رواية احببت مربية الزواحف الفصل الحادي عشر 11 - بقلم زينب زكريا

الشاب: هتكون الطياره امتى؟ تمام، ماشى. متنساش تبعتلى التذاكر على الشركه. سلام. وبعد ما خلص المكالمه دخلت بنت شبه الولد بس على أنوثة حبيتين (لأنها توأمه) البنت: إيه يابني مالك مكلّم كده ليه؟ الشاب: مكلّم بسببك يا مليكة هانم. مليكة: وأنا مالي يالمبي؟ عملتلك إيه أنا يعني أكمني المسكينة في البلد دي؟ الشاب: مين دي اللي مسكينة؟ معلش. مليكة: أنا يا معتز بيه. معتز: كنت عايزة إيه؟ مليكة: كنت عايزة حلة محشي وحمام محشي فريك.

معتز: هو أنا فاتح شركة ولا مطعم؟ مليكة: مالك يا ميزو زعلان ليه؟ معتز: أنا حجزت طيارة لمصر. مليكة: هيييييي! وهرجع لأم الدنيا وأشوف هنا. وراحت بصت لمعتز بحزن. مليكة: بس هنا زعلانة مننا. معتز: مانا راجع مصر علشان أعمل المستحيل علشان هنا تسامحني. مليكة: بس هننزل أنا وانت ومعاز. معتز: هننزل كلنا؟ مليكة: هي أخبارها إيه دلوقتي؟ معتز: بقت انطوائية بسببنا. وكمان من فترة كانت بتربي زواحف.

مليكة وهي بتعيط: مبقتش تثق في حد بسببنا، وعلشان كده بتربي الزواحف. معتز أخد أخته في حضنه: زي ما دفعت بنت... على كل اللي عملته. وعد مني ليكي إني أخلي هنا تسامحني، وكمان هخليها تنقيلي عروسة على ذوقها. مليكة: ها، يبقى هتبقى لسعة يا معلم. معتز: أمال انتي وهي إيه عاقلين مثلا؟ مليكة: تصدق وحشني عربية عمو محسن وتحدي سندوتشاته. معتز: أه دنيا. معتز: هو انتي كنتي جاية ليه يا أختي؟

مش بما إنك المهندسة والسكرتيرة بتاعتي وأختي، تبقى بقيتي صحبة الشركة؟ مليكة: ياراجل. مليكة: على العموم، كنت جايه أقولك إنك انت وبابا، أقصد والد حضرتك، عندكم اجتماع كمان ساعتين. معتز: آه، أبقى فكريني أكلم بابا إننا هننزل مصر. مليكة: أوك. معتز: آه، وسي معزة، أقصد معاز بتاعك ده، تقوليله الشغل شغل. مليكة: نفسي أعرف نقرك من نقر خطيبي ليه. معتز: بتغازليني يعني؟ دا أنا موافق وعاصر على راسي شجرة لمون. مليكة: 🤣🤣🤣🤣🤣......

عند عمار وهو لسه بيكلم مامته. مامته: هه، زميلة برضوا؟ على ماما. عمار: والله يا ستي الكل، انتي ظالماني. مامته: هصدقك وأكذب عنيا. عمار: هي منه قالتلك إيه بالظبط؟ مامته: ما قالتش حاجة. دي منه مستغناش عنها أبداً، حبيبة قلبي. عمار في سره: أشوف فيكي يوم يامنة. 🤬 مامته: عمار، رحت فين؟ عمار: أنا هنا يا ماما. مامته: بما إننا هنا، زميلة ليك اللي مش عارفة مهندسة ودكتور مجانين، يوه أقصد نفسي، إنهم زملاء إزاي؟

مامته: على العموم، بكرة عازمة زميلتك ها هنا على العشا. متنساش تعزمها. عمار: طب يا ماما، افرض عندها شغل ولا حاجة، أجبرها تيجي يعني؟ مامته: أنا قولت تعزمها، ولو مجتشي، ولا انت ابني ولا أعرفك. عمار: هتتبري مني علشان عزومة؟ مامته: قولت إيه؟ موافق ولا لأ؟ خلصني علشان الكيكة هتتحرق. عمار: موافق يا ستي الكل، أصلي الكيكة بقت أهم مني. سلام يا ماما. مامته: متنساش تعزمها على العشا. عمار: حاضر والله هقولها. وبعد ما خلص المكالمة

عمار وهو بيكلم نفسه: هو أنا يما عايزة تجوزني؟ يما تتبرى مني؟ في أم تعمل كده؟ عمار: آه يا منه الكلب. وراح رن عليها. منه: الو، يا عمار. عمار: بقا ياسوسة تروحي تقولي لماما على هنا؟ دا أنا هعمل منك شورما وأفرق على الكلاب. منه: ليه بس؟ ده أنا فاعلة خير والله. عمار: فاعلة خير؟ ده من كلام ماما شكيت إني متجوز هنا. تصدقي؟ منه: لأ، مش للدرجادي يبني. هو انت وهنا اتجوزتوا؟ مش تعزموني؟