رواية احببت فارس الصعيد الفصل السادس والعشرون 26 - بقلم حبيبة محمد

ريتال: نزلت وهي لابسة فستان أسود قصير وبكت، وكان شكلها جميل جدًا وسايبة شعرها. ريتال: يلا يا رعد. رعد: (بص لِلبسها) إنتي هتخرجي كده؟ ريتال: آه، ما أنا معاك بقى يا رعد، ما تخافش. رعد: مش موافق. ريتال: يلا بقى أنا تعبانة، حتى بص يعني، لاحظ إني تعبانة. (مدّت إيديها اللي مركبة فيها الكانولة) رعد: (بصّلها) ماشي تعالي. ريتال: غمّزت لفيروز ومشيت. بعدين ركبوا العربية ومشوا. رعد: تروحي فين؟ ريتال: أي مكان، دي أول خروجة لينا.

رعد: أمم. ريتال: أمم، نروح فين، نروح فين؟ (فكرت في كلام روح) رعد: فين؟ ريتال: أقولك حاجة بس ما تقولش لحد. رعد: قولي. ريتال: في شط كده ومكان جميل قوي وطبيعي وعلى البحر، روح راحتُه هي ويزن وأنا نفسي أروحُه، بس المكان ده يزن اللي يعرفه وأنا نفسي أروح لأني عمري ما روحت المكان ده، وأنت ما تعرفش المكان، بس ما تقولش ليزن عشان ما يزعلش. رعد: مين قال إني ما أعرفوش؟ ريتال: (بحزن) روح.

رعد: لأ عارفه، بس هوديكي مكان تاني لإن يزن وروح هناك حالًا فما ينفعش نروح عشان ما يفكروش حاجة. ريتال: احلف إنك تعرفه، وبعدين عرفت منين إن هما هناك؟ رعد: أنا توأم يزن يا غبية، يعني أعرف عنه هو وفيروز كل حاجة، وما تنسيش إني ظابط، أما عرفت المكان منين؟ روحت ورا يزن مرة واتنين وتلاتة، أما بيكون مخنوق بلاقيه يجي المكان ده، بس ما يعرفش إني بكون وراه عشان ما يحصلوش حاجة، بس أنا عارف المكان. ريتال: بصّتله بحب ولطف.

رعد: مالك؟ ريتال: أنت طيب قوي قوي وقلبك جميل. رعد: (رفع حاجبه) ريتال: يعني أقصد إنك طيب، بتعرف تحركات إخواتك وخايف عليهم جدًا، وفيروز اللي أنت مش مدّيها اهتمام ومش مبيّن إنك عارف عنها كل حاجة وهي مفكرة إنك مش بتحبها، بس أنت بتعشقها. رعد: ... ريتال: أنت بتخاف عليهم حتى لو التمن عمرك، بس مش مبيّن، صح؟ رعد: أمم. ريتال: (بحزن)

الله، كان نفسي بجد يكون ليا أخ يعمل معايا كده، أنا وروح، ونهزر معاه ويقولي ما تلبسيش ده عشان بغير، ويجي معايا الملاهي ويخرجني ويعمل معايا كل حاجة بجد ويراقبني من بعيد. رعد: ما يزن وفيروز إخواتك أهم، وأنا أخوكي برضه. ريتال: عارفة، بس برضه أنت فاهم صح؟ رعد: (بصّلها) صح. ريتال: ما كنتش أعرف إنك طيب وجميل من جوه كده. رعد: ما يغركيش اللي قلته، إنتي ما شوفتيش مني أي حاجة تزعلك بس. ريتال: نعم؟ كل ده وما شوفتش؟

أمال لو شوفت هتعمل إيه؟ رعد: (ضحك) ساعتها هتعرفي. ريتال: طب نروح فين؟ رعد: أي مكان نفسك تروحيه مع أخوكي، لو عندك أخ هتروحي فين؟ ريتال: الملاهي وشوبنج، حتى لو مش هنشتري لبس ونعمل حاجات كتير. رعد: نبدأ بإيه؟ ريتال: (فتحت بقها وعينيها) ما تقولش إنك هتعمل معايا كل ده؟ رعد: ولو قولت؟ ريتال: احلف كده. رعد: هو إيه حكاية "احلف" معاكي إنتي وروح والله؟ ريتال: هنروح الشوبنج الأول. رعد: بس كده؟ ثواني ونكون هناك.

