رواية احببت هدف مهمتي الفصل الأول 1 - بقلم جنى سعد

احببت هدف مهمتي. البارت الاول. _اقلعي _دي عندها. قال برفع حاجب: عند مين. _عند امك ياننوس عين امك. انتي باين عليكي متربتيش ومش محترمة ومحتاجة حد يربيكي. _مين دي اللي مش محترمة؟ شلها يامحترم اوعي تنسى نفسك يااض ده انت كنت بتبيع قولل. قولل بقي فهد الحسيني يتقالوا بتبيع قولل. _استغفر الله العظيم انت عاوزة إيه النهاردة. عاوز مزاجي يتعدل. _وده أنا أعدلهولك إزاي يارحمك. متتلمي يابت ولمي لسانك اللي عاوز أقطعه ده.

_يعم اتنيل.. وبعدين تحولت عيونها من نظرة الغضب إلى حزن مستتر. _ياريت بنوتة رقيقة زيي تتبهدل وتبقى بلا شرف. رقيقة.. وبنوتة... _مالك مندهش كده ليه؟ قلت حاجة غريبة أنا. أوففف بقولك إيه أنا جايبك هنا عشان تعدلي مزاجي مش تعكريهولي. قالت في سرها: حسبي الله ونعم الوكيل والله العظيم الكار ده مش كاري أنا مليش في شغل العصابة دي. _احم بقولك إيه ياكابتن. خير. _أنا مش هعرف أعدل حاجة عشان عندي آآآ. عندك إيه. _احم عذر قهري.

اممممم تمام هخلي حد يوصلك للمكان اللي جبتك منه. بصتله براحة. _تمام. نزلت وركبت العربية ووصلها للمكان اللي كانت فيه. = ها عملتي إيه يابت يانعناعة. بصتلها بقرف وقالت: _تمام يا سندس هانم أنا ماشية. مشيت من المكان كله وراحت لمبنى المخابرات. دخلت وراحت المكتب بتاعها. ولاء: مالك ياروح. روح بتعب: تعبت والله يابنتي سيادة المقدم مديني مهمة بنت ستين كلب. ولاء بضحك: معلش ياحبيبي دي مش أول مرة يعني.

روح: لاااا دول مسميني نعناعة ياولاء على آخر الزمن روح السيوفي يتقال ليها نعناعة. دخل العسكري وهو ينادي على روح. روح: والله ما تقول أنا جاية لوحدي. دخلت روح المكتب وركبها بتخبط في بعض. روح بخوف: احم فيه حاجة يا سيدة المقدم. أشرف: ها عملتي إيه. روح: بص يافندم المهمة دي مش هعرف أكملها. أشرف: انتي بتستهبلي ولا إيه اومال انتي دخلتي شرطي ليه؟ لا وكمان شغالة في المخابرات. روح: مين قالك إني كنت عاوزة أدخل شرطي؟

أنا كان حلمي أدخل طب أسنان أبويا وأمي ربنا يجزيهم بالخير ويبشبش التوبة اللي تحت راسهم هما اللي كانو عاوزيني أدخل شرطي. أشرف: قدرك ونصيبك إنك تدخلي شرطي هتعترضي. روح بصوت مقارب للبكاء: لا يافندم حسبي الله. أشرف: ها قوليلي عملتي إيه. روح: روحت يافندم الديسك مود كان شكله مقرف جدا وقابلت ست حيزبونة كده وبتتكلم بغرور وجاء راجل كده طول وعرض وارتفاع وعيونه للونها عسلي أخدني وقال لي أعدليلي مزاجي قمت قلت له إن عندي احم.

أشرف: فهمتك. طب مقلكيش على اسمه. روح بتذكر: آه اسمه تقريبًا فهد الحسيني. أشرف بصدمة: فهد الحسيني! روح: آه. أشرف وكاد أن يصاب بجلطة: هموت هموت يارب. يارب أنا عاوز البت دي تبعد عني ياااارب. روح: الاه في إيه بس يافندم. أشرف: عارفة يا روح انتي ذكية بس بيجيلك وقت كده بحس إنك شاربة حاجة. روح: ليه بس كده يافندم. أشرف: اللهم لا أسألك رد القضاء وإنما أسألك اللطف فيه. روح: طب أنا عملت إيه طب.

أشرف: انتي هتروحي تاني المكان وهو هيجيلك وهتروحي معاا عاوزك تعرفي مين مديره وشغله فين بالظبط. روح وهي تبلع ريقها: طب لو قالي عاوز مزاجي يتعدل تاني أعمل إيه. أشرف ببرود: أعدلي. روح بصدمة: .... وووووووو