تحميل رواية احببت غريب بقلم الكاتبة المجهولة pdf

"لا يا أمي، مش هينفع أبداً."

"ليه يا حبيبتي؟"

"عشان أنا لسه صغيرة، ومش مستعدة للزواج. وبعدين، أنا مش بحبه."

"بس هو ولد كويس، وغني، وهيعيشك في عيشة هنية."

"بس أنا مش عايزة أعيش في عيشة هنية مع واحد مش بحبه. أنا عايزة أحب الشخص اللي هعيش معاه."

"طيب، فكري كويس يا بنتي. ده نصيبك."

"مش نصيبي يا أمي. نصيبي مع واحد تاني."

"مين ده؟"

"مش عارفة."

"طيب، وبعدين؟"

"هستنى لحد ما الاقيه."

"ربنا يهديكي يا بنتي."

"آمين يا أمي."

احببت من لا يراني

حلقة ١٢

*تفاجأت سماء من مطلبه

: حضن ايه عيب يا كريم

: نفسي يا سماء اخدك جوة حضني

: انت عامل  كل ده عشان كده 

:واكثر من كده

:بس ... اصل ... اصله

: خلاص يا سماء فهمتك

: اصل عيب والناس

: خلاص يا سماء تعالي نلحقهم عشان تنزلي الميه 

*بفرحة 

:انت هتنزلني الميه كمان بس انا مش بعرف اعوم ومش معايا هدوم 

:عامل حسابي وجايب لك مايوه 

:لا يا كريم ما اقدرش البس بكيني عيب

 :انت هب-له بكيني ايه اللي هلبسهولك قدام الناس شيفاني  مركب الاريال .... مايوه شرعي 

:لا بجد تستاهل دي

*وقبلته في خده

: لا مش عايز حاجه خذي حاجتك اهيه

*و قبلها من خدها هي الاخرى 

*فض-ربته بمزح على يده

:ما تاخدش على كده واهي حاجه بدل الحضن

: انا راضي اي حاجه منك 

:بحبك قوي يا كريم

: لا ده انا هبيتك في الميه

: هههههه بجد العيد ده مختلف اول مره اعترف بحبك واشوف البحر 

:واول بوسه

:انت قليل الادب 

*عادوا الى القريه وابدلت ملابسها ونزلت سريعا مع سماح وهي سعيده

بقلمي سحر السحرتي 

 *امسك كريم يدها فامسكته بقوه 

:اوعى تسيب ايدي احسن اغرق انا مش بعرف اعوم انت بتعرف 

:لا 

*قالت برع-ب وهي تعود للشاطئ 

:ايه تعالى نخرج مش عايزه انزل 

: هههههه تعالي بعرف وهعلمك 

*دخل بها في اعماق البحر حتى اصبحت قدميها لا تصل الى الارض فتعلقت برقبته

: هم-وت هغ-رق الحقني 

: انا ماسكك يا حبيبتي بس هتخن-قيني بالرغم من اني مبسوط من الحضن ده 

*ابتعدت بسرعه ونظرت في الاسفل للماء

 :امال انت رجلك لسه على الارض ليه 

:عشان انت قصيره ... سيبي نفسك عشان الميه تشيلك وشغلي رجلك كانك راكبه عجله وقاعده على الكرسي بتاعه

: هو ده عوم ده

 :اه بعلمك تقفي في الميه

*فعلت كما شرح لها 

: يعني كده

: اه يا حبيبتي شاطره سيبي ايدي بقى و اعمليها دواير بالراحه

 :لا مش هسيب ايدك

: اسمعي انا واقف جنبك ما تخا-فيش 

*نفذت وص-رخت من فرحتها انها تستطيع السباحه ... ورفعت يدها للاعلى فسقطت للاسفل ... فامسكها كريم 

