا بنتي!

نور بفرحة: أنا مبسوطة أوي.

وفاء: ربنا يبسطك يا حبيبتي. كده بقا هكلم عمامك وخلانك عشان يحضروا القعدة.

نور: تمام.

وجه بليل ويزن اتصل بوفاء (مامت نور).

يزن: سلام عليكم.

وفاء: وعليكم السلام، مين؟

يزن: حضرتك مامت نور.

وفاء: أيوه يا بني.

يزن: أنا الدكتور بتاعها في الجامعة وكنت بتصل عشان نحدد مقابلة أتقدم فيها.

وفاء: أيوه هي قالتلي. عمومًا يا بني البيت ينور بيك.

يزن باحترام: ربنا يخليكي. إيه رأي حضرتك أجي يوم الخميس اللي جاي؟

وفاء: ده هيبقى بعد بكرة، قريب أوي يا يزن.

يزن: ولا قريب ولا حاجة.

وفاء: خلاص يا بني، اللي تشوفه، تشرف وتنور البيت.

وخلصت المكالمة.

ووفاء كلمت عمام وخلان نور عشان يحضروا القعدة.

ونور بقت مشغولة بتوضيب البيت ونفسها عشان المقابلة.

وجه يوم الخميس.

نور مستنية يزن يجي.

فضلت مستنية لحد ما الباب رن.

ودخل يزن هو وصاحبه آسر.

اعرفكم بآسر: صاحب يزن منذ الطفولة، يبقوا أكتر من إخوات. آسر شخص طيب، شعره بني وعيونه سودا وبشرته سمراء شوية، وخاطب بنت خالته.

يزن وآسر مع بعض: سلام عليكم.

نور وفاء والكل: وعليكم السلام، اتفضل.

يزن دخل وآسر وراه.

يزن قدم الورد لنور.

نور خدته بكسوف.

يزن قعد وسلم على عمامها وخلانها.

يزن: أنا اسمي يزن، دكتور نور في الجامعة، متخرج من كلية آثار، وأهلي كلهم متوفين الله يرحمهم، والمعيشة بتاعتي كويسة الحمد لله، عندي 25 سنة، أكبر من نور حوالي أربع سنين بس. وجاي أطلب إيد نور، وصدقوني هشيلها في عيوني. وهنعمل الخطوبة الأسبوع الجاي.

العمام كلهم والخلان قالوا مع بعضهم إنه شخص كويس وهيسألوا عليه.

العم الكبير واسمه (جمال): على بركة الله، إحنا موافقين، انت شخص كويس ومش هنلاقي أحسن منك. يلا بينا نقرا الفاتحة.

ويزن وآسر ونور وكله قرأ الفاتحة.

بعد قراية الفاتحة، علت الزغاريط بتاعت مرات عم نور وأمها.

ونور الفرحة مش سايعها.

بس في الوقت ده دخل واحد وقال: نور مش هتبقى لحد.

كانوا قاعدين فرحانين جدا وفجأة شخص دخل وقال:

"نور مش نتبقي لغيري"

يزن اتصدم ونور كذلك.

يزن قام بعصبية:

"انت بتقول إيه يا جدع انت؟ نور خطيبتي، انت فاهم؟ ثم انت مين أصلاً؟"

أحمد ببرود:

"أنا ابن خالتها وبحبها من زمان."

يزن بغضب جحيمي:

"انت مجنون يااض؟ بتحب مين؟"

وأكمل بصوت جهوري:

"نور هتبقى مراتي الأسبوع الجاي."

الكل بصدمة ونور:

"انت بتقول إيه؟ إزاي؟"

يزن:

"هو ده اللي هيحصل وهتبقى مراتي."

أحمد قرب من نور وقال:

"بتحبيني أنا ولا هو؟"

يزن مستحملش، راح قرب من أحمد وضر'به بو'كس في وشه جامد.

يزن بزعيق:

"أقسم بالله لو ما خرجت دلوقتي مش هخلي في وشك ملامح.. فااااهم!"

وش'د أحمد طلعو برا وقفل الباب وقال:

"أنا فرحي على نور الأسبوع الجاي يوم الاثنين."

جمال (العم):

"وأنا موافق وكلنا موافقين."

وفاء:

"انت بتقول إيه يا جمال؟"

جمال بصرامة:

"بقول الصح."

"وفرح نور الأسبوع الجاي."

ونور على قد ما هي زعلانة من اللي حصل، بس فرحت جداً لأنها بتحب يزن.

يزن أخد نور وخرجوا يتعشوا برة.

يزن:

"نور أنا مش عايزك تزعلي، أنا بحبك والله وببقى عايزك جنبي علطول وتبقي مراتي."

نور بكسوف:

"وأنا كمان بحبك، بس أنا زعلانة من اللي حصل."

يزن:

"خلاص بقى يا نور، بس المهم احكيلي كده عن أحمد ده وهل فعلاً بيحبك."

نور:

"هو آه بيحبني من زمان، بس كنت بصدُّه ومش بخليه يلحق يكلمني لأني مش بشوفه غير أخ وبس."

"وبعد كده انقطع عني بسبب إني بخليه يبعد عني."

يزن بغيرة:

"امم، وأنا هتجوزك وهبعده عنك خالص."

نور:

"امم، طيب يا سيدي."

يزن ونور قعدوا يهزروا واتعشوا ويزن وصل نور.

يزن بحب:

"اطلعي بقى نامي عشان ورانا كلية بكرة."

وأكمل بضحك:

"مش هدخلك لو جيتي بعدي."

نور بضحك:

"لا هدخل عادي."

ونور طلعت وغيرت ونامت.

تاني يوم.