بعد شوية وصلوا مول كبير وفخم. ريتال: (بِحب للمكان ده) أنت بتراقبني أنا كمان ولا إيه؟ رعد: لأ، بس جيت هنا. ريتال: طيب يلا. (ودخلوا) ريتال: كانت بتتمشى وبتشوف اللبس والحاجات الموجودة. رعد: مش هتجيبي حاجة طيب؟ ريتال: لأ مش عايزة. رعد: طيب. فضلوا يتمشوا شوية ووقفوا عند محل إكسسوارات بناتي وولادي. ريتال: رعد بقولك، تيجي نجيب كابلز؟ رعد: مش عايز. ريتال: عشان خاطري. رعد: خلاص ماشي. (ودخلوا)

ريتال: قالت للراجل إنها عايزة أنواع الإكسسوارات الكابلز وفضلت تختار. رعد: إيه؟ ريتال: هاجيب اتنين زي بعض لينا وخمسة لكله. رعد: هاتي خمسة بس. ريتال: ليه؟ طب والكابلز احنا؟ رعد: مش حالًا. ريتال: اختارت إكسسوارة تنفع بنات وأولاد وشكلها جميل جدًا. رعد: حلوة برضه. ريتال: آه، طب لو سمحت عايزة خمسة من دول. الراجل: حاضر يا فندم. (وجاب وحطهم في علبة) بعدين أخَدوهم وطلعوا. ريتال: يا رب يعجبوهم.

رعد: ما تخافيش هيعجبوهم، دول منك. ريتال: (بصّتله بحب) بقولك تعال نجيب آيس كريم ونبي. رعد: مش حالًا. ريتال: هو كل حاجة مش حالًا؟ مخرجني ليه بقى؟ ده خروجة روح ويزن كانت جميلة من كلام روح. رعد: خلاص ما تزعليش، تعالي. (وراحوا) رعد: جاب ليهم بنفس النكهة. ريتال: شكرًا. (ومشيوا يتفرجوا على اللبس من برا) ريتال: وقفت قدام محل وبصّت للبس اللي متعلق: إيه رأيك في ده؟ رعد: جميل.

ريتال: لسه بتبص لقت خيال سليم ابن خالها في الإزاز بتاع الباب بتاع المحل، اتخضّت ورجعت لورا وقفت جنب رعد. سليم: كان بيعملها حركة إنه هيقتلها هي ورعد. رعد: (مسكها) في إيه؟ ريتال: سسليم. رعد: سليم مين؟ ريتال: ممفيش. رعد: طيب تعالي نجيب اللبس. ريتال: هاا، مش حالًا بقى، يلا نروح مكان تاني. رعد: لسه ما كملناش. ريتال: يلا بقى. رعد: طيب. ريتال: مشيت وكانت لازقة في رعد. سليم: بصّلهم من بعيد بشر. (في الصعيد)

محمد: يعني هتنزل مصر يا ولدي؟ سليم: أيوه يا جدي، وعرف أبوي لما يجي إني هروح أعمل حبة شغل هناك وأقعد هناك شوية. محمد: ماشي يا ولدي، خد بالك على روحك. سليم: حاضر يا جدي، مع السلامة. (ومشي) سليم: وحياة أمي يا ريتال ما هخليكيش تتهني بحياتك، هعرفك إزاي تختاري رعد عني! (ومشي وراهم بشر) (في العربية) رعد: نروح على البحر؟ ريتال: (بتبص وراهم بتوتر) هاا، أي حاجة. رعد: في إيه مالك؟ ريتال: ما فيش حاجة. رعد: (بشك) طيب.

بعد شوية وصلوا ونزلوا. ريتال: (بتبص وراهم بخوف) رعد: (بخنقة) خوّلتيني يا بنتي، في إيه؟ ريتال: ما فيش حاجة والله. رعد: هنشوف. ريتال: (بتحاول تغير الجو) تعالى هاتلي حاجة آكلها. رعد: حاضر. (وراحوا) ريتال: أمم، هات حمص الشام. رعد: حاضر. (وقال للراجل) ريتال: زود شطة يا عمو. رعد: بلاش. ريتال: اسكت أنت، حط كتير شطة لو سمحت. الراجل: حاضر يا بنتي. ريتال: هاتلك معايا. رعد: مش عايز. ريتال: طيب. بعدين أخدت الحمص تدوقه.