:ما ترفعيش ايدك بره الميه احسن تنزلي لتحت

: ايه ده بجد ... شوف كده انا بعرف اعوم يا كيمو بعرف 

*واقتربت منه واحتضنته

:شكرا يا حبيبي ربنا يخليك ليا 

*وقبل ان يبادلها الحضن وجدت من يص-رخ باسمها 

:سماء

: معلم ادهم ...  نعم 

:بتعملي ايه

 :اصل .. اصل كنت بغ-رق وكريم بيعلمني العوم

: لو سمحت يا كريم اذا هي مش بتعرف تعوم قرب بيها شويه للشط عشان كده ما يصحش 

لمياء : ما تسيبه يعلمها احنا مالنا 

*لم يعيرها اي انتباه

:يلا يا سماء لو سمحت 

:طب هجرب مره كمان لو ما عرفتش هطلع 

*همس كريم :ها-دم اللذات

*همست له سماء 

 :يظهر ان انا زودتها قوي صح 

: ده انت كنت بتعملي صح الصح 

*ضحكت بصوت عالي فانتبه ادهم ونظر لهم فأرادت الهائه 

:شفت بقيت بعرف اعوم يا معلم ادهم

: شاطره قربي بقى كفايه عليك كده

لمياء: سيبها شويه واضح انها اول مره تشوف البحر 

كريم : ومش اخر مره وكويس انها اول مره معايا عشان تبقى ذكرى حلوه لينا مع بعض يلا يا سماء 

:على فين

:نركب جيت سكي وبعدين ننزل ثاني 

:طب نشوف سماح وعمار يركبوا معانا

*ركبوا جميعا الا ان سماء ركبت خلف كريم لانها اول مره كي يعلمها 

:شوفي اركبي ورايا و هعلمك وبعدين نركب كل واحد لوحده 

:ماشي بس امشي بالراحه وما تعملش زي الناس اللي هناك دي احسن بخاف

: امسكي كويس فيا 

*ونظر بخ-بث فهمته 

:كويس اللي هو ازاي يعني 

:اركبي وفي الطريق هقول لك 

*ركبت خلفه و احتضنته

: ايوه كده جامد بقى احسن تقعي

 :نعم اقع لا بلاش منها انا بخ-اف وما بعرفش اعوم 

:اسمعي الكلام هتتبسطي قوي 

:كريم اوعى توقعني 

:حتى لو وقعتي مش مهم وانت لابسه جاكيت الانقاذ 

:وده فايدته ايه

 :ده عامل زي العوامه يشيلك في الميه 

:بجد طب امشي برده بالراحه 

*بدا يزيد السرعه بالتدريج حتى لا تخ-اف وكانت تضحك كالاطفال

: مبسوطه يا حبيبتي 

:قوي يا حبيبي ... جدا... كثير... مش عارفه اعبر لك 

 :يعني معايا ولا رحله الجامعه 

:انت احلى من اي رحله

 :بس يمكن كنتي عايزه تبقي مع صاحباتك 

:ما انا بشوفهم في الجامعه انت اهم حاجه في حياتي ما ليش غيرك يا كريم

 *بعد ان استمع لكلامها الجميل .... قام بعمل حركه جانبيه فسقطوا هما الاثنين معا 

:ايه ده احنا وقعنا هنعرف نطلع ونرجع تاني ازاي 

 :ما تخافيش كنتي بتقولي ايه قبل ما نقع

:ما انت سمعت

 :انا مش مصدق نفسي النهارده ده  اسعد يوم في حياتي 

*قام بارجاع شعرها خلف اذنها وتقرب منها وقبلها بحب فوق شفتيها ... ولكنه لم يطيل لانه شعر بوجهها الاحمر و خجلها فابتعد

: انا اسف ما قدرتش اقاوم 

*صمتت ولم ترد دليل انها متض-ايقه مما فعله 

:انا هطلع وامسك ايدك تطلعي ورايا

 *وصعد فعلا وهي خلفه وعاد الى الشاطئ وهي ترفض الحديث معه و صامتة  فجلس امامها وامسك يدها يقبلها 

:اسف حقك عليا مش هعملها ثاني

 :لا انا اللي اسفه انا اللي بدات عشان كده انت اتجرأت اكثر

: ما تقوليش كده مش غلط انك تعبري عن حبك

: لا غلط احنا لسه مخطوبين بتقول عليا ايه دلوقتي

: بقول انك احلى وٱدب بنت عرفتها

: طب سيبني شويه لوحدي 

:مش هتنزلي الميه قبل الغداء 

*انهمرت دموعها 

:كريم لو سمحت سيبني دلوقتي

 :بتعيطي ليه يا حبيبتي

: مش قادره اسامح نفسي انا غلطت وخنت ثقة ماما فيا و اهم حاجه انه حرام 

:طب اهدي ما حصلش حاجه لده كله احنا مخطوبين وقريب هنتجوز 

:قريب ده اللي بعد كام سنه صح وقبلها يبقى عملنا تجاوزات كثير عشان كده ماما كانت بترفض اخرج معاك وعندها حق عارف ماما دايما بتقولي ايه الفترة دى 