نور قامت ولبست بلوزة حمراء فيها ورد وبنطلون أسود وطرحة سوداء وكوتشي أبيض بكعب ولمسات ميكب خفيفة.

نور راحت الكلية ودخلت المحاضرة وكان يزن لسه مدخلش.

يزن دخل وهو بيشرح المحاضرة، فيه بنت جنب نور بتقول لصاحبتها:

البنت:

"معرفتيش توقعيه إزاي؟"

صاحبتها:

"مش عارفة، مش عايز يجي سكة."

نور قامت واتكلمت بغضب:

"إيه اللي انتوا بتقولوه ده؟ انتوا اتجننتوا؟"

ويزن قطع المحاضرة وقال:

"في إيه؟"

البنت بخبث:

"الأستاذة دي" (وشاورت على نور) "وقالت كانت بتقول إنها عايزة توقعك وتجيبك سكة معاها."

نور سمعت كده وكانت بتعيط وبتقول:

"دي كدابة."

يزن بعصبية:

"تعالولي على المكتب."

سوزي وياسمين ونور دخلوا.

سوزي بمياعة:

"والله يا دكتور هي اللي قالت عليك كده."

يزن ببرود:

"تقول زي ما هي عايزة، دي خطيبتي وهتبقى مراتي كمان أسبوع، وللأسف مجاش وقت أقول للجامعة إني مرتبط بيها."

سوزي بعصبية:

"إزاي يعني خطيبتك؟"

يزن بغضب:

"انتي ناسيه نفسك ولا إيه؟ على فكرة أنا ممكن أسقطك السنة دي، فاتقي شرّي وابعدي عنها أحسن، واتفضلي خدي صحبتك واطلعي برة."

سوزي طلعت هي وياسمين وباين عليها الغضب.

نور وهي ماشية عشان تركب.

لقت أحمد في وشها.

أحمد:

"إيه؟ فيه حد يسيب خطيبته تمشي لوحدها كده؟"

نور:

"امشي يا أحمد عشان يزن مياذيكش."

أحمد:

"لا مش همشي."

سوزي شايفاهم من بعيد راحتلهم وقالت:

"الله الله على الهانم اللي مدرواها من ورا خطيبها."

نور زعقت وقالت:

"انتي متتكلميش خالص، أنا مش زيك بخطف الرجالة وأقول عليهم حلوين وعجبني."

هنا سوزي لسه ض'ربها بلق'لم بس اتفاجأت باللي مسك إيدها.

سوزي جت ترفع ايديها عشان تضرب نور بالقلم، لقت اللي بيمسك ايديها جامد.

يزن بغضب جحيمي: ايدك الو*سة دي متتمدش عليها يا زبالة.

وضرب سوزي بالقلم وقالها: انتي مفصولة من الجامعة نهائي.

وقرب من أحمد وقاله ببشر: سبق وقولتلك متجيش جنبها، وبرضو تعديت حدودك معاها، بس أنا بقا هعرف أوريك الوش التاني.

وانقض عليه وفضل يضرب فيه جامد، وقام وقف وقال بصوت جهوري: نور خطيبتي وهتبقى مراتي يوم الاثنين الجاي، ومعزومين كلكم طبعًا.

وسحب نور ومشى من وسطهم، وكلهم واقفين باصين على أحمد اللي واقع على الأرض وسوزي واقفة جنبه.

سوزي بخبث قربت من أحمد وقالت: قوم وتعالى نقعد ونتفق اتفاق.

وسوزي قومته من على الأرض وأخدته.

عند نور ويزن:

نور كانت بتعيط في العربية.

يزن بحنان: خلاص يا نوري متعيطيش، جبتلك حقك.

نور هديت شوية وقالت له: شكرًا.

يزن بحب: شكرًا إيه؟ أنا هبقى جوزك يعني كرامتك من كرامتي، وبعدين أنا بحبك.

نور اتكسفت وبصت قدامها.

يزن ضحك واتحرك بالعربية.

عند سوزي وأحمد:

سوزي بخبث: إيه رأيك أجيبلك نور لحد عندك، وآخد أنا يزن؟

أحمد: إيه المقابل لكده؟ وهتعملي إيه؟

سوزي بطمع: إيه المقابل؟ هاخد مليون جنيه منك، هعمل كده إزاي متشغلش بالك.

أحمد: تمام، والفلوس هتبقى عندك أول ما نور تبقى ليا، هديكي النص الأول، بس الأول تضمني حقك.

سوزي: يبقى اتفقنا، بس بعد ما يتجوزوا عشان الحوار هيبقى تقيل.

انتهى الحوار.

يزن وصل نور بيتها وقالها: هجيلك بليل ومش عايزك تزعلي نفسك، تمام؟

نور أومأت له براسها وقالت له: حاضر.

ونزلت.

يزن اتحرك وراح بيته، أخد شاور ولبس ترنج مريح.

ونور غيرت ونامت.

بليل راح يزن بيت نور وخبط.

وفاء فتحت له: أهلًا وسهلًا يا بني، اتفضل.

يزن دخل وقال: ازيك يا حماتي.

وفاء بحب: الحمد لله يا ابني، بس قول لي يا ماما.

يزن بفرحة: تمام يا ماما.

وفاء: ثانية بس هصحي نور.

وفاء دخلت وصحّت نور، ونور قامت لبست فستان بيتي للضيافة.

يزن: إيه القمر ده.

نور بكسوف: شكرًا.

يزن: تيجي نخرج شوية؟

نور: تمام، ربع ساعة وأكون جاهزة.

دخلت نور لبست وطلعت وقالت: أنا جاهزة.

ونزلو يلفوا بالعربية لحد ما وصلوا الكورنيش (القاهرة يجماعة).

