الحلقه الثانيه عشر
من رواية " أحببت كاره النساء "
تاني يوم
صحيت حلا من النوم غيرت هدومها ولفت طرحتها وطلعت تروح تشوف اسر
خبطت علي الباب
زيدان : ادخل
دخلت لقيت هنا واسر ودكتور زيدان قاعدين
حلا: صباح الخير
الكل : صباح النور
زيدان : ها يا دكتوره حلا
جاهزه؟
حلا: طبعا يا دكتور جاهزه
زيدان : ها يا اسر
اسر : توكلنا علي الله
هنا : خلي بالك من نفسك يا ابيه
ربنا يرجعك ليا بالسلامه
اسر : متخفيش يا حبيبتي
خلي بالك من نفسك ومن مازن
ويا ريت تروحي تقعدي عند مدام جودت الفتره ديه
هنا: انا كده كده قاعده هناك اصلا متقلقش خد انت بالك من نفسك
اسر : لا اله الا الله
هنا: محمد رسول الله
اسر : يلا يا دكتور
توكلنا علي الله
جه الممرضين ونقلوا اسر علي السرير المتحرك وحطوه في عربيه الاسعاف وانطلقوا علي المطار
خلصوا الورق المطلوب في الجوازات وطلعوا الطياره
في الوقت ده كانت فريده قاعده في القصر
فريده : انا متغاظه يا سالي
ازاي عرف يفلت من ايدكوا ويسافر كده
سالي: فلت من ايدنا هنا
بس مش هيفلت من ايدنا هناك
فريده : لا والزفته التانيه رايحه تتجوزلي واحد يضعلها فلوسها احنا لازم نخلص من الزفت اللي اسمه مازن ده ونجيب واحد يبقي معانا
سالي: هنخلص منه بس مش دلوقتي ومعانا ال يخلص منه بسهوله
فريده : مين ده
سالي: حسام هو العدو الشديد لمازن
فريده : تقصدي حسام فايز
سالي : مظبووط
فريده يخبث: وانتي تعرفيه منين
سالي بتوتر : الله يهمك اعرفه منين اعرفه وخلاص
فريده : ههههههههه كان غيرك اشطر يا حلوه
بس نصيحه بلاش تثقي بفايز للدرجه ديه لانه هيغرقك وهيبعك مع اول مصلحه
سالي : شئ ميخصكيش
انا ماشيه
باي
فريده : باي
عند حلا واسر
وبعد كام ساعه
وصل اسر وحلا المانيا
وطلعوا علي المستشفي علي طول عشان يبداو الفحوصات اسر هو ال اصر علي كده
ووصلوا المستشفي
وبدات حلا تتكلم مع الدكتور وبداوا يعملوا الفحوصات اللازمه وحلا واقفه مش مفارقاهم
وبعد ما خلصوا فحوصات
راحت حلا عشان تطمن اسر
خبطت حلا علي الباب
اسر : ادخل
دخلت حلا
حلا : اذيك يا بشمهندس
اسر : تمام
خير
الدكاتره قالوا ايه
حلا: الدكاتره بيقولوا انهم ممكن يعملوا العمليه علي نص الاسبوع او اخر الاسبوع
اسر : وليه مش بعد يوم او اتنين
حلا: عشان جسمك يرتاح شويه من السفر متنساش جروحك
اسر : يبقي نص الاسبوع اكون عامل العمليه
حلا: حاضر
اسر : تمام
انتي هتقعدي فين
حلا: فيه سكن موفرينه ليا هنا جمب المستشفي
اسر: تمام
حلا: تمام محمد معاك اهو ولو حصل حاجه قوله يكلمني
اسر : خلاص تمام
حلا
ممكن طلب
حلا: اة طبعا اتفضل
اسر : كلمي هنا وطمنيها تلقيها قاعده زي الهبله بتعيط
حلا: حاضر متقلقش هكلمها واطمنها
اسر : شكرا
حلا:العفو عن اذنك
اسر : اتفضلي
ومشيت حلا روحت البيت ال هي هتسكن فيه ومسكت موبايلها واتصلت ب هنا
هنا : الو
حلا: الو ايوه يا هنا انا حلا
هنا : حلا
ازيك عامله ايه
انتوا وصلتوا بالسلامه
اخبار ابيه اسر ايه
عمل العمليه ولا لسه
و..........
حلا:اييييه براحه😂
احنا وصلنا اة اسر كويس الحمد لله العمليه لسه هنعملها علي نص الاسبوع😂
هنا : الحمد لله
ربنا يقومه بالسلامه
حلا: يا رب
هنا : معلش يا حلا
انا عارفه ان اسر صعب شويه
لكن والله طيب خلي بالك منه
واستحمليه معلش عشان خطري
حلا: متقلقيش انا مقدره حالته النفسيه ومستحمله متقلقيش
هنا : شكرا يا حلا
انا بقي اسيبلك ترتاحي تلقيكي تعبتي
حلا: العفو
تمام ماشي بكره هخليه يكلمك لما اروح المستشفي
هنا : ان شاء الله
تصبحي علي خير
حلا: وانتي من اهله
في مكان شبه خالي من السكان توجد فيلا فخمه يجلس بداخلها رجل في عقده الخامس يحتسي الشراب لتدخل عليه سالي وتجلس وتحتسي معه
فايز: ايه ده
دخله كده من غير لا سلام ولا كلام
في ايه يا سالي
سالي بنرفزه : مصيبه يا فايز مصيبه
فايز : مصيبه!
ايه اللي حصل
سالي : ابن الرفاعي سافر مع بنت فاروق الفارس
فايز : ايه !
