رواية احببت مجرما الفصل الرابع عشر 14 - بقلم روان ابراهيم

صباح بصريخ: ألحق يا حازم بييييه! ركض حازم وهو على السلم. حازم لفاروق: فاروق أتصل بالدكتور بسرررررعة. فاروق: أمرك يا باشا. حازم بصراخ وقلق: ملاااااااك! ركض باتجاه ملاك الساقطة على أرضية الغرفة. حازم وهو يضعها على السرير: ملاك ملاك. حازم لصباح: هاتي الماية بسرعة يا صباح وخلي فاروق يستعجل الدكتور بسرعة. صباح وهي تخرج بخطوات مُسرعة: أمرك يا بيه.

حازم وهو يتحسس وجه ملاك: أنتي بريئة أوي يا ملاك زي ما ماجد باشا قال، أنا مش هسمح لحد يأذيكي طول ما أنا عايش. معرفش اللي أنا فيه دا إيه، لكن اللي أعرفه إنك جوهرة ومينفعش تتكسر أبدًا، وحقك هيرجعلك. صباح: حازم بيه اتفضل الماية أهي والدكتور موجود تحت. حازم وهو يحكم غلق حجاب ملاك: خليه يطلع بسرعة يا صباح. صباح بهرولة: أمرك يا بيه. حازم وهو يفيق صغيرته: ملاك ملاك سمعاني؟ ملاك بتعب شديد: حا حازم أنا أنا تعبانة أو أوي.

حازم وهو يحتضنها: متخافيش يا ملاك هتبقي كويسة، الدكتور طالع وهيطمني عليكي. وساعدها على الجلوس باعتدال. صباح: حازم بيه الدكتور برا. حازم بأمر: دخليه يا صباح. الدكتور بعملية: أهلًا حازم بيه. حازم مُمسكًا يد ملاك: أهلًا يا دكتور، دكتور سمير طمني على مراتي بسرعة. الدكتور بعملية: حاضر يا حازم بيه. وبدأ الطبيب في فحص تلك الصغيرة؛ ثم. الدكتور بحرج: احم حازم بيه الهانم أتعرضت للاعتداء.

حازم بضيق: عارف، طمني عليها يا سمير خلص. سمير: المدام جسمها ضعيف جدًا، وقبل كدا قولت لحضرتك إن المدام عندها أنيميا حادة ودلوقتي بقت متدمرة نفسيًا وجسديًا. أنا كتبت لها على ڤيتامينات وأدوية لازم تاخدها عالوقت علشان حالتها تتحسن، وليها إبرتين في اليوم هتستمر على العلاج لمدة أسبوعين والإبرة لمدة أسبوع، وأنا بعد أسبوعين هاجي أطمن على صحة المدام.

ملاك بعين الصدمة وطفولة: إبر إبرة لالالالا حا حازم بليز بلاش إبرة، حازم أنا أنا بخاف من الإبرة. حازم ببسمة: إيه يا ملاك أنتي مش صغيرة عالكلام دا، هتاخدي الإبرة زي ما الدكتور قال. ملاك بتذمر طفولي: بس يا حازم... حازم وهو يقترب منها: مبسش يا ملاك. ثم هتف في أذنها: ولا العقاب عاجبك؟ ثم غمزلها. ملاك وهي تبتعد بخجل: احم خلا خلاص يا دكتور هاخد الإبرة. الدكتور ببسمة: تمام يا هانم بالشفا بإذن الله.

ملاك ببسمة صغيرة: شكرًا يا دكتور. الدكتور وهو يصافح حازم: عن إذنك يا حازم بيه، وألف سلامة على المدام. حازم لصباح: صباح خلي فاروق يوصل الدكتور وأنتي روحي أعملي شوربة لملاك. صباح: أمرك يا بيه، ألف سلامة عليكي يا ست هانم. ملاك ببسمة صغيرة: الله يسلمك يا دادة. غادرت صباح الغرفة. حازم بحنان: ملاك أقلعي الطرحة بتاعتك وخدي راحتك في الأوضة محدش بيدخل هنا غيري. ملاك بتردد: أ أق أقلع الطرحة ليه؟! أنا أنا مش هينفع أقلعها.

حازم بمزحة: يااااه يا حازم شكل البت ملاك حابة العقاب أوي، بذمتك مش حابة العقاب بتاعي؟ ثم غمزلها. ملاك بخجل وهي تضربه بخفة على كتفه: عيب على فكرة أنت قليل الأدب. قاطعتهم دادة صباح. صباح: حازم بيه ماجد باشا موجود تحت و... لم تكمل حديثها إلا أن ماجد اقتحم الغرفة. ماجد بخضة على صغيرته: ملاااك، مالك يا حبيبتي، مين اللي عمل فيكي كدا؟ حازم لصباح: انزلي أنتي يا صباح. ثم غادرت صباح الغرفة.