نور: اوقف هنا نتمشى شوية.

وقف يزن ونزل هو ونور يتمشوا.

نور بطفولة: ممكن تجيب لي آيس كريم يا يزن، بس عايزاه شوكولاتة.

يزن بضحك: عنيا حاضر.

وبالفعل راح وجاب اللي هي عايزاه.

نور: ميرسي.

يزن: فرحنا بعد تلات أيام، ومتقلقيش، مجهزلك كل حاجة، فستانك وهارِف ذوقك جهزته، وجهزت بدلتي وحجزت القاعة، وحجزت فستان لمامتك.

نور بصدمة: عملت كل ده إزاي؟

يزن: عادي، كله يتعمل عشانك يا حبيبتي.

نور: أنا بحبك أوي.

يزن: أنا أكتر يا عيوني.

وخلص اليوم ويزن روح نور بيتها.

ونزلت نور وطلعت.

ويزن روح.

وجه اليوم المنتظر (فرح يزن ونور).

نور فرحانة ولابسة الفستان وقاعدة تلف بيه.

ودخلت مامتها عليها وهي بتدمع بفرحة: أخيرًا يا حبيبتي شوفتك عروسة قبل ما أموت.

نور وهي بتحضنها: يحبيبتي بتعيطي ليه؟ وبعد الشر عليكي، وأنا ليا غيرك بعد ربنا.

مامتها باستها.

ويزن طلع وخبط الباب ودخل.

دخل يشوف نور، بس نور جننته، قعدت تلف وهو يلف عشان يشوفها.

وفي الآخر مسكها وقال: ما شاء الله تبارك الله عليكي، قمر متجوز قمر.

وطلع عمها جمال وانكحها ونزل بيها القاعة، وأخدها منه يزن وباس راسها.

وراحوا يكتبوا الكتاب.

الشيخ: أين الشاهد عليك يا بني؟

والد آسر صاحب يزن: أنا يا شيخنا.

الشيخ للعروسة: أين الشاهد عليكي يا بنتي؟

جمال بحب: أنا الشاهد يا مولانا.

والشيخ كتب الكتاب ونور مدمعة من الفرحة.

وقال جملته الشهيرة: بارك الله لكما وبارك عليكم وجمع بينكم في الخير.

ويزن قام بسرعة واحتضن نور جامد وقال بسعادة: أخيرًا بقيتي مراتي يا نور عيني.

نور بفرحة ودموع: الحمد لله.

وقعدوا يرقصوا وخربوها.

يزن كان شايل نور وطالع بيها الفندق.

نور كانت مكسوفة جدًا ومخبية وشها في صدره.

يزن نزلها في نص الأوضة.

يزن: ادخلي اتوضي عشان نبدأ حياتنا ببركة ربنا.

دخلت نور تتوضى ولبست الإسدال، ويزن صلى بيها وحط إيده على راسها وقرأ دعاء الأزواج.

وشالها حطها على السرير... و يتبع.

(ثاني يوم الصبح).

يزن صحي قبل نور وقعد يتاملها ويلعب في شعرها لحد ما صحت من النوم.

ابتسمت وقالت: صباح الخير.

يزن بحب: صباحية مباركة يقلبي.

نور اتكسفت وقامت تاخد دش ولبست فستان ابيض بكم رقيق للضيافة وطرحة بيضاء وشبشب بيتي.

يزن خرج من المرحاض ولبس بيجامة سوداء وطلع وشاف نور.

يزن: اي القمر ده.

نور بكسوف: شكرا.

يزن لسه هيرد عليها قاطعو جرس الباب.

راح فتح وكانت مامت نور وخالها وآسر ووالده.

يزن ببهجة: اتفضلو منورين.

مامت نور دخلت وقالت: صباحية مباركة ي عرسان.

يزن ونور: ربنا يبارك فيكي ي ماما.

مامت نور راحت تقعد مع نور ويتكلمو.

وآسر ووالده قعدو مع يزن في الصالة.

وعدت الايام ويزن اخد نور وسافرو المالديف.

شهر العسل وعايشين احلي ايام حياتهم وكانو مبسوطين ببعض اوي.

ويوم يزن كان في الكلية ونور في البيت عشان مكنتش قدرة تنزل لقت فونها بيرن وكان رقم غريب.

نور باستغراب: آلو.

سوزي بخبث: ألف مبروك ي حبيبتي.

نور بتساؤول: مين معايا.

سوزي: انا سوزي.

نور بغضب: مش قولتلك تبعدي عني ولا انتي مبتفهميش.

سوزي: انا بتصل اباركلك ي حبيبتي.

نور قفلت السكة في وشها.

نور قامت تعمل اكل وحست بدوخة جريت رجعت فيه الحمام.

طلعت وهي تعبانة ويزن كان جه وشافها كده جري عليها وقالها:

مالك ي حبيبتي شكلك تعبان كده لي.

نور بتعب: مش عارفة مالي من الصبح دايخة.

يزن: طيب البسي ويلا نروح للدكتور.

نور لبست وجهزت وقالتله بتعب: يلا.

يزن اخد نور وراحو للدكتورة.

اكتورة كشفت عليها وقالت بابتسامة: الف مبروك ي استاذ المدام حامل في الشهر الاول.

يزن بفرحة ومش مصدق: انتي بتتكلمي بجد.

وراح لنور بسرعة وقعد يحضن ويبوس فيها ونسي الدكتورة.

نور قامت بكسوف وقالتله: مبروك ي حبيبي.

يزن اخدها وطلع وساق العربية.

وصلو البيت وقالها: عايزك تاخدي بالك من نفسك ونا في الشغل وتاكلي كويس ومتتحركيش كتير.

