رواية احببت منقبة الفصل الرابع 4 - بقلم روان عماد

حبيبه: خديجه الحقيني، في ناس بتجري ورايا ومش عارفه أعمل إيه. خديجه: طب أنتي فين؟ وفجأة الخط قفل. خديجه رنت، لقت التليفون مقفول. خديجه بعياط: أدهم، حبيبه رنت عليا وقالت إن في حد بيجري وراها والخط اتقفل. عند حبيبه: حبيبه: سيبوني بالله عليكوا، أنا لازم أروح. الشاب: نسيبك إيه يا قطة، دا إحنا ما صدقنا. يونس وهو ماشي بالعربية سمع صوت حد بيزعق ونزل. حبيبه بعياط: لو سمحت الحقني، معلش خليهم يسبوني، لازم ماما تاخد العلاج.

الشاب الثاني: محدش هيقدر ياخدك مننا. يونس: ليه يا روح أمك؟ وفجأة ضربوا بالبوكس وخد حبيبه ورا ظهره، ويونس رايح للشاب الثاني. الشاب: أنا معملتش حاجة. وطلع جري. يونس: أنتي كويسة يا آنسة؟ حبيبه بعياط: أيوا أنا كويسة، وشكراً أوي. يونس: اتفضلي منديل. حبيبه: شكراً. ممكن تليفون حضرتك أرن على صحبتي عشان أطمنها، وتليفوني وقع مني. يونس: طبعاً اتفضلي. يونس في سره: اللهم بارك، جميلة أوي. عند خديجه بعياط:

خديجه: يا أدهم هتتصرف إزاي؟ أنا خايفة عليها أوي. أدهم: اهدي، هنستنى شوية وننزل نبلغ. الأم: طب رني على والدتها. خديجه: مينفعش، والدتها مريضة قلب ولو عرفت حاجة ممكن تتعب. الأم: خير إن شاء الله يا بنتي. وفجأة تليفون خديجه رن برقم غريب. حبيبه: ألو يا خديجه. خديجه: حبيبه، فينك؟ طمنيني عليكي. حبيبه: اهدي يا بنتي، أنا كويسة الحمد لله. خديجه: الحمد لله، طب أنتي فين؟ أجلك. حبيبه بسرعة: تيجي فين؟

لا طبعاً مينفعش، أنا هجيب علاج ماما وهروح على طول. خديجه: حصل معاكي إيه؟ حبيبه: هحكيلك بكرة في الكلية. خديجه: خلاص ماشي، عاوزة حاجة؟ حبيبه: لا شكراً يا قلبي. حبيبه: شكراً بجد يا... يونس: اسمي يونس، وأنتي؟ حبيبه: اسمي حبيبه. يونس: تسمحيلي أوصلك. حبيبه: لا شكراً. يونس: مينفعش، الدنيا ليل وممكن الشباب تيجي تاني. حبيبه بخوف: خلاص ماشي، بس عاوزة أجيب علاج ماما. حبيبه: علاج قلبي. يونس: تمام، اتفضلي معايا.

وركبوا معاه العربية وجاب العلاج وراح وصلها. حبيبه: بجد أنا بشكر حضرتك جداً. يونس: العفو. وحبيبه نزلت من العربية. يونس بيلف ويرجع بالعربية وفجأة شاف الشنطة دي. نسيت الشنطة، لازم أطلعها، دي ممكن يكون فيها حاجات مهمة. وفجأة حبيبه داخلة الشقة، وهنا كانت الصدمة.