كان وجه تلك الصغيرة أزرق من شدة ضرب وعنف محمد ويديها مليئة بالجروح التي يغطيها ذلك العلاج (المرهم) ماجد هاجمًا على حازم: أكيد أنت اللي أذيت بنتي يا حيوااان. ثم هجم على حازم وأوسعه ضربًا. ملاك بتعب: با با بابي حازم معملش حاجة. ماجد بصوت مرتفع: متدافعيش عن الكلب دا يا ملاااك. ماجد لحازم وهو يضربه: بقا دي الأمانة اللي أنا سبتها عندك يا حيوان، أنا بنتي يتعمل فيها كدا.

ماجد وهو على وشك صفع حازم على وجهه، نهضت ملاك مُسرعة لإنقاذ حازم وأخذت مكانه تلك الصفعة؛ ثم ارتمت في أحضانه. حازم وهو يحتضنها بقلق: ملاك ليه عملتي كدا، أنا اللي أستاهل القلم دا، أنتي أتأذيتي في بيتي وأنا اللي حقي أتعاقب. ماجد بقلق: ملاك حبيبتي أنا آسف يا حبيبتي مكنش قصدي يا قلب بابي. حازم بنظرة كُره: أبعد إيدك عن ملاك. ثم دخل فاروق على تلك الأصوات، ثم أمسك ماجد بقوة وفي نفس الوقت حازم ساند ملاك للجلوس على السرير.

حازم لملاك بحنان: ملاك متتحركيش من على السرير أنتي لسه تعبانة. ملاك ببكاء: بابي يا حازم خليه يسيب بابي بليز. ثم بكت بشدة. حازم بأمر لفاروق: سيبه يا فاروق وانزل تحت وحسابي معاك بعدين علشان تتخطى حدودك وتطلع الجناح، أه وخلي صباح تعمل اتنين قهوة وعصير لملاك هانم. فاروق: أمرك يا باشا. ماجد بضيق: مش عايز أشرب حاجة أنا هاخد بنتي وهمشي.

حازم وهو يهدأه: ماجد باشا ملاك مراتي ومش هتمشي من القصر غير بإذني، اتفضل اقعد ونتكلم على رواقة علشان تفهم الموضوع. ماجد بكره شديد: مش أنت اللي يتقعد معاه يا حازم، مُجرم زيك ميتقعدش معاه. ملاك قاطعته بلين: بابي حبيبي اقعد علشان خاطري وأنا هفهمك كل حاجة وهتعرف إن حازم معملش حاجة وهو مظلوم بالعكس يا بابي حازم دافع عني وأنقذني من محمد. ماجد بعدم فهم: محمد مين يا ملاك، إيه اللي أنتي بتقوليه دا؟ ملاك

وهي تمد يديها لوالدها: بابي تعالى اقعد جنبي وأنا هحكيلك كل حاجة. ماجد مُلبيًا لطلب صغيرته: من عنيا يا روح قلبي. كان ماجد على وشك الجلوس بجانب ابنته إلا أن حازم سبقه وجلس بجانبها ثم نظر لماجد نظرة انتصار وبحاجب مرفوع. ملاك لوالدها ببسمة: تعالى يا بابي اقعد الناحية دي. وأشارت على الجانب الآخر من السرير. ماجد بنفي: لاء يا حبيبتي أنا هقعد قدامك علشان أبقى شايفك كويس وأقدر أشبع منك. ملاك بحنان: حبيبي يا بابي.

صباح بحمحمة: احم احم حازم بيه اتفضل اللي حضرتك طلبته. حازم بأمر: هاتي عصير الهانم هنا وحطي الصينية عندك يا صباح ومش عايز حد يطلع هنا نهائيًا. صباح: أمرك يا بيه. استغلت ملاك وجود صباح وانشغال أبيها ثم دفعت حازم برفق. ملاك بهمس لحازم: أبعد يا حازم شوية عيب كدا. حازم بهمس مماثل: متنسيش إنك مراتي وأسمعي كلامي كويس علشان معاقبكش قدام أبوكي. ملاك بشهقة: هااا قليل الأدب! ملاك مغيرة لحديثها مع حازم: بابي وحشتني أوي.

ماجد بحنان أبوي: وأنتي وحشاني أكتر يا قلب بابي، ومتهربيش من الموضوع أحكيلي إيه اللي حصل معاكي. ملاك بتذكر وعين دامعة: حازم راح مشوار وأنا دخلت آخد شاور لما طلعت من الحمام. وهي تكتم شهقتها: لاقيت محمد قا قاعد على السرير و و و... وبكت بشدة قبل أن تكمل حديثها. حازم وهو يحتضنها: أهدي يا ملاك متعيطيش، أنا مش هسيبلك حقك أوعدك بس بلاش دموعك دي. ماجد بتعجب من معاملة حازم: ملاك حبيبتي أهدي علشان متتعبيش.