ريتال: لأ مش حراق، وريني الشطة كده يا حج. الراجل: مش حراق إيه يا هانم، ده أنا حاطط شطة كتير. ريتال: لأ هات بس الشطة. الراجل: اتفضلي. ريتال: أخدت الشطة وحطت معلقتين. رعد: الله يخربيتك هتموتي. ريتال: أنا زودت قوي صح؟ رعد: زودتي إيه؟ ده إنتي خلصتي نص الكيس. ريتال: يلا ربنا يستر. (ومشيوا) ريتال: قلّبت الحمص وأكلت منه. رعد: (بصّلها) في إيه؟ ريتال: (عينيها دمعت ووشها احمر) أححح. رعد: قولتلك بلاش. ريتال:

(بتهوي بإيديها على بقها) آهه، أنا زودتها قوي كده. رعد: قوي قوي. ريتال: أحح، بقي! (وأكلت) رعد: يعني حراق ووشك احمر وبتأكلي برضه؟ ريتال: أصل طعمه حلو قوي. رعد: هتتعبي كده. ريتال: عادي بقى. (وكملت أكل) بعد كام دقيقة. ريتال: أكلت نصه وكانت خلاص شكلها معيط وعينيها مليانة دموع ووشها احمر وشفايفها احمرت من كتر الشطة. ريتال: وهي بتأكل شرقت وفضلت تكح جامد. رعد: أخده منها ورماه بغضب: قولتلك ما تأكلهوش. ريتال: (بتكح)

هاتلي ميههه. رعد: استني هاجيب وأجي. (وراح) ريتال: كانت بتكح. رعد: جه وفتح الميه: خدي. ريتال: أخدتها وشربت بسرعة. رعد: براحة. ريتال: شربت نص الإزازة: آهه بطني. رعد: إيه هتاكليني بعدها؟ ريتال: (بصّتله ببرود) رعد: طب يلا يا أختي نمشي. ريتال: هيي، دي تتسمى خروجة يا رعد؟ رعد: أعملك إيه يعني؟ ريتال: ما تعملش، يلا. رعد: أجيبلك حاجة قبل ما نروح؟ ريتال: لأ، ولا أقولك، شايف الراجل اللي بيبيع البلالين هناك ده؟

هاتلي كل البلالين اللي معاه. رعد: ليه؟ طفلة؟ ريتال: يلا بقى. رعد: راح يجيبهم. ريتال: كانت واقفة بتتفرج عليه بحب. رعد: جيت. ريتال: أخدتهم بفرحة: شكرًا يا رعد يا قمر. رعد: العفو. ريتال: طب مش هتجيب حاجة لفيرو؟ رعد: أجبلها إيه يعني؟ ريتال: يا عم هاتلها أي حاجة تفرح، دي قاعدة ليل ونهار في البيت. رعد: طيب تعالي نجبلها سوا. (ومشيوا) ريتال: بس أنت تدخل تجيب شيبسي على شيكولاته على مشروبات على كل اللي بتحبه.

رعد: ما أعرفش إيه لزومه بس ماشي. (ودخل) ريتال: فضلت واقفة برا. سليم: كان كل ده مراقبهم من بعيد، شاف ريتال واقفة لوحدها راحلها. ريتال: كانت واقفة بتلعب بالبلالين وفرحانة. سليم: فرحانة قوي كده إن هو جابهملك؟ ريتال: (بصّت بخوف وبدأت ترتعش) سليم: خايفة مني قوي كده ها؟ إنما من رعد لأ! ده حبيب القلب. ريتال: (بخوف) ااا أنت عا عايز إيه؟ سليم: ما بخوفش أنا قوي كده. ريتال: مالكش دعوة بيا. (ولسه هتدخل لرعد) سليم:

(مسك إيديها جامد) على فين؟ ريتال: سيبني. سليم: وحياة أمي يا ريتال لأندّمك وأحرق قلبك على رعد ده، وساعتها ما هسيبكيش برضه، هتجوزك وإنتي عارفة إني أعملها. ريتال: (بخوف) أوعى إيدي. سليم: مش هعرف أبوسك هنا بس... وباس ايديها بعنف. ريتال: (بوجع) اوعااا، أنا بكرهك. (وزقته) سليم: بعد عنها وعملها باي بإيديه. ريتال: بصت لإيديها وكانت بتتمنى إن إيديها اللي مسكها تتقطع وعينيها دمعت. رعد: (طلع) أنا جييت. ريتال: .. رعد: يا كتكوتة.

ريتال: كانت سرحانة ومدمعة. رعد: (بقلق) مالك؟ ريتال: أنا عاوزة أروح. رعد: ليه، حصل إيه؟ ريتال: (بدموع) ونبي رَوّحني، لَأَروح. رعد: رُوح زمانها مع يزن حالًا. ريتال: طيب رَوّحني. رعد: طيب لما تقولي في إيه؟ ريتال: لو سمحت يا رعد. رعد: كان عاوز يحضنها بس متردد، في الآخر قال: رعد: هاتي حضن يا كتكوتة. ريتال: بصتله بتردد وحضنته بعدها وعيطت. رعد: مش عاوز أعرف مالك. ريتال: ..🥺 بعد شوية.

