رواية "احببت كاره النساء " الفصل الحادي وثلاثون 31 - بقلم El DoØod

الحلقه التاسعه والعشرون
من رواية " أحببت كاره النساء "

زيدان : فاروق اخويا ومراته ماتوا في حدثة عربيه كانت بتدبير من فايز و....
هنا : ومين يا دكتور
حلا: سكت ليه يا دكتور كمل مين ال قتل اهلي
زيدان : و فريده هانم
هنا وحلا : ايييه !
زيدان : ارجوكم يا جماعه اهدوا خلوني اكمل
هنا راحت في حضن مازن وانهارت من العياط
حلا بخوف من اللي جاي : كمل يا دكتور
زيدان : فايز يبقي عاشيق فريده كانت بتحبه لكن اتجوزت والد اسر عشان الفلوس ولما اكتشف خيانتها وقرر يطلقها دبرت هي وفايز حادثه تانيه لاحمد والد اسر وفعلا مات فيها
سالي تبقي السكرتيره بتاعت فايز اتجوزت اسر بتدبير من فريده وفايز ويوم ما عرف بخيانت والدته شاف سالي بتخونه مع فايز في مكتبه وبقي اللعب علي المكشوف
حلا: علشان كده اسر مرضيش اني اقول لفريده هانم اني عرفت انها عمتي
زيدان : مظبوط
حلا: واسر خبي عليا كل ده وخلي امه تسافر من غير ما اخد حقي منهااا
زيدان : هتقتليها
هتروحي في داهيه
حلا: طز ف اي حاجه المهم اخد حق اهلي
زيدان : تمام روحي خدي حقك وحق اهلك وحق اسر وحق هنا وحق احمد الله يرحمه
وتعالي علشان تعيشي بقيت حياتك في السجن وبدل ما تستمتعي باهلك اللي عيشتي طول حياتك تحلمي بيهم
حلا مقدرتش تستحمل كل ده
بدات تعيط جامد
حلا: انا تعبت بجد خلاص مبقتش مستحمله اكتر من كده
هنا بصراخ : تعبتي
تعبتي من ايه! من ايه يا حلا
علي الاقل انتي اهلك مظلومين لكن انا ايه
امي قتلت خالي ومراته ويتمت بنته لا وكمان خانت بابا وقتلته وكانت سبب تعاست اخويا وحزنه الدائم
يا عيني يا اسر
كنت شايل كل ده لوحدك
مازن خد هنا في حضنه وحاول يهديها
حلا سابتهم وقامت طلعت برا الاوضه مكنتش مستحمله تسمع كلمه كمان من هنا
طلع وراها دكتور زيدان
زيدان : حلا
حلا: لو سمحت يا دكتور انا محتاجه افضل لوحدي
زيدان : القرار ليكي يا حلا
حلا : قرار ايه
زيدان : فلوسك وفلوس هنا وفلوس اسر
هتسبيها تنسرق منكم
عمليا ونظريا اسر مستحيل يقوم دلوقتي
لكن مفيش حاجه بعيده علي ربنا
حلا: مفيش حاجه هتنسرق ومتقولش مستحيل اسر مش هيسيبني ويفضل ف غيبوبه مستحيل
هو هيقوم اكيد
زيدان وهو بيطبطب علي كتف حلا : ان شاء الله

عند مازن وهنا

هنا كانت منهاره من العياط في حضن مازن
مازن : هنا ارجوكي اهدي يا حبيبتي
هنا: اهدي ازاي يا مازن كل ده كان متخبي عننا واسر يا عيني كان شايل كل ده لوحده
مازن : ربنا يقومه بالسلامه
وفضل مازن يهدي ف هنا لحد ما هديت

عن حلا

حلا كانت قاعده بتعيط وبتفكر
حلا مسحت دموعها : لا
انا مستحيل اسيب الجهد اللي عمله اسر السنين دي كلها علشان يحافظ علينا يضيع وقررت انها تروح الشركه وتمشي الشغل مكان اسر
وقامت راحت لمازن وهنا وكانت هنا بدأت تهدي
حلا : هنا
هنا بحزن : انا اسفه يا حلا
مكنتش اقصد اديقك
انا بس اتصدمت من اللي سمعته
حلا : مفيش داعي للاعتذار يا هنا
انتي بنت عمتي واخت جوزي يعني في مقام اختي بالظبط
مش كده
هنا بابتسامه : طبعا اخوات
مازن : هتعملوا ايه حاليا
حلا : هنروح البيت وانا وهنا من بكره الصبح هنكون في الشركه نمشي الشغل ولا كأن في حاجه حصلت
جهد اسر مش لازم يضيع
هنا : انتي عندك حق
ابيه اسر هينبسط اوي
مازن : وانا موجود في الخدمة لو احتاجتوا اي حاجه
هنا بحزن : مش انت هتسافر الاسبوع اللي جي تبع الجامعه
مازن : لا
انا قررت اقعد هنا في مصر
هنا : بجد
مازن : ايوا
مقدرش اسيبك في الظروف الزفت دي
حلا : هو ده الكلام
وانت من بكره معانا في الشركه
اكيد هنحتاج مهندس شاطر يظبط الشغل
مازن : لكن .....
هنا : مفيش لكن حلا عندها حق
مازن: وانا تحت امركم

تاني يوم
حلا صحيت من النوم خدت شور ولبست ونزلت
لقت هنا لبسه
حلا : صباح الخير يا هنا
هنا: صباح النور
حلا: كويس انك جهزتي علشان نروح الشركه
هنا: تمام
تعالي طيب كلي اي حاجه علي ما مازن يعدي علينا هو علي......
ولسه هتكمل الجرس ضرب
فتحت الخدامه
مازن: صباح الخير
حلا: صباح النور
مش يلا بقا ولا ايه
هنا: طب انتي مكلتيش يا بنتي
حلا: هبقي اكل اي حاجه ف الشركه
وطلعوا كلهم ركبوا العربيه وراحوا الشركه
ودخلت حلا وطلبت من السكرتيره تظبط اجتماع مع الموظفين
ودخلت اوضه الاجتماعات وجه كل الموظفين وكان هنا ومازن حاضرين
حلا: انا دكتوره حلا مدام البشمهندس اسر ودي بشمهندسه هنا اخته وده بشمهندس مازن المدير العام
طبعا الكل عرف ال حصل
الموظفين : ايوه يا فندم
انا اجتمعت بيكوا النهارده علشان اقولكوا اني هباشر الشغل مكان اسر بيه لحد ما يقوم بالسلامه ب اذن الله
المهم دلوقتي كل الاوراق المهمه تيجي علي مكتبي ال هو مكتب اسر وياريت تساعدوني ان الشغل يمشي زي ما اسر بيه كان ممشيه لحد ما يقوم بالسلامه والبشمهندس مازن والبشمهندسه هنا هيتابعوا معاكم اكتر لان هما ال مهندسين
الموظفين: متقلقيش يا دكتوره كل حاجه هتمشي زي ما البشمهندس كان ممشيه
حلا: شكرا ليكم

________________
ونكمل الحلقه اللي جايه
مستنية ارائكم وتوقعاتكم ف البارت
الجاي وهو اخر بارت ف الرواية
وشكرا جدا يااقلبي انتي وهي
ع متابعتكم للرواية وتشجيعكم💖👇
user26287311 NehalAbdElWahed83