نور بضحك: ااي كل دهه دنا لسه ف الاول.

يزن بتذمر طفولي: ااسمعي الكلام اللي بقولك عليه بس.

نور ضحكت وقالتله: حاضر ي حبيبي.

وعدي اليوم وكانت فرحانة بس مستغربة بمكالمة سوزي ليها ومكتتش مطمنة بس طنشت.

وفي يوم سوزي اتصلت من رقم تاني غريب وغيرت صوتها وقالتلها:

الحق يزن تعبان جدا في شقته التانية وهيموت.

نور قامت بخضة وقالت: اديني العنوان بسرعة.

قامت نور ولبست اي حاجة وطارت علي العنوان وقبل ما تطلع حد خدرها من وراها وكانت سوزي.

سوزي بخبث: والله ووقعتي ي نور.

عند يزن فتح فونه ولاقي رسالة مكتوب فيها:

(الحق مراتك بتخونك مع ابن خالتها وانت نايم علي ودانك عنوان الشقة....)

يزن كان عايز يعرف مين صاحب الرسالة بس اتعصب من الكلام وطلع علي عنوان الشقة.

طلع ولاقي الباب مفتوح دخل لقي نور علي سرير احمد (ابن خالتها) واحمد بيحاول يقرب منها ونور متخدره خاالص.

يزن جري علي احمد ونزل فيه ضر'ب فيه لغيط ما اغمي عليه من الضر'ب.

بعدها يزن راح شد نور من شعرها وبيضر'بها ب القلم وبيقولها: بتخونيني انا ليهه دنا حبيتكك.

نور بعياط: اسمعني والله انت فاهم غلط انا.

وقاطعها يزن وهو بيشدها وراه وركبها العربية بعنف وراحو البيت.

يزن دخل البيت ورماها علي الارض وقال: وويترا بقا ابن مين اللي في بطنك ده.

نور بصدمة. ووجع: انت بتقول اي ده ابنك والله انت مش عايز تسمع الحقيقة.

يزن بغضب: غوري من وشي ادخلي اوضتك ومن انهرضة هتشوف الوش التاني.

نور قالت بزعيق: خسارة حبي فيك انها تخليك تشك فيا.

يزن بغضب وراح ضر'بها ب القلم جامد لدرجة انا مناخيرها نزفت وحدفها في الاوضة ونزل وقفل الباب وراه بعنف.

نور قعدت تعيط جامد وبحرقة علي حبها وقامت تاخد شاور ونامت بتعب وحزن.

يزن في مكان مهجور.

يزن بصريخ: ليههه ي نور تخونيني انا حبيتك ومحبتش غيرك ولسه بحبك تخونيني اناااا.

ويزن روح ودخل لقي نور نايمة اتنهد بحزن ودخل يستحمي وطلع نام جنبها بس مخدهاش في حضنة.

في الصباح يزن قام وراح يقابل آسر.. صاحبو.

آسر: إيه يا عم البوز اللي أنت عامله ده؟ في إيه؟

يزن بحزن: نور بتخوني.

آسر بصدمة: إزاي ده؟

يزن حكى له كل اللي حصل.

آسر بتفهم: على فكرة دي شكلها لعبة، لأنها قعدت تقولك "أنت مش فاهم الحقيقة"، ورسالة تتبعت لك، وحد يقول لك كده، ده معناه إنها لعبة.

يزن: طب هنعرف منين؟

آسر: أنا أعرف واحد هكر بيعرف مين صاحب الرقم وهيجيبه لك.

يزن: يلا بينا عليه بسرعة.

آسر أخذ يزن ووداه عند الرجل ده.

الرجل: الرقم ده صاحب واحدة اسمها سوزي العميري.

يزن بصدمة: إزاي؟ هي دي ورا كل ده؟

آسر: هي مين دي يا يزن؟

يزن: دي طالبة عندي في الكلية وبتعمل مشاكل مع نور، بس أنا هربيها وهشوف قالت إيه لابن خالتها ده يعمل كده.

آسر: هتعمل إيه طيب؟

يزن بخبث: همثل عليها الحب.

بهجة.

ولسه يزن بيعامل نور نفس المعاملة وبيقول في نفسه: "غصب عني، وصدقيني هنخلص منهم".

ثاني يوم في الجامعة.

يزن راح يكلم سوزي.

يزن بخبث: تتجوزيني؟

نور من وراه: نعم؟

كانت سوزي تتكلم في التلفون في أوضتها وتقول:

"أنا مش عارفة إزاي مطلّقهاش كل ده، ده شافها في سريرك ولسه برضه مطلّقهاش، بس اتجوزني عليها. ومتقلقيش، هحاول أخليه يطلّقها وأجبها لك لحد عندك."

يزن دخل بغضب:

"انتي طالق بتلاتة يازبالة."

ومسكها من شعرها جامد وهي عمالة تعيط وخايفة.

يزن بعصبية وغضب:

"تنطقي دلوقتي حالا وتقولي إيه اللي عملتيه وخلّيتيني أشك فيها."

سوزي كانت ساكتة وخايفة.

يزن بغضب:

"مانطقييي."

سوزي بخوف:

"حاضر، والله هقول."

سوزي وهي خايفة وبتحكي:

"أنا اللي كلمتها من رقم غريب، وأنا اللي قولتلها إنك تعبان في شقتك وإنك جايب شقة هي متعرفش عنها حاجة، واديتها عنوان الشقة. وهي طالعة، خدّرتها وطلعتها لابن خالتها أحمد. وأنا اللي بعتلك الرسالة وقولتلك إنها بتخونك."