انتي بتقولي ايه
ايه اللي لم الشامي علي المغربي
سالي : طلعت الدكتوره بتاعته
اسر لو عرف انها بنت فاروق الفارس هتبقي مصيبه علي دمغنا كلنا
فايز : متخفيش
مش هيلحق
سالي : مش فاهمه قصده
فايز بابتسامة خبث: بكره الصبح اسر هيبقي في خبر كان
سالي بمياعه : هههههههه
احبك وانت مظبط كل حاجه
لكن .......
فايز : متقلقيش مش هترجع من المانيا علي رجليها
بس اخلص الاول من اسر
سالي: طب كنت عايزاك في حاجه كده يا بيبي
فايز : خير
سالي : حسام لازم يشد حيله شويه مع بنت الرفاعي
ديه خطوبتها كانت امبارح
فايز : متشليش هم انا لسه مكلمه
سالي وهي ترفع الكاس: في صحة دمار عيله الرفاعي
فايز : في صحتك يا قلبي
سالي بمياعه : ههههههههههه
تاني يوم
صحيت حلا قبل معادها بكتير مقدرتش تنام أصلا كويس بسبب تغير المكان
خدت دوش ولبست وراحت المستشفي
وصلت حلا المستشفي
ودخلت لأسر علي طول
حلا لقته صاحي وبياخد محلول
حلا: صباح الخييير
اسر بهدوء غريب : صباح النور
حلا استغربت هدوءه
حلا: عامل ايه دلوقتي
اسر : الحمد لله
حلا ب استغراب: اسر انت كويس!
اسر : مش عارف
انا حاسس اني ا.ن .ي .....
حلا لاحظت انه عرقان جدا رغم البرد و لقت المحلول شكله غريب ف شالته خالص
حلا: حاسس انك ايه طيب فهمني
اسر بيغمض ببطئ
حلا جريت بسرعه
(حلا طبعا هتتكلم الماني بس احنا هنكتب الترجمه)
حلا: دكتور جاك ما المحلول الذي اعطيته لاسر
جاك: مجرد محلول للتغذيه
حلا: اسر لا يتحدث اغمض عينه ولم يتكلم ويتعرق بشده اريد حالا
التحليل له وفحص المحلول جيدا
جاك: سوف اقوم بذلك حالا
فعلا دكتور جاك بسرعه اجري التحاليل
و معداش وقت وطلع التحليل
حلا بصدمه: سم
المحلول كان فيه سم
جاك: انا لا ادري شئ الممرض الذي اتي معك هو من اتي واخذ المحلول لست انا من قمت بوضعه
حلا: انا سوف اقوم بمعالجه اسر وبعد ذلك نتحدث
وجريت علي اوضه اسر
بدات تديله الادويه وتتابع الحاله
وطلبت عدم مشيان محمد من المستشفي الا لما تتكلم وتعرف ال حصل ومنعت السكيورتي يطلعوه
وفضلت جمب اسر حبه لحد ما اطمنت انه بدا يتحسن طلعت
اتفقدت الكاميرات لقت ان محدش دخل لاسر الا محمد ولقت السكيورتي متحفظين عليه زي ما هي طلبت
حلا بعصبيه: مين ال قالك تعمل كداااااا
محمد بتوتر: اعمل ايه يا دكتوره انا معملتش حاجه
حلا بعصبيه: اقسم بالله لو ما قلت مين ال قالك تعمل كده لهطلبلك البوليس وهحكي كل حاجه وهسيبه يطلع عينك
محمد بخوف: لا يا دكتوره انا هتكلم
حلا : انطق
محمد: فيه واحده جت معاها راجل كبير وشكلهم اغنياء اوي جولي قبل السفر وادوني فلوس كتير اوي وقالولي هنقولك تعمل ايه لما تسافر
وكلموني امبارح وقالولي انهم هيبعتولي سم مع واحد احطه ف المحلول لما رفضت هددوني يقتلوني وانا مكنتش مفكر انهم هيطلبوا كده
حلا لقت نفسها بتلطشه ب القلم
حلا: انت حيوااااان مين الناس دول اسمهم ايه
محمد:معرفس يا دكتوره والله مقالوليش
حلا سابته ومشيت
وطلعت تطمن علي اسر
ودخلت لقته بدا يفوق
حلا بلهفه: اسر انت كويس طمني
اسر : اه
الحمد لله
هو ايه اللي حصل
انا مش فاهم حاجه
حلا: قبل ما اجاوب علي سؤالك عايزه اعرف مين اعدائك
اسر : شئ ميخصكيش
اتفضلي جوبي
حلا بزعل: كانوا بيحاولوا يموتوك كانوا حاطين سم ف المحلول
اسر : والسم ده جه ازاي للمحلول
حلا : عن طريق الممرض محمد هو ال حطه وكنت لسه بحاول اعرف منن مين الناس دول مقاليش بس قالي انه راجل كبير ف السن وست شيك بيقول انهم اغنياء اوي
اسر : هاتيلي محمد
حلا: ليه
اسر : تعرفي تنفذي من غير اسأله
حلا: مبتعرفش تعاملني عدل ابدا حاضر
اسر : لا مبعرفش
يا ريت تجبيه بسرعه
حلا بغضب : حاضر
وطلعت حلا جابت محمد ووديته لاسر
______________
ياتري اسر هيعمل ايه في محمد
ومين فاروق الفارس
وايه علاقته بأسر
وازاي حلا دخلت لعبت فايز الحقيره من غير ماتعرف
نكمل الحلقه اللي جايه
مستنية ارئكم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!