رعد: كان بيمسح على شعرها براحة بس مش حاضنها. اهدي خلاص. ريتال: بعدت عنه. شكرًا. رعد: العفو يا كتكوتة، إنتي كويسة دلوقتي؟ ريتال: أيوه الحمد لله. رعد: طب الحمد لله، تعالي يلا جبتلك حاجة هتفرحك. ريتال: احلف. رعد: (ضحك) والله. (ومشيو) كل دا كان تحت أنظار سليم اللي متغاظ من رعد وكان عاوز يقتله وشايفه وهو بيحضنها. في العربية. ريتال: جبتلي إيه؟ رعد: طب أما نروح. ريتال: لا. رعد: لا أما نروح. ريتال: بصتله بغضب.

رعد: بصلها وابتسم ابتسامة سحرت قلب ريتال. بعد شوية وصلوا. رعد: نزل وشال الشنط ودخلوا. روح + يزن + فيروز كانوا قاعدين. ريتال: أنا جييت. روح: بصتلها هي والشنط اللي في إيديها. جبتوا إيه؟ ريتال: رعد جابلي حاجات كتير. رعد: (ضحك على هبلهم) آه حتة كانت هتموت من شوية. روح: قامت بخضة. بعد الشر، إيه اللي حصل؟ إنتي كويسة؟ ريتال: بصت لرعد بغضب. اهدي أصلي أكلت شطة. روح: الله يحرقك إنتي والشطة.

ريتال: شكرًا، تعالوا جبت حاجات لينا كلنا. رعد: ساب الشنط كلها ومسك شنطة واحدة وراح لفيروز. فيروز: (باستغراب) في حاجة يا رعد؟ رعد: خدي جبتلك دول. فيروز: (بصدمة وفرحة) بجد أول مرة. (وأخدت الشنطة) رعد: آه والله. فيروز: حضنته جامد بحب. رعد: بادلها الحضن بحب. يزن: بقى كل دا عشان جايلك شنطة بس فيها حبة حاجات وأنا اللي منغنغك ماشي؟ فيروز: فتحت إيديها ليه عشان ييجي في حضنهم. ريتال + روح: بصلهم بحب. روح: هاتي حضن يا بنتي.

ريتال: حضنتها. رعد: (ضحك) تعالوا. ريتال: بصتله. رعد: شال إيده من على يزن. تعالوا. روح + ريتال: (بصوت لبعض) وراحوا يحضنوهم. رعد: خلّى ريتال تكون جنب فيروز وهو اللي جنبها مش يزن. يزن: فهم رعد بيعمل كدا ليه وبعد عن ريتال وخلّى روح جنبه وحضنوا بعض جامد. فيروز: مع بعض للأبد. رعد: إنتوا أطفال بس مع بعض للأبد. ريتال: بصتله. إيه مش عاجبينك؟ رعد: لا إزاي، دا لو مش عاجبني تعجبوني عشان خاطرك. فيروز: أحم. ريتال: اتكسفت.

بعدين بعدوا عن بعض. ريتال: طلعت العلبة. جبت كابلززز. روح: احلفي. يزن + رعد: (في صوت واحد) يا دي كلمة احلفي دي. ريتال: (ضحكت) والله وطلعتهم كل واحد ليه واحدة بس محدش يقلعها خالص. روح: ليه؟ ريتال: كابلز يا هبلة وكمان دي فيها حاجة كويسة جدًا. رعد: هقول أنا، هو كان جايب واحدة نفسها بس جاب دي لإنها فيها نظام خصوصي كدا بتحدد موقع اللي لابسها وبتسجل اللي بيحصل بس كل دا في الحتة الصغيرة دي وورهالهم.

روح: آخ منكم إنتوا الاتنين. يزن: حلوة الفكرة دي برضه. رعد: آه الأستاذة كانت عاوزة أجيب التانية هي نفسها بس ما فيهاش الإمكانيات دي. يزن: بصلها وغمز لـ "يا ريتاا". رعد: ريتاا تاني؟ يزن: معلش. رعد: ماشي يلا كلوا على أوضته. ريتال: رعد، إنت عمرك ما قعدت معانا واتفرجنا على فيلم، يلا نتفرج كلنا ونبي. روح: آه يا رعد. يزن: بصلها ورفع حاجبه. أنا طالع. روح: دا إنت غلس أوي. يزن: احترمي نفسك. روح: اقعد معانا يا يزن في إيه؟

يزن: لا. روح: يا قموصة اقعد بقى عشان أحبك. يزن: همم طيب. ريتال: بصت لرعد بترجي. يلا يا رعد بقى. رعد: ماشي بس نطلع نغير بس وننزل كلنا بقى. ريتال: أشطا. (وطلعت هي وروح بسرعة وسابوا الشنط) يزن: وإنتي كمان. فيروز: أنا هغير ليه؟ رعد: تغيري لبس النوم بقى يا حبيبتي عشان هنتفرج وننام واحتمال تناموا وإنتوا بتتفرجوا. يزن: احتمال إيه دا أكيد. فيروز: خلاص ماشي وشكرًا يا رعدي. رعد: ابتسم بحب. بعدين رعد ويزن طلعوا يغيروا هما كمان.

