رواية أحببت قاسي الفصل التاسع 9 - بقلم مادونا عماد

بعد مرور ثلاث شهور. روان ومريم خلصوا امتحانات، وسليم اتحسن كتير. وحور كانت بتهتم بيه، وعلاقتهم كلها حب. سليم: تمام يا محمد، مع السلامة. أغلق الموبايل ووضعه بجواره. حور: بتكلم مين؟ سليم: محمد كان بيقولي إنهم خلاص سلموا جمال وأمين وكل اللي كنت حابسهم عندي للحكومة. حور: هو انت ليه استنيت كل ده عليهم؟

سليم: كنت بعذبهم وبنتقم منهم كل يوم وأنا بشوف الذل في عينيهم وبيترجوني عشان أسيبهم. دلوقتي بس حسيت إني جبت حق أبويا الله يرحمه. حور: الله يرحمه. خلاص يا سليم، أخيرًا صفحة الانتقام خلصت من حياتنا. سليم بمرح: خلصت من أول ما شفتك ووقعتيني. حور بدلع: بجد يا سولي؟ سليم حضنها: آه يا قلب سولي. *** في الصباح. اتجمع الجميع على سفرة الإفطار. منال: جدتك والدة أبوك كلمتني يا سليم وكانت بتسأل عليكم. مريم: تيتا وحشتني أوي.

منال: فرح ابن عمك الأسبوع الجاي، جهزوا نفسكم عشان هنسافر بعد يومين. سليم: تمام، هخلص شغلي ونسافر. منال: تمام. حور كانت حاسة بوجع في بطنها ودايخة ومش مركزة معاهم. سليم ربت على إيديها: حور، بكلمك. حور بانتباه: آسفة، شردت شوية. سليم بقلق: مالك يا حبيبتي؟ حور: أنا كويسة يا حبيبي، متقلقش. سليم: طيب، خلي بالك من نفسك ولو حسيتي بحاجة كلميني على طول. حور بابتسامة: حاضر. *** في الشركة عند سليم. دخل محمد مكتب سليم.

محمد: صباح الخير. سليم بابتسامة عريضة: صباح النور. محمد بمرح: أيوه يا عم، مراتك مدلعاك وشكلك رايق. سليم: بطل قرك انت بس. محمد: جوزني وأنا هبطل قر. سليم: قولي على العروسة وأنا أجوزهالك الصبح. محمد: هو ده العشم برضه يا صاحبي. سليم: اعرفها أو حور مراتي تعرفها. محمد: عز المعرفة. سليم: مين؟ محمد: أختك. سليم مسكه من الياقة: ما تحترم نفسك يلا. محمد: أهدي يا بو الصحاب، أنا بطلبها منك. سليم: اتنيل، نقطي ملافظك.

محمد: حاضر، هتنيل. بس انت موافق ولا لأ؟ سليم: أنا عن نفسي موافق، هشوف رأيها وهرد عليك. محمد حضنه: حبيبي والله. *** في المساء، عاد سليم إلى المنزل في وقت متأخر ووجد الجميع نام. دخل إلى غرفته بهدوء حتى لا يوقظ حور، الذي اعتقد أنها نائمة. تفاجأ حينما وجد حور تقف بانتظاره وترتدي قميص نوم قصير باللون الأحمر، وفردت شعرها ووضعت القليل من الميك أب. وجهزت العشاء الذي يحبه ووضعت شموع برومانسية. سليم بإعجاب: إيه الجمال ده كله؟

حور بدلع أحاطت عنقه: بجد عجبتك؟ سليم: زي القمر يا روحي. حور: لسه في مفاجأة. سليم: إيه هي؟ حور وقفت على أطراف أصابعها وهمست جانب أذنه: أنا حامل.