رواية "احببت كاره النساء " الفصل الثاني والعشرون 22 - بقلم ♥El DoØod♥

الحلقه الثانيه والعشرون
من رواية " أحببت كاره النساء "

وفجأه لقي الباب بيخبط
اسر : ادخل
حلا دخلت الاوضه
اسر : مش فايق لاي مناهده
حلا راحت قعدت جمبه
حلا: مالك احكيلي
اسر كان فعلا عايز يحكي لحد لانه تعب : هتسمعي من غير تعليق
حلا: حاضر
اسر سرح فتره ومنطقش بكلمه
حلا: اسر سرحت ف ايه
اسر : هبدأ احكي منين
خليني ساكت احسن
حلا: احكي زي ما تحب بص انا هقولك علي حاجه
وقعدت وربعت رجلها
حلا: حط راسك علي رجلي واحكي بقا ال تحبه انا هسمعك للاخر
اسر بغضب : احكي ايه ابويا اللي راح ولا خالي اللي امي غدرت بيه عشان الفلوس وقتلته هو ومراته ويتمت بنته بردو عشان الفلوس ولا خيانتها ولا خيانة مراتي ليا وانا شيفها في حضن نفس الراجل اللي كان مع فريده هانم
ولا اختي اللي مش عارف اصدقها ولا اكذبها
حلا انتي لو عرفتي اسم امي بالكامل هتتصدمي لو عرفتي اسم دكتور زيدان مش هتصدقي
حلا انتي متعرفيش حاجه وللاسف مش لازم تعرفي لا انتي ولا هنا انا تعبت من كتر ما خبيت بقي الكابوس مش راضي ينتهي
حلا حضنت وشه ب ايدها
حلا: اهدا ممكن اهدا النهارده انا هفهم كل حاجه وهتحكي كل حاجه مدايقاك ماشي!
اسر : مينفعش
حلا: لا يا اسر كل حاجه تنفع لاني مراتك ومش مفروض تخبي عني حاجه احكي وأوعدك كلامك محدش هيعرفه احكي يا حبيبي متشيلش الهم لوحدك
اسر : انتي مش لازم تعرفي
حلا: لا لازم اعرف انا مش هسيبك كده يا اسر مستحيل
احكي يا اسر
اسر : يا سلام
حلا انا اعرف انتي جرالك ايه بعد وفاه والدك ووالدتك اعرف ازاي انهارتي واتعذبتي ومكنش حد ينفع يقف جنبك حتي انا لان كنا هنعرض حياتك للخطر وعايزاني دلوقتي احكيلك كل حاجه اللي هو انا كأنسان عادي معنديش اي امراض نفسيه مسبقه لما عرفت كنت هروح فيها
لا يا حلا اقفلي ديه سيره بقي
حلا: لا لا لحظه استني هناااا بقا مش هقفل حاجه انت تعرف عن حياتي كل دا ازاي هاا انا لازم افهم يعني افهم يا اسر
اسر حاول يهدي : سبق وقولتلك عمك كان اعز صديق لوالدي وكنت بعتبره زي ولدي بعد وفاة بابا
حلا: لا مش كده وبس انت قلت اني لو عرفت اسم ولدتك بالكامل واسم دكتور زيدان هتصدم بص يا اسر انا مش هنام انهارده الا لما افهم  كل حاجه  وانت هتحكي ودلوقتي يا اسر
اسر راح ونام علي السرير : وانا مش هحكي
تصبحي علي خير
حلا بتشده من ايده
اسر: قوم يا اسر  مش هتنام  هتحكيلي
اسر شدها وقعها في حضنها وغطاها
اسر : نامي يا حلا انا مش هحكيلك علي حاجه
حلا شهقت بصدمه: بس انا......
اسر سكتها ببوسه : تصبحي علي خير يا حلااااا
حلا منطقتش وشها احمر جامد   
بس حاولت تهدا وتنام وفعلا راحت ف النوم