بعد شوية. روح وريتال وفيروز نزلوا سوا. رعد ويزن كانوا قاعدين. يزن: لسه بدري. روح: معلش. (وراحوا قعدوا جنبهم قدام الشاشة) فيروز: استنوا أجيب الحاجة اللي رعد جابهالي نتسلى بيها. ريتال: ماشي. (وراحت قعدت جنب رعد) رعد: بصلها وعارف هي جاية ليه. ريتال: رعودة. رعد: رفع حاجبه. الكلمة دي بتعصبني. وعاوزة إيه؟ ريتال: ماشي، وإيه اللي جبتهولي هيفرحني؟ رعد: في شنطتين هناك هاتيهم وتعالي. ريتال: قامت جابتهم بسرعة.

رعد: أخد واحدة حطها جنبه والتانية طلع منها كيندر جو. ريتال: ما تهزرش دي ليا؟ رعد: آه. ريتال: احلف. رعد: يا لهواااي. ريتال: أخدتها بفرحة. شكرًا شكرًا شكرًا. رعد: إيه دا؟ ريتال: إيه؟ رعد: يعني دي صغيرة وجواها شوكولاتة أمال الكبيرة بقى؟ ريتال: ونبي ما تقولش. رعد: بس اسكتي وإنتي عاملة زي الطفلة، خدي فيها أنواعها كلها. ريتال: ونبي. رعد: الكيسة قدامك أهي. ريتال: لاا، وإنت تستاهل حضن كبير.

رعد: بصلها بعين واحدة. خلاص حضنين اتنين بقى. ريتال: لا كدا قلة أدب. رعد: خلاص حضن وتقعدي جنبي بدل ما روح تأخدهم منك. روح: بصتله بغضب. ريتال: خلاص ماشي. (وحضنته) يزن: زق رعد. خلاص يا عم الرومانسي. رعد: ما ردش. ريتال: بعدت عنه. روح: (بزعل) شوفت أخوك جاب لريتال إيه وإنت اللي ما عبرتنيش بكيس شيبسي. يزن: (بصدمة) نعم يا أختي أمال اللي طفحتيه دا كله إيه؟

روح: دا معاك في الخروجة إنما حالًا هتسلى بإيه بعد كدا يا أستاذ تجيبلي وإنت جاي من أي حتة وما تنساش فاهم؟ يزن: دي أوامر ولا إيه؟ روح: لا بس أنا زعلت حالًا حتى فيروز جابلها ونساني، ماشي يا رعد. رعد: بصلها وضحك. عيب برضه أنا ما بأنساش حد، خدي يا أختي. (وأدالها الشنطة) دي بتاعتك. روح: وحياة ريتال. رعد: والله. روح: إنت أحلى واحد في الدنيا. رعد: (غمز ليها) دي فيها حاجات زي بتاعت ريتال وفيروز فـ هاتي حضن زي أختك بقى.

(هو عمل كدا عشان يغيظ يزن) يزن: حضن مين؟ (وبص لروح بغضب) روح: تعال يا حبيب قلبي إنت. يزن: والله دا ما جابلكيش غير دول وأنا اللي عمال أجيب، ماشي؟ رعد: تعالي يا روح وسيبك منه. روح: قامت عشان تحضنه. يزن: والله العظيم لو حضنتيه ما عادش ليكي دعوة بيا. روح: في إيه يا يزن دا توأمك يعني. رعد: أيوه يا يزن وبعدين إنت مالك أصلاً؟ يزن: بصله جامد. ما لكش دعوة إنت يا رعد. رعد: تعالي يا روح. روح: بصت ليزن. يزن: أنا قولت كلمة. روح:

(بصوت واطي) معلش يا رعد بس دا يزن وإنت عارف. رعد: (ضحك) يعني إيه يزن وإنت عارف؟ روح: يعني مش هحضنك بقى. (وراحت قعدت جنب يزن) يزن: ما بصلهاش. ريتال هقولك. ريتال: قامت وكانت ماسكة الكيندر وبتفتحه. نعم؟ يزن: قالها كلمة في ودنها. ريتال: احلف. يزن: والله. ريتال: خلاص ماشي. يزن: بس بشرط. ريتال: إيه هو بسرعة؟ يزن: تجيبي حضن وإنتي عارفة محدش هيوديكي غيري. ريتال: موافقة. رعد: إنت قلتلها إيه؟ ريتال: هقولك بعدين.