يزن بكره:

"وهي الشقة دي بتاعت مين؟"

سوزي:

"بتاعت أحمد، بس محدش عرفها غيري."

يزن قام وشدها من شعرها وقعد يضرب فيها لحد ما فقدت الوعي. سابها وخرج برا أوضتها وراح يعمل مكالمة.

يزن بغضب:

"اسمع يآسر، انت تيجي دلوقتي وهديك الزبالة سوزي وتاخدها تحطها في المخزن مع الكلب أحمد ده، وخلّي الحراس يروّقوهم عقبال ما النهار يطلع."

آسر:

"تمام يايزن."

خلص المكالمة ونزل يزن. استنى آسر وخلى آسر يشيل سوزي ويرميها في المخزن.

يزن طلع وغير هدومه ونام جنب نور.

جه النهار ويزن صحي من النوم وكانت نور لسه نايمة لأنها تعبانة.

يزن قام أخد دش ولبس ونزل للمخزن اللي في الجنينة.

دخل لقي آسر واقف قدامهم وهما كانوا شبه ميتين بسبب الضرب.

يزن راح لأحمد وضربو بوكس في وشه وقال:

"انت واطي ومقرف. فاكر لما تعمل كده هي هترجعلك؟ بالعكس، هي هتستحقرك جداً لأنك مش هتبقى راجل في نظرها."

وانقض عليه وفضل يضرب فيه. وآسر شاله من عليه عشان كان بيموت في إيده.

آسر بزعيق:

"خلاص سيبو، هتضيع نفسك في واحد وس..."

يزن سابه وراح عند سوزي وشدها من شعرها وقالها:

"أما انتي بقا، فحسابك السجن. هتقضي بقيت حياتك في السجن، وبعدها هسفرك ومش هخليكي تنزلي مصر إلا بإذن مني."

سوزي بخوف:

"لا، ونبي بلاش سجن، سفرني ووالله ما هنزل مصر ولا هعمل حاجة تاني."

يزن بغضب وعصبية:

"وهو انتي هتعرفي تعملي حاجة؟ ده هيكون بموتك."

يزن أخد آسر بره:

"بص يآسر، عايزك تاخد الزفتة سوزي عندك يومين لحد ما تطلع ليها باسبور وأوراق السفر، وتاخد معاها حارسين يعرفوني الأخبار عنها ويرقبوها إذا كانت هتنزل مصر أو لا."

آسر:

"حاضر ياصاحبي، عايز حاجة تاني؟"

يزن بحب أخوي:

"عارف تعبتك معايا، بس صدقني أنا مضغوط أوي."

آسر بحب:

"عيب تقول كده، إحنا أكتر من إخوات."

يزن حضن آسر ومشا راح الفيلا بتاعته.

طلع ولقى نور صاحية.

نور:

"كنت فين من الصبح كده؟"

يزن بتعب:

"نور، هحكيلك كل حاجة بس هاخد دش وآكل حاجة."

نور:

"حاضر، خش استحمي وأنا هحضرلك حاجة تاكلها."

يزن ابتسم لها ودخل. طلع وكان لابس بنطلون بس.

نور دخلت تقوله الأكل جاهز بس شافته كده واتكسفت ووشها احمر.

يزن بضحك:

"مالك ياحبيبتي؟ انتي حامل في ابني والله."

نور وهي مكسوفة:

"الأكل جاهز تحت، البس وتعالى."

يزن قرب عليها ورفع وشها وقال:

"مكسوفة من إيه ياحبيبتي؟ أنا جوزك."

نور وهي بتهرب من الموضوع:

"أومال ست سوزي فين تفطر معانا؟"

يزن بهزار:

"سيبها، أصلها تعبانة شوية."

نور بغيرة:

"امم، طب روح شوف مالها."

يزن:

"يلا بينا ننزل ناكل."

يزن لبس ونزل أكل، وبعدها أخد نور يقعدوا في الجنينة.

يزن:

"بصي، هحكيلك ع كل حاجة اهو."

وبدأ يحكيلها كل حاجة من ساعة ما عرف لحد النهاردة.

نور بصدمة:

"وانت خبيت عليا ليه؟"

يزن:

"عشان لو عرفتي كنا هنتكشف، وكنت عايز أعرفها إني مبحبكيش، بس صدقيني أنا بحبك أوي، وعدّيت مرحلة الحب كمان."

نور بدموع:

"وأنا كمان بحبك أوي."

وحضنته.

جه بليل وكان يزن راجع من بره ودخل أوضته لقي فيها شموع وورد أحمر، ونور واقفة قدامه لابسة فستان قبل الركبة بشوية وكان لونه أسود وسايبة شعرها منسدل على ضهرها.

يزن بصدمة:

"إيه الجمال ده."

نور بكسوف:

"يلا عشان نتعشى."

يزن بضحك:

"ده فيه عشا كمان."

يزن قعد، وبعدها نور خلّته يقوم وقالتله:

"تعالى نرقص."

ورقصو سلو وكان الجو رومانسي خالص.

وبعدها شالها و...

في الصباح صحي يزن وقام يستحمي وطلع لاقي نور لسه نايمة. راح صحاها وقالها:

"اصحي ياحبيبتي، بقينا العصر."

نور قامت بضيق:

"إيه بتصحيني بدري لي؟"

يزن بصدمة:

"نور حبيبتي، إحنا العصر."

نور بصدمة:

"أنا نمت كل ده ليه؟"

يزن ضحك ونزل يحضر هو الغداء.

يزن حضر الغداء ولقى نور نازلة.

يزن:

"مامتك جاية النهاردة تقعد معاكي شوية."

نور بفرحة:

"الحمد لله، دي وحشتني أوي."

يزن ونور أكلوا ومامتها جت.

