رواية احببت قاصرا الفصل الرابع والأربعون 44 - بقلم شيماء الديب

ونبي يا جدو بلاش خالد. بلاش إيه بس مالك بتعيطي ليه؟ لو اتجوزت الراجل ده هيقتلني، أنا عارفاه. كل المناحة اللي عملاها دي عشان خايفة من سيف؟ آه يا جدو، أصل أنت متعرفش لما بنكون لوحدنا بيبصلي إزاي. سيف دخل فجأة وبعصبية: ومين اللي بيبصلك يا ست ملك إن شاء الله؟ الحقني يا جدو! واد يا سيف مالك ومالها بتخوفها منك ليه؟ دا أنا هنفخك بس يتقفل علينا باب واحد، اصبري عليا. أهو يا جدو شفت بيعملي إزاي بعينيه.

والله يا سيف لو ملميت نفسك وتبطل تخوف بنت عمك، لغّي الجوازة دي خالص. لا لا يا جدي، دا أنا ما صدقت. وراح على ملك، وملك بخوف فضلت ترجع لورا لحد ما وصلت للحيطة. أما بالنسبة للقمر دي، هطول بالي عليها أوي لحد ما أنول الرضا. ملك هربت منه وطلعت تجري على شقتهم. هو أنت يا ولد مش هتبطل شقاوتك دي؟ أنا تربيتك يا كبير السيوفية. طب ياسيدي، قولي عملت كل اللي طلبته منك؟ كله تحت السيطرة، بس عندي سؤال كده.

عارف سؤالك يا سيف، أنا مجهز كل حاجة ويوم فرحك هتتفاجئ. ربنا يخليك لينا يا جدي. السلام عليكم، إزيك يا حاج؟ وعليكم السلام يا ابني، عملت إيه يا أسعد طمني. والله يا حاج، أبوها كان رافض إن يكون فرح كمان وطلب تكون خطوبة بس، بس بعد وقت قدرت أقنعه ووافق. بس كده ياحاج، الموضوع هيبقي صعب يتلم في يومين. فعلاً ياحاج، كنا صبرنا شوية وجهزنا لكل واحد شقته. متقلقوش يا ولاد، كل حاجة جاهزة. طب إمتى وإزاي؟

أبوك كبر يا أحمد، بس لسه دماغه كبيرة وشغال. لا العفو ياحاج، مش القصد والله، حضرتك على راسنا كلنا، بس أنا مندهش بس مش أكتر. ولا يهمك يا ابني، بس اطمنوا. عدت الأيام وكل واحد بيعمل المطلوب منه وبيجهزوا للفرح. ملك اصحي يلا يا حبيبتي، مفيش وقت. ونبي يا ماما سبيني أنام بقي. يلا يا ملك عشان نلحق نجهز عشان أصحابنا جايين النهارده وهنحتفل ونهيص بقي. احتفلوا أنتم وسيبوني أنام.

يلا قومي بقي بلاش بواخة، عاوزة أفرجك على الفستان اللي جبهولي علي عشان أحضر بيه الليلة. أوووف، أديني قمت. مالك يا ملك مش فرحانة ليه زي البنات؟ أهو فرحانة أهو، أقوم أرقص يا ماما. مالك يا ملك، دي أول مرة تتكلمي مع طنط مني كده. عاوزة أعيط يا سمر. مفيش مكان للعياط النهارده، من زمان والفرح مدخلش بيتنا، قومي يلا يا ملوكة، ادخلي الحمام وصالحي مامتك وتعالي ننزل عندنا تحت.

قامت ملك دخلت المطبخ لقيت أمها بتعيط، راحت حضنتها من ضهرها. سامحيني يا ماما، مكنش قصدي أزعلك والله، بس مش عارفة أنا مالي كده، حاسة إني مخنوقة ونفسي أعيط. مش متخيلة إن فاضلك يومين ومش هلاقيكي جنبي يا ملك، مش متخيلة حياتي من غيرك. أنا مش عاوزة أتجوز يا ماما، ونبي خليني معاكي على طول، مش هعرف أعيش بعيد عنكم. لا ياروحي، أنا هبقى متطمنة عليكي وإنتي مع سيف، سيف بيحبك يا ملك ومش هيحسسك إنك بعيدة عني أبداً، وأنا هجيلك.

إيه ده، هو أنا مش هعيش في البيت ده يا ماما؟ أكيد لا ياحبيبتي، بس معرفش جدك بيفكر في إيه. ما تخلصي بقي يا ملك. وشدتها من إيديها وأخدتها ونزلت. سيف طالع على السلم شافها وهي بتمسح دموعها، بس ملحقش يكلمها. سمر أخدتها ودخلت أوضتها، وسيف بيراقبها من بعيد عاوز يعرف مين مزعلها. اتفرجي يا ملك على الفستان وقولي رأيك، علي جابهولي النهارده وقالي لازم ألبسه وأحضر بيه في الحنة بالليل.

شافت الفستان عجبها أوي، وفي نفس الوقت زعلت إن سيف مش مهتم بيها زي علي اهتم بسمر، بس حاولت تبقى طبيعية. جميل أوي يا سمر، مبروك عليكي. هفضل طول عمري أحاول أسعدك يا ملك، لاخر نفس في عمري. يا حبيبتي الله يبارك فيكي، اعملي حسابك بقي هنجهزوا قبل المغرب عشان علي قال هيشغلنا الدي جي المغرب وصحباتنا هيجو ونحتفل ونفرح بقي يا ملوكة. اه اه أكيد، هطلع أنا بقي وأشوفك بالليل. مالك يا ملك؟ مفيش. مش هسأل تاني مالك، انطقي.

أنا أنا مش عاوزه أتجوزك. إنتي مفكرة الموضوع بمزاجك ولا إيه؟ ارحمني بقي وابعد عني، أنت عاوز مني إيه؟ يووووه، أنا قرفت من طريقتك دي، أنا هبعد يا ملك وأوعدك مش هتشوفي وشي تاني. نزل سيف بسرعة على السلم وقابله يوسف. مالك يا سيف؟ أوعى من سكتي يا يوسف دلوقتي. ونزل أخد عربيته ومشي بسرعة. يوسف من خوفه عليه، طلع وراه بعربيته لحد ما لقاه واقف بعربيته. نزل وراح عليه لقاه بيشرب مخدرات وسجاير كتير. إيه ياعم سيف، مش دي حب عمرك؟

مش هتستحق التضحية أكتر من كده؟ مش هضحي ولا هتنازل عن كرامتي أكتر من كده، وطظ في الحب اللي هيخليني أخسر كرامتي يا يوسف. كرامة إيه وزفت إيه؟ إحنا فرحنا بكرة، أنت عبيط يابني؟ فرحكم أنتم يا يوسف، أنا مش مكتوب عليا الفرح أبداً. ملك قاعدة بتعيط في أوضتها، وفجأة سمعت جرس الباب بيرن. راحت وفتحت لقت شاب غريب. الآنسة ملك أحمد السيوفي؟