رواية "احببت كاره النساء " الفصل الثامن والعشرون 28 - بقلم ♥El DoØod♥

الحلقه الثامنه والعشرون
من رواية " أحببت كاره النساء "

عند سالي
خدت عربيتها وراحت عند فايز 
واول ما دخلا
سالي: الحق يا فايز
فايز : خير يا سالي
سالي: فريده خدت فلوس من اسر ومسافره ومش هتكمل الخطه معانا
فايز : نعم
سالي: زي ما بقولك كده زمانها سافرت اصلا
فايز : وبعدين
ده الزفت حسام كمان مختفي بقاله يومين
سالي: مختفي؟
اكيد اختفاءه ده مش طبيعي
سالي: بص يا فايز خلاص مقدمناش حل غير قتل اسر بس المرادي انا ال هقتله مش حد تاني
فايز : استني يا مجنونه انتي رايحه فين
سالي: هقتل اسر يا فايز انا مش هستني اكتر من كده لحد ما يخلص علينا هو
ومشيت ومستنتش فايز ينطق بكلمه

عند هنا

وصلت هي ومازن الفيله
هنا: انت مش هتدخل معايا ولا ايه
مازن : اتحيلي شويه
هنا: يييه يا مازن بطل رخامه يلا بقا نقعد ف الجنينه شويه حتي
مازن : حاضر يا ستي
هنا: يلا
ونزلت هنا ومازن
وراحوا قعدوا ف الجنينه مع بعض وفضلوا يتكلموا كتير

عند حلا واسر

طلعوا اوضتهم
حلا : هتتغدي دلوقتي
اسر : لا مليش نفس
انا هدخل اخد دش واطلع
حلا: ماشي بس هتتغدي بردو لانك مكلتش حاجه
اسر : اي حاجه يا حلا
حلا: تمام
دخل اسر خد دش و حلا نزلت تجيبله اكل من المطبخ وطلعت
طلع اسر من الحمام
اسر خايف من جوه وحاسس ان في حاجه هتحصله
حلا : يلا عشان تاكل يا اسر
اسر : مليش نفس
حلا راحت وقفت قدامه : وبعدين بقااااا هفضل اتحايل كتير
يلا اتفضل قدامي
وبتشده من ليده عشان يجي معاها
اسر وقفها بإيده التانيه وخدها في حضنه بهدوء بالغ
حلا اتكسفت : اسر.....
اسر : شششش
سمحيني يا هنا
انا غلطت في حقك
انا اسف
حلا بكسوف:  ومين قالك اني مش مسامحاك انا لو مش مسامحاك مكنتش هفضل معاك
اسر بابتسامه حزينه : خلي بالك من نفسك يا حلا
وحاولي تصلحي اللي باظ ومتهربيش
ارجعي لعمك وخالتك وخليكي مع هنا هي بتحبك زي اختها بالظبط
حلا حضنته اووي : اولا كده مش هخلي باللي من نفسي عشان انت هتخلي بالك مني
انا عارفه وكل حاجه هنصحلها مع بعض وانت هتفضل معايا انا وهنا انا قلتلك وبقولهالك انا مش هسمح ان يحصلك حاجه مش هسمح لحد انه يقتل روحي ويخربلي حياتي ال عمرها ما تبقي حياه من غيرك
قطع كلامهم الخدامه بتخبط
اسر : ادخل
الخدامه: اسر بيه  سالي هانم تحت وعماله بتزعق وعايزه حضرتك
اسر : طب انزلي وانا جي اهو
حلا: هي عايزه منك ايه دي كمان
اسر : معرفش
اكيد عرفت باللي عملته فريده هانم
انا هنزل اشوفها
وانتي خليكي هنا
اوعي تنزلي
مفهوم يا حلا
حلا: حاضر

نزل اسر
حلا فضلت ف الاوضه قلقانه

اسر : خير يا سالي
ايه اللي جابك
سالي: جايه اصفي حسابي معاك يا اسر
اسر : حساب ايه يا سالي
انتي محسساني اني انا اللي خنتك وسرقتك ولعبت من وراكي عشان اخد فلوسك
سالي : لا
لكن انا مضيعتش وقتي علشان اطلع من المولد بلا حمص
وطلعت المسدس وضربت علي اسر طلقه
في الوقت ده حلا كانت قلقان جدا وقررت تنزل
حلا بصريخ: اسر
وجريت عليه
سالي وقفت مصدومه
مازن وهنا سمعوا الصوت جريوا علي جوة مازن مسك ساالي وطلب البوليس والاسعاف
وهنا جريت راحت جنب اسر
حلا بعياط:  اسر
انت هتبقي كويس صدقني
اسر بصوت هزيل : بحبك
وقطع النفس
حلا بعياط: لالا اسر رد عليا انا كمان بحبك و عمري ما هسيبك رد عليا ارجوك اسر

