رواية أحببت غامضاً الفصل السادس 6 - بقلم رقية ياسر

_فهد ابني مات من زمان يا بنتي. =ما ماتش يا حبيبتي، مين اللي فهمك الكلام ده؟ _هو ابني عايش! =آه عايش يا طنط، فهد عايش. في الوقت ده أم فهد حضنت نور وقعدت تشكرها وهبطت كتير من الفرحة وقعدت تقولها: "ممكن أشوفه؟ ونور وافقت طبعاً. _ألو يا دودو. =دودو! نهار أسود. _إيه يا فهد، مدلعكش. =انتي عارفة لو حد سمعك وإنتي بتقولي دودو هيبتي يا نور، هيبتي. _المهم إيه رأيك نتقابل النهارده، عاملالك مفاجأة. =أوبا، أشطا، هنتقابل فين؟

_في الكافيه اللي بنتقابل فيه كل مرة. =اشطات. "في الكافيه" _اتأخرت ليه؟ =مش كنت بجهز يا بنتي. _ففففففهدددد. =قلبه. _مش قولتلك متلبسش الطقم ده! =ماله وحش؟ _لااا يا فهد، ما ده المشكلة، إنه حلو وإنت حلو والقمصان عليك قمر. قولتلك مليون مرة متفتحش زرارين القميص اللي فوق ولا تشمر الكم وتلبس ساعة وحاطط برفان ريحته قمر والبنات يعاكسوك بقى. =اممم، هي القطة بتغير؟ _لا وأغير ليه؟ =تشربوا إيه يا فندم؟ _هنفكر ونقول لحضرتك. =تمام.

_ما قالك يا ماما هنفكر. واقفالنا زي اللقمة في الزور كده ليه؟ =احم، أنا آسفة. _باين يا نور إنك مش بتغيري. =أكيد مش بغير، أووف، متضحكش يا فهد. _ليه؟ =غمازتك بتبان. _حاضر يا نور. ها، إيه بقى المفاجأة؟ =أنا لقيت أمك. _..... =إيه يا فهد؟ _هو أنا طلبت منك تدوري عليها؟ =ف ف فهد، أنا كنت فاكرة إنك هتتبسط. _وأيييه الانبساط في إني ألاقي اللي رمتني أنا وأختي يا نور وتسيبنا نتمرمط في الملاجئ؟

هو فاكرك إني مكنتش هعرف ألاقيها يعني يا نور وأسرع منك كمان؟ أنا مش عايز أشوفها. =طب اسمعها، طب يا فهد اسمعها عشان خاطري. _لا يا نور، لا، دي حاجة متخصكيش، أنا ماشي. =طب فهد استنى، يفهد. _ألو يا طنط. =إيه يا نور، وافق؟ _للأسف يا طنط، بس أنا هحاول معاه تاني، متقلقيش. =تسلمي يا حبيبتي. عدى أسبوع على الكل وهو زعلان ومتضايق، وفهد نفسه يشوف مامته بس زعلان منها أوي إنها رمته هو وأخته. _ألو. =أيوه يا فهد. _وحشتيني.

=إنت زعلانة منك يا فهد، وأوي كمان. _طب ممكن نتقابل ونتكلم. =طيب. "في الكافيه" _اتفضل اتكلم. =بصي يا نور، إنت أكتر واحدة عارفة الموضوع ده مأثر عليا إزاي، فمبالك تشوفي الست اللي رمتك إنتي وأختك تعملي إيه؟ _بص يا فهد، إنت ممكن تسمعها، ممكن يكون ليها مبررات. =طب خلاص، وديني ليها. _اشطاا. "في بيت علياء الدمنهوري" _أهلاً يا بنتي، تعالي. =استني، أنا جايبالك مفاجأة. _جبتي فهد؟ =احم، السلام عليكم.

_وعليكم السلام يبني، تعالي، خش. =اتفضلي، فهميني. _بص يا فهد، يبني، أبوك الله يرحمه كان فهمني إن بعد ما أنا ولدتك إنك مت، وحضرنا عزاء وقعدت طول السنين دي فاكرة إنك مت، لحد ما جت نور الله يكرمها وحصل اللي حصل بقى. =أنا مش عارف أقولك إيه، أنا آسف لو كنت جاي بتكلم بطريقة قاسية، أنا آسف. _ولا يهمك يا حبيبي، أنا مقدرة. سؤال، بس هي زينة فين؟ =أختي ماتت. _منه لله أبوك اللي كان فهمني إنكوا الاتنين موتو. =يلا ربنا يسامحه.

فهد قام حضن مامته وعيط، وهي عيطت جامد وحكالها إزاي زينة أخته ماتت وإيه اللي حصل، ووصل نور. _إنت مش عارف أشكرك إزاي يا نور. =لا شكر ولا حاجة، ده فهد، كفاية إني أشوفك فرحان. _هو أنا بحبك من فراغ بردو، ربنا يديمك ي حبيبتي. =ويديمك ي حبيبي. في الوقت ده فهد رزع نور بوسة على السريع كده. _يلاااهوي، إنت حيوان. =خلاص يا نوري، إيه ده، بوسة بريئة. _أنا طالعة يا فهد بيتناااا. =ماشي يا قلبي.

نور طلعت وحكت لمامتها كل حاجة، ماعدا البوسة طبعاً.