عند هنا 

قاعده عماله بترن علي مازن فوق ال 20 مره وهو بردو  مردش
وهو آخر ما زهق رد
هنا:اخيرا رديت مازن أرجوك اسمعني الموضوع  مش زي ما انت فاكر
مازن بعصبيه : مش عايز افهم حاجه تمام وياريت تبطلي ترني علي امي عشان انا صدعت انتي فاهمه
هنا بعياط: احنا يا مازن مش مخطوبين ف هتسيبني وينتهي الحوار مازن انا مراتك يعني المفروض تتفاهم تسمعني قبل ما ترمي عليا التهم
مازن : ما هي المصيبه انك مراتي انا عايز اطلقك لا انا عايز اقتلك
هنا بعياط: والله يا مازن  انا بلم حاجتي اتفاجئت بيه داخل عليا والله العظيم ما كنت اعرف انه جاي وهو ال كعبلني وحياه ربنا
مازن : بطلي حلفان بقي انا ساكت عليكي بس لحد ما اخوكي ما يرجع ياهنا
هنا بعياط: ماشي يا مازن مسير ربنا يكشف الحقيقه بس صدقني ساعتها انا ال مش هسامحك سلام
مازن : سلام
هنا فضلت تعيط لحد ما نامت
ومازن مش عارف يكذب عنيه ولا عارف يصدق هنا

تاني يوم

اسر صحي من النوم لقي حلا قاعده جنبه مربعه رجليه وحطه اديها علي خدها شكل العيال الصغيره
اسر : صباح الخير
حلا: مفيش صباح الخير يا اسر انا زعلانه منك
اسر: صباح النكد خير
حلا: ينفع ال عملته امبارح ده
اسر: عملت ايه
حلا: اولا محكيتليش حاجه
ثانيا م  م مخليتينيش اروح اوضتي
اسر : اولا مش هحكيلك حاجه
ثانيا انتي في اوضتي
حلا: لا هتحكيلي
ثانيا ايه يعني ف اوضتك ده ميديكش الحق تعمل ال عملته امبارح
اسر : يا حول الله يا رب هو انا عملت ايه امبارح
ماهو مش هكون عامل حاجه وناسي يعني
حلا  اتكسفت  جدا
حلا بتوتر: دا يعني علي اساس ان ال حضني فجاه امبارح وو و ويعني باسني ده مين حد تاني مثلا
اسر برراءه : انتي محسساني اني اغتصبتك
ده حضن وبوسه مش فاهم ايه كل الهيصه ديه
حلا ضربته علي كتفه  
حلا: انت قليل الادب
اسر: شكرا
هتيلي بقي الموبايل
حلا: الموبايل ما هو علي الكومدينه اهو هاته انت
اسر : هتيه يا حلا خليني اكلم المحامي
حلا: حاضر متزقش الله
وجابت الموبايل وادتهوله
اسر: مش ناويه تروحي كده ولا تيجي كده لحد ما اكلم المحامي
حلا: لا قاعده هسمع المكالمه
اسر : مفيهاش حاجه
هقوله يحجزلنا تذاكر عشان نرجع مصر في اقرب وقت
حلا: نرجع مصر؟ ليه نرجع دلوقتي انا حبيت القعده هنا😂
اسر : اشمعنا
حلا: عادي هنا بنام😂 هناك ممكن اقعد بالايام منامش بسبب المستشفي هو ارهاق اة بس انا بحب شغلي ده جدااا وفيه عيانين ارتبطوا بيا وكانوا بيجولي بعد ما يخفوا
اسر : حلا
انا عارف انك بتحبي شغلك لكن ...
حلا: لكن ايه لا متقولش يا اسر انا مش هقدر اسيب شغلي مستحيل
اسر : انا مقولتش تسبيه
لكن اعتبري نفسك في فترة اجازه وبعد كده ابقي ارجعي شغلك تاني
حلا:وايه ال يمنعني ارجع شغلي يا اسر  اول ما ارجع!
اسر: مجرد احتياطات امنيه مش اكتر وفتره وهترجعي شغلك تاني
حلا: ماشي يا اسر انت مش راضي تفهمني حاجه بس هفهم وقريب اوي كمان
اسر : ان شاء الله
يلا قومي خلي ماري تعملنا فطار لاني جعان جدا
حلا: حاضر
قامت حلا نزلت خلت ماري تحضر الفطار وقعدوا يفطروا وبعدين المحامي بلغ اسر ان طيارتهم الفجر
اسر : الفجر ان شاء الله هيبقي معاد طيارتنا جهزي نفسك تمام
حلا: تمام هبدا احضر انا الشنط والحاجه
اسر : تمام

_____________

ونكمل الحلقه اللي جايه
مستنية ارائكم