يزن: يلا هاتي حضن بقى. ريتال: تعال. رعد: قام وقف. هو أنا مش قلتلك تقعدي جنبي؟ ريتال: رفعت راسها وبصتله. آه. رعد: بتقومي ليه بقى؟ ريتال: ما هو اللي ناداني. رعد: ماشي روحي اقعدي. ريتال: طيب. يزن: طب واللي اتفقنا عليه مش هتيجي؟ ريتال: بكرة يا يزن. يزن: لا ما هو لو ما جبتيش حضن حالًا خلاص بقى ولا بكرة ولا بعده. ريتال: رعد هروح بس أديله حضن وأجي. رعد: سيبك منه وقولي قالك إيه؟ ريتال: هقولك بكرة. رعد: لا حالًا.

ريتال: تؤ، الله. يزن: هاا. ريتال: مش راضي يخليني أقوم. يزن: وهو ماله إنتي بتشتغلي عنده ولا إيه؟ ريتال: صح هو أنا بشتغل عندك يا رعد؟ أنا هقوم. رعد: بص ليزن بغضب. قلتلك سيبك منه وإنت يا يزن خلاص واللي عملته لمصلحتك مش لمصلحتي وإنت عارف. يزن: آه ما أنا بعمل برضه لمصلحتك. رعد: لا مصلحتي أنا عارفها كويس مالكش دعوة إنت. يزن: هنتأكد بس. رعد: (بغضب) يزن خلاص. يزن: خلاص يا ريتاا يا حبيبتي هنعمل اللي اتفقنا عليه من غير حضن.

ريتال: خلاص ماشي يا زينو يا قمر. رعد: اتهدي واقعدي جنبي بدل ما آخدهم منك. فيروز: أنا جيت. يزن: كل دا؟ فيروز: معلش. رعد: اقعدي في النص هنا. فيروز: حاضر. (وقعدت) بعدين شغلوا الفيلم ويزن كان قاعد وروح جنبه وفيروز جنبه ما بينه هو ورعد وريتال جنب رعد. الفيلم اشتغل. النور طفى. ريتال: اتخضت هي وروح وفيروز. رعد: دا عشان الأجواء تكون حلوة. ريتال: غمزت. آه يا بتاع الأجواء إنت. بعدين قعدوا يتفرجوا. ريتال: هو إيه الفيلم دا؟

رعد: خمّني هو فيلم إيه. ريتال: رومانسي؟ رعد: (ههه) لا رعب. روح: إيه؟ رعد: أصل الفيلم دا عجبني فـ جبته. ريتال: ليه كنت هات فيلم تاني. رعد: معلش المرة الجاية وخلاص بقى عاوزين نتفرج كل واحد يخليه في الكيس اللي في إيده. روح: تاخد حبة؟ يزن: شكرًا. روح: خد يا يزن. يزن: وأنا قلتلك شكرًا مش عاوز. روح: ماشي. فيروز: خد يا زينو. يزن: (بحب) مش عاوز يا حبيبتي. روح: بصتلهم. ريتال: تاخد يا رعد؟ رعد: لا شكرًا. ريتال: طب بس خد.

رعد: والله ما عاوز سيبيني أتفرج بقى. ريتال: ماشي. (وقعدوا يتفرجوا والبنات بتاكل) بعد شوية. ريتال: هو الشاشة بقت ضلمة ليه؟ رعد: اتفرجي وتعرفي. ريتال: طيب. جت حتة رعب في الفيلم وتخوف، منظر إنسان زي الزومبي ومناظر تانية تخوف. ريتال: يا ماما. (ولفت وشها) روح: الله يحرقكوا. (لفت وشها) فيروز: بتتفرج باستمتاع لإنها متعودة على كدا. روح: هو إنتي يا أخت مش معانا؟ فيروز: لا أصل الفيلم حلو وأنا متعودة. ريتال: يا بختك.

رعد: خلاص بقى. ريتال: بتبص تشوف المنظر راح ولا لسه، لقيته لسه. رعد: ريتال أما المنظر يروح هقولك. ريتال: مسكت كتفه ودارت وشها فيه. ماشي. رعد: خلاص لفي. (ركز يا عزيزي القارئ المحن جا😂) ريتال: لفت بس لسه ماسكة في كتف رعد وبتتفرج والكل مندمج. بعد نص ساعة الفيلم خلص. ريتال كانت مدارية في رعد، روح كانت بتخبي وشها بالكيس لإنها زعلانة من يزن. ريتال: جماعة أنا خايفة. رعد: يلا كلوا على النوم. ريتال: لا نوم إيه؟ رعد: يلا هننام.