حازم وهو يناولها العصير: اشربي يا ملاك علشان تتقوي يلا. ملاك وهي تأخذ منه كوب العصير: شكرًا يا حازم. ثم بعد عدة ثواني، تركت العصير ثم أكملت حديثها. ملاك وهي تكمل حديثها: وبعد كدا يا بابي محمد هج هجم عليا وضربني بالقلم جامد وشتمني يا بابي وأنا وأنا والله حاولت أدافع عن نفسي بس معرفتش. ثم بكت: هو هو شاف شعري يا بابي شافه ولمسني يا بابي. ثم بكت بشدة.

حازم وهو يهدأها: خلاص يا ملاك أهدي كفاية عليكي كدا، أنا مش هرحم اللي جابوه وحياتك لأجيبلك حقك متقلقيش. حازم بتذكر: صحيح يا ملاك أنتي مش كنتي قافلة الباب بالمفتاح؟ ملاك بصوت منخفض: لما أنت مشيت أنا مقفلتش الباب بالمفتاح قولت أنت مش هنا فمفيش داعي إني أقفل الباب. ماجد وهو يحتضنها: وحياة كل دمعة نزلت منك يا ملاك أنا هخلي الحيوان اللي اسمه محمد يعاني ويتعفن في السجن.

حازم لماجد: عن إذنك يا ماجد باشا بس أنا مش هسلمه للشرطة غير لما أنتقم لمراتي. ماجد بكره لمحمد: أتعامل لإن حق بنتي لازم يرجع بأي طريقة كانت منك ومني، خلص وأنا هشوف شغلي معاه بعديك. ماجد وهو يحتضن ملاك: أنا همشي يا نور عيني ولو احتاجتي أي حاجة كلميني علطول يا روحي. ملاك وهي تبادله الحضن: حاضر يا حبيبي وخلي بالك من نفسك يا بابي. ثم غادر ماجد الغرفة بل القصر بأكمله. حازم لملاك: يلا أقلعي طرحتك وخدي راحتك كدا.

ملاك بطفولة: يووووه بقا هو أنت لسه فاكر يا حازم بس أنا مش عايزة أقلع الطرحة. حازم بجرأة: شكلك كدا عايزة تتعاقبي وبصراحة أنا كمان هموت وأعاقبك. ثم اقترب منها وقبلها بشدة. ملاك بخجل وهي تبعده: أوعى يا حازم بطل قلة أدب، عيب كدا. حازم بجرأة: لاء مش عيب أنتي مراتي، بصي يا ملاك لو مسمعتيش كلامي بعد كدا والله لأبوسك أنتي حرة. ملاك بخجل: حاضر هسمع الكلام يا حازم.

حازم وهو يخلع عنها الحجاب: شطورة يا ملوكة يلا أقلعي كدا الطرحة. وفجأة عندما رآها لم يتحرك ولم يتحدث ولكنه قبلها مرة أخرى. ملاك وهي تدفعه بضعف: أبعد يا حازم كفاية بالله عليك أنا مش عايزة حد يقرب مني مش عايزة. ثم بكت. حازم وهو يمسح دموعها: متعيطيش يا ملاك أنا جوزك أنا مش محمد الحيوان دا، أنا غيره وبعدين أنتي زي القمر يا ملاك. وبدأ يتحسس

شعرها ويستنشق عبيرها: أووووف إيه الريحة الجامدة دي لالالا الجمال دا مش طبيعي أنا هنزل أحسن أرتكب جريمة وأحصل محمد. ملاك بضحك وهي تبعده: أيوا أبعد خالص علشان كدا عيب. حازم بضحك: أنا مش هتأخر عليكي هروح مشوار بسرعة وأجيلك ولحد ما أجي كملي عصيرك وصباح هتطلعلك بالأكل واعملي حسابك هنام سوا في الجناح اللي جنبنا لحد ما الباب يتصلح هنا. ملاك ببسمة: حاضر يا حازم.

غادر حازم الغرفة واستمعت ملاك لحديثه وتناولت طعامها وغفلت لبضعة دقائق ولكنها استيقظت على صوت مرتفع بالغرفة وهو: ... : أنتي مين يا شاطرة وبتعملي إيه على سرير حزومتي؟ ملاك بتعجب: أنتي اللي مين وإيه اللي طلعك هنا وإيه حزومتي دي كمان؟ ... : أنا خطيبة حازم السيوفي يا شاطرة.