رواية احببت ملاكي الفصل السادس 6 - بقلم ملك يسري

كل سنة وانت طيب. كل سنة وانت طيب يا ابيه. وانتى طيبة ياحبيبتى بس هو بابى فين. اصل بابا خايف منك ومستخبى. اصل خايف اضربه. يلااا واناا هشجعك انت. واطية يابت انتى اكيد مش بنتى لاء. تربيتي يامعفن. قرب عمر من سليم وحضنه وسليم ماصدق لقا حضن يعوضه عن امه. ماما وحشتني ياعمرر. وحشتنا كلنا ياحبيبي.

قعدوا يهزروا بيحاولوا يخرجوا سليم من المود. سليم مستني حاجة كأنه متعود عليها. الجرس رن. كلهم بصوا لسليم. سليم جرى وفتح. شاف الهدية قدام الباب، خدها وطلع فوق. سليم فتح الهدية. تيشيرت أبيض، بنطلون جينز أسود. التيشيرت عليه صورته ورسالة.

(بقيت عندك 33 سنة، كبرت ياسليم واحلويت أكتر بالدقن اللي محلياك. انت في كل حالاتك جميل. اضحك ياسليم، الضحكة بتنور وشك وبتخليك زي البدر المنور. طول عمرك حنين، يمكن اللي خلاني أحبك حنيتك. ضحكتك اللي بتخليني مش مركزة. عايزك تعرف إني حواليك. النفس اللي بتتنفسه، أنا كمان بتنفسه. عيش حياتك، شايفاك حزين، الحزن واضح فيك أوي. بتسعدهم كلهم بس انت لأ. كل سنة وانت طيب يا حبيبي.)

سليم بدموع: ااااااااه ياملاك انتي فين بقااا لي وجع القلب دا يارب. سليم لبس الهدوم اللي في الهدية وخرج. راح المكان اللي كان عامله لملاك. دخل وقعد وبيفتكر الليلة دي بكل تفاصيلها. ملاك: مش هتبطل تيجي هنا ياسليم، انساني بقاااا. وليد: يعني عجبك وجع قلبه دا ولا وجع قلبك انتي. ملاك: احنا كدا أحسن صدقني. وليد: أنا همشي.

ملاك فضلت قاعدة مستنية سليم يخرج. فصلت قاعدة وهو خرج. مشيت وراه وكانت أول مرة تمشي وراه. سليم فضل يمشى وفجأة قعد في الارض. سليم بدموع: ااااااااااااااااااااااااااه انتي فين يا امي محتاجك اوووي يا امي. ابنك بيموت بالبطيئ يا امي. ليه سبتيني لوحدي لي يا امي؟ حتى حبيبتي مش راضية ترجعلي. يارب هو انا وحش للدرجادى؟ قلبي بيوجعني اووووووووي. امي راحت مني، مش لاقي حبيبتي أضمها وأعيط في حضنها. انتي فين يا ملاك؟

حرام عليكي اللي بتعمليه فيا دا. لي بتعاقبيني على حاجة أنا مليش ذنب فيها؟ أنا حبيتك ياملاك وكنت ناوي أتوزك بجد مش رهان. لي تتعبيني كدا. سليم فرد جسمه على الطريق. ملاك مقدرتش تمسك نفسها. جريت بعيد عنه بتجري متعرفش هي رايحة فين. بتعيط وبس لحد ما وقفت من التعب. ملاك بدموع: آسفة آسفة، حقك عليا يا حبيبي بس غصب عني. تانى يوم. نهى: عمر حبيبي اصحى يابابا. عمر وباسها: صباح النور ياقلب عمر. نهى بإبتسامة: صباح الخير ياحبيبي.

عمر وحضنها: ضحكتك دي اللي مهونة عليا كتير اوووي. نهى وباست خده: ربنا يديمك ليا نعمة في حياتي ياحبيبي. يلا قوم. عمر: ويحفظك ليا ياحبيبتي. عمر قام ونزل قعد هو ونهى وولادهم. عبدالرحمن: بابا اسيل مخصماني ومش راضية تصالحني. عمر: لي كدا بس ياروحى. اسيل: علشان مش جابلي شيكولاتة امبارح. عمر: امممممم اصل هو امبارح كان نازل يجيب ل اسيل الشيكولاتة بتاعتها بس وقع ورجله وجعته علشان كدا مش جابها.