: بتقول ايه 

: ان ربنا عوضها بيا و كرمها مش اني بقيت دكتورة لا الكرم الحقيقي أن الناس تحلف بتربيتها وانا ضيعت تعبها في الارض عارف احساسي ايه دلوقتي وانا بخ-ون ثقتها فيا

 :مش هعمل كده تاني اوعدك غير وانت مراتي حقك عليا خلاص

: انت وعدت لو اتكررت هفسخ الخطوبه

 :قدرتي تقوليها

: اه ومش هرجع لك غير لما اخلص دراسه و نتجوز على طول

: معقول عايزه تحرميني منك الفتره دي كلها

: لو خالفت وعدك هعملها

: ليه كل ده

 :عشان افضل غاليه في نظرك مش رخيصه 

:اوعي تقولي كده انت طول عمرك غاليه 

:مع زياده التجاوزات هنزل من نظرك وشويه بشويه هتح-تقرني ويمكن تسيبني و ترفض تتجوز واحده مش بتحافظ على نفسها 

:رغم ان عمري ما هعمل كده بس فاهمك و احترمتك اكثر ... فكيها بقى انا وعدتك خلاص وانا راجل بلتزم بكلمتي 

:انت احسن راجل انا قابلته في حياتي

 :ايوه بقى افردي بوز البجعه ده وقولي لي كلمتين حلوين ...الا صحيح عجبتك البوسه 

*ض-ربته بقبضه يدها في كتفه

:اتلم احسن ازعل منك 

:طب يلا ننزل الميه قبل الغداء

:لا مش عايزه اتغدى هنفضل في الميه طول اليوم 

:تعالي ... انت لوحدك شويه و هتقولي لي همو-ت من الجوع 

*نزلت ولعبت مع الباقين بالكره في الماء هي وكريم وبعد نصف ساعه همست لكريم 

:اسمع انا جعانه قوي

 :مش قلت لك

 :انت عارف منين

: اصل الميه بتجوع يلا بينا 

:بس نرجع ننزل تاني 

:ماشي .... يلا يا جماعه هنروح نتغدى جايين

*رد عمار :اه انا هم-وت من الجوع 

*بعد تناول الغداء كانت سماء تتمشى مع كريم مشبكه ايديهم و اصابعهم سويا 

:مش عارفه اشكرك ازاي بجد انا سعيده جدا

: اي حاجه تحلمي بيها هتلاقي مصباح علاء الدين بس اشوف ضحكتك 

:انا اتحرمت من حاجات كتير بس حاسه انك العوض عن كل حاجه 

:مين عوض ده 

:ده واحد صاحبي ما تعرفوش 

:اه اذا كان كده ماشي ...ينفع بقى توعديني ان عمرك ما تسيبيني

: انا دلوقتي هقولها وانا واثقه منها ... عمري ما هسيبك يا كريم الا لو خن-تني 

:نعم ايه الكلام ده انت مفكره اني ممكن اخ-ونك

 :خاي-ف من ايه اذا عمرك ما هتعملها 

:مش خاي-ف بس كان نفسي تبقى الجمله مش مشروطه

 :اصل الخي-انه بتوجع قوي 

:وانت عرفتي منين

:من دموع امي اللي كانت كل ما تفتكر اللي بابا عمله فيها 

:حبيبتي ما فيش غيرك في قلبي ولا هيكون لغايه لما ام-وت

 :بعد الشر عنك بلاش تجيب سيره الم-وت 

:خاي-فه من الم-وت 

 : بخ-اف ياخذ حد بحبه ...زي ما طلبت مني اوعدك عمري ما اسيبك هطلب منك طلب

: اوعدك يا ستي طبعا عمري ما اسيبك 

:ده مفروغ منه عشان لو عملتها هعبيك في اكياس 

:صحيح هتبقى مرات جزار طب تؤمري بايه 

:تبقى حنين على طول معايا زي ما انت دلوقتي لان طول عمري محرومه من حنيه الاب مش تتجوزني من هنا وتقول خلاص بقت في ايدي 