وقعدت معاها ومشيت.

يزن قال لنور:

"قومي البسي، هنروح مكان."

نور لبست ونزلت معاه باستغراب.

ويزن وداها مكان.

نور بفرحة:

"انت بتهزر أكيد، لاء."

يزن بستفزاز:

"لاء، ده حقيقي."

رواية احببت دكتور جامعي 💕✨

9

يزن بحب: اي رايك في المكان

نور بفرحة: لالا بتهزرر ده بجد

يزن بحب: ايوة

المكان كان كافية علي البحر نور كانت بتحلم يبقي ليها كافية باسمها علي بحر

نور بدموع حضنته وقالتله: بحبك اوي شكراا

يزن ضمها بقوة: متقوليش شكرا انتي حياتي ولو عوزتي القمر اجبهولك

نور كانت فرحانة اوي ودخلت تشوف الكافية كان كافية كبير وفيه ويتر كتير لان المكان كبير

ويزن عمل يفطة علي الكافية لنور سماه

Kofi Nour .

يزن بحب: افتتاح الكافية هيبقي بكره

نور بتفكير: امم ماشي بس لازم ابدا اذاكر الامتحنات الاسبوع الجاي

يزن بعشق: انا جنبك وهذاكرلك انا

نور ابتسمت ليه بحب وروحو اتعشو ونامو

جه الصباح ونور صحيت بنشاط وبصت علي يزن بحب

وباسته من خده وقامت تاخد دش وطلعت صحت يزن

نور بحنان: يزن حبيبي قوم

يزن بنعاس: شوية شوية

نور بضحك: لاء يلا قوم ي كسلان

ويزن قام بكسل وقالها: صباح الفل

نور بحب: صباح النور ي حبيبي هروح احضر فطار وانت البس وانزل بقا

نور نزلت تحضر الفطار نور وهي واقفة في المطبخ وبتحضر الفطار بحب احتضنها يزن من الخلف وقالها بحبك

نور لفت ليه وقالت بعشق: وانا كمان بحبك اوي

يزن قبل'ها قبلة رقيقة علي خدها واخد الطبق وطلع بيه واستناها

نور طلعت وحطت الفطار قدامو وفطرو مع بعض وبعدها نور قالت ل يزن: انا عاوزة انزل اتمشي شوية

يزن: طب ما احنا هننزل بليل عشان افتتاح الكافية بتاعك

نور بحب: اسمو بتاعنا ع فكرة

يزن بحنية: لاء يروحي انا كاتبو باسمك وملكك انتي بس

نور باسته من خده وقالتله زهقانة وعايزة انزل دلوقتي

يزن برفعة حاجب: سؤال بس واحدة قعدة مع حبيبها زهقانة ازاي ولي ياعني

(محن اوي الواد ده كلنا بنزهق عادي 😂)

نور بخبث: انت مش حبيبي بس دانت عشقي

وقامو يلبسو يخرجوا شوية

(ملحوظة.. ورقة سوزي اللي مضي عليها يزن المليون جنيه بتاعتها اتقطعت ومبقاش فيه فلوس علي يزن)

خرج نور ويزن يتمشو شوية

يزن بتساؤول: اومال ي حبيبتي انيت ف الشهر الكام دلوقتي

نور بتذكر: امم في اخر السابع

يزن بضحك: اها طب خدي بالك ي حبيبتي لتولدي في الامتحان

نور بضحك: لالا متقلقش

وهما ماشيين كان فيه ولدين بيعاكسو نور يزن اتعصب ومسك الاول ونظل فيه ضر'ب يزن بعصبية: عشان تحرم تبص لمراتي ي زبالة

التاني لسه هيضر"ب يزن من ورا نور صرخت جامد وقالت حاسب ي يزن

يزن بص وراه لاقي الولد لسه هيضر'بو علي راسو ب الشومة

يزن مسكها بايديه جامد ومسكو دغدو من الضر"ب

الناس اتلمت كلها ونور عمالة تعيط وتفضل تقولو خلاص

واحد اتصل ب البوليس ان فيه واحد بيضر"ب شباب

(في القسم).

نور قاعدة بتعيط ويزن واقف للظابط وبيقولو

الشابين دوول بصوا لمراتي وقعدو يعاكسو فيها وطبعا انا مش هبقي قاعد ساكت ياعني

الظابط: بس مش تضر"بهم كده ده كان فيها موت

نور وهي بتدافع عن يزن: يحضرت الظابط الشاب ده مسك عصاية وكان هيضرب جوزي وانا لولا اني شوفتو وقولتله

الظابط: تمام الشابين دوول هياخدو حبس انهم تعدو علي مراتك وعلي حضرتك .. بس طبعا حضرتك لازم تاخد شوية اجرءات قنوانية لانك ضر"بتهم ضر"ب مبرح

يزن بهدوء: تمام حضرتك

والشابين اتحبسو ويزن اخد اجرءات واخد نور وطلع وهو متعصب ومش شايف قدامو

نور بمحاولة تهدئة: يزن ي حبيبي اهدي خلاص حصل خير

يزن بعصبية مفرطة: شوفتي من الصبح ونتي عايزة تخلينا ننزل وشوفتي اي اللي حصل.

