رواية أحببت غامضاً الفصل الرابع 4 - بقلم رقية ياسر

عرفت أنا عرفت مين اللي عمل كده والله لـ أوريك يا اللي اسمك.... نووور يلا قومي يا آخرة صبري. هو الواحد ميعرفش ينام في البيت ده. قومي يابت صحي أخوكي وافطرو عشان عندك شغل. حااااااااضر. ناااادر. ناااااادررررر يقررررف. طب أهو. والله يا مجنونة حد يصحّي حد بالمية، والله لأوريكِ. الحقيني يا ماما ابنك هيموتنييي. وقعدتوا اهدوا بقى. مين اللي عامل الفطار؟ أنا. إنتِ منين يا عينيا؟ أنا مصحياكي بعد ما خلصت.

دايماً كسفاني يا ماما. أنا راحة الشركة بقى عشان اتأخرت وفهد هيعمل من وداني قطايف. في الشركة، في مكتب فهد الدمنهوري. نور، هو إيه مشكلتك مع يغيث ده؟ عموماً أنا طردت سهيلة. أنا ويغيث كنا مخطوبين واكتشفت أنه مش تمام وبيشرب وكده فـ سبته وهو دلوقتي بينتقم. آه فهمت. ممكن تليفونك ثواني؟ ليه! شاكك في حد هو اللي قالك الكلام ده عايز أتأكد. تمام اتفضلي.

الوقت ده فون سليم كان جنب فهد على المكتب، فـ فتح الرسائل عند نور وبعت رسالة للرقم اللي بعت لنور. وبعدها جت notification لفون سليم وده معناه أن المجهول "سليم". فهد بيه إنت كويس! آآآه كويس. أنا بس مش مصدق إزاي!! ممكن يكون فيه غلط في الموضوع. آه آه أكيد. سليم ميعملش كده، ده صاحب عمري💔. طب اتكلم معاه وشوف. سليم راح لمكتب سليم وطلب منه يتكلموا بره الشركة وسليم وافق. راحوا قعدوا في كافيه وبدأ فهد يتكلم وكان متعصب أوي.

ليه عملت كده ها، ليه! ليه تخذلني يا سليم!؟ ده أنت صاحب عمري إئتمنتك على حياتي كلها، ليه طلعت زيهم يا سليم، لييييييه رد عليا، أذيتك في إيه أنااااا!!!!! آآآآآ أنت قصدك إيه مش فاهم! بلااااش هطططل، إنت هتستعبط ي سليم!؟ لا مش بستعبط. آه أنا عملت كده وأنا اللي قلت لـ نور. عارف ليه؟ عشان بغير منك. عندك كل حاجة عربية، شركة، فلوس، ڤيلااا ودائماً أحسن مني. ليه الناس بتحبك وبتهيبك وأنا لأ، ليه أنا هفأ يعني! يخليك تعمل كده!

وأكثر كمان يا فهد، وأكثر. إنت أزبل صاحب عرفته💔. فهد قام بعد ما الكافيه كله كان بيتفرج عليهم وكان بيعيط بهيستيريا. في الشركة. نور أنا هروح خلاص، روحي إنتِ كمان. وتقدر تسوق العربية كده؟ هحاول. طب على إيه؟ أنا هسوق أوصلك. طيب. بعد ما ركبوا ونور سقت عربية فهد ووصلوا عند الڤيلا خلاص.. يلا اتفضل وصلنا. نور ما تطلعي معايا.. أفندم!!! لا لا انتي فاهمة غلط، متقلقيش فيه خدَم فوق. طيب.

اقعدي هنا اتفرجي على التليفزيون وأنا هاخد شاور وأجيلك. تمام. خلاص خلصت. فهد كان لابس شروال أسود ومش لابس تيشرت وشعره مبلول كده وقمر😂♥️. يلهوي أي العضلات دي! سمعتك على فكرة. احم ممكن حضرتك تلبس التيشيرت. فهد قعد جنبها على الكنبة وقرب منها ولاحظ توترها. هتقوليلي ي فهد ها، إحنا بره الشركة وبعدين ألبس التيشيرت ليه! عـ عشان متبرديش يعني التكييف شغال. اقتنعت.

فهد حكالها عمل إيه مع سليم وهي استوعبت الكلام واتغدوا مع بعض. بس فجأة فهد حرارته علت جامد وبقي بيهلوس بالكلام. وفي الوقت ده نور كانت ماشية. نـ و ر ممكن متمشيش، خليكي معايا. مسك إيديها. الوقت أتأخر لازم أرجع. خليكي معايا أنا محتاجكك. صعب عليها أوي💔. طـ طب ما الخدَم موجودين يا فهد معاك. أنا عايزك إنتِ، مطمن بوجودك إنتِ. حاضر هكلم ماما بس. ماشية.

نور كلمت مامتها قالتلها إنها هتبات عند صحبتها. مامتها زعقت شوية وبعدها وافقت. وبعدها نور عملت لـ فهد كمادات وشربته شوربة وغطته ونام وقعدت جنبه. الواحد فعلاً مينفعش يحكم على حد من شكله، إنت طلعت طيب أوي يا فهد. نور وهي قايمة تشرب لفت نظرها notebook صغيرة كده فـ احتارت تفتحها ولا لأ وبعدها قررت تفتحها ولما فتحتها اتصدمتت....