:تعالي انت في ايدي وانا هوريكي حنان وسهام وجيهان

: هههههه مين دول اللي هيقروا الفاتحه على روحك 

:حبيبي اللي بيغ-ير

: تعالي بقى نبني بيت على الرمل زي ما كنت بشوف في التلفزيون 

: طب استني اشتري لعب الرمل من هناك 

: لا خلاص هتشتريها عشان يوم 

: ولا يهمك يا حبيبتي وبعدين ابقى اديها لولاد اخويا

: شايف البحر شو كبير كبر البحر بحبك 

: دى انا هشتري كل لعب البحر عشان الكلمتين دول 

: هههههه لا هات واحده بس

بقلمي سحر السحرتي 

*كانت هناك نظرات تراقبهم بحق-د واخرى بحس-ره على خسارتها واخرى سعيده لسعادتها 

*كان يوم من اسعد لحظات حياتها

*وهي في السيارة قامت بتشغيل اغنيه بهاء سلطان

$ أنا مش عايز غيرك

$أنا مش عايز غيرك

$بتحلّى كلّ حاجة في عينيّا

طول ما أنا ويّاك

$صحيح مليانة الدّنيا أحضان

$بسّ أنت حضنك مش أيّ مكان

أنت بالنّسبة لي أمان

وماليش أنا مكان تاني

$صحيح مليانة الدّنيا بيوت

بسّ أنت يا حبيبي المقصود

زيّك مش موجود

$جميل جميل جميل إنّك تكون عنواني

$أنا مش عايز غيرك

أنا مش عايز غيرك

$أنا مش عايز غيرك معايا

وللنّهاية معاك

*كانت تردد كلمات الاغنيه وهي تضم كتفه وتضع رأسها فوقه 

*قبلها كريم في راسها من صدق وجمال مشاعرها 

*وهي في الطريق 

:وقف .. وقف يا كريم

: ايه خير 

:خلينا نجيب لطنط حلويات من المحل ده

 :اشمعنا 

:انا كنت بشوف الناس بتجيب لنا مشبك وهي راجعه من المصيف

: هو ده مصيف دى رحله يوم واحد 

: معلش عايزة اجيب لها حاجه حلوه عشان هي ادتيني حاجه احلى

 :حاضر يا حبيبتي هي لفته جميله منك

*اشتريت سماء لحماتها وامها وذهب كريم ليدفع الحساب

: لا انا اللي هدفع عشان تقول لها ده من سماء

 :عيب انا الراجل وهقول لها برده ده من سماء كفايه انك افتكرتيها 

*همست : هو كل الرجاله حلوه كده ولا انت بس 

*ابتسم: كل ده عشان هدفع ثمن المشبك

:لا طبعا على كل حاجه حلوه عملتها لي 

*كانت باقي السيارات توقفت 

ادهم: خير وقفتوا في المحل ده ليه 

كريم: سماء يا سيدي مش عايزه تنسى حماتها وحلفت تجيب لها حلو من هنا

*نظر للمياء وهمس

: مش عايزه انت كمان تجيبي حاجه لحماتك

: انا قلت لك قبل كده مش بعرف اعمل الحركات البلدي دي بتاعه الست سماء 

سماح: انا كمان هجيب لماما وحماتي كويس انك وقفتي يا سماء 

*نظر ادهم مره اخري للمياء وهمس 

: حتى سماح بتعمل حركات بلدي

: ما هي صاحبتها

*نفخ  بتافف 

: لا يا سماح لمياء مصرة تجيب هي لماما 

*نظرت له سماح باستغراب بمعنى( من امتى) لكنها لم تنطق بها

: فيك الخير يا لمياء 

*عادت سماء وحكت لوالدتها كل شيء وهي سعيده (مش كل حاجه بالملي طبعا حصل مونتاج للقبلة و الحضن ) لانها شعرت بالندم مما فعلته 

: ربنا يسعدك كنت بقول لك دايما وافقي لاني كنت بشوف حبه في عينيه وانت اللي كنت بترفضي اوعي تزعليه بقى

 :عمري ما هزعله 

*مرت الايام وانتهت امتحانات العام وكريم كان دائما الاهتمام والدعم لسماء 

بقلمي سحر السحرتي 

*عادت لمياء وكانت تجهز لزفافها فقد حاولت الت-هرب لكن والدها وادهم لم يعطوها الفرصه 