نور دمعت وسابت اديه ومشت قدامو وسابته

يزن بزعيق: تعالي ي نور وبلاش لعب العيال ده

نور مش سمعاه وماشية بتعيط

بزن جري مسك"ها من رداعها وقال: لما اكون بكلمك تردي عليا واهدي عشان احنا ف الشارع

نور بدمع وبس.. يزن هدء شوية واخدها وروحو

يزن دخل البيت طلع اخد شاور وغير هدومة ونور اخدت دش في الحمام اللي تحت.وطلعت

يزن نظل لقي نور قاعدة ساكته بتتفرج ع التلفزيون

يزن بفتح كلام معاها: حضري نفسك ع الساعة ٨ عشان افتتاح الكافية

نزر قعدة ببرود ومش بترد عليه.. يزن اتعصب من كده وقفل التلفزيون وقالها مش بكلمك انا

نور عيونها دمعت: عايز اي ي يزن عاوز تضربني اتفضل عايز تزعقلي وتبهدلني اتفضل برضو

يزن زعل من نفسه: انا آسف ي نوري كنت متعصب من اللي حصل والله سامحيني وحضنها

نور عيطت وبها قالتله تقوم تزعق فيا ف الشارع محسسني اني انا اللي قولتله عاكسني

يزن بغيرة: متقوليش عاكسني تاني بس

نور بضحك: خلاص ي يزن اسفة

يزن بحب: انا اللي اسف ي عمري يلا نتغدا عشان ننزل للافتتاح

نور قامت وحضرت الغداء واكلو وقعدو شوية مع بعض وبعدها قامو يلبسو ونزلو ركبو العربية عشان يروحو الكافية

وصلو كان الافتتاح كبير وفيه ناس كتير وكان الكافية كبير والاغاني مشتعلة بصوت عالي

نور كانت فرحانة اوي والناس عرفو انها صاحبة الكافية وقلولها انو جميل وزوقها حلو بس هي قالت ان يزن هو اللي عامل كل ده والليلة خلصت ع الساعة ٢ بليل وكانت نور نايمة في العربية ويزن بيسوق وصل البيت واشتالها وطلع بيها غير لها هدومها وغير واخدها في حضنو ونام بتعبت

بس كان. فيه مكالمة جت بعد ساعتين من نوم يزن

يزن قام بتعب وفتح الفون: آلو

شخص: الحق ي يزن بيه المخزن بتاع حضرتك اتحرق بلبضاعة

(شباب يزن مش بيشتغل في الجامعة بس لاء عندو شركة كمان ماشاء الله ياعني وليها مخازن 😂)

يزن قام وقال: انت بتقول اي وانتو كنتو فين ي بهايم اقسم بالله لو ما عرفتو مين اللي عمل كده هتشوفو ايام سودا مني

قفل يزن وقا يلبس ونور قامت بتململ وقالت ليزن رايح فين

يزن بسرعة عشان ينزل: ررايح مشوار ولما اجي هحكيلك

نور كانت عايزة تفهم بس ملحقتش

يزن وصل باقصي سرعة

يزن: ها عرفت مين اللي عمل كده

محمد (الحارس): اه ي باشا طلع اسلام العميري

يزن بغضب: مينن؟

جماعة الاحداث الي بتبدا دي انا حابة اخليها تبدا في نص الرواية عشان تبقي مشوقة اكتر

بقلمي.. دنيا محمد ✍️📖

يزن بغضب: بتقول مين؟

الراجل بخوف: إسلام العميري.

يزن: تمام، هو اللي بدأ، بقا يستحمل.

يزن كان مهموم ومشغول بالشركة، ومبقاش يهتم بنور ولا ينزل الجامعة كتير.

(في يوم)

يزن قاعد مشغول في مكتبه في البيت.

نور دخلت عليه، قلتله: "إيه يا يزن؟ مبقتش بشوفك ولا بكلمك، يدوبك بشوفك بليل وبكون نمت كمان وانت بتنزل الصبح."

يزن بأسف: "معلش يا نور، والله انتي عارفة إني مشغول وكمان عندي مشاكل كتير في الشركة، واني عندي مشاكل بسبب قلة نزولي للجامعة."

نور بحنية: "خلاص يا يزن، عادي، بس هدي نفسك شوية، انت مش بتنام غير ساعتين."

يزن قام باس راسها ووطي باس بطنها: "أهم حاجة عندي تبقوا بخير."

نور ويزن بليل كانوا نايمين. نور قامت بتعب وحست بوجع شديد في بطنها، وعرقانة وبتعيط، مرة واحدة صرخت.

نور بصريخ: "الحقني يا يزن، بولد، مش قادرة!"

يزن قام فاطط: "إيه؟ في إيه مالك؟"

نور بصويت: "ماليش، قولت أجرب الولادة، قووم وديني المستشفى بولد بقولك!"

يزن بيلف حوالين نفسه وبيقول: "أعمل إيه؟"

نور بغيظ: "البيبي هينزل وانت مش حاسس، منك لله!"

يزن شالها بسرعة وجاب شنطة الولادة بتاعتها، كانت محضراها.

ونزل بنور، ركبها العربية وساق بسرعة.

وهي عمالة تعض في ايده وهو بيصوت من الوجع.

يزن: "حرام عليكي، إيدي ورمت من العض."

نور بعياط: "أحسن."

يزن شالها وقال: "ترولي بسرعة، مراتييي بتولد!"

ممرضة جابت ترولي، حطت نور عليها. نور وهما بيوصلوها للعمليات.

نور بغيظ: "منك لله، انت السبب."

يزن بضحك: "هو أنا غصبتك؟ ما كان بمزاجك."

نور بتعب: "ماشي، هوريك لما أطلع من العمليات."

ودخلوا نور العمليات، وصويتها كان بيقطع في قلب يزن.

وبعد ساعات، الممرضة طلعت وقالت ليزن.

الممرضة بابتسامة: "مبروك، بنوتة وولد زي القمر."

يزن فرح، بس اتصدم: "اتنين؟ إزاي؟ كان باين في السونار واحد بس."

