رواية احببت مربية الزواحف الفصل التاسع عشر 19 - بقلم زينب زكريا

عند البنات هنا: طالعة قمر يامنون منه: بس انتي اللي موزة، ده لو عمار شافك هيخطبك دلوقتي. هنا بعدم فهم: يخطبني ليه؟ احنا أصدقاء بس، انتي فهمتي إيه؟ هاجر: هي متقصدش، أصل منه مدب ولا إيه يا سحر انتي وملك؟ سحر: ومدب ليه؟ هو يعني عمار مش بي... ملك وهي حاطة إيدها على فم سحر: دي مدب، وسحر مدب أكتر، متخديش في بالك. هنا: حاسة إنكم مخبيين عليا حاجة.

جاسكا: أنا آسفة كتير، كنت بكلم حسن عشان يظبط لنا الأغاني، وانتي حبيبتي ملك، سيبي سحر، رح تتخنق. ملك وهي بوشوشها: هسيبك بس، نو كلام عشان هي متعرفش. سحر: 👍 وملك سابتها. أجى مروان عشان ياخد عروسته، عشان المعازيم اجت في القاعة. مروان: إيه القمر اللي قدامي ده ياناس؟ منخليها كتب كتاب علطول. منه: أنا قولت مش هتجوز غير مع عمار، واحنا اتفقنا على كده. مروان: يابنتي ده معنس. ملك: اسكت، ده أخويا حبيبي، ومينفعش تقول كده.

مروان: هو أنا بكذب يعني؟ ده شعره بعد كام شهر هيبقى أبيض، ولسه متجوزشي؟ وقال إيه؟ لسه ملقتش نصي التاني. عمار وهو وراه بالظبط: وايه كمان؟ مروان: ده... وبيـبص وراه... أبو نسب! لسه بقولها يارب عمار يلاقي نصه التاني، عشان أنا وعدها إننا هنتجوز معاك. ملك: قلبت فرخة ليه؟ مروان: اسكتي، الله يخرب بيتك. منه: انتي سمعت بنفسك ياعمار، واحكم. مروان: أه يامنه الـ...

عمار: تعرف لولا منه بتحبك، كنت خطفتها، وخلّيت انتي اللي فـ القاعة مع المعازيم. مروان: حبيبي يا أبو نسب. طبعًا عمار من ساعة ما دخل وهو عينه على هنا. مروان وهو بيرد على التليفون: أيوه ياحمايا العزيز، أنا جاي اهو، مسافة السكة. صالح: طب بسرعة عشان القاعة اتملت ومستنيينكم. وقفل معاه. مروان: يلا يا جماعة عشان المعازيم اجت. وبعدين كل واحدة أخدت شنطتها وطلعوا بره فيلا عيلة منه. يوسف: ساعة لحد ما تيجوا.

عمار: على أساس انتي وزياد مش لسه جايين أصلاً؟ زياد: إحنا مستنيينكم من بدري على فكرة. عمار: وليه مدخلتوش؟ يوسف: اهو اللي حصل، يلا بقى. يوسف وسمر وزياد وهاجر فـ عربية، وأجى حسن متأخر، وركب معاه جاسكا، وعمار وملك وهنا في عربية. ومشوا متجهين للقاعة. .......... عند معتز علي: كله جهز، الوقت اتأخر. مليكة: أنا جهزت أهو يحج. معتز: وأنا كمان يحجوج، الدور والباقي على الست اللي مأخرانا.

الأم: شكلك عايز تتربى، أنا أصلاً جاهزة قبليكو، بس نسيت حاجة. علي: حصل خير، يلا. ومشوا. عند القاعة كانت متزينة، وكانت في غاية الروعة، وكان في فقرات للعروسين. كلهم نزلوا، وكان عم هنا، أجا وقت ما هنا اجت. هنا: عمو...........