*ذات يوم دخلت سماء احد الكافيهات وجلست امامه وهو ممسك بيد فتاه

 :مساء الخير قاطعتكم .. ازيك يا استاذ كريم 

الفتاه :انت مين وازاي تقعدي من غير استئذان

 :انا اخته يا حبيبتي ولما لقيت عربيته بره قلت ادخل يوصلني وانت مين بقى 

:انا حبيبته

 :ويا ترى يا حبيبته عارفه انه خاطب

: اه وكلها يومين ويسيبها هو بيقضي وقت ظريف معاها لانه كان هي-موت ويخطبها 

*تراقصت الدموع في عين سماء وقالت 

:طب يا استاذ كريم واضح ان اليومين خلصوا مبروك على خطوبتك الجديده 

كريم :استني بس انت فاهمه غلط 

:لا انا كنت فاهمه غلط وفهمت دلوقتي الصح

:اسمعي بس يا سماء اديني فرصه اشرح لك 

*لم تعطيه فرصه واسرعت باله-روب من امامه قبل ان يرى دموع عينيها

*ولكنه اسرع خلفها وامسكها من ذراعها 

:سماء انت فاهمه غلط واللي جوه دي عارفه انك خطيبتي وقالت كده عشان تض-ايقك 

:سيب ايدي لو سمحت وخليني امشي مش عايزه افهم حاجه ... مسكه ايدك ليها كفيله تشرح كل حاجه 

:طب تعالي نقعد في مكان واشرح لك

: نقعد لو انا عايزه افهم بس انا خلاص انتهى كل شيء بالنسبه ليا ... بس ليه توصل بك الس-فاله والوق-احه انك تخطبني عشان تتسلى بيا يومين

: سماء لسانك ما يطولش وبعدين طول الفتره دي حسيتي اني بلعب وبتسلى وانك مش اغلى حاجه في حياتي 

:واضح باللي شفته جوه اني اغلى حاجه في حياتك قوي قوي ...سيبني بقى عشان ما ازع-قش والم الناس علينا وانت شخصيه مهمه ومعروفه هنا

 :مش هسيبك غير لما اشرح لك 

*و جذبها من ذراعها و اجلسها في السياره دون عن إرادتها وتحرك

 :نزلني انا مش هقعد معاك في اي مكان

: ما تقعديش بس لازم تسمعيني هركن في مكان هادي عشان نتكلم 

:انت ما بتفهمش مش عايزه اتكلم

: لاخر مره بقول لك ما تطوليش لسانك ... اسمعيني الاول وقولي بعدها اللي انت عايزاه 

*توقف في احد الاماكن الهادئه واغلق ابواب السياره حتى لا تستطيع الخروج

:قفلت الباب ليه انا مش هنزل غير لما اسمعك وتخلص كلام عشان اخلص من حوار اسمعيني ده ... اتفضل يا ريت تكون نظمت كلامك والفت ك-ذبه كويسه بس مهما تقول مش هصدق غير اللي شفته بعيني 

: انا شاب وطبيعي يبقى عندي علاقات مع بنات مش اكثر من اننا كنا بنخرج مع بعض نتفسح ونهزر ونضحك ونقضي وقت لطيف

: اه يعني مش كنت بتحبني ومجن-ون سماء دي كله كان مجرد اشاعات صح 

:لا انا بحبك وكنت مستنيك توافقي عليا بس كنت بتسلى معاهم وهما عارفين 

:وطبعا الخطوبه مش ارتباط رسمي تخليك تبطل تسليه

 :لا انا من يوم ما خطبتك وانا قطعت معاهم كلهم 

: دول طلعوا كتير قوي واتاريني مخطوبه لفلانتينو وانا مش عارفه 

:اسمعي للاخر وبطلي تريقه ... هي اللي اتصلت بيا كثير وقالت انها مش قادره تنساني ولما صديتها كلمتني النهارده قالت انها محتاجه مساعده قابلتها عشان اعرف عايزه ايه

: راجل من أهل الخير بصحيح .. ومسكه الايد دي كان نوع من انواع المواساه وفعل الخير اكيد هتاخد الثواب اضعاف اضعاف 

:انت لو ركزتي كانت هي اللي ماسكه ايدي انا اتفاجئت انها مسكتها كنت لسه هشدها لقيتك قعدتي .. صدقيني دي كل الحكايه 

