سليم: نعم يا سمر.
سمر بإحراج: بص يا سليم أنا زمان كنت وحشة وكلكم عارفين، كنت بسمع كلام ماما وشهيرة وأنا مغمضة عيني عن الحقيقة، كنت بجرح أي حد أقل من مستوانا، بس ولحد امبارح الصبح كنت كدا، سمر المغرورة.
لحد أما أحمد جوزي اتكلم معايا وفهمني غلطي وسامحني، بس قال لي إنك لازم تعرف كل حاجة، قال لي روحي وكلميه وهو أكيد هيسامحك.
سليم وابتسم: سمر اعترافك لوحده كفيل يخليني أكون فخور بيكي. سمر، انتي وشهيرة أخواتي، بس ملاك حبيبتي، انتوا ليه مش قادرين تفهموا إن الحب مش بإيد حد؟ سمر، انتي أختي الصغيرة اللي بحبها، أنا مسامحك من قبل ما أعرف أي حاجة.
سمر بدموع: زمان لما طنط كريمة تعبت وخدناها المستشفى لما عندها حالة تسمم.
سليم بشك: أيوا.
سمر: ماما خلت شهيرة تضايق ملاك وهي بتعمل الشاي وحطت سم في كوباية ملاك، بس اللي شربتها طنط كريمة، بس والله أنا ما كنت موافقة، وبما إن حصل كدا، كنت هروح وأقولك، بس هما منعوني.
سليم بهدوء: وبعدين؟
سمر: ماما تاني يوم مسكت ملاك قبل ما تطلع تصحيك، هددتها إنها لو ما بعدتش عنك، هتقتل رحاب اللي هي مديرتهم في الميتم وهتبوظ سمعة صاحبها، عشان كدا ملاك اتخانقت معاك وبعدت عنك.
سليم وقام وحضنها: طب هششش وبطلي عياط، انتي ملكيش ذنب، وكويس إنك فهمتي إن ده غلط. قبل أي حاجة، أنا هعرف أتصرف مع شهيرة ومع مرات عمي، متتدخليش، خليكي مع جوزك.
أحمد: جوزها هيغير كدا يا أستاذ.
سليم بضحك: الله، أختي يا جدع، وحاضنها.
أحمد: يحفظكم لبعض يا حبيبي، وأنا آسف بالنيابة عن حبيبة قلبي.
سليم وحضنه: دي أختي الصغيرة يا أحمد قبل أي حاجة، وبجد مبسوط بيك.
أحمد وخد سمر في حضنه: دي حبيبتي وبنتي ومراتي وكل ما ليا، أكيد لازم أقف جنبها وأنصحها، وهي كانت شاطرة وسمعتني. عايز حاجة بقى؟
سليم: أبدًا يا حبيبي، عن إذنكم.
سليم سابهم ومشي.
سمر وحضنت أحمد: كنت خايفة ميسمحنيش.
أحمد: هششش، كله بقى تمام، يلا بينا نروح نصلي ركعتين شكر لله.
سمر وابتسمت: يلا يا حبيبي.
هدى: أيوا أيوا جاية.
شهيرة: مين الغبي اللي بيرن كدا؟
هدى بصدمة: سليم.
سليم: فين شهيرة يا مرات عمي؟
شهيرة: نعم يا سليم عايز إيه؟
سليم مسكها من إيديها ونزل، ركب العربية وهي ساكتة لحد ما وقف قدام البحر.
شهيرة: ممكن أعرف في إيه؟
سليم: سمر قالت لي على كل اللي انتوا عملتوه.
شهيرة بخوف: عملنا إيه؟ أنا مش فاهمة حاجة.
سليم واتنهد: بصي يا شهيرة، أنا تعبت وزهقت، حرام عليكم بقى. حبيتك في الأول، كنت مستعد أقتل نفسي عشانك، بس انتي بعتيني يا شهيرة. وبعد ما أحب الإنسانة دي وبقت كل حياتي، اعتدوا عليها. شهيرة، انتي وسمر أخواتي، وأخوكي تعب جامد، قلبه مبقاش حمل أي حاجة. شهيرة، انتي مش بتحبيني، انتي عايزاني ملكك وبس. أمك بتلعب في دماغك وخلاص، انتي بتحبي حازم وكلنا عارفين كدا.
