رواية احببت هدف مهمتي الفصل الخامس 5 - بقلم جنى سعد

روح: مين فينا اللي بيغلط دلوقتي؟ ولما أجي أزعقلك بتعيط. فهد: تزعقي لمين؟ روح: ليا. فهد: وتعيطي مين؟ روح: أنا ياباشا. سرح فهد في عيونها التي تشبه قهوته البندقيه، قرب منها. قرب فهد منها، وبعدين بعد عنها في ثانية. فهد: امشي. روح استغربت من رد فعله وحست بإحراج. روح: تمام. نزلت روح ومشيت لحد ما وصلت لبيتها. روح: إيه يا بييييت مفيهوش رااااجل! مازن: تفو على دي تربية. منه: تربية وسخة. روح: قلة أدبكو كويس، ماشي.

منه: كنتي فين كل ده؟ روح: ك... كنت في الشغل. مازن ومنه بصّولها بشك. مازن: أنا حضرت الأكل، يلا تعالي كُلي. روح: اشطا يا موزو. دخلت روح وغيرت هدومها ولابست فستان لونه رمادي، وقبل ما تطلع من الأوضة لقت مسج من رقم غريب مكتوب فيها: "لو طلعتي باللبس ده برا هد فِنك مكانك". بصت روح يمينها وشمالها بقلق. لقيت مسج اتبعتلها تاني بنفس الرقم: "متدوريش كتير وهنبّهلك للمرة التانية لو طلعتي كدا هد فِنك مكااانك". بلعت

روح ريقها وسألته وقالت: "انت مين؟ " محدش رد عليها. تجاهلت كلامه وطلعت بالفستان. روح: وريني كدا الكفتة دي بتقول إيه. أدالها مروان صباع كفتة. روح: إيه النتنة دي يا مازن؟ مازن: عاوزة كام؟ روح: هات عشرة ولا خمسطاشر صباع. مازن بصدمة: ك... كم؟ روح: قليلين صح. منه: متكلينا بالمرة. روح: هو أنا مش بتعب طول النهار وبشقي وبتعب وبعمل تمرينات وبنط من جمب النااا... مازن: إيه! يخربيتك بلاعة واتفتحت علينا.

منه: دي مصورة غاز يا ابني ولما بتتفتح مش بتتصد. روح: طفحونا اللقمة بقى قبل ما ناكلها. منه: كُلي يا روح بدل ما أجي أجيبك من شعرك، كُلي. أكلت روح وقعدت قدام التلفزيون وكانت بتعيط. مازن بقلق: روحي انتي كويسة؟ روح وهي بتبكي: قطتي مشيت وسابت بوبو لوحدها، أهئ أهئ. مازن: قطتي؟ روح ببكاء: آه. مازن: دا أنا مش هحل أمك. روح: إيه اللي في إيه بس؟ مازن: دا أنا افتكرتك قتلتي قتيلة، منك لله. روح: ما أنت معندكش إحساس زينا.

مازن: الحقيني يا منه هموت. منه بقلق: مالك يا مازن؟ مازن: جابتلي الضغط، اللي منها لله. منه بغباء: هي مين دي؟ مازن: مين اللي بتجيبلي الضغط غيرها؟ هي عدتك ولا إيه؟ منه: آه روح. ما أنت عارف يا مازن إنها نصيبة. روح: مين دي اللي نصيبة يا مرا؟ منه: مرااااا. روح: أيوا مرا، اطرشتي؟ منه وهي بتشدها من شعرها: لا مطرشتش يا ***، دا أنا مش هحلك. مازن: صدعتوناااااي، اتهدوا منكو لله. روح: انت بتعلي صوتك عليا يا له؟

منه: وبيعلّي عليا أنا كمان. روح وهي بتشمّر أكمام إيديها: بسم الله يا منه. منه: اتوكلت على الله. مازن بحذر: انتو هتعملوا إيه؟ منه وروح: كل خير. وفي ثانية مازن جري من قدامهم وهما جرو وراه. الشخص بخوف: هنسلمهم إمتى يا فهد بيه؟ فهد ببرود وغرور: الأسبوع اللي جاي. الشخص بخوف: تمام يا فهد بيه، عن إذن حضرتك. وفر بالهروب. صباح يوم جديد ممتلئ بأحداث أخرى. منه: يا بنتي ربنا ياخدك، قومي قامت قيامتك.

روح: حد يصحّي حد كده يا زبالة. منه: بغلة! انتي بغلة! في حد ينام كل النوم ده يا باردة. روح: واجبك عليكي كأخت أصغر تصحّي أختك الأكبر. منه وهي بتضغط على أسنانها: قومي غيري هدومك عشان فضلك تكّة معايا. روح بخوف: ح... حاضر. غيرت روح هدومها وراحت لمبنى المخابرات. روح: صباح الفل يا لوليتا. ولاء بحب: صباح الفل على عيونك يا جميل. أثناء كلامهم جا العسكري. روح: ونبي مانت قايلها، أشرف بيه عاوزني صح؟ هز العسكري رأسه بالإيجاب.

دخلت روح المكتب وهي بترتعش. روح: السلام عليكم ورحمة الله وبركاته ويبارك في عمرك ويرزقك على مين يعديك. أشرف: انتي بتقولي إيه؟ روح: لا ولا حاجة يا فندم، كنت عاوزني في حاجة؟ أشرف: احكيلي عملتي إيه امبارح. حكت روح كل حاجة. أشرف وكاد أن يصاب بشلل: هاتشل يا با! أنا كل يوم بفكر عملت إيه غلط في حياتي عشان ربنا يبعتلي بيكي. روح: ليه بس كده يا فندم، أنا عملت إيه غلط؟ أشرف: هو أنا مش بعتك عشان ترقبيلي وتكوني قريبة منه؟

روح بشهقة: نعم يا دلعدي! انت عايزني أبقى قريبة منه ويتحرّش بيا يا أشرف بيه؟ أشرف: إيه لازمتها "بيه"؟ روح: من الواجب برضو. أشرف: هتروحي، نفس المكان وهترقبيه، هو هيروح انهارده، المطلوب منك إنو ينتبه لك، فهمتــــــــــــــــــي؟ روح بفزع: بسم الله! آه فهمت يا باشا. طلعت روح من المكتب وهي بتحمد ربنا إن أشرف محذفهاش بأي حاجة. روح: طب أنا أعمل إيه دلوقتي؟ وفي ثانية فكرت وجابت حل للموضوع. روح بخبث: بس كده، هو ده الحل.