رواية احببت مجنونة الفصل الخامس 5 - بقلم نجمة براقه

الشارع ياسمين: أنا مضايقة من نفسي أوي يا مي. مي: ليه يعني؟ إيه اللي حصل؟ ياسمين: عشان اللي بعمله ده، ذنبه إيه هو عشان يتحمل مغامراتي اللي ملهاش لازمة؟ مي: شوف شوف مين بيتكلم! يا بت ده انتي كنتي هتموتي وتعيشي المغامرات دي. ثم انتي إيه اللي مضايقك إذا كان هو حابب يعمل كده؟ ياسمين: مش عارفة بقى. كمان بيحصل تجاوزات، أنا معرفش عقلي راح فين وركبت قدامه على الحصان. فجأة لقيتني بمدله إيدي عادي كده.

مي: اممم، تصدقي غريبة فعلاً. ههههه. ياسمين: بتضحكي ليه؟ تقصدي إيه يا بت؟ مي: الله، إيه؟ بضحك مضحكش يعني؟ ياسمين: لا متضحكيش وغوري من وشي. مي: هو أنا قاعدة في شارع أبوكي؟ امشي انتي لو عاوزة. ياسمين: ماشي يا سهلة يا بتاعت مراد. نسيت أبهدلك انتي إزاي تروحي معاه الإسطبل لوحدك؟ وإزاي تخليه يجبلك جيلاتي؟ مي: نسيتي تقولي إزاي يبهدلك. اسكتي متفكرنيش. أنا آه عاوزة أفسح وأخرج، بس ده ميضمنش. أنا مش عارفة إزاي همشي معاه الاتفاق؟

هو ليه مش كيوت زي هشام؟ ياسمين: ههههه، هشام كيوت؟ مي: آه كيوت ومحترم، معملش فيكي اللي عمله مراد من أول مرة. ياسمين: عندك حق. لا وكمان بال طويل. بالك لو حد غيره على اللي بقولهوله كل شوية كان فضحني مع ماما وأحمد أخويا. مي: اممم، قولتيلي. ياسمين: ميييي، امشي من وشي. انتي بقيتي رخمة ودمك مش خفيف على فكرة. مي: ههههه، الله هو أنا اتكلمت؟ انتي ليه على راسك بطحة؟

ياسمين: مي، لا ونبي متعمليش كده. بجد بتلخبطيني وخصوصاً إني عارفة ومتاكدة إن مفيش حاجة في قلبي من ناحيته. مي: افتكري لو مفيش حاجة في قلبك من ناحيته، تلمحاتي مش هتلخبطك. ياسمين: اسكتي اسكتي، بلاش فلسفة. أنااااا مش بحب هشام ولا هحبه. مي: زعقي أكتر، في واحد هناك لسه مسمعش. استني أندهولك تقوليله. ياسمين: ما انتي اللي بتستفزيني. في العربية هشام: ترارارارا، بهواك واتمنى لو أنساك وأنسى روحي وياك.

مراد: يا سيدي ياسيدي. إيه الحكاية؟ هشام: حكاية إيه يا فكيك. مراد: بتغني وطربان. إيه الدنيا؟ هشام: مفييش أي حاجة. بدندن فيها. إيه دي؟ مراد: آه، بتدندن طيب. هشام: ها، ناوي على إيه؟ مراد: ناوي على إيه؟ في إيه؟ هشام: مي يابني، هتروح بكرة ولا لأ؟ مراد: يييييه، ده أنا نسيت خالص. تصدق. أنا متردد. إزاي هقول لماما؟ وبعدين يطلع الموضوع لعبة. ما انت عارف هي هتموت وتجوزني. هشام: ههههه. طيب والله ياريت. انت مبتجوزش ليه صحيح؟

مراد: أتزوج واحدة ست؟ انت اتجننت يا هشام؟ هشام: أمال هتجوز واحد راجل يعني؟ مراد: لا يا عم مش ناقصه زن وشغل. لو مهتم كنت عرفت لوحدك. أنا خلقي ضيق. هشام: ههههه. طيب ما ده حلو برضه. انت بس اللي بتحب الحرية شوية. مراد: يا عم عدي. سيبك مني. انت ناوي على إيه مع ياسمين؟ هشام: ولا حاجة. هما شهرين وخلاص. كل حاجة هتنتهي. مراد: نفسي أعرف إيه جابرك على الحكاية دي؟ يعني تسيب شغلك ومصالحك عشان تحقق أحلام واحدة متعرفهاش؟