:خلصت افتح العربيه بقى عايزه انزل

 :لا مش قبل ما تصدقيني

: احنا اتفقنا اسمعك مش اصدقك 

:انت اصلا جيتي المكان ده ازاي وهو مش قريب من الجامعه او البيت

*ردت بس-خرية 

 :كنت مروحه من الجامعه لقيت النداهه بتقول لي يا بت يا سماء روحي العنوان ده هتلاقي مفاجاه ما حصلتش ... قلت لها في ايه يا ست يا نداهه ... قالت لي لما توصلي هتعرفي ... قلت لها خلاص خليني وراكي أما اشوف اخرتها 

*رد بنرف-زة

: سماء الموضوع مش مستحمل سخريتك دي ... ما هو التوقيت انها تمسك ايدي مع دخولك كأنها متظبطه 

:يمكن هي كمان النداهة قالت لها  تمسك ايدك على دخولي

: سماء اذا ما اتعدلتيش في الرد عليا 

*قاطعته بح-ده

: هتعمل ايه من حقك دلوقتي تعمل ايه افتح خليني انزل وبالليل تيجي تقابل بابا وتاخذ حاجاتك 

*امسك يدها وقبلها 

:هتسيبيني انت مش وعدتيني تفضلي معايا على طول

:الوعد كان مشروط بعدم الخي-انه ولة نسيت وانت خن-ت 

:احلف لك بايه ما فيش غيرك في قلبي وعمري ما خن-تك من يوم ما لبست دبلتك

*جذبت يدها منه بق-وه 

:وسيب ايدي بقيت غريب مش من حقك تمسكها لو سمحت نزلني بدل ما اصوت واقول خاطفني

 :هوصلك ما فيش هنا حاجه تركبيها 

*استجابت لانها تعلم انه لن يتركها ولكنها صمتت عن الكلام نهائيا ولا ترد عليه 

 :انا مش بكلم نفسي ردي عليا يا سماء  ...مش هينفع كده

: سوق وانت ساكت لاني مش هرد عليك ... النداهة بتقولي ما ترديش علي واحد خاي-ن 

 :يا بنتي حلفت لك اني مظ-لوم 

:كان ممكن تحكي لي على غرامياتك لما سألتك ... لكن انت فضلت اني افضل فاهمه انك اصبحت راهب من اول ما وقعت في حبي ... اتاريك كنت مقضيها ... رضيت اتجوزك خير وبركه ما رضيتش تبقى ما خسرتش حاجه 

*توقف بالسيارة أمام منزلها

 :كويس وصلنا ومش عايزه اشوفك بعد كده 

*قامت بغلق باب السياره بق-وه وصعدت بسرعه

بقلمي سحر السحرتي 

 *اراد ان يلحق بها ولكن استوقفه ادهم كي يتحدث معه 

:معلش يا ادهم مش وقته

 :مالك شكلك منتخ-انق اتحسدت 

:لا اتقفشت

 :انت بتلعب بديلك لا عيب 

:يا ابني واحده بنت ال .... من اللي كنت بعرفهم طلبت تشوفني تقوم الصدف تلعب لعبتها

: وسماء تشوفك

 :دي كانت متظبطه على الشعره اول ما دخلت البت مسكت ايدي وطبعا الست سماء لوت بوزها

: لا ما لهاش حق

 :انت بتتريق مش انت اخوها الكبير صلح بقى ما بينا

: الاول هات قرار البنت اللي كانت قاعده معاك لان واضح انه ملعوب وبعد ما اتجوز ابقى اتحشر لك لكن انا دلوقت بوضب للجواز فاضل كام يوم 

:انت مفيش منك منفعه

: يعني هو مين يقف جنب مين دلوقت

: انت اللي تقف جنبي الخطوبه هتتفسخ

: لا ما تقلقش هقول لعمي يكلمها 

:ارجوك وانا تحت امرك انا من غير سماء حياتي تقف

: عارف احساسك

: عارفه ازاي 

: انت الخن-اقة افقدتك الذاكره مش انا بحب لمياء ومش متصور حياتي من غيرها 

: طب اعمل حاجه يا ادهم ينوبك ثواب وانقذ حياة إنسان 

: هههههه للدرجه دي 

: وأكثر ... هتعمل حاجه

$ هل فعلا كريم خائن ؟ وهل ستكمل سماء معه ام انتهت قصتهم هنا؟