ريتال: صوتت. الكل بصلها بخضة. رعد: في إيه؟ ريتال: حسيت بحد بيشد شعري. روح: بجد؟ ريتال: والله. رعد: ما تخافيش ممكن إيدي. ريتال: طيب. روح: قاعدة بتلعب برجليها في الأرض والدنيا ضلمة راحت صوتت هي كمان. يزن: بصلها بقلق. في إيه؟ روح: (بخوف) في حد لمس رجلي. يزن: مش ناقصين خيالة ونبي. ريتال: رفعت رجليها. روح: جماعة في حد جاي هناك بصوا. ريتال: بصت. يا لهوي 😳 أنا خايفة. (واستخبت في رعد مسكت في كتفه جامد)

فيروز: يا نهار أسوح دا حقيقي يا يزن. يزن: ما تخافوش ما فيش حد يا جدعان. روح: (بخوف) بيقرب. يزن: ما تخافيش. روح: ريتال ورعد خدوني جنبكوا ونبي. ريتال: تعالي. روح: لا خايفة أقوم. يزن: أوعي. (وقام) نسرين: شغلت النور. إيه يا ولاد لسه ما نمتوش؟ روح: (زفرت بارتياح) هو إنتي يا نانا. ريتال: يووه اتخضيت قلبي كان هيقف. رعد: لا ونبي ما توقفيه. ريتال: (ضربته بخفة) اسكت إنت. رعد: اسكت إيه دا إنتي خلعتي كتفي يا شيخة.

ريتال: الله مش خايفة يا رعد. رعد: طيب يا أختي يلا ننام. بعدين قاموا. ريتال: فيرو نامي معانا. فيروز: طيب. رعد: نيجي إحنا كمان؟ روح: بصت ليزن. لا شكرًا مش محتاجينكوا. رعد: ليه؟ ريتال: خلاص بقى يا رعد أشوفك بكرة تصبح على خير. رعد: وإنتي من أهل الجنة. (وكل واحد راح أوضته ونام في سبات) الساعة 4:5 الفجر. ريتال: كانت بتحلم زي كل يوم وبتعيط، قامت مرة واحدة وكانت بتنهج وبتعيط. صحت روح. روح: (بنوم) في إيه؟ ريتال: قومي بقى 🥺.

روح: قامت. هو إنتي يا ريتال اهدي يا حبيبتي ما تخافيش. ريتال: لا يا روح المرة دي هيمو*ت رعد. روح: رعد؟ هو رعد ماله؟ ريتال: (بعياط) ما أعرفش يا روح وأنا ورعد كنا خارجين، شوفته ومسك إيدي جامد وهددني بق*تل رعد وقالي هحر*ق قلبي عليه وأنا خايفة يا روح. روح: لا يا حبيبتي إن شاء الله مش هيحصل حاجة ما تخافيش ورعد مش هيسيبه لو عمل حاجة. ريتال: (بدموع) يا روح بقولك هيمو*ت رعد أنا خايفة. روح: ما تخافيش مش هيعمل حاجة.

ريتال: بجد ونبي؟ روح: إن شاء الله والله. ريتال: مسحت دموعها وناموا وحضنت روح وناموا وفيروز جنبهم وسمعاهم بس ما حبتش تقوم عشان ريتال ما تزعلش فـ نامت واطمنت عليها. الصبح 10:2. ريتال: قامت أخدت شاور وصحت روح ونزلت لقت يزن ورعد وفيروز قاعدين. فيروز: إيه يا ست كل دا نوم؟ رعد: سيبيها بقى زمانها ما نامتش من الفيلم. ريتال: (ضحكت) صباح الخير. روح: نزلت بعدها. صباح الورد. رعد: صباح الفل. يزن: بصله.

فيروز: صباحك قمر شبهك يا قلبي. روح: حبايبي والله. (ونزلت قعدت) يزن: ريتال انهارده الساعة 5 اتفقنا. ريتال: أشطا. نسرين: الفطار جهز يا حبايبي. وقاموا كلهم على السفرة. رعد: عندي خبر هيفرح ريتال وروح. ريتال: قول بسرعة. رعد: خلاص كلمت الدكتورة وقالتلي يقدروا ما ياخدوش محاليل تاني وخلاص. ريتال: ونبي؟ رعد: والله. ريتال: حبيبي يا رعد والله شكرًا. بعدين كملوا فطار وقاموا كل واحد قاعد مع التاني.