اسيل وجريت حضنت اخوها: أي دا معرفش خلاص مش زعلانة منك. عبدالرحمن بص لابوه وابتسم وعمر غمزله. نهى مسكت ايد عمر بحب على اللي عمله. عرف ازاي ميخليش يبقى فيه زعل بين الاخوات. ملاك في المكتب تعبانة. وشها مطفي مش قادرة. وليد: مالك. ملاك بدموع: تعبانة اوووي يا وليد. وليد: معرفش لي بتعملي في نفسك كدا. ملاك ومسحت دموعها: قوم عندنا شغل. سليم: ايوا يا أسر أنا رايح المطار. أسر: تمام خلي بالك من نفسك.

سليم: تمام وانت ابقا شوف......... صوت دوشة وكسر وصوت سليم اختفى. أسر بفزع: سليم سليم رد علياااا سليم. نسرين: في أي يا أسر. أسر طلع يجري على برا مش بيفكر في أي حاجة غير صحبه. أسر بعصبية: رد ياعمر بقااا.. أسر: ايوا يا ادهم عمر فين. ادهم: في اجتماع في حاجة. أسر: حصل.......... ادهم بصدمة: تمام هنحصلك. لو وصلت لأي حاجة رن عليا. ادهم جرى على عمر ودخل بسرعة. عمر: أي بابني. ادهم: سليم ياعمر عمل حادثة.

عمر الكلام نزل عليه زي الصعقة وطلعوا يجروا برا الشركة. على طريق المطار عربية سليم مدمرة. وعربية كمان كبيرة شوية مقلوبة بس مش اوووووي. سليم مش قادر يتحرك. سليم بتعب: شكلها النهاية. اسف ياملاك. سليم غمض عيونه من التعب. في المستشفى. كله بيجري. حالة طوارئ. ممرضة: دكتور وليد في مريض مصاب كتير اوووي وفي اوضة العمليات بسرعة يادكتور. وليد طلع يجري ومسك التقرير وعرف يقيم الحالة ودخل اوضة العمليات.

سليم في العمليات والباقي واقف متوتر وخايف. عمر قاعد ودموعه نزلت. اخوه بيروح منه. ملاك بتتمشى وشافت طفل بيعيط. ملاك: بتعيط لي يا جميل. ادم شال ايده من على وشه. ملاك: ادم حبيبي مالك يابابا. ادم بدموع: عمو بيموت يا طنط. ملاك وحضنته: بس ياحبيبي كله هيعدي. فين ماما. ادم مسك ايديها ومشي لحد اما وصلوا عند الشباب. كلهم في حالة صدمة. محدش مستوعب أي اللي بيحصل. هي فعلا ملاك قدامهم. نهى قربت منها بدموع. نهى: ملاك.

كلهم بصين لملاك بصدمة. محدش مصدق بعد الفترة دي. واقفة قدامهم. ملاك الدموع في عيونها. وفجأة اتكلمت بفزع. ملاك بدموع: سليم سليم فين ردي يانهى. نسرين سليم مش جوا صح. ندى حبيبتي انتي مش هتكدبي عليا. سليم فين. عمر: سليم جوا ياملاك. ملاك جريت على جوا وشافت سليم وهو نايم والاجهزة شغالة ووليد بيخيط فيه. وقعت اغمى عليها. : انت بتقول أي. ازاى شافوها. # دا اللي حصل النهاردة. كلهم شافوها. : طيب اقفل وأنا هتصرف.

سليم بتوهان: سامحيني ياملاك. عمر: انت صحيت اخيرا ياسليم. سليم وبدأ يركز في الصوت وفتح عيونه وشاف اخوه وأسر بس. سليم: اومال الباقي فين. أسر: موجودين بس. سليم باستغراب: بس أى. عمر: مفيش حاجة مهمة. بيتغدوا تحت وجاين معاهم ادهم وجاي. سليم: تمام. أي اللي حصل. أسر: وانت بتكلمني فجأة صوتك اختفى وصوت تكسير. جريت على العربية واتصلت بأدهم علشان عمر تليفونه مقفول وجم ورايا. سليم: مسبتنيش لي يا أسر.