هشام: طيب وفيها إيه؟ ما أنا كمان بتفسح معاها وبعيش معاها حلمها ده. مراد: بس كده. هشام: بس كده إيه؟ مراد: يعني مفيش سبب تاني كده ولا كده؟ هشام: عاوز تقول إيه؟ مراد: ولا حاجة. هشام: طيب إيه؟ أنا رايح بكرة لياسمين. أعدي عليك عشان تروح لأهل مي ولا إيه؟ مراد: مي مين؟ هشام: يخر**بيتك. انت لحقت تنسى؟ مراد: أيوه أيوه افتكرت. إيه القر**ف ده؟

مش مصدق إني هروح أتقدم للبنت دي. حتى لو كد**ب. دي شبر ونص وقفت جنبها موصلتش لنصي يا هشام. هشام: ههههه. معلش، تعالي على نفسك شوية. مراد: ماشي يا عم. بيت ياسمين ياسمين: أستر. أكيد مستنياني وهينفخ**ني. أنا هنسحب وأروح أنام وأقولهم راجعة من بدري. الأم: أيوه اتسحبي على أساس إني مش هشوفك. تعالي هنا. ياسمين: ماما وحشتيني أوي. اااه يا ماما. ما تعرفي اللي حصل لبنتك. الأم: حصل إيه؟ انطقي. الواد عملك حاجة؟

ياسمين: يا ريت. يا ريت يا ماما. اعاااا. الأم: يا مص**يبتي. ما تنطقي. وقع**تي قلبي. ياسمين: عارفة الدريس اللبني اللي اشتريناه أنا وانتي ب 500 الشهر اللي فات؟ الحلو أبو حزام ورد ده. الأم: آه. ماله؟ ما تخلصي. ياسمين: عدينا جنب محل هدوم أنا والبت مي بعد ما سيبنا هشام. فلقينا واحد شبهه بالملي هناك. دخلت أسأل على السعر. تعرفي قالي بكام؟ الأم: نعم يختي؟ دريس إيه؟ دريس إيه يا بت. خدي.

ياسمين: الشبشب**ب. لا يا ماما. ونبي ونبي. أحمد: يارب على الدوشة. مالكم؟ الأم: اسكت انت. تعالي هنا يا بت. قوليلي إيه آخرك أحسنلك. ياسمين: ماهو أنا لما لقيته بسعر أقل منه ب 150 جنيه، تعبت وجاني هبوط. وقولت هي إيه فلوس حر**ام؟ وشوحت كده. الأم: واد امسكهالي وهاتها. أحمد: حاضر. جالك يوم. وأنا كنت مستنية. تعالي هنا. ياسمين: اعاااا. ماماااا. بلاش أحمد. إيده دب**ش ونبي. أحمد: مش هسيب**ك. ماما تحبي أرميها من البلكو**نة؟

ياسمين: أحمد سيبني. وأنا هعملك كيك. ونبي وقف بقى. تعبت. أحمد: وقفي عندك. كيكة شوكولاتة وأنا أسيبك؟ ياسمين: وعليها فراولة وموز. وتدافع عني. أحمد: وتحطيلي عليها كريز؟ وأنا أهديها من ناحيتك. ياسمين: اتفقنا. الأم: ياسمين. تعالي عاوزه أتكلم معاكي. ياسمين: ماما. أنا عارفة إني اتأخرت. أنا آسفة، بس والله الوقت سرقنا.

الأم: خلاص اللي حصل حصل. بس انتي لازم تعرفي إن الوضع ده مينفعش. هشام لازم يعمل خطوة. مجرد الكلام والموافقة مينفعش. الناس تاكل وشنا. ياسمين: يا ماما أنا مش عاوزة أرتبط رسمي غير لما أعرفه كويس. الأم: محدش قالك متعرفوش. انتوا تتخطبوا رسمي وبعد كده معاكم لسنة تعرفوا بعض. ولا انتي يعجبك الحال المايل؟ ياسمين: يا ماما ماهو. الأم: مش عاوزة أسمع كلمة. هو أكيد هييجي بكرة زي كل يوم. وأنا هقوله الكلام ده بنفسي.

ياسمين: مش هييجي بكرة. بيقول مش هيقدر. الأم: خلاص. وقت ما ييجي. ياسمين: ماشي. أستأذنك. تليفونك أكلم مي. الأم: أهو عندك. يلا تصبحي على خير. ياسمين: وانتي من أهله. ياسمين: آية الورطة دي. كدا مش هينفع. أنا لازم أكلمه وأقوله ميجيش وكمان يلغي الاتفاق. تليفون هشام يرن. هشام: أهلا يا طنط. ياسمين: أنا ياسمين. هشام: ياسمين. عاملة إيه دلوقتي؟ ياسمين: بخير. هشام: دايما بخير.

