رواية احببت قاصر الفصل الحادي والعشرون 21 - بقلم يوستينا سعد

فهد: بس أنا مش عايز أطلقها ومش هطلقها. صقر: هي مبقتش تحبك. متخليهاش تكرهك أكتر. ابعد عنها يا فهد وطلقها واهدا. فهد كان بيبرق جامد لنور، ونور عينيها مرغرغة وف الأرض. فهد بجمود: أنتي طالق. نور حطيتله دبلته على الطربيزة وطلعت أوضتها. نور بغضب لنفسها: مالك خايفة ليه وبترتعشي ليه؟ خلاص أهو مشي ومش هتشوفيه تاني. عيشي حياتك من غير تحكمات، من غير خوف وتوتر. صقر جاب المأذون عشان يطلقهم رسمي.

بعد شوية خلصوا الإجراءات وصقر خد عقد الطلاق. صقر بحدة: كل دمعة نور دمعتها بسببك هندمك عليها يا فهد أنت وأبوك. مش خدتوا بنتي عشان مصلحتكم؟ هتشوفوا بقى إيه اللي هيحصل. فهد سابه ومشي من غير ما يرد عليه. نور نزلت. صقر: رايحة فين؟ نور: هطلع أقعد في الجنينة شوية. صقر: ماشي يقلبي. بعد مرور ساعتين. رسالة اتبعتت لنور من شخص مجهول: (أهلاً يا قطة. انهارده الساعة 9 تكوني موجودة في المكان ده.

ملحوظة: لو مجتيش هيكون فيه خطر على الحاج. وأعتقد إن مالكيش غيره في الدنيا. فلكي أن تتخيلي بقى إنه يسيبك لوحدك وسط البشر دي. جود باي يا حلوة.) نور بعياط: ينهار أسود عليا وعلى سنيني السودة. أعمل إيه؟ أروح ولا مروحش؟ مش عايزة أخسر بابا. مليش غيره وخايفة أروح لوحدي. أنا كان مالي أنا ومال كل ده بس. ياربي. نور بس لاقتها. نور نزلت بسرعة لأبوها: بابييييي. بقولك إيه. محتاجة كام بودي جارد من رجالتك معايا في مشوار.

صقر باستغراب: ليه؟ عايزاهم ليه؟ رايحة فين؟ نور: هحكيلك لما أجي. صقر بعدم فهم: ماشي. خليكي هنا عقبال ما أديهم خبر عشان يجهزوا. نور: تمام. (في سرها) ربنا يستر. نور لسه هتلف تقعد لاقت رجالة ضخمين بجد، تحسوا إن نور دي بنتهم ولا حاجة. صقر: خلوا بالكم منها. نور: مين دول؟ صقر: رجالتي. نور: تمام. يلا. نور للسواق: اطلع على المكان ده. نور للرجالة: بصوا بقى يا رجالة. الجهاز ده هنتابع بيه بعض، ماشي؟

أنا هاخد معايا اتنين منكم والتلاتة الباقيين خليكم في العربية وتابعوا معانا، ماشي؟ الرجالة: تمام. وصلوا المكان. نور خدت معاها اتنين رجالة ودخلوا هما الأول وهي وراهم. نور بصدمة: فهد؟؟؟؟؟؟