رواية احببت قمر الصعيد الفصل السادس 6 - بقلم ميرال احمد

إيهاب: يعني بجد حتقوليلها وتبيعي جوزك يا سما؟ سما: إيهاب حرجعلك تاني. ودخلت الدوش بسرعة وهي تستفرغ، وبعدها حست بدوخة ووقعت. إيهاب دخل عندها ولقاها دايخة، حملها ونزل تحت وكان كلهم قاعدين. إيهاب: فين قمر يا خويا؟ محمد: في إيه يا بني، مراتك كويسة؟ إيهاب: أيوة يا بابا، بس فين قمر بسرعة. رقية: أنا حنده عليها. رقية راحت عند قمر، وقمر كانت قاعدة بالمطبخ وتكمل الطبخ. دخلت عندها بسرعة.

رقية: سما مش عارفة حصلها إيه، بس هي دايخة بأوضتها فوق، وإيهاب بيه طلب منك تقعدي معاها عشان هو رايح يجيب الدكتور يا قمر. قمر: طيب تعالي معايا. قمر ورقية دخلوا عند سما، وكانت على السرير وهي فاقدة الوعي. إيهاب وأحمد راحوا جابوا الدكتورة، وبعد مدة وصلوا. الدكتورة دخلت عند سما. الدكتورة: ممكن تطلعوا بره عشان أقدر أطمن عليها. إيهاب: طيب يا دكتورة. قمر: أنا حأقعد معاها، رقية انت اطلعي. رقية: أمرك.

رقية طلعت، والدكتورة بدأت تطمن على سما، ومعاها قمر. قمر: في إيه يا دكتورة، هي كويسة؟ الدكتورة: .... قمر: في إيه، أرجوكي يا دكتورة، دي أختي وحصلها إيه؟ الدكتورة: فين جوزها؟ قمر: هو بره، أنا حنده عليه. خرجت قمر وطلبت من إيهاب يدخل. إيهاب دخل عندها وقعد جنب سما. إيهاب: في إيه يا دكتورة، هي مراتي كويسة؟ الدكتورة: أيوة كويسة، بس هي حامل. إيهاب بصدمة: حامل إزاي يعني؟ الدكتورة: مراتك يا إيهاب بيه حامل، مبروك.

طلعت الدكتورة، وإيهاب قام من جنب سما وكان مصدوم، ومنع أي حد إنه يدخل عندهم. بعد مدة صغيرة فاقت سما. إيهاب: عملت كده ليه؟ سما: قصدك إيه؟ إيهاب: انت حامل من مين؟ سما: أنا مش فاهمة قصدك إيه، ويعني أنا حامل من مين؟ إيهاب قرب منها ومسك ايدها بقوة ومسك شعرها كمان بقوة. إيهاب: انت حامل من مين؟ أنا حعيد كلامي مية مرة عشان تفهمي بقى. سما: أنا مش حامل، أرجوك صدقني. إيهاب: حصدقك ليه، وانت كسرتني؟

مكنش لازم أوثق فيكي وأحبك، انت عملت كده ليه؟ سما: أرجوك يا إيهاب، انت وجعتني. *** أحمد كان قاعد على الكنبة و مكنش لابس التيشيرت، ورقيه دخلت. رقية: انت عاوز حاجة مني يا أحمد بيه قبل ما أنام. أحمد: تعالي يا رقية. رقية قربت من أحمد وكانت واقفة، بس هو مسك ايدها وشدها عنده وقعدها على رجله، ودفن راسه برقبتها، وهو يبوسها. أحمد: رقية آسفة. رقية: على إيه يا أحمد بيه.

أحمد: أنا مكنتش عارفة إنك بنت طيبة، انت بنت كويسة وأنا مكنتش مقدر قيمتك. رقية: خلاص يا أحمد، انت جوزي وكل اللي حصل مكنش قصدك. أحمد: انت حتنامي جنبي الليلة دي؟ رقية: .... وقبل ما تتكلم، أحمد حط ايده على بوقها وباسها من جبينها. أحمد: مفيش لأ. أحمد أخد رقية وحطها على السرير وناموا. *** بأوضة حازم، كان نايم على السرير وجنبه قمر، ودفن راسها بين ايدها. قمر: حازم أنا عاوزة منك تجيب اختبار الحمل.

حازم: اختبار حمل ليه، انت حامل؟ قمر بكسوف: ممكن.