رواية أحببت غروره الفصل السادس 6 - بقلم نور عبد القادر

رواية أحببت غروره الفصل السادس

نعمه بهدوء:شوفي يبنتي انا الداده بتاعت سيلي زي م عرفتي مامت سيلين وباباها منفصلين من زمان وسيلين تقريبا متعرفش مامتها لانها صغيره جدا زي م انتي شايفه .

عشق هزت راسها وهيا بردو مش فاهمه هيا بتقولها كده ليه!

نعمه بصتلها:انتي بردو مش فاهمه انا بقولك كده ليه

الصراحه انا عايزاكي مربيه لسيلين!

عشق بصتلها بصدمه:ازاي انا بشتغل هنا

نعمه بصتلها :انا طلبت كده لاني شايفه ان سيلين متعلقه بيكي وده مش بيحصل تقريبا ف اتمنى انك توافقي وطبعا معاكي وقتك

عشق بصتلها ومش عارفه تقول ايه

عشق:هفكر واشوف..

نعمه:تقدري تاخدي رقمي عشان تبلغيني قرارك..

عشق هزت راسها بإيجاب..

نعمه:٠١٢********

نعمه مشت وعشق فضلت واقفه ومش عارفه تاخد قرار ..

بقلم Nour Abdelkader

روايه احببت غروره..💛🌻

في القصر ..

دخل جاسر إلى القصر بهيبته المعتاده ..

رزان بإبتسامه وهيا بتقرب:حمدلله على السلامة يجاسر

جاسر هز راسه ببرود وطلع لاوضته..

رزان بصتله وهو طالع بغيظ وغل:هتجيلي يجاسر يعني هتجيلي وهنشوف!

ساميه جت:مالك واقفه تاكلي ف نفسك كده ليه

رزان بغل:مش عايز يلين مش عايز !

ساميه بضحك وخبث:هيلين يقلبي مش تخافي خالص

رزان بسخريه:و ده امتى ده!

ده لو اتشقلبنا كده مش هيلين

ساميه بصتلها بضيق:ايه البؤس ده!

اعملي بس اللي اتفقنا عليه وهتشوفي!

رزان بصالها بسخريه:اما نشوف..

طلعت اوضتها وساميه بصت للفراغ بشرود:لازم كله يبقى ملكنا لازم..

بقلم Nour Abdelkader..

روايه احببت غروره. 💛

في اوضه حبيبه..

قاعده بتلعب وفجأه جه على بالها خالد..

حبيبه بضحك:ايه اللي جابه ف بالي ده!

تابعت بطفوله:يكونش حبيته !..ايه يبت يحبيبه فوقي تلاقيه نساكي اصلا!

دخلت عليها مامتها

حنان بدهشه:بتكلمي نفسك يبت!

حبيبه انتبهت ليها وبصتلها بضحك:لا يماما دي تهيؤات مش اكتر

حنان بغيظ:شكلك وحشك ابو ورده

حبيبه بخوف مصطنع:لا لا الا ابو ورده يحنان!

حنان بصتلها بغيظ اكبر:حنان يحبيبه حنان!

جرت وراها وحبيبه قامت بسرعه خرجت

حبيبه بصوت عالي وبتتخبى في والدها:الحقني يحج شوف مراتك

وليد بضحك:في ايه يهبله عملتلها ايه

حنان:بتقول ليا حنان حاف كده وبتقول ليا دي تهيؤات

وليد بضحك:طب معلش عديها المره دي

حبيبه باسته بسرعه:حبيبي ياابوويا

حنان بغيظ وهيا بتمشي للمطبخ:عوض عليا عوض الصابرين يارب

حبيبه بمناغشه:اعمليلي فراخ مقليه يحنان ..وجرت بسرعه على اوضتها..

وليد بضحك وغلب:صبرني عليهم يارب .