رواية احببت مربية الزواحف الفصل السادس عشر 16 - بقلم زينب زكريا

مليكه: ما أنا نسيت إني عاملة نسخة للملف. معتز: مستهترة والله. بعد كده ابقي افتكري وبلاش الأكل على الملفات. مليكه: حاضر. معتز: يلا تعالي شيلي معايا الشنط. مليكه: بابا شكله بينده عليا. معتز: خدي يابت، طب شيلي شنطتك. بتهربي من الشنط يا جزمة. ماشي ماشي. مليكه: الحمد لله هربت من شيل الشنط. ركبوا العربية متجهين للمطار. ... عند عمار. بعد ما خلصوا أكل. ملك: ماما أنا هاخد هنا أوضتي نتكلم مع بعض. الأم: طب خدوني معاكم.

في أوضة ملك. ملك: ها، قولتي إيه؟ الأم: قالت إيه؟ في إيه؟ هنا: بصي، أنا موافقة إني أسيب حب حياتي اللي هي النوم وأذاكرلك بس. ملك: بس إيه؟ هنا: إني أذاكرلك بس، وإنك هتيجي تقيمي عندي. منها أذاكرلك براحتي ومنها هتفهمي أكتر. الأم: أنا موافقة، بس انتي أكيد عندك إخوات ولاد، فمش هينفع. هنا: أنا أصلاً قاعدة في الشقة لوحدي. الأم: ليه يا حبيبتي؟ أمال فين أهلك؟ هنا: بابا وماما متوفين.

الأم بحزن: ربنا يرحمهم. ومن النهاردة اعتبريني مامتك. هنا اكتفت بـ: 😊. ملك: يا ماما موافقة ولا لأ؟ الأم: أنا موافقة طبعاً. وبصت لهنا: ما تاخديهاش وتديني كيس مكرونة. هنا: ههههههه. مش لدرجة المكرونة يا طنط. الأم: واقفة ومتنحة ليه يا ملك؟ روحي جهزي نفسك، ولا أغير رأيي؟ ملك: حاضر. ملك راحت تجهز أغراضها، ومامتها وهنا قعدوا يتكلموا. عند عمار وباباه. أمجد: اتعرفت على هنون إزاي يا عمار؟ عمار: لو سمحت يا بابا، اسمها هنا.

أمجد: ههههههه. بتغيري من أبوك؟ عمار: بس دي إيه؟ حلوة النهاردة. أمجد: اخرس يازفت. بتعاكسها قدامي؟ عمار: أديك يا حج حسيت باللي أنا حاسه دلوقتي. أمجد: لاحظ إنك بتلف وتدور ومقلتليش. عمار: الحكاية... وحكى لباباه كل حاجة. أمجد: 😂😂😂😂😂 مش قادر. عمار: بتضحك ليه يا حج؟ أمجد: لا، أصل ما كنتش مصدق إنها كانت بتربي زواحف، ودلوقتي اتأكدت. أه، أوعى تقول لمامتك إنها بتحب الزواحف، انت عارف إن عندها فوبيا منها.

عمار: ده اللي خايف منه يا حج. الوقت اتأخر. أنا رايح أشوف هنا إذا كانت هتمشي ولا لأ. في أوضة ملك. ملك: أنا خلصت، يلا يا هنا. الأم: روحي انتي، وخلي هنا تقعد معايا. أنا حبيتها أوي. هنا: وأنا كمان حبيتك والله. ملك: والله؟ يلا يا هنا، مستقبلي بيضيع. الأم: يلا يا فاشلة. ملك: شكراً على تشجيعك ليا يا ست الكل. الأم: العفو. عمار دخل الأوضة. عمار: يلا يا هنا، الوقت اتأخر. ملك: آه، يلا يا هنا. عمار: إنتي لابسة راحة فين؟

ملك: معاكوا. الأم: أصل ملك راحة مع هنا عشان تذاكرلها. عمار: آه. ووشوش أخته: إنتي الاستغلال بيمشي في دمك. ملك: دي بقت صديقتي زي ما هي صديقتك 😉. الأم: مالك بتوشوشوا بعض كده ليه؟ مش متعودة على كده. ملك: ولا حاجة يا ست الكل. عمار: طب يلا انتي وهي. وبعد سلام طويل مشيوا ووصلوا شقتهم. عمار وهو بيتاوب: طب تصبحوا على خير. ولما تعوزوا حاجة ابقوا صحوني، أقصد قولولي. ودخل كل واحد شقته. عند شقة هنا. دخل هنا وملك الشقة.

ملك: الله. شكلها حلو أوي. اسمها إيه؟ هنا: ..........