ريتال: لسه معايا حاجات من بتوع إمبارح. روح: وأنا. فيروز: وأنا برضه. ريتال: مين هيخرج انهارده؟ روح: مش عارفة هخرج ولا لا. فيروز: أنا لا. ريتال: أنا هخرج. روح: يا بختك يزن خرجني انهارده. يزن: لا أنا رايح مشوار انهارده. روح: فين؟ يزن: مالكيش دعوة يخص حد أحبه. روح: بصتله بزعل. يزن: عمل ما اهتمش ليها. وقعدوا يتكلموا ويهزروا. الساعة 4. يزن: هقوم ألبس عشان خارج. ريتال: وأنا. رعد: على فين؟ ريتال: هروح أقابل صاحبتي كدا.

رعد: روح معاكي. ريتال: لا روح ما تعرفهاش. روح: مين دي؟ رعد: هو إنتوا ما تعرفوش أصحاب بعض؟ ريتال: لا بنت لسه متعرفة عليها وكدا. رعد: تمام خدي بالك من نفسك أجي معاكي. ريتال: لا شكرًا. (وطلعت) بعد شوية يزن نزل. وريتال وراه. ريتال: يزن خدني في طريقك. رعد: ليه؟ ريتال: أصل طريقه هو طريقي. رعد: هاجي أوصلك أنا. ريتال: لا لسه هتلبس هو جاهز أهو. رعد: (بشك) ماشي، خد بالك منها. يزن: عيب كدا. (ومشيو) ريتال: ركبت مع يزن.

يزن: إيه رأيك. (وضحكوا) ريتال: مية مية يا معلم. يزن: أشطا يلا نروح. ريتال: ماشي. شخص: كان بيراقب يزن وريتال من أول ما خرجوا. يزن: وصلنا. ريتال: نزلت بفرحة. الشخص: رن على حد. ألو. مجهول: في أخبار جديدة؟ الشخص: أيوه يا فندم خرجت هي وأخو رعد وراحوا مكان للعشاق. مجهول: حلو أوي كدا صورهم وابعتهوملي. الشخص: أمرك. (وقفل) ريتال: يزن تعال نعلق أقفال.

يزن: محسساني إن روح ما قالتلكيش، هي قالتلي إنها قالتلك عشان نفسك تروحي فـ أنا علقت مرة مع روح خلاص. ريتال: كدا يا يزن ماشي. يزن: معلش ما تعلقيش غير لما تيجي مع حد بتحبيه وعلقوا سوا. ريتال: خلاص ماشي تعال نتصور. يزن: ماشي. بعدين اتصوروا شوية. الشخص: صورهم وبعتهم للمجهول. المجهول: بص للصور بخبث ودخل لرقم رعد. رعد: كان قاعد لقي فونه بيرن ورقم غريب رد. مجهول: رعد القط. رعد: مين معايا؟ مجهول: مراتك مع عشيقها في عنوان **.

رعد: إنت بتقول إيه إنت مجنون؟ مجهول: لو مش مصدقني روح شوف بعينك والصور بعتهالك شوفها. رعد: إنت مين؟ مجهول: قفل. رعد: لقي الرقم بعتله رسايل على الواتس كان خايف يفتحهم يطلع فعلًا اللي بيقوله صح بس فتحهم. رعد: اتصدم لما شاف يزن وريتال مع بعض وفي المكان بتاع يزن المفضل اللي محدش يعرفه وما بيروحوش غير بعض ناس عند يزن. رعد: ريتال ويزن مع بعض وبتتصوروا كمان دا لو حبيبك يا ريتال مش هتعملي كدا. (وقام بغضب عامي من غير ما يلبس)

فيروز: في إيه يا رعد؟ رعد: ما فيش. روح: رعد مالك في إيه؟ رعد: (بغضب) قلت ما فيش ابعدوا عني دلوقتي. روح: في إيه يا رعد إنت كنت كويس وبتتكلم في الفون حد قالك حاجة؟ رعد: روح اسكتي قولت. (وطلع برا الفيلا كلها وركب عربيته وساق بجنون) روح: ماله دا؟ فيروز: ما أعرفش. عند يزن وريتال. يزن: كفاية صور بقى. ريتال: ماشي روح هات درة. يزن: مش عارف كل ما أجي هنا تطلبوا درة ليه بس ماشي. (وراح) عند رعد. رعد: فاضل دقايق ويوصل.

يزن: جاب الدرة وجه. ريتال: شكرًا. يزن: استني سخن. ريتال: ما تخافش. (وأخدته وكان سخن فعلًا) يزن: أخده منها. قلتلك سخن معلش. (وفضل ينفخ في الدرة) رعد: كان وصل وشافهم وباصللهم من بعيد. ريتال: طعمه حلو برضه. يزن: نفخ فيه شوية. خدي كلي وهو. فـ إيدي بدل ما تتحرقي ثاني. ريتال: بضحك. ماشي. وأكلت. رعد: راح لهم. ريتال: شافت رعد، بصت بصدمة. رعد! يزن: لف وراه.