ياسمين: هشام، أنا كنت متصلة بيك عشان أقولك متجيش تاني. هشام: يعني إيه؟ حصل مني حاجة! ياسمين: لا خالص. بس ماما دخلتنا في الجد وعاوزة خطوبة وارتباط رسمي. وده مش هينفع. هشام: اممم. طيب أنا ممكن أخطبك بجد. ياسمين: ميرضنيش. إيه ذنبك تورط نفسك مع واحدة عاوزة تتسلى وخلاص. هشام: ياسمين، متبقيش هبلة. إحنا صحاب. يعني هكمل معاكي للآخر. وبعدين أنا مبسوط يا ستي. ياسمين: متشكرة يا سيدي. بس خلاص. انسى الموضوع. مع السلامة.

هشام: ياسمين الو.. يا بنت المج**نونة. ماشي. مش بس بمزاجك تبتديها وتنهيها لوحدك. تاني يوم. بيت مي. الجرس بيرن. الأب: بت يا مي روحي شوفي مين. مي: مش فاضية يا بابا. بمسح المطبخ. الأب: روحي افتحي بدل ما أجيلك. مي: يوووه. بذمتك ينفع أفتح بمنظري ده؟ ولا شعري الملخبط ده؟ الأب: حلوة حلوة. روحي افتحي بدل ما أقو**م لأر**ذل اللي فاكر الجرس لعبة أ**مه. مي: هروح أهو. يا رب بقا انت عارف. مي: يييييبن جاية ياز**فت. نعم. يالهوي!

هو انت؟ مراد: ييييع. مش ممكن. الحمد لله إني مجبتش أمي معايا. إيه القر**ف اللي عملاه في منظرك ده؟ مي: انت إيه جابك في نهارك الأ**غبر ده؟ مش كنت تتصل؟ مراد: خدي ام الورد ده في و**شك. انتي يتجابلك ورد؟ انتي. أنا غلطا**ن إني عبر**تك. الأب: مين اللي بيجع**ر عندك يا بتي؟ مي: معرفش يا بابا. انت مين يا جدع انت؟ ونبي ونبي متزعلش. اششش. مراد: على فكرة هقوله على كل حاجة وأخليه يعل**قك من شعر**ك. الأب: انت مين يا فندي؟

مراد: احم. أنا. أنا مراد. الأب: موراض مين؟ مراد: لا مراد بالدال مش بالضاد يا عمي. الأب: دا هيعلمني. هو انت من فصول محو الأمية؟ وانتي واقفة ليه؟ ما تدخلي. مش مكسوفة يشوفك بهدو**مك الداخلية كده؟ مراد: هدوم داخلية؟ دي الهدوم اللي بننضف بيها المطبخ. أنضف منها. الأب: بتقول حاجة يا فندي؟ مراد: لا يا أونكل. أقصد يا عمي. بس أنا كنت جاي أشرب مع حضرتك القهوة. الأب: مفيش قهوة. ينفع اليانسون؟

مراد: الله يق**طع معر**فتك يا هشام. آه ينفع يا عمي. أي حاجة. إن شاء الله مياه. الأب: تعالي. فضي الطرقة يا واد. مراد: طرقة؟! منك ل**له يا هشام. الأب: اتفضل اقعد. مراد: متشكر. الأب: خير يا فندي؟ مراد: أنا كنت جاي أطلب إيد كريمة حضرتك. الأب: لا يا فندي. أنا معنديش حد اسمه كريمة. مراد: كريمة كريمة. يعني بنت حضرتك. الأب: ااااه بنتي. مالها؟ مراد: يا فندم أنا عاوز أتزوج بنت حضرتك.

الأب: يالف بركة. دقيقة واحدة. هوقفهملك طابور وانتقي. ههههه. والله عمري ما عملتها مع حد قبل كده. حتى مرعي ال**زب**ال راجل مقتدر وفي إيده صنعة حلوة. بس لأ. لكن انت شكلك راجل نضيف. واد يا حمادة. هات أخواتك الخمسة طابور من الأكبر للأصغر. مراد: إيييه؟ لا لا. أنا عاوز مي بس. الأب: مي؟ واشمعنى يعني؟ انت شفتها فين؟ مراد: هه. آه آه. شوفتها في كافتيريا بتشرب كابتشينو لاتيه. الأب: أيوه برضه مقلتليش شوفتها فين.