الممرضة (نسرين): "عشان البنوتة ضعيفة، ولازم مامتها تهتم بيها في الرضاعة."

يزن مسك الولد بإيد ومسك البنت بإيد، بص لهم وباسهم بحب وفرحة.

يزن كبر في ودانهم بصوت هادي وحلو، وحضنهم بحب، والممرضة أخدتهم الحضانة.

يزن دخل لنور. نور قامت بتعب: "يزن، فين الولد؟"

يزن بحب: "متقلقيش، الدكتورة أخدتهم الحضانة شوية، هما كويسين، وهما ولد وبنت."

نور بصدمة: "إزاي ده؟ أنا شفت وكان حد واحد بس."

يزن بحب: "ربنا يخليهوملنا يا حبيبتي، نعمة كبيرة من عنده."

يزن حضن نور بحب وقالها: "هفوق من اللي أنا فيه وهبسطكم معايا."

نور باستُه من خده بحب: "أنا مبسوطة وإنا معاك يا حبيبي."

وعدى يومين، ونور كانت خفت شوية من تعب الولادة، وبتلم هدومها عشان تمشي من المستشفى.

في مكان بعيد،

شخص بخبث: "مراتُه ولدت بقا، على كده."

شخص 2: "آه يا باشا."

الشخص بخبث: "اممم، طيب الصفقة دي هتبقى ليا، وهو هيبقى الخسران في كل حاجة، أولاده ومراته والصفقة."

في يوم، يزن كان في الشركة.

ودخل عليه واحد بخبث.

إسلام: "أهلاً يزن باشا."

يزن قام ببرود: "إيه اللي جابك يا إسلام؟"

إسلام ببرود كبير: "جاي أقولك كلمتين، ولو قبلت بيهم يبقى أهلاً وسهلاً، لو مقبلتش يبقى تحاسب على اللي معاك."

يزن ساكت وبيبصله ببرود.

إسلام: "هديك 3 مليون وتسبلي الصفقة دي."

يزن ببرود وحاطط إيده في جيبه: "امم، وأنا مش موافق، وهكسبك."

إسلام بخبث: "يبقى هحرق قلبك على مراتك وولادك الجداد."

يزن بغضب وعصبية مفرطة: "لو فكرت تفكير بس إنك تقرب من مراتي ولا ولادي، يبقى نهايتك هتبقى على إيدي."

إسلام بص له بصة تحدي ومشي.

يزن قعد مكانه وهو خايف على ولاده ونور.

يزن روح ولقى نور قاعدة بترضع يونس ولينا.

يزن دخل وبصلهم بحب، وأخد منها الطفلين وحضنهم وباسهم.

نور وهي بتبص له بعشق: "بحبگ يا يزن."

يزن بحب كبير وباسها من خدها: "وأنا بعشقك."

عدى شهرين، ويزن بيحاول يكسب الصفقة وتعب.

وكان في يوم قاعد في الشركة لقي تليفون بيتصل بيه.

يزن: "آلو."

نور بصويت: "الحقني يا يزن، فيه ناس بتتهجم عليا أنا والولاد."

يزن بخوف شديد ورعب: "أنا جاي حالا."

مكملش جملته ولقى نور بتصرخ وبتقول: "سبني، انت عايز مني إيه؟ أعععع!"

والخط اتقفل.

يزن نزل جري وركب العربية وطار بيها بأقصى سرعة.

وصل عن الفيلا لقي نور مش موجودة ولا أولاده. ارتعب جداً، ولقى رقم غريب بيكلمه.

إسلام بخبث: "مش قولتلك تحاسب على اللي معاك وتديني الصفقة أحسن؟"

يزن بزعيق وغضب جحيمي: "ورحمة أمي لو عملتلهم حاجة، مش هخليك عايش على الدنيا، انت فاااهم؟"

إسلام: "اسمع... انت تجبلي ورق الصفقة وتديهالي، وهديك مراتك وعيالك، ولو قليت واتصلت بالبوليس، هقتلهم."

يزن: "تمام، قولي المكان."

إسلام: "أيوه كده... المكان..."

يزن قفل وراح المكان بسرعة وهو معاه ورق الصفقة.

وصل يزن المكان ودخل، شاف نور مربوطة ولينا ويونس محطوطين على كرسي ونايمين.

وإسلام واقف قدام نور ومدي ضهره ليزن، ولف وقال له:

"نور يا يزن باشا."

يزن بقرف: "ليه وصلنا لكده؟ نسيت إنك كنت صاحبي في يوم من الأيام."

إسلام بقرف: "صاحبي آه، دانت كنت بتعاملني على إني خدام عندك، ومعتبرتنيش صاحب، اعتبرتني خدام ليك."

يزن بوجع: "انت كنت أكتر من أخويا، وانت مكنتش بحبي ليك كأخ."

إسلام: "اخلص وخلينا في المهم، فين ورق الصفقة؟"

يزن طلع الورق: "خد أهو."

وإسلام بيقرا الورق، يزن ضربُه بوكس في بطنه وإسلام اتوجع أوي. وإسلام قام ولسه هيضرب، يزن مسك إيديه ولوها ورا ضهره.

وقال بشر: "هوريك أيام سودا إنك تتهجم على أهل بيتي، يا وس**!"

إسلام شاور للحراس اللي برا، وجُم قعدوا يضربوا في يزن لحد ما البوليس جه وآسر جه.

يزن كان متفق مع آسر قبل ما يجي إنه يتصل بالبوليس ويدخلوا في الوقت المناسب.

وتم القبض على إسلام العميري، واكتشفوا إنه تاجر سلاح ومخدرات، واتحكم عليه بالمؤبد.

ولحد دلوقتي نور ويزن عايشين حياة سعيدة.