رواية احببت جنيه الفصل الأول 1 - بقلم ابرار محمد

آسر: يا آنسة، انتي كويسة؟ قاعدة لوحدك ليه كده في الوقت ده؟ كانت بنوتة قاعدة على الرصيف والجو شتا. رفعت عيونها تبصله تشوف مين. آسر: أيوه كويسة. انت عايز إيه؟ بصلها بصدمة. معقول دي بشر؟ عمره ما شاف حد بجمالها ده قبل كده. آسر: انتي إزاي حلوة كده؟ ضحكت. هاجر: تعرف إنك أول حد يقولي كده. آسر: معقول؟ أنا أول حد أقولك كده؟ ليه الناس مبقتش تشوف ولا إيه؟ هاجر: وانت كمان حلو. آسر: بجد؟ هاجر: آه. آسر: لأ، كفاية عشان بتُحرج.

هاجر: ههههههه. ضحكتني وأنا زعلانة. آسر: أه صحيح، انتي إيه اللي مقعدك هنا وشكلك حزين ليه كده؟ هاجر: عشان بابا عايز يجوزني ابن عمي. آسر: طب وإيه المشكلة؟ هاجر: أنا مبحبوش. هم عايزين يجوزوهوني بالغصب يا… آسر: آسر. اسمي آسر. وانتي؟ هاجر: اسمي هاجر. آسر: اسمك جميل زيك. ضحكت. آسر: هم ملهمش الحق إنهم يجوزوكي بالعافية. هاجر: ممكن تساعدني؟ لسه هيتكلم، تليفونه رن. آسر: بتقول إيه؟ طب أنا جايلك حالاً.

هاجر: معلش، لازم أمشي ضروري. هنتقابل تاني أكيد. ومشي وسابها. في المستشفى. آسر: بابا، انت كويس؟ الأب: الحمد لله يا ابني، أنا بخير. آسر: كده تقلقنا عليك يا حاج. الأب: أنا كويس يا حبيبي، مفيش حاجة. كانت دوخة من السكر بس. آسر: مش قولنا نخلي بالنا من صحتنا. الأب: أنا كبرت بقي خلاص. عايز بس أفرح بيك. آسر: يجدع، كبرت إيه؟ دا انت لسه شباب. وبعدين هانت أهي، خطوبتي الأسبوع الجاي. يلا قوم كده عشان تفرح بيا. آسر: هاجر؟؟

انتي إيه اللي جابك هنا؟ ودخلتيني هنا إزاي؟ امشي بسرعة قبل ما حد يشوفك معايا هنا. هاجر: وطّي صوتك واهدي. محدش يقدر يشوفني غيرك. آسر: إيه الهبل ده؟ لو أي حد دخل هيشوفك. عرفتي مكاني منين ودخلتي إزاي أصلاً؟ وجيتي ليه؟ هاجر: أنا جيت عشان أطمئن عليك، انت مشيت بسرعة وقلقلتني عليك. وبعدين أنا أدخل من أي مكان أنا عايزاه. آسر: انتي أكيد مجنونة. قومي امشي قبل ما أي حد ييجي ويشوفك معايا في الأوضة كده.

هاجر: قولتلك محدش يقدر يشوفني غيرك. آسر: ودا ليه بقى إن شاء الله؟ هاجر: عشان أنا مش إنسانة. آسر: ولما انتي مش إنسانة، أمّال إيه يعني؟ هاجر: أنا عفريتة. آسر: ههههههه. عفريتة بالشبشب اللي انتي لابسااه ده؟ هاجر: متتريقش. أنا عفريتة بجد. آسر: والمفروض إني أصدقك صح؟ هاجر: مقدامكش غير كده. آسر: انتي أكيد مجنونة. فاكرني هصدق الهبل ده؟ يلا اطلعي من هنا. كان بيتكلم بصوت عالي، وأبوه وأمه دخلوا. آسر: عاجبك كده؟

أقولهم إيه عليكي أنا دلوقتي؟ الأم: فيه إيه يا ابني؟ صوتك عالي كده ليه؟ بتزعق لمين؟ آسر: بزعق لمين إزاي؟ انتوا مش شايفينها ولا إيه؟