رواية احببت حالة خاصة الفصل الأول 1 - بقلم حنين كرماني

صفاء: لا طبعاً مش هقبلها في بيتي وبس، دي هتكون بنتي كمان. فارس: أنا قلت إن قلبك كبير يا صفصف، عشان كده جبتها. صفاء: طب يلا يا حبيبي نخرج لها، عيب نسيبها قاعدة ده كله لوحدها. فارس: يلا. ثم أمسك الكرسي المتحرك وخرج بأمه للخارج. صفاء: تعالي يا حبيبتي في حضني. نظرت جورى إلى فارس وطمأنها، فأسرعت إلى حضن صفاء وأخذت تبكي. صفاء: أهدي يا حبيبتي، بس في إيه؟ جورى: بقالي كتير محدش حسسني بحضن أمي.

صفاء: يا حبيبتي يا بنتي، اعتبريني زي مامتك. ودلوقتي هتتعرفي على فريدة وتكونوا صحاب وأخوات. جورى: بجد. صفاء: بجد. نادى فارس على فريدة ونزلت فتاة آية في الجمال. فريدة: مين دي يا أبيه؟ فارس: دي جورى، هتعيش معانا هنا، وهي تحكيلك حكايتها. دلوقتي اطلعوا على فوق، وادي جورى هدوم من عندك وخليها تنام معاكي لغاية ما غرفتها تتوضب. فريدة: حاضر يا أبيه. تعالي يا جورى.

وأخذتها فريدة إلى غرفتها وأعطتها ملابس لها، وتحدثوا مع بعضهم بعض الوقت، وحكت لها جورى حكايتها، واتفقوا على أنهم سيكونوا أخوات، ثم ناموا. وأخذ فارس صفاء إلى غرفتها ونامت، وذهب هو إلى غرفته، وأبدل ملابسه ونام. تاني يوم استيقظ الجميع وأبدلوا ملابسهم، ثم نزلوا لكي يتناولوا الفطور. جورى: أستاذ فارس، هو ممكن أنزل اشتغل في شركتك. فارس: تمام، تعالي من بكرة. جورى: طب ممكن آخد منك فلوس أجيب هدوم، ولما اشتغل هرجعها لك.

فارس: جورى، انتي زيك زي فريدة، وملزومة مني، أوك. جورى: مينفعش حضرتك. فارس: جورى، هي كلمة ومش هكررها تاني. جورى: تمام. ذهب فارس إلى الشركة، وصفاء جلست تشاهد التلفاز، وجورى وفريدة صعدوا إلى الأعلى. جورى: ديدا، هو إنتي ليه لابسة الحجاب ده. فريدة: عشان ده فرض على كل مسلمة. جورى: يعني أنا المفروض ألبسه. فريدة: آه، هو إنتي متعرفيش حاجة عنه. جورى: لأ، محدش كلمني عنه، ومامي وبابي ماتوا، وعمي ومرات عمي مش كلموني عنه.

فريدة: تمام. وظلت تتحدث معها عن الحجاب، وقررت جورى أن ترتديه، وذهبوا واشتروا ملابس وحجاب. وذهبت جورى تاني يوم مع فارس الشركة وعملت بقسم الديكور. ومر شهر على أبطالنا، والناس تتحدث عن جورى وفارس، وقام فارس برفع قضية لجورى، والنيابة تقوم بالتحقيق بها. وفي يوم من الأيام، طلبت صفاء التحدث مع فارس في غرفة المكتب. صفاء: فارس، جورى بقالها شهر قاعدة هنا، وكلام الناس بيكتر عنكم، ومينفعش كده، ولازم نلاقي حل. فارس: أنا عندي حل.

صفاء: إيه هو. فارس: هتجوزها.