جت الاسعاف بسرعه شالته
وحلا ركبت معاه ف عربيه الاسعاف وجه البوليس واخد سالي
ومازن وهنا حصلوهم علي المستشفي
ودخل عمليات علطول وحلا فضلت برا واقفه بتعيط
جت هنا ومازن 
بعديها بشويه طلع دكتور زيدان جريوا عليه
حلا: دكتور زيدان اسر كويس صح طمني ارجوك
زيدان : للاسف اسر دخل في غيبوبه
حلا زاد عياطها لانها عارفه ان الغيبوبه ممكن تطول
هنا بعياط : ايه !
يعني ايه غيبوبه ها !
مازن : اهدي يا هنا ارجوكي
حلا: وطبعا حاطينه ف العنايه
زيدان : اكيد
هنا كانت بتعيط ف حضن مازن ومش يتتكلم
حلا: انا هدخله يا دكتور
زيدان : مينفعش دلوقتي
مش قبل بكره الصبح
حلا : دكتور الكلام ده بنقوله لاهالي المرضي انما انا دكتوره دكتور زيدان : ممنوع يا حلا ممنوع
حلا بعياط: طيب يا دكتور
زيدان : مازن
خد حلا وهنا روحهم لو سمحت
حلا: لا
دكتور زيدان انت اكيد عارف ايه ال خلا سالي تعمل كده ف اسر صح
دكتور :  حلا انتي وهنا تعبنين دلوقتي
روحوا ونبقي نتكلم بعدين
هنا : لا بقي
حلا عندها حق
ابيه اسر كان عارف انها هتعمل كده
بامرارة انه كتب الوصيه ووزع الفلوس
ايه اللي مخبيه علينا ابيه اسر يا انكل
زيدان : حاليا الموضوع لا هيقدم ولا هيأخر
حلا : لا يا دكتور
احنا لازم نفهم كل حاجه
زيدان باستسلام : طب تعالوا معايا علي المكتب
مازن : طب انا هروح الشرطه اتابع الاحداث هناك
زيدان : لا يا مازن تعالي معانا

عند فايز

كان قاعد مع المحامي في الفيلا
فايز: طب وبعدين
المحامي: موقف سالي هانم صعب ومش في ايدينا حاجه
ومتنساش ان ممكن رجلك تيجي في الموضوع
فايز : طب والعمل
المحامي : تسافر بسرعه قبل ما حد يحس بيك وتدخل في شئ طويل
فايز : طب وحسام
انا معرفش ده اختفي فين ده كمان
المحامي : للاسف حسام بيه ظهر في القضيه ومدام سالي ورطته معاها
فايز بصدمه : ايه 
ازاي
المحامي : معرفش
كل اللي اعرفه ان مازن سلمه
فايز : لكن......
المحامي : مفيش لكن
كده انت كمان رجلك هتيجي في الموضوع
فايز : خلاص
شوف اجراءات السفر
المحامي: بعد اذنك انا اروح اظبط الدنيا
فايز : اتفضل
مشي المحامي
وفايز فضل يفكر

عند حلا

دخلوا المكتب وقعدوا
حلا : ها
احكي يا دكتور ارجوك
زيدان وحضن وش حلا بإيده : عمك مش في امريكا يا حلا
عمك عايش هنا في مصر
ويعرف كل كبيره وصغيره عنك
من بعد الحادثه
حلا  بصدمه: انت بتقول ايه يا دكتور
عمي عايش ف مصر ازاي 
عمي ف مصر وانا معرفش لا شكله ولا اعرف هو عايش فين
وسايبني كل السنين دي
زيدان : كان كل هدفه انه يحميكي
حلا: انا عايزه اروحله يا دكتور وديني عنده
زيدان بحزن : مفيش داعي تروحيله
هو واقف قدامك
حلا: واقف قدامي ازاي يعني
  لا لا انت اكيد بتهزر  صح
انت عمي يعني انت قدامي من زمان ومعرفش انك عمي  لا لا انتوا اكيد بتهزروا
زيدان : في ان اسر يبقي ....
حلا: يبقي ابن عمتي صح يا دكتور
زيدان : صح
عرفتي منين
هنا بصدمه : نعم !
انتوا بتقولوا ايه
حلا: متتصدميش  يا هنا
انا لسه عارفه قريب 
 انا بنت خالك ال اتقتل  
مستغرب عرفت منين يا دكتور  اسر قالي بس مقاليش مين القاتل ومقاليش حاجات كتير وانت هتقولنا كل حاجه
يدان : انا هقولكم كل حاجه لانكم لازم تبدأوا تظبطوا كل حاجه
لان التحاليل بتقول ان اسر احتمال يغيب شويه
حلا: اتفضل قول سامعينك
زيدان : فاروق اخويا ومراته ماتوا في حدثة عربيه كانت بتدبير من فايز و....
هنا : ومين يا دكتور
حلا: سكتت ليه يا دكتور كمل مين ال قتل اهلي
زيدان : و فريده هانم
هنا وحلا : ايييه !

_________________
ونكمل الحلقه اللي جايه
مستنية ارائكم
كده الرواية فيها بارتين كمان بس وهبدا
ان شاء الله انزل باقي رواية "متعجرفة وانا"
وشكرا جدا لحضرتكم ع متابعتكم للرواية