رواية احببت متهم الفصل السادس عشر 16 - بقلم نهلة ايمن

ايه بصت لجاك وقالت: يا حبيبي يا جاك، قتلت إسلام علشاني. جاك بصدمة: نعم؟ ايه قربت منه وقالت: بجد، مكنتش أعرف إنك بتحبني لدرجة دي. جاك: اخرسي، هتدبسيني في مصيبة. ايه وقفت قدام عادل وقالت بغضب: إسلام يستاهل لأنه آذاني كتير، وجاك هو حب حياتي وأنقذني منه. جاك كتم بوقها وقال: اسكتي يا بنت المجنونة، اسكتي. ليو: حضرتك، الكلام ده غلط، جاك مقتلش حد. جاك: آه والله ما قتلت حد، أنا غلبان. عادل بغضب:

والله مش شغلي، مطلوب مني أقبض عليك. عدنان بصوت عالي: اكيد طبعاً، لازم تقبض عليه، بس البيوت ليها حرمة. جاك بسخرية: والله ماشوفت حرمة واحدة عدلة من ساعة ما جيت. عادل بضيق: إحنا هناخدوه ونمشي. عادل مسك إيد جاك وكان هيحط الكلبش في إيده، بس فجأة سمعوا صوت ضرب نار. عادل: إيه ده؟ عدنان بهمس: اجري وخد مراتك وامشي. جاك: تمام. جاك مسك إيد إيه وقال: يلا. ايه: فين؟ جاك بغضب: اخرسي يا بنت المفضوحة، فضحتِ أمي.

جاك جري هو وإيه، وعادل طلع مسدسه وصوّب ناحيتهم، بس عدنان زق إيد عادل وقال: اسندني يا ابني، هقع. عادل بصدمة: نعم؟ عدنان ساند على عادل وفضل يمثل عليه إنه تعبان. أما جاك وإيه طلعوا من القصر، وليو وقف عربيته قدام القصر. ليو: اركب يلا بسرعة. جاك وإيه ركبوا العربية، وليو اتحرك. ايه: الحمد لله قدرنا نهرب. جاك بص لها بغضب وقال: عايز أقولك إني هكون أول عريس يطلق مراته يوم الفرح. مريم بضحك: معلش، هي متسرعة شوية. جاك بغضب:

دي لبستني القضية. ليو بسخرية: كله بسبب قرفك. جاك بسخرية: قرفي هو اللي قتل إسلام يا عيني. ليو بضيق: مش كدا، بس ده تخليص ذنوب مش أكتر. جاك بغضب: أقسم بالله لرمي نفسي من العربية، ما انت رايق يا أستاذ، مش متهم بقضية قتل زيي. ليو بضحك: اهديه يا ابني، كلنا جنبك. ايه: احم، يعني مش انت اللي قتلت؟ جاك بص لها بغيظ: يخربيتك، أنا عملت إيه عشان أتجوز واحدة دماغها جزمة. ايه بغضب: يعني انت مش قتلته علشاني؟ جاك حط إيده على وشه وقال:

صبرني يا رب، أنا غلبان يا رب. يعني مش معانا أنا، ما ليو والله كان مقضيها مع البنات وكل شهر يصاحب بنت. مريم بغضب: ده بجد؟ ليو: احم، ده ماضي وخلاص راح. جاك: أيوه هو ماضي، ليه أنا أتحاسب عليه؟ مش معانا أنااااا، قولي قووللي، مش معانا أنا. هتجنن، مين بيعمل فينا كدا؟ ليو: اهديه يا حبيبي، أنت كدا هتتحن. مريم بغضب: رد عليا، مين البنات دول؟ جاك بصوت عالي: اقعدي على جنب كدا، ونبي يا حاجة، مش وقتك. مريم بضيق:

بكلم جوزي، مالكش دعوة. جاك بص لها وقال: بذمتك، انتي عندك دم؟ أنا مستقبلي بيضيع. ليو: اهديه والله مش هيحصل حاجة، أنا عارف مين بيعمل كدا ومش هرحمه. جاك بص له بضيق: مين؟ ليو بص لمريم وقال: أمير. مريم بصدمة: أميرررر؟ ليو بضيق: آه، وعلفكرة هو مش أعمى، أنا هكرت كل الأجهزة بتاعته، ده هكر شاطر. جاك: أوباا، هكر، الله يرحمك يا جاك، كنت طيب والله. ليو: إيه، مش واثق في أخوك؟ أنا هعرف إزاي أوقعه في شر أعماله. ايه:

تعرف، كنت واثقة إن أمير ده مش كويس. مريم بحزن: طب هو ليه يعمل كدا؟ جاك: لا، السؤال الأهم، لييييه؟ أنا لييييه؟ ايه بضيق: مهو قالك بسبب قرفك. جاك بغضب: شيلوها من عليا عشان مطلقهاش. ليو بضيق: العربية مش عارف مالها. ليو وقف العربية وبعدين حاول يدورها، مدرتش. جاك بسخرية: كملت يا معلم. ليو بص على الطريق لقى فاضي ودنيا ضلمة جداً. ايه بخوف: إيه الأصوات دي؟ جاك بص لها وقال: حد قالك قبل كدا إنك نحسة؟ ايه بغضب:

مهو كل ده بسبب قلة أدبك، لو كنت محترم ما كان كل ده حصل. مريم بخوف: ليو، أنا خايفة أوي. ليو بضيق: معرفش، ده حظ مين المنيل ده. جاك: حظي يا أخويااا، حظييييي أنا. إيه اللي نزلني مصر. ايه بخوف: ججج... جاك: إيه يا بنتي، هو اسمي صعب لدرجة دي؟ مريم برعب: بصوا قدامكم. ليو وجاك بصوا قدامهم، لقوا شخص واقف قدام العربية ولابس قناع ولبسه كله أسود وفي إيده فاس. ليو بصدمة: إيه ده؟ جاك بحسرة: مهو ده ناقص أموت كمان.

الشخص شال الفاس وكسر إزاز العربية بالفاس.