رواية احببت مصارع الفصل الأول 1 - بقلم يوستينا سامي

فهد بيجري في الأوضة: لا والنبي والنبي. إبراهيم بدهشة: لا إيه يا فهد يا ابني حرام عليك، ده أنا بقولك شوفها يابني شوفها. فهد: لا يا بابا ولله مش عايز. بص مش حابب ومش فاضي. وبعدين حرام عليك رايح تجيب لابنك حبيبك مدربة مصارعة، تتجوزها ليه؟ قالولك عليا جيمس بوند؟ ده أنا تافه، ده أنا بخاف من الكلاب. وطلع يجري من الأوضة. إبراهيم بحدة نزل وراه: طب إيه رأيك بقى إنك هتتجوزها يعني هتتجوزها، يمكن تسترجل كده شوية.

فهد بصوت عالي: شوفت.. شوفت كنت لسه فوق بتقولي من ثانية شوفها بس، دلوقتي جوزتهالي. أنا عارف إني هتدبس. إبراهيم: يوووه يا فهد بطل لعب عيال يا ابني، أنت مش صغير. وبعدين خلاص أنا أخذت قرار، هنسافر يوم الجمعة الجاية إسكندرية. خلاص سامع. وسابه وطلع أوضته. فهد: يالهووي.. لا يالهووي بجد.. أنا فهد اتجوز وكمان راجل؟ لا يا ربي كده كتير أوي.. يوسف هو مافيش غير يوسف، يمكن يهجرني برا مصر، يهربني من أبويا. رد بقى يا يوسف.

في بيت يوسف كان نايم (ويوسف يبقى ابن عم فهد بس ضابط) يوسف بنوم: الووو. فهد: يوسف الحقني والنبي. يوسف بخضة: إيه؟ أبوك جراله حاجة؟ فهد بصدمة: أكيد جراله يا يوسف، أكيد. يوسف قام بسرعة من السرير: أكيد إيه يا بني آدم أنت. عمي ماله يا بني؟ فهد: أبويا اتجنن يا يوسف وعايز يجوزني واحد صاحبه. يوسف بصدمة: مين معايا؟ فهد: أنت نايم ولا إيه؟ لا والنبي فوق كده وصحصح معايا. يوسف: فهد أنت كويس ولا شارب حاجة يا حبيبي؟

يجوزك واحد صاحبه إزاي؟ أكيد تقصد بنت واحد صاحبه. فهد: لا هو ابن واحد صاحبه.. صدقني يا يوسف وانقذني. يوسف بدهشة: ولاااه أنت بتشرب إيه بالظبط؟ الدماغ دي مش طبيعية. فهد: لا ولله. بص أنا هحكيلك بس لما أجلك.. أنت في البيت صح؟ يوسف بخنقة: أيوة في الزفت يا زفت. فهد: قشطة وأنا جاي سلام. يوسف: ماشي مستنيك. في إسكندرية. هنا: يوووه يا ماما أنا مش فاهمة بقى عايزاني أفضي أوضتي علشان الضيوف، وأصلاً في أوضة للضيوف وأوضة عمر.

منال: يا حبيبتي ما الأوضة واحدة وأوضة أخوكي كمان مش هتكفي، فاقعدي أنتِ ونور في أوضة واحدة. هنا: ليه بقى؟ أنتوا هتجيبوا كام واحد يعني؟ وكمان هيقعدوا قد إيه يا ماما؟ منال: بقولك إيه أنا معرفش، أبوكي هو اللي عازم. وبعدين كمان اللي هيقعدوا في أوضتك رجالة، فشلي كل هدومك. هنا: كُماااان رجالة؟ رجالة؟ مناااال! منال بصدمة: منال في عينيك يا بت، اتلمي. هنا: رجالة مين يا نولا اللي جايين بيتنا هااااا؟ اعترفي.

منال: يووه ما أنا قولتك صحاب أبوكي يا هنا. هنا: صحاب أبويا إيه اللي هيقعدوا في بيتنا وفي أوضتي كمان؟ ماينزلوا في أي فندق أو شقة. منال: معرفش يا هنا، لما أبوكي يرجع يا حبيبتي افهمي منه براحتك، بلا وجع قلب. هنا: يوووه ولله الموضوع مش مريحني خالص. عمر. هو الواد عمر وفعلاً راحت أوضته ولاقته نايم، ولعت النور. انت يا بني يا عمر؟ حاولت تصحيه بكل الطرق بس ما فيش فايدة، فجات في دماغها فكرة.. قوم يا عمر فريدة بترن عليك. عمر

بدهشة نط من على السرير: بجد فريدة؟ هنا: آه يا واطي يا كلب، بقي عمالة أصحى فيك بقالي ساعة، وفي الآخر تصحى لما تعرف إن فريدة بتتصل. عمر مسك الموبيل: يعني بتحوري عليا يا غبية. هنا: ولله ما في حد غبي غيرك. عمر مسكها من قفاها: يا ماما تعالي خدي بنت من الشارع لأني هرميها من البلكونة. هنا: بس يا عمر بقى بدل ما أزعلك على إيديك دي. قولي بقى إيه موضوع الضيوف دول؟ عمر بفهم: أه فهمت، جاية تستجوبي يعني.

هنا: عمر اخلص مش ناقصة، مين دوووول؟ عمر: ولله دول ولله أعلم عرساااان. هنا بصدمة: نعععععم. في بيت يوسف. يوسف: يا بني حرام عليك، بقالك ساعة عمال تلف حواليا، ارحم أمي بقى ولله دوخت. فهد: أعمل إيه يا يوسف.. فكر بقى أبويا اتجنن ولله. يوسف: تعمل إيه في إيه يا حيوان؟ هو أنت لسه حكيت حاجة يا غبي؟ ما تترزع بقى واحكيلي لله. فهد: اهو قعدت بدأ يحكيلوا كل حاجة. يوسف.. فهد: إيه يا يوسف ساكت ليه؟ ماتتكلم.

وفجأة يوسف انفجر من الضحك: 😂😂😂 ولله ما قادر.. هتتجوز يا بيضة أنت. وكمان مصارع يا عيني. فهد: أنت بتتريقي يا يوسف الكلب أنت.. الباب بيخبط. باترا مين جاااي كمان؟ ماهي كملت. يوسف بضحك: قوم افتح هههههههه. فهد: يا أخي ده أنت مستفز يا بارد. وفعلاً فتح الباب. أدهم: الحقني والنبي من يوسف. أدهم: إيه في إيه.. يوسف مالك بتضحك إيه كدة.. أنتوا بتعملوا إيه؟ يوسف: ههههه الحق فهد ههههه. فهد بعصبية: ولله هسيبكوا وأمشي بجد.

يوسف: لا ولله خلاص بجد أنا هتكلم معاه بس هههههههه. أدهم: لا والنبي أنت وهو افهم.. بدأ فهد يحكي وبدأ أدهم يضحك. فهد: لا بقى ولله لأسيبكوا وأمشي، جاتكوا القرف. وجاي يفتح الباب.. كانت مفاجأة. 😳😂