رواية احببت قائدي الفصل الثاني عشر 12 - بقلم رودي محمد

قال بصوت هز المكان من قوته: لمييييييييييييييييس! وطلع يجري عليها، أخد السلاح بتاعها وضرب اللي ضربها، وكان بيحاول يضربه، أخد لميس ف حضنه. لميس انتي كويسه؟ لميس بصت ليه وساكتة، وبعدها رفعت ايديها لمسه وجهه وفجأة ايديها وقعدت. عادل: لمييييييييس لميييييس قومي عشان خاطري. وأول مرة تنزل دموع من عينه. ندي وادم شافوهم، جم يجرو. ندي: دموع لميس لميس. ادم: اهدو ي جماعه هتبقي كويسه ان شاء الله.

ادم استغرب من الحالة اللي اخوه فيها، بس أدرك أنه بيحبها. دخل الملازم علاء. الملازم علاء: باشا الطيارة وصلت. عادل شال لميس وركبو الطيارة. كان فيه ممرضات عملو ليها إسعافات أولية. الممرضة: لازم نوصل المستشفى ف أقرب وقت، الجرح عميق جدا. عادل ماسك ايديها. عادل: لميس عشان خاطري اتحملي ارجوكي. ندي وهي منهارة. ندي: حرام كده يارب. ادم قرب منها واخدها ف حضنه. ادم: اهدي اهدي بقي. فضلت تعيط جامد وكأنها لقيت أمانها.

ناهد: تعالي ي حاج نروح نسلم ع كريمة ومحمود، بقالنا كتير مش رحنا. علي: يلا والله الدنيا أخدتنا. ف بيت محمود. كريمة: اهلا ي حبيبتي اتفضلي، ازيك ي أبو ندي. علي: تمام ي أم عمر. محمود: ازيك ي محمود. وبعد وقت كتير من السلامات والترحيب، قعدوا يتكلموا عن العيال والذكريات. وأخيراً وصلت الطيارة، نزل، كان فيه عربية مجهزة مستنياهم. وصلوا المستشفى. ادم: نداا. عايز رقم عمر أخو لميس، لازم أبلغهم. ندي: داه الرقم. ادم: السلام عليكم.

عمر: وعليكم السلام، مين. ادم: أنا الرائد ادم زميل لميس. عمر بقلق بس حب يهزر. عمر: أي ي عم حبيت لميس وعايز تتجوزها ولا أي. ادم: لا بس ف خبر لازم تعرفه. عمر بقلق أكبر. عمر: ف أي. ادم: احم.. لميس اتصابت ف المامورية. عمر: بطل هزار بقي، فين لميس، أنا عارف حركاتها دي. ادم: ي عمر أنا بتكلم جد، واحنا ف المستشفى. عمر: أي جد أي مستشفى أي، انطق. ادم: مستشفي. عمر: خرج من الأوضة. عمر: ماما بابا، لميس اتصابت.

كريمة: بنتي، أنا عايزة بنتي. علي: اهدو ي جماعه يلا بينا نشوف أي، وإن شاء الله حاجة بسيطة. ندي بتعيط. ادم قرب منها واخدها ف حضنه. وصلوا كلهم ع المستشفى. ناهد: بنتي. بعد عنها ادهم وراح لعادل. ندي: ي ماما أنا كويسة، بس هي اتصابت وهتبقي كويسة إن شاء الله. عمر مسك قلبه وقعد ع الأرض بيعيط. ادم أخد عادل ف حضنه. ادم: اهدي بس. عادل: مش قادر ي ادم مش قادر، مينفعش تروح مني، مينفعش. وفضل يعيط. ادم: اهدي بس وإن شاء الله خير.

بعد مرور 3 ساعات والكل متوتر. محمود: هو في أي، بقالنا أكتر من 3 ساعات ومفيش حد خرج. بعدها خرج الدكتور. الكل جري عليه. ادم مسك عمر. ادم: انت كويس. عمر بصوت ضعيف. عمر: كويس الحمد لله. الدكتور: للأسف ي جماعه الإصابة خطيرة جدا، دي جمب القلب ب 3سم، يعني الموضوع صعب، وكمان نزفت دم كتير جدا، محتاجين نقل دم ليها ف أسرع وقت، وفصيلة دمها نادرة جدا، مفيش ف المستشفى حالياً.

عادل: يعني أي ي دكتور، أنا هتبرع ليها، خد مني كل الدم اللي عايزه، أهم حاجة تبقي كويسة. الدكتور: لازم تبقي نفس الفصيلة، هنعمل تحليل ونشوف. عمر: أنا أخوها ي دكتور. الدكتور: مش شرط عشان أخوها يبقي عندك نفس الفصيلة. عمر: بس احنا تؤام، بردو مش هيبقي نفس الفصيلة. الدكتور: اتفضل ي استاذ معايا. وفعلاً عمر كان نفس الفصيلة واتبرع ليها بدم كتير، لأنه الوحيد اللي كان متطابق معاها. وكل ما الدكتور يقول كفاية هو يقول لا،

لحد ما الدكتور قال: اسف، أكتر من كده هياثر عليك انت، مش هقدر. بعد ساعات تانية مرت ع الكل بألم ووجع. خرج الدكتور. الكل جري عليه. عادل بلهفة: أي ي دكتور. الدكتور: الحمد لله هي بخير. الكل حمد ربنا. والكل استغرب من رد فعل عادل اللي سجد لله. ندي بفرحة لأنها شافت حب عادل ليها ولأن صاحبتها بقت كويسة. ندي: الحمد لله ي رب. ادم قرب من عادل واخده ف حضنه. ادم: الحمد لله ي عم، أهي بقت كويسة. عادل: كنت خايف تروح مني. ادم: بتحبها.

عادل: هاا، لا لا، بس عشان كل ده بسببي. ادم: ي واد أخويا، الحب بان ف تصرفاتك، مش ف كلامك، ف غيرتك وضربك لادهم، ف خوفك وعياطك عليها. عادل: هو أنا عيطت. ادم بضحكة. ادم: هاااهاااهاااا، قول أنا بطلت عياط امتي، هاااهاااهااا. ساب وراح قرب من ندي. ادم: الحمد لله بقت كويسة. ندي: ياااه قلبي كان واجعني بجد، ربنا يقومها بالف سلامة. الكل كان قاعد جمب لميس وهي نايمة. فجأة الباب خبط ودخل ادهم. عادل: انت أي جابك هنا.

عمر: ف أي ي عادل بيه، ده ادهم صاحبي وهو يعرف لميس وزي الأخوات. ادم: اهدي ي عادل مش كده. ندي: أي ده، انتي كويسة. لميس وهي بتفتح عينيها، أول حد عينيها جت عليه كان عادل، اللي اتكلم بلهفة وفرحة. عادل: حمد لله ع السلامة. لميس: الله يسلمكم ي جماعه. عمر جري عليها وباس ايديها وحضنها. عمر: حمد لله ع السلامة، أنا كنت هموت لو حصلك حاجة. لميس: أي ياض الحب ده، قهقهقهق. عمر: يخربيت رخامتك، بطلي هزار بقي.

ندي: ي بت ده عمر اداكي كل الدم اللي عنده، بعد كده هيبقي اسم ع مسمي، معندوش دم بحق وحقيقي. كريمة: حمد لله ع السلامة حبيبتي. لميس: الله يسلمك ي ماما. محمود: حمد لله ع السلامة ي بنتي، واخيرا فوقتي. لميس: الله يسلمك ي بابا، بجد يا جماعه وجودكم جمبي بالدنيا. ادهم: حمد لله ع السلامة ي لميس. لميس: اهو انت بالذات اللي مكنتش عايزة يبقي موجود. عمر: قهقهقهقه، بتحبي تهزري دايماً. بعد وقت الكل خرج برا، بس عادل واقف.

عادل: حمد لله ع السلامة. لميس: هو انت عندك زهايمر، م انت قولتلي. عادل بص ليها كده. عادل: تصدقي إن انتي بومة وأنا غلطان أساساً.