عمر وضربه: انت عبيط ياض انت. وانا اعيش ل مين هاااا. أنا وانت مينفعش نعيش من غير بعض فاهم ولا لاء. انت سندي وأنا سندك ياسليم. واخر مرة تقول الكلام دا. يما والله انت حر. سليم وابتسم: يا أسر فكرة إني متكسر هنا. وحياة ابوك. أسر: عنده حق يعمل أكتر من كدا علشان حضرتك متخلف. فجأة الباب اتفتح. اسيل: سلييييييييم. سليم وحضنها: حبيبة سليم ياناس. عمر: يابت احترمى الراجل دا عمك. سليم: اسكت انت.

اسيل: سليم سليم ماما بتعيط جامد اووووووووي. عمر ل أسر بصوت واطي: اهي بنت الكلب دي اللي هتفضحنا. بنتي وأنا عارفها. تربية معفنة. سليم: لي كدا بس كل دا علشاني. اسيل: لاء بسبب طنط مزة اووووووي. سليم وضحك: طنط مزة وماما بتعيط علشانها. لي عاكست بابا وماما قتلتها يعني. اسيل: لاء هي فجأة جت مع ادم وكلهم شافوها ووقفوا. حتى بابا وماما. قربت منها وعيطت جامد وقالتلها ملاك. سليم برفع حاجب وبص لعمر وأسر: ملاك.

عمر: مش قولتلك بنت الفتانة دي اللي هتفضحنا. سليم: وأي كمان ياحبيبتي. اسيل: فضلت تسأل عليك وهي بتعيط جامد اووووووووي. وبابا قالها إنك موجود في الأوضة الكبيرة. هي جريت ودخلت. وبعد شوية خرجوها وهي نايمة على سرير ماما. وخالتو نسرين وندي وشرين كمان جروا وراها. وكانوا كلهم بيعيطوا. ودلوقتي ماما هناك والمزة نايمة. بس وهي نايمة جامدة برضوا. أسر: بنتك دي متربتش ربع ساعة. عمر: إذا كان أبوها مترباش هي هتتربى. اسكت ونبي.

سليم: طب تعرفي توديني هناك. اسيل: شووووور بيبي. عمر: منك لله يا اسيل يابنت عمر. سليم بقا يقوم براحة لحد اما وقف. أسر: ياسليم رايح فين بس. سليم بحدة: مش عايز اسمع صوت حد فيكم مفهوم. سليم مشي وهو شايل نفسه بالعافية. سليم لنفسه: يارب أنا تعبت بقاااا. يارب مش طالب أي حاجة في حياتي غير إنها تكون هي. وحشتني بقالي كتير بحاول من غيرها. طاقتي خلصت. سليم وقف هو واسيل قدام الأوضة واتنهد بقوة وفتح الباب.

سليم دخل وروحه رجعتله تاني. اخيرا شافها. ملاك فعلا تفاصيلها لسه جميلة زي ماهي. سليم بهدوء: برااااا الكل برااا. كلهم خرجوا محدش قدر يتكلم معاه. كلهم عارفين سليم مستني اليوم دا قد أيه. سليم قعد جمبها ومسك ايديها ودموعه خانته وعيط بحرقة على سنين عمره اللي ضاعت وهو بيدور عليها. وهي جنبه. بيعيط على حبيبته اللي اخيرا رجعتله. ملاك بدأت تفوق. ملاك بتعب: سليم. سليم بسرعة: حاسة بأي. تعبانة فيكي حاجة.

ملاك بدموع: حقك عليا. غصب عني والله و..... سليم بمقاطعة: هشششششششش. مش مهم أي حاجة. المهم إنك قدامي دلوقتي. أنا كنت بموت واخيرا روحي رجعتلي. مش هسمحلك تبعدي تاني. سليم خدها في حضنه وابتسم وهي كانت بتعيط. : خلاص ياماما كل حاجة باظت. هدى: اصبري وهتشوفي. سليم: برضوا مش هتقولي بعدتي لي. ملاك: لو سمحت بلاش تتعب نفسك. انت دلوقتي تعبان. بعدين نتكلم. سليم: حاضر ياملاك. ترن ترن. سليم: ايوا. : ............. سليم: انت بتقول أي.

: .............. سليم: تمام هقابلك بكرة.