شهيرة بدموع: أيوا بحبه، بس ماما شايفاه مش مناسب، وعلى طول بتحاول تكرهني فيه وتحببني فيك، بس أنا مش بحبك، أنا بحبه هو. انت أخويا والله، بشوفك أخويا انت وعمر، بس ماما أقنعتني إن ملاك نصابة، وأنا بقيت أحاول أبعدها عنك، مش عشان بحبك، عشان اقتنعت من كلام ماما إنها طمعانة في فلوسك وبس. بس أنا والله بحب حازم.
حازم: وحازم بيموت فيكي يا شهيرة.
شهيرة بدموع: حازم أنا...
حازم وحضنها: هششششششش، انتي حبيبتي أنا ومش عايز حد غيرك، انتي يا روح حازم.
شهيرة فضلت تتكلم هي وحازم، وسليم مشي وابتسم إن أخواته البنات أخيرًا هيعيشوا حياتهم من غير أذى. مفضلش غير الكبيرة بتاعتهم.
هدى: بنتي فين يا سليم؟
سليم: مرات عمي، سيبوا بناتكم يعيشوا، وسيبونا في حالنا. ياريت سمر مبسوطة مع أحمد، وشهيرة مع حازم ومبسوطين. ياريت تشيلي الحقد والكره ده من قلبك، عن إذنك.
سليم مشي وساب هدى وتفكيرها.
ملاك بقلق: كنت فين ده كله يا سليم؟
سليم: ...............
ملاك: مش بترد عليا ليه؟
سليم ببرود: نعم عايزة إيه؟
ملاك بدموع: شكرًا، مش عايزة، عن إذنك.
ملاك سابته وطلعت تجري.
سليم: ولسه، اصبري عليا.
نهى: مالك بس يا ملاك؟
ملاك بعصبية: بعد كل ده تقول لي مالك؟ انتي هتعصبيني انتي التانية.
نهى: يابت خليكي باردة.
ملاك: اطلعي بره، ينعل أبو شكلك.
نهى: طيب ياختي، كدا كدا خارجة أشوف أسيل.
بالليل عم الهدوء، ملاك زهقت وقررت تنزل تحت.
ملاك: هما راحوا فين؟ نهى يا شرين راحوا فين دول؟
...: بس بس.
ملاك: إيه يا حبيبتي فين الباقي؟
أسيل: هقولك سر كبير أوي.
ملاك بضحك: إيه هو بقى السر الكبير ده؟
أسيل: عمو سليم عمل لهم عصير، وبعديها كلهم ناموا، وهو معاه بنت حلوة أوي فوق.
ملاك بصت لها بصدمة، وسابتها وطلعت تجري على فوق.
ملاك دخلت الأوضة بعصبية.
ملاك: سليم، انت يا أستاذ يا محترم، انت فين؟ سلييييييم يا ابن كريمة وعامل مؤدب، يا سافل انت فين يا ضة؟
سليم: تؤتؤتؤ، عيب كدا، في واحدة تقول لجوزها يا سافل ويا ضة؟ مش عيب كدا.
ملاك: جوز في عينك، مستحيل اتجوزك.
سليم وقرب منها: طب عيني في عينك كدا.
ملاك بدموع: ابعد عني يا خاين.
سليم وخدها في حضنه: قلب الخاين، تقبلي تتجوزيني؟
ملاك وضربته على صدره: انت بتضحك عليا عشان تخبي السلعوة اللي انت جايبها؟ البت أسيل قالت لي كل حاجة.
سليم وضحك: أسيل.
نهى ظهرت هي وأسيل والباقي.
سليم: شطورة يا حبيبة عمو، عرفتي تضحكي عليها.
ملاك برفع حاجب: تضحك عليا؟
سليم: أه، ويلا بقى عشان المأذون تحت بقاله كتير.
ملاك لقت نفسها قدام المأذون وبتبص للكل ومستغربة إيه اللي بيحصل.
المأذون: بارك الله لكما وبارك عليكما وجمع بينكم في خير.
سليم وحضنها: مبروك يا حبيبي.
ملاك: مبروك على إيه؟
سليم وشالها والكل بيضحك: دي شكلها في حتة تانية، أنا هفوقها بمعرفتي.
ملاك: انت واخدني فين؟
سليم بهمس: أصل في موضوع مهم أوي لازم نتناقش فيه.
ملاك: موضوع إيه؟
سليم: أصل عايز أجيب نونو يشيل اسمي.
ملاك: وأنا مالي؟
سليم: أصل انتي هتبقي ماما للنونو.
ملاك: ياقليل الأدب.
سليم: هششششششش اسكتي.
ملاك حضنته واتكلمت بهمس: بحبك يا سليم.
سليم: وسليم بيموت فيكي يا روح سليمتوتة